Makasaysayanon nga Kirtland

Sa Disyembre 1830, gisugo sa Ginoo ang mga Santos sa Ulahing mga Adlaw nga “magpundok nga maghiusa didto sa Ohio” (Doktrina ug mga Pakigsaad 37:3). Sa usa ka pagpadayag nga nadawat sa misunod nga bulan, misaad ang Ginoo nga sa Ohio, makadawat ang mga Santos sa Iyang balaod, pagatugahan og gahom gikan sa kahitas-an, ug andamon sa pagsangyaw sa Iyang ebanghelyo taliwala sa tanang nasod (Doktrina ug mga Pakigsaad 38:32–33). Didto sa Ohio, nagtukod ang mga Santos og templo—usa ka dapit sa pagkat-on, pagsimba, ug pagpadayag. Nakadawat si Joseph Smith og daghang pagpadayag aron mogiya sa pangagamhanan sa gipahiuli nga Simbahan sa Manluluwas ug sa paggiya sa indibiduwal nga mga kinabuhi sa mga sakop sa Simbahan.

Ang mga paglibot ug mga eksibit mahimong buhaton ug makita diha sa dapit sa tibuok tuig aron makaambit sa kasinatian sa unang mga sakop sa Simbahan ni Jesukristo sa mga Santos sa Ulahing mga Adlaw nga nagpundok sa Kirtland niadtong mga 1830. Gidapit ang mga bisita nga molibot sa N.K. Whitney & Co. Store, sa Panimalay ni Newel ug Elizabeth Ann, sa gitukod og usab nga N.K. Whitney Ashery, replika nga bansohan, balay nga eskwelahan, sa John Jonson nga Balay Abotanan, sa gibag-o nga Panimalay ni Joseph ug Emma Smith, ug sa Templo sa Kirtland.

Sa daghang dekada, gipatunhay ug giatiman sa Komunidad ni Kristo ang Templo sa Kirtland. Niadtong Marso 5, 2024, ang pagpanag-iya ug ang pagkatinugyanan niining minahal nga timaan sa kasaysayan nga kabtangan gibalhin ngadto sa Ang Simbahan ni Jesukristo sa mga Santos sa Ulahing mga Adlaw.