Bansohan

Dihang ang mga Santos sa Kirtland, Ohio, gisugo sa pagtukod og templo, gamay ra ang ilang mga kapanguhaan. Usa ka paagi sa ilang pagsulbad niini nga isyu mao ang pagtukod og bansohan aron dali ra silang makahimo og tabla nga gamiton alang sa pagtukod sa templo. Niadtong 1833, ang usa ka bansohan gitukod didto sa Kirtland Floats sa habagatang bahin lamang sa Newel K. Whitney Store. Desisayis ka ektrarya sa gulang nga kakahoyan gipalit usab aron pamutlon para himoong tabla. Si Joel H. Johnson, usa ka kinabig ug tigtukod og mga galingan, mao ang gipadumala sa bansohan.

Ang tabla gikan sa bansohan gigamit alang sa atop, payong-payong sa atop, ug tower sa Templo sa Kirtland. Ang mga pulpito sa pagkapari lagmit nga giasimbol sa buhatan sa kahoy didto sa bansohan sa wala pa gitaod sa templo. Ang mga karpentero migamit og sipilya nga gigamitan og demakina nga tubig nga anaa sa bansohan aron sa paghiwa og kuti nga mga hulmahan nga makita sa mga kahoy nga gipanday sa templo. Daghang kalakin-an nga nagtrabaho sa bansohan midonar sa ilang panahon ug kahago alang sa proyekto sa pagtukod sa templo. Human nakompleto ang templo, ang bansohan gigamit sa pagtabang nga makakita og kakitaaan aron mabayaran ang utang tungod sa proyekto sa pagtukod.

Ang bansohan sa Makasaysayanong Kirtland maoy usa ka hingpit nga magamit nga replika nga gitukod sa lokasyon sa orihinal. Alang sa kasegurohan nga malayo sa pilegro, dili nato paandaron ang bansohan. Ang mga bisita sa Makasaysayanong Kirtland mahimong mobisita sa pabrika isip usa ka opsiyonal nga bisitahanan sa ilang paglibot. Ang mga paglibot magsugod diha sa Sentro sa mga Bisita sa Makasaysayanon nga Kirtland.

360° nga Pag-aninaw sa Tibuok Palibot

Unsay Malaoman

Ang bansohan maoy usa ka opsiyonal nga bahin sa giniyahan nga paglibot nga gidalit sa mga misyonaryo diha sa Makasaysayanon nga Kirtland. Ang mubo nga dalan (0.1 ka milya) nga mopadulong ngadto sa bansohan ug sa ashery medyo may pagkadulhogon ug natabonan sa mga sinapsap nga kahoy. Ang panagsa nga gamot sa kahoy, dili patag nga porma sa yuta, ug ubang makapandol nga mga peligro makapahimo sa paglakaw nga lisod alang sa mga bisita nga adunay mga limitasyon sa paglihok-lihok.