Makasaysayanon nga mga Dapit
Makasaysayanon nga mga Dapit sa Ohio
Ang makasaysayanon nga Kirtland ug laing makasaysayanong mga dapit sa Ohio mao ang dapit diin ang mga panghitabo nga mahinungdanon sa paglambo sa Ang Simbahan ni Jesukristo sa mga Santos sa Ulahing mga Adlaw nahitabo. Magkat-on pa og dugang mahitungod niining sagrado nga mga panghitabo sa makasaysayanong mga dapit diha ug sa silingan nga Makasaysayanon nga Kirtland.
Diskobreha ang Makasaysayanon nga mga Dapit sa Ohio
Ang Makasaysayanon mga dapit sa Ohio nagtanyag og daghang oportunidad sa pagkat-on ug inspirasyon. Bisan kon ikaw magbisita sa personal o sa online, gidapit ka namo sa pagsuhid sa makasaysayanong mga bilding, modiskobre sa bag-ong mga istorya, ug mokonektar sa nangagi.
Magdiskobre pa og dugang mahitungod sa kasaysayan sa Ang Simbahan ni Jesukristo sa mga Santos sa Ulahing mga Adlaw sa tibuok Ohio.
Magkat-on pa og dugang kon diin si Jesukristo nagpakita ngadto ni Joseph Smith ug ni Oliver Cowdery ug midawat sa sakripisyo sa mga Santos sa pagtukod og templo.
Magkat-on pa og dugang mahitungod sa dapit diin ang Dios mihatag og pagpadayag nga nailhan karon nga ang “Ang Panan-awon” ngadto ni Joseph Smith ug Sidney Rigdon.
Mahitungod sa Makasaysayanon nga mga Dapit sa Ohio
Ang makasaysayanon nga mga dapit sa Ohio motugot sa mga bisita nga makasinati sa nangagi ug makakat-on kon giunsa sa unang mga miyembro sa Ang Simbahan ni Jesukristo sa mga Santos sa Ulahing mga Adlaw sa pagpakabuhi ug pagsimba. Niadtong 1831, pinaagi sa pagpadayag, ang Kirtland nahimong pundokanan nga dapit alang sa mga Santos wala pay usa ka tuig human naorganisar ang Simbahan. Dinhi ang kritikal nga doktrinal nga mga kalamboan nga miumol sa mga gituhoan sa mga Santos sa daghang henerasyon gipadayag, ang unang Balay sa Ginoo gitukod ug gipahinungod, ug ang kinahanglanon nga mga yawe sa pagkapari gihatag ngadto sa Propea aron sa pagpatuman sa misyon sa simbahan sa ulahing mga adlaw. Samtang ang mga Santos sa kataposan kinahanglan nga mobiya sa Kirtland ubos sa hulga sa kasamok ug nagsugod na usab didto sa Missouri, ang mga pundasyon nga gipahiluna dinhi padayon nga nakaepekto sa Simbahan karon. Pinaagi sa gipahiuli ug gitukod pag-usab nga mga bilding, mahinumdoman nato ang mga istorya niadtong matinud-anong mga indibidwal nga mitabang sa pagtukod sa Simbahan niining nahauna nga mga katuigan.