Gohed blong Givim Yuwan Taem Yu Fesem Fasin blong Agens, Harem Nogud o Ol Hadtaem: Elaine Thornton

Samtaem yumi wantem ol lida blong talem long yumi se, yumi stret gud evriwan mo samtaem yumi wantem yumiwan blong stap stret gud evriwan. Mo hemia i wan had samting blong askem from i agensem plan blong gospel. Mo mi ting se, hem i impoten tumas blong tingbaot wanem Hem i wantem long yumi we i fasin blong kam antap mo gat andastaning mo lav long yumi wanwan.

Eksampol, long wan taem mi bin gat wan had eksperiens wetem wan nomol lida, mo hemia i givim wan nogud risal long famli blong mifala. Mo mi stak long filing ia blong stap luk mo tingting long miwan se, “Lida i mekem nogud tumas ia. Be maet mi tu mi mekem ol pipol oli harem nogud. Maet mi mekem olsem mo mi nid fasin blong sore.” So, mi mas gobak nomo long wanem we mi save. Mo i impoten tumas blong tinbaot wanem we yumi save. Sapos hemia i no bin hapen, bae mi gobak finis long ol fandesen blong mi. Sapos hemia i no bin hapen, bae mi no tanem mi i go long Lod, long wan wei we i gat moa mining. So, mi gohed blong stap kam antap long progres ia blong save abaot Papa blong mi long Heven mo Sevya blong mi. ?Mo yes, from wanem mi wantem blong save Hem? Mi wantem tumas blong save Hem mekem se, mi save kam olsem Hem.

Taem yufala i mit tugeta long Rilif Sosaeti mo taem yufala i kaonsel tugeta, mi invaetem yu blong stap aktiv long taem ia. Gohed blong developem wan rilesensip wetem wan we i gat semmal tingting olsem yu o wan we i stap traehad wete testemoni blong hem. Wan we i jesta divos. Wan we i stap get tu tingting yet sapos evri samting ia oli impoten o no. ?Wanem bae i hapen sapos yumi aktiv blong mekem ol samting ia? Mi ting se bae Sevya i wantem yusum yumi sapos yumi lanem hemia—sapos yumi lanem hao blong meke wanem we Hem i save hao blong mekem. Mo umi olsem ol sista, yumi save givim long yumi wanwan ol kaen naesfala gladhat mo yuniti, taem yumi luksave se, yumi evriwan i gat wan samting we yumi stap safa long hem long saelen. Mo maet taem yumi wok tugeta mo mekem i kam wan sef ples blong stap long hem, yumi save iven, serem sam lng ol hadtaem blong yumiwan we maet bae yumi no bin wantem serem, from se wan sista bae i faenemaot se yumi tu yumi gat ol hadtaem. Mo yumi mas wantem blong stap toktok wetem ol narawan blong serem wanem yumi stap fesem mo jenisim fasin ia se yumi stret evriwan mo stap yumi stap helpem wanwan blong kam antap. Mi laekem taem wan i save serem tingting blong hem wetem mi, from se afta mi save go long olgeta mo talem, “O, ?hao nao yu bin winim jalenj ia? ?Hao nao yu bin handelem? Tangkyu blong serem hemia.” Mo bae i kam wan naesfala rilesensip blong ol woman we oli lavem mo save Papa blong olgeta long Heven.