Tumau i le Tuuto Atu Pe A Feagai ma le Faatuaupua, Tiga, po o Tofotofoga: Eme Martin

Ua ou aoaoina i lo’u olaga laitiiti e tuu atu i le Alii e taitai a’u, ia savali i o’u tafatafa, e tuu atu ia te Ia e taiala a’u. Aemaise lava pe a faigata taimi, ia avea o Ia ma o’u taula, lo’u malosi. E le faigofie i taimi uma. O nisi taimi e mananao o tatou loto e tumau le malosi. Tatou te lagona le tauamiotonuina pe a tatou tiga. Ae o le auala sili e agai ai i luma o le tuu atu lea ma le faamaoni o Ia e alofa ia i tatou.

Ou te mafaufau i se taimi, i le auaunaga i le malo, sa ou taumafai ai ia avea au ma tagata sili ona lelei, ae sa lei lelei le mauaina o lena mea. Ma sa le gata ina maua lelei, ae sa—sa ou oo i le tele o le faamasino seseina ma le le lelei le faiga o a’u, o lea na ou mafaufau moni ai lava, "Pe ou te auauna atu pea? Pe o se avanoa ma se nofoaga lenei mo a’u?" Sa ou lagona moni lava e pei sa ou i ai i le tulaga ua nunu ai le to’au o lo’u faaleagaga, ma sa i ai sa’u faaiuga e fai. Pe ou te tuu atu ea i le Alii e alofa ia te a’u, pe ou te maua ea le manuia i isi punaoa?

Ma faatasi ai ma le mafaufau i ai, sa ou iloa ai sa ou manaomia ma manao i le Alii i lo’u olaga ma Ana faamanuiaga e faatatau i ai e sili atu nai lo le mea ou te lei mauaina. Sa ou manao i le faamanuiaga o le faamanatuga faalevaiaso ma lona toefaatumuina o lo’u agaga. O le mafai ona maua o le malumalu ma feagaiga o i ai i totonu. Ma o lea, a o ou tausia lena mea e fai ma a’u taulaiga, sa fesoasoani lea ou te faamagalo atu ai. Sa fesoasoani ou te tilotilo ai i le le atoatoa o le agaleaga ma iloa ai sa ou i ai iinei mo se faamoemoega tele atu. Sa ou i ai iinei e maua faamanuiaga ma faamoemoe e avea ma se faamanuiaga i isi. O le le faatagaina o lenei mea e avea ma maa faava’atu’ia ae o se laasaga i lo’u faatuatua. Ma a o ou tatalo ma faalagolago atu i le Alii, sa ou maua le malosi e lafoai ai—e lafoai ese ai le tiga, ia le taofia pe talia le inoino lea sa taumafai e faafailele i lo’u agaga—ae ia tuu atu i le Alii e fesoasoani ma tuu mai ia te au le malosi e agai ai i luma ma le faamaoni.

Uso e, ua iloa outou. Ua silafia e le Alii, ma e popole o Ia mo oe. Na te silafia lou igoa, Na te silafia ou lototiga, Na te silafia ou olioliga, ma e finagalo o Ia e alofa ia te oe. E finagalo o Ia ia e faatagaina o Ia i totonu. Ua Ia silafia avega o loo e tauaveina. E alofa o Ia ia te oe ma e finagalo ia e lagonaina lena alofa mai ia te Ia. O se tuaoi, o se uso, o se uo e ofoina atu le faamanuiaga o lena fesoasoani ma lena lagolago. Faataga i latou i totonu. Tuu atu ia i latou e siomia oe i aao o lo latou alolofa e ala i la latou auaunaga.