Dali, Sunod Kanako nga mga Kalihokan

Alang sa Mormon 1–6

Gihigugma ni Mormon ang mga Nephita (tan-awa sa Mormon 3:12). Ang Langitnong Amahan ug si Jesukristo naghangyo usab kanato sa paghigugma sa uban. Pagbarog nga nag-alirong ug piyonga ang imong mga mata. Pag-ihap ngadto sa tulo, dayon ibuka ang imong mga mata ug tan-aw sa usa ka tawo. Kon makatutok ka niya sa iyang mata, pagsulti og usa ka butang nga imong ganahan mahitungod sa usag usa ug pahawa sa lingin. Padayon hangtod nga usa na lang ka tawo ang mahabilin! Dayon ang tanan mosulti og ilang ganahan mahitungod niana nga tawo.

Alang sa Mormon 7–9

Kon kita mosunod ni Jesukristo, ang Langitnong Amahan makapanalangin kanato og mga milagro. Basaha ang Mormon 8:24 ug drowinga ang usa sa mga milagro nga gilarawan diha sa bersikulo. Samtang kamo magdrowing, hisgoti ang mahitungod sa unsay mga milagro nga gihimo sa Langitnong Amahan alang sa inyong pamilya.

Alang sa Ether 1–5

Ang igsoong lalaki ni Jared mihangyo sa Ginoo sa paghikap sa mga bato aron ang ilang mga barko maadunay kahayag (tan-awa sa Ether 3). Panguha og mga bato gikan sa gawas o paggunting og mga lingin gikan sa mga piraso sa papel. Diha sa inyong mga bato o papel, isulat, idrowing, o ipintal ang mga butang nga inyong mahimo aron mahatagan og kahayag ug gugma ang uban.

Alang sa Ether 6–11

Samtang sila mibiyahe tabok sa dagat, ang igsoong lalaki ni Jared ug ang iyang pamilya nanganta og mga pagdayeg ngadto sa Ginoo aron sa pagpasalamat Kaniya sa pagtabang kanila (tan-awa sa Ether 6:9). Kamo makakanta usab aron magpasalamat sa Ginoo! Pagpili og paborito nga awit gikan sa Songbook sa mga Bata o website sa Simbahan ug pagdungan og kanta niini. Unsaon pa ninyo sa pagpakita sa Langitnong Amahan nga kamo mapasalamaton?