Johnson Inn

Ang Johnson Inn maoy sentro nga bahin sa komunidad sa mga Santos sa Ulahing mga Adlaw sa Kirtland. Gigamit kini isip usa ka hotel, diin ang mga bisita nga nagbiyahe makakaon ug makatulog ingon man naghatag og kapuy-an ug pag-atiman sa ilang mga kabayo.

Ang inn gitukod niadtong 1813 ni Peter French ug ang unang konkreto nga bilding sa Kirtland. Ang Simbahan mipalit sa yuta ug sa bilding dihang ang mga Santos nagsugod sa pagpundok sa lugar sa Kirtland niadtong 1833. Si John Johnson maoy midumala sa bilding niadtong tinglarag sa 1833 ug mitukod sa Johnson Inn.  
 
Ang inn nagsilbi usab nga opisina, lawak nga mitinganan, printahanan, social hall, ug temporaryo nga museyo. Human giguba ang printahanan sa Missouri, laing printahanan ang temporaryong gibutang sa Johnson Inn.

Ubang importanteng mga panghitabo nga nahitabo dinhi mao ang katungdanan sa patriyarka nga gipaila ni Joseph Smith ug sa Korum sa Napulog Duha ka Apostoles nga nag-ubang mibiya alang sa ilang unang misyon. Usab, sa ting-init sa 1835, si Joseph Smith mipalit og mga mummy ug mga rolyo sa papyrus diin iyang nadawat ang basahon ni Abraham. Kini nga mga artifact gi-display didto sa Johnson Inn isip kabahin sa usa ka mubo nga pag-eksibit.  
 
Ang Johnson Inn usa ka gitukod pag-usab base sa orihinal nga estruktura sa sama nga lokasyon. Ang atubangan gidesinyo nga susama sa ika-19 nga siglo nga bilding. Ang sulod sa Johnson Inn karon usa ka luna sa pag-eksibit nga nagtudlo mahitungod sa kasaysayan sa Kirtland. 

Unsay Malaoman

Ang sulod sa Johnson Inn usa ka eksibit ug lugar sa pagkat-on. Ang uban sa mga eksibit nag-feature og mga touch screen ug mga bidyo. Ang mga misyonaryo anaa aron sa pagtabang kaninyo, apan ang kinatibuk-ang kasinatian kay kinaugalingon nga paggiya.