Mga Balita sa Komperensiya

Ganahan kong maminaw sa mga apostoles ug sa atong propeta, si Presidente Russell M. Nelson, nga namulong diha sa komperensiya. Ganahan ko nga adunay usa ka propeta nga 100 ang panuigon!

Luciano F., edad 6, Magallanes, Chile

Ang akong presidente sa branch mihimo og pahina alang sa pangutana ug tubag sa komperensiya alang sa mga bata sa Primary. Nakatabang kini kanako nga maminaw sa mga pakigpulong sa komperensiya. Makalingaw gyud kadto kaayo!

Yen-Ting C., edad 10, Changhua County, Taiwan

Ang kinatibuk-ang komperensiya mao ang labing maayong panahon sa pagtinguha ug pagdawat og personal nga pagpadayag.

Janice K., edad 12, Goa, India

Ang pag-awit diha sa kinatibuk-ang komperensiya makapalipay kanako, ilabi na kon ako nag-awit mahitungod ni Jesukristo ug sa Langitnong Amahan.

Annelise G., edad 10, Utah, USA

Gatosan ka mga bata gikan sa Utah, USA, mikanta sa sesyon sa Sabado sa hapon. Tulo sa mga awit nga ilang gikanta gikan sa bag-ong Hymns—For Home and Church [Mga Himno—Alang sa Panimalay ug sa Simbahan].

Ang mga templo gitukod sa tibuok kalibotan! Pila ka templo ang gipahibalo ni Presidente Nelson niini nga komperensiya?

• 8 diha sa North America

• + 1 diha sa Caribbean

• + 1 diha sa Central America

• + 2 diha sa South America

• + 2 diha sa Europe

• + 3 diha sa Africa

• = ___ ka templo

• 190 ang gigamit na

• 116 ang gipahibalo

• 50 gitukod pa

• 7 ubos sa pagpaayo

Sa dihang gisugdan ang kinatibuk-ang komperensiya 194 ka tuig na ang milabay, usa lamang ka gamay nga grupo sa mga tawo ang makadungog sa propeta sa personal.

100 ka tuig na ang milabay, mahimo silang maminaw sa komperensiya sa radyo.

75 ka tuig na ang milabay, sila makatan-aw niini diha sa TV.

25 ka tuig na ang milabay, sila makatan-aw o makapaminaw na online.

Karon, ang mga tawo mahimong motan-aw o maminaw sa kinatibuk-ang komperensiya bisan asa sa kalibotan!