Pagsunod ni Jesus diha sa Kenya

Nagsunod si Martin kang Jesus pinaagi sa pagkat-on mahitungod Kaniya. Sa dihang nahimamat ni Martin ang mga misyonaryo, sila mihatag kaniya og pamphlet mahitungod ni Jesukristo. Si Martin adunay kakulangan sa panan-aw, mao nga dili niya mabasa ang gagmay nga mga pulong. Apan gusto gihapon niya nga makakat-on og dugang pa.

Ang mga misyonaryo mihatag ni Martin og kopya sa Basahon ni Mormon sa braille. Ang Braille usa ka matang sa sinulat nga pinulongan alang sa mga tawo nga buta o adunay kakulangan sa panan-aw.

Si Martin mipili nga magpabunyag kauban sa iyang papa. “Mapasalamaton ko sa Simbahan ni Jesukristo,” miingon si Martin. “Ako nasayod nga kini tinuod.”

Edad:10

Gikan sa: Nairobi, Kenya

Mga pinulongan: English, Swahili

Mga tumong: 1) Ipahibalo ang ebanghelyo ni Jesukristo. 2) Moserbisyo og misyon. 3) Mahimo nga abogado.

Mga kalingawan: Magdula og chess, motabang sa iyang papa sa iyang negosyo nga maghimo og mga sinina

Pamilya: Martin, Papa, magulang nga igsoong lalaki

Istorya sa Basahon ni Mormon: Sa dihang ang mga palas-onon sa mga Nephita gihimo nga gaan (tan-awa sa Mosiah 24)

Holiday: Mashujaa Day (Adlaw sa mga Bayani)

Prutas:Mga peras

Kolor:Asul

Awit sa Primary: “Ako Anak sa Dios” (Songbook sa mga Bata,2–3)