8. John Johnson lub Tsev

John thiab Alice Johnson lub tsev nyob hauv Hiram, Ohio. Chav no yog nyob theem ob.

Tej Yam Tseem Ceeb uas Muaj Dhau Los: Tus Yaj Saub Joseph Smith thiab nws tus poj niam, Emma, tau nyob hauv lub tsev no. Joseph thiab Sidney Rigdon tau txais kev ua yog toog pom tej theem yeeb koob thaum nkawd nyob nrog ob peb tug neeg thaum lub Ob Hlis Ntuj hnub tim 16, xyoo 1832 (Q&K 76). Tus Yaj Saub Joseph kuj ua hauj lwm rau Joseph Smith Kev Txhais phau Npaivnpaum (JST) nyob hauv lub tsev no. Thaum Joseph thiab Emma tseem nyob ntawm no, thaum lub Peb Hlis Ntuj hnub tim 24, xyoo 1832, thaum tsaus ntuj, ib pawg neeg uas tau tso qhov tseeb tseg thiab cov neeg uas ntxub cov Maumoos tau muab Joseph thiab Sidney ntaus sab heev thiab muab kua nplaum dub thiab plaub noog lo nkawd ib ce.