Mauaina o le Malosi ma le Toomaga ia Iesu Keriso: Hannah Miller

Sa ou maua le valaau mai i lo’u uso e tatau ona ou alu i le fale ina ia mafai ona ou vaai i lo’u tama a o lei maliu o ia. Sa o atu lo matou aiga i lena aso ma anapopogi mo se vavega, ma o le taimi lava na tatala ai la matou anapogi, sa matou faatofa ai loa i lo’u tama, ma sa vave ona maliu o ia. Ma e oo lava i lena taimi, sa ou iloa o le vavega o le i ai lea o lona toomaga mai lona ma’i faaletino ma ona luitau. Ma ou te mafaufau i le tiga na faailoa mai i lo matou aiga. Ae sa vave lava ona tuuina mai e le Alii ia i matou le toomaga. O le tele lava o taimi i tulaga o uo ma aiga pele na tuuina mai ai le tele o le mafanafana ma le mafutaga faalesoa i lena taimi faigata, faigata tele mo i matou.

Ma a o ou mafaufau e uiga i lenei aafiaga, sa ou suesue—sa ou suesueina se mau i le Tusi a Mamona. O Upu a Mamona, ma le fuaiupu 17 ma le 18, o loo talanoa e uiga i le Tupu o Peniamina, o le ua i ai le galuega mamafatu o le fatuina o le filemu i se nuu. Ma ou te fiafia i le mea o loo fai mai ai. Fai mai, "O le Tupu o Peniamina o se tagata paia, ma sa nofotupu o ia i lona nuu i le amiotonu; ma e toatele tagata paia sa i ai i le laueleele." Ona fai mai lea mulimuli ane, "Faatasi ma le fesoasoani a i latou nei, sa oo ina toe faatuina e le tupu o Peniamina, i le galue ma le malosi atoa o lona tino, ma le manatu atoa o lona agaga, faapea foi ma perofeta, le filemu i le laueleele."

Ma ou te mafaufau i le fasifuaitau lea, "faatasi ma le fesoasoani a i latou nei" ma le faafia ona ou maua nei luitau i lo’u olaga lea semanu e le mafai ona ou faia e aunoa ma le fesoasoani a alii ma tamaitai paia o e o i ai iina e nonofo i o’u tafatafa, faanoanoa faatasi ma a’u, faamafanafana mai ia te a’u a o tatou tutu o ni molimau a le Atua. O nisi taimi e pei e lemagagana a tatou tatalo. E foliga e pei e le taliina i latou, pe e le o faafofogaina foi e le Alii. Ae ou te fia molimau atu o na tatalo e faafofogaina ma e taliina mai i se auala e atoatoa. Ona e popole le Alii ia te oe, e popole o Ia i au tatalo, e popole o Ia i mea e mamafa i lou mafaufau ma lou loto, e popole o Ia i mea e le mafai ai ona e moe i le po. Ma o le a oo mai na tali. O le a oo mai.