Si Jesukristo Moanhi Pag-usab

Ang Manluluwas mihimo niini nga saad diha kaninyo, “Ako anaa sa inyong tuo nga kamot ug sa inyong walà, ug ang akong Espiritu mahimo nga anaa sa inyong mga kasingkasing, ug ang akong mga anghel anaa libut kaninyo, aron sa pagtabang kaninyo” (Doktrina ug mga Pakigsaad 84:88).

Gidala ni Jesukristo diha sa Iyang Kaugalingon ang inyong mga sala, ang inyong mga kasakit, ug ang inyong mga kaguol. Siya mopasaylo kaninyo kon kamo maghinulsol. Siya mopanalangin kaninyo sa unsay inyong gikinahanglan.

Karon ako manawagan kaninyo sa pagtabang sa pag-andam sa kalibotan alang sa Ikaduhang Pag-anhi sa Ginoo. Ako manawagan kaninyo sa paghisgot mahitungod ni Kristo, pagpamatuod mahitungod ni Kristo, pagbaton og hugot nga pagtuo ni Kristo, ug paglipay diha ni Kristo! Kini mao ang sekreto sa usa ka kinabuhi sa hingpit nga kalipay.

Ang labing maayo moabot pa samtang kita hingpit nga motugyan sa atong mga kasingkasing ug sa atong mga kinabuhi ngadto ni Jesukristo.