Konektado Pinaagi sa mga Pakigsaad

Ang mga pakigsaad mosumpay kanato sa Langitnong Amahan ug ni Jesukristo. Pinaagi sa pagtuman sa atong mga pakigsaad, makadawat kita og langitnong tabang ug kusog. Si Presidente Russell M. Nelson mitudlo, “Sa higayon nga kamo ug ako mohimo og usa ka pakigsaad uban sa Dios, ang atong relasyon uban Kaniya mamahimong ingon ka suod kay sa wala pa ang atong pakigsaad. … Tungod sa atong pakigsaad uban sa [Dios], Siya dili gayod kapoyon sa Iyang mga paningkamot sa pagtabang kanato.”

Paghimo og usa ka kadena gikan sa mga gipangsumpay nga pakigsaad aron sa pagpahinumdom kaninyo sa inyong pakigsaad sa bunyag! Dayon isab-it kini sa dapit nga makit-an nimo.

Paggunting og 6 ka piraso nga papel nga ang sukod 1 ka pulgada (2.5 ka sentimetro) ang gilapdon ug 8 ka pulgada (20 ka sentimetro) ang gitas-on.
Sa matag piraso, pagsulat og usa ka paagi nga inyong masunod ang inyong pakigsaad sa bunyag. (Ang lista sa ubos makatabang.)
Pagkuha sa unang piraso ug idikit ang isig ka tumoy aron makahimo og lingin. Dayon isulod ang ikaduhang piraso sa sulod sa lingin og ipapilit ang isig ka tumoy. Padayon sa pagdugang og sumpay hangtod makahimo kamo og kadena!

Hinumdomi sa kanunay si Jesukristo
(tan-awa sa Doktrina ug mga Pakigsaad 20:77, 79)
Moalagad sa Dios ug motuman sa Iyang mga kasugoan
(tan-awa sa Mosiah 18:10 ug sa Doktrina ug mga Pakigsaad 20:77)
Mopamatuod ni Jesukristo ug mahimong usa ka ehemplo
(tan-awa sa Mosiah 18:9 ug sa Doktrina ug mga Pakigsaad 20:77, 79)
Tabangi ang uban
(tan-awa sa Mosiah 18:8–9)