Diskobreha ang Makasaysayanon nga mga Dapit sa Ohio
Magdiskobre og dugang mahitungod sa kasaysayan sa Ang Simbahan ni Jesukristo sa mga Santos sa Ulahing mga Adlaw didto sa Ohio.
Ang Makasaysayanon nga Kirtland nagsilbing punoang buhatan sa Simbahan gikan sa 1831 hangtod sa 1838. Didto, nakadawat si Joseph Smith og daghang pagpadayag, nga misangpot sa mahinungdanong pagtubo sa Simbahan ug sa pagtukod sa Templo sa Kirtland.
Makasaysayanon nga Templo
Ang Templo sa Kirtland usa ka sagrado nga dapit sa pagsimba ug pagkat-on alang sa mga Santos sa Ulahing mga Adlaw atol sa ulahing bahin sa mga 1830.
Makasaysayanon nga Dapit
Ang Makasaysayanon nga Kirtland nagpasundayag og daghang makasaysayanong mga panimalay nga nagtudlo mahitungod sa kasinatian sa mga Santos nga nagpuyo niining gamay nga lungsod sa Ohio.
Magkat-on Mahitungod sa Makasaysayanon nga mga Dapit sa Ohio
Daghang mahinungdanong mga panghitabo sa kasaysayan sa Ang Simbahan ni Jesukristo sa mga Santos sa Alahing mga Adlaw nahitabo samtang nagpuyo ang mga Santos sa Ohio. Kini nga mga dapit nag-asoy og istorya sa pagtuo, pagpailob, ug paglaom bisan nag-atubang og mga panagsumpaki ug pagsulay. Gipreserbar kini aron malingaw ang mga bisita sa personal o sa birtuwal nga paagi.
Ang mga paningkamot sa mga Santos sa pagtukod og balay sa Ginoo didto sa Kirtland nagsugod sa hinayhinay, apan samtang nagsakripisyo ang mga Santos sa pagtuman niini nga sugo gikan sa Ginoo, nakadawat sila og milagroso nga pagtuga sa gahom samtang Iyang gidawat ang ilang mga halad.
Samtang padayon nga nagtubo ang Simbahan didto sa Kirtland, daghang pagpadayag ang misangpot sa pagkamugna sa mga katungdanan sa pagkapari ug mga esktruktura nga gigamit gihapon sa Simbahan karon. Kini nga mga kausaban nakatabang sa pag-organisar sa misyonaryo nga mga paningkamot ug nag-andam sa mga Santos alang sa Templo sa Kirtland.
Niining panahona didto sa Ohio, nakadawat si Joseph og daghang pagpadayag nga nakapausab sa mga gituhoan sa mga Santos sa Ulahing mga Adlaw, milig-on sa mga doktrina, ug mipatuman sa administratiba nga mga estruktura sa Simbahan nga nagpadayon sa paghulagway sa Simbahan karon.
Magkat-on pa og dugang mahitungod sa mga dapit diin nagpuyo si Joseph ug si Emma samtang anaa sa amihanang-silangan sa Ohio.
Dugang nga mga Kapanguhaan sa Pagkat-on
Palawmi pa ang pagtuon sa panahon sa mga Santos didto sa Kirtland ug kon sa unsang paagi kini nakaalima sa pagtubo sa Simbahan.
Magbasa pa og dugang mahitungod sa sagradong mga panghitabo didto sa Ohio.
Magdiskobre pa og dugang mahitungod sa kasaysayan sa Templo sa Kirtland.