Mubo nga mga Sulat sa Komperensiya

Mga Tabanog ug Mga Pakigsaad

Si Presidente Oaks namulong mahitungod sa usa ka batang lalaki ug sa iyang amahan nga nagpalupad og tabanog. Ang batang lalaki nangutana kon mahimo ba nilang putlon ang tugot atong mas molupad pa og mas taas ang tabanog. Gipasabot sa amahan nga ang pagputol sa tugot makapatugpa sa tabanog. Ang tugot nahisama sa mga pakigsaad nga mokonektar kanato ngadto sa Langitnong Amahan ug ni Jesukristo. Ang pagtuman sa atong mga pakigsaad makatabang kanato nga mas mapaduol ngadto Kanila.

Nagtudlo kini kanako sa:

Ang Stained-Glass nga Bintana

Si Elder Uchtdorf nabunyagan 75 ka tuig ang milabay! Ang iyang pagpamatuod nagsugod sa bata pa siya didto sa Germany. Mahinumdoman pa gihapon niya ang sagradong mga pagbati nga iyang nasinati samtang nagtan-aw sa dikolor nga bildo nga mga bintana nga adunay hulagway ni Jesukristo diha sa ilang kapilya. Ang Espiritu mipamatuod ngadto sa iyang hunahuna ug kasingkasing nga si Jesukristo mao ang Manluluwas sa kalibotan.

Nagtudlo kini kanako sa:

Nagtutok ngadto ni Jesus

Si Elder Egbo misulti mahitungod sa Nigerian football team sa mga lalaki alang sa 1996 Olympic Games. Wala sila’y labing daghang salapi o labing maayo nga pagbansay. Apan sila nakatutok sa ilang tumong, wala mitagad sa uban pang mga makabalda, ug nakadaog og bulawan! Kon atong ibaliwala ang mga makabalda sa kalibotan ug tutokan si Jesukristo ug ang Iyang ebanghelyo, kita makakaplag usab og kalamposan.

Nagtudlo kini kanako sa:

Pagpangutana

Si Sister Browning miingon nga hangtod sa 1992, ang mga siyentista naghunahuna nga ang Pluto ang ngilit sa atong solar system. Apan ang mga siyentista mipadayon sa pagkat-on ug nangutana og mga pangutana. Karon nahibaloan nato nga adunay daghan kaayo nga madiskobrehan lapas sa Pluto! Kon kita adunay mga pangutana, makadangop kita ngadto sa Langitnong Amahan. Ang sinsero nga mga pangutana sa ebanghelyo makatabang kanato nga makakat-on ug molambo.

Nagtudlo kini kanako sa: