18. Lub Tuam Tsev Salt Lake

Lub Tuam Tsev Salt Lake, ntsia pem sab qaum teb hnub tuaj tuaj. Ob peb hnub tom qab thawj pawg ntawm Tsoom Haiv Neeg Ntseeg hauv Hnub Nyoog Kawg los txog rau hauv lub Hav Salt Lake, Thawj Tswj Hwm Brigham Young muab nws tus pas nrig coj mus ntaus hauv av thiab hais tias, “Peb yuav ua peb tus Vajtswv lub tuam tsev nyob rau ntawm no.” Pib khawb av thaum lub Ib Hlis Ntuj hnub tim 14, xyoo 1853. Thaum lub Plaub Hlis Ntuj hnub tim 6, xyoo 1853, tau tso tej ncej zeb tiav. Ua tau lub tuam tsev tiav thiab muab fij tseg 40 xyoo tom qab thaum lub Plaub Hlis Ntuj hnub tim 6, xyoo 1893. Thawj Pawg Thawj Tswj Hwm thiab Pawg Kaum Ob tug Thwj Tim sib ntsib nyob ntawm no txhua lub lim tiam sib sab laj thiab nrhiav tus Tswv txoj kev coj lawv tej dej num thiab kev txhim tsa Vajtswv lub nceeg vaj.

Tej Yam Tseem Ceeb uas Muaj Dhau Los: Tus Tswv tau muab qhov txiaj ntsim txais tau kev tshwm sim ntau rau cov Thawj Tswj Hwm ntawm lub Koom Txoos thiab lwm tus Tuam Thawj Coj nyob rau ntawm no, xws li Zaj Lus Tshaj Tawm Raug Cai 2. Tsis ntev dhau los, Thawj Pawg Thawj Tswj Hwm thiab Pawg Kaum Ob tug Thwj Tim puav leej pom zoo thiab tshaj tawm “Tsev Neeg: Ib zaj Lus Tshaj Tawm rau lub Ntiaj Teb.” Tej kab ke uas ua hauv lub tuam tsev rau cov neeg muaj sia thiab cov tuag lawm tau foom koob hmoov rau ntau plhom tus neeg.