“Ang Igsoong Lalaki ni Jared,” Higala, Nobiyembre 2024, 24–25.
Pagkat-on mahitungod sa Basahon ni Mormon
Ang Igsoong Lalaki ni Jared
Ang mga Jaredita naghimo og sirado nga mga barko nga gitawag og mga kasko aron mobiyahe sa gisaad nga yuta.
Apan ang igsoong lalaki ni Jared adunay pangutana. Unsaon nila sa pagginhawa diha sa mga kasko? Nag-ampo siya alang sa tabang, ug ang Ginoo miingon nga maghimo og mga lungag diha sa mga kasko alang sa hangin.
Ang igsoong lalaki ni Jared adunay lain pa nga pangutana. Unsaon nila nga maadunay kahayag? Niining higayona, ang Ginoo nangutana kon unsa ang gusto sa igsoong lalaki ni Jared nga Iyang buhaton aron ang mga Jaredita maadunay kahayag.
Dayon ang igsoong lalaki ni Jared adunay ideya. Iyang gihangyo ang Ginoo nga hikapon ang 16 ka gagmayng bato. Sa dihang gihikap kini sa Ginoo, kini misiga!
Makapangutana kita sa Ginoo sa atong mga pangutana. Gusto Niya nga motabang kanato sa pagsulbad sa atong mga problema.
Dula Bahin sa Kasulatan [Scripture Challenge]
-
Diin man gitago ni Ammaron ang bulawan nga mga palid aron pangitaon ni Mormon? (Mormon 1:2–3)
-
Unsa ang gibarogan sa Ginoo samtang Siya nagsulti sa mga Jaredita kon asa sila mobiyahe? (Ether 2:5)
-
Diin gidala sa Ginoo ang mga katigulangan ni Shule? (Ether 7:27)
Makabasa Ako sa Basahon ni Mormon!
Pagkahuman nimo og basa, kolori ang usa ka bahin sa hulagway. Mahimo nimo nga basahon kining mga kasulatan nga kauban sa matag semana nga basahon gikan sa Dali, Sunod Kanako.
-
Semana 1: Mormon 3:20–22
-
Semana 2: Mormon 7:8–10
-
Semana 3: Ether 4:11–12
-
Semana 4: Ether 6:12
Mga paghulagway pinaagi ni Brooke Smart