10. Adas-oodais-Omas

Ntsia mus rau sab qab teb ntawm lub hav Adas-oodais-Omas, uas yog ib lub hav ntsiag to thiab zoo nkauj nyob rau sab qaum teb hnub pub hauv Missouri ze lub zej zog Gallatin.

Tej Yam Tseem Ceeb uas Muaj Dhau Los: Peb xyoos ua ntej nws tuag, Adas tau hu nws cov xeeb leej xeeb ntxwv los rau hauv lub hav no thiab foom nws zaj koob hmoov kawg rau lawv (Q&K 107:53–56). Thaum xyoo 1838 Adas-oodais-Omas yog ib qho chaw rau li ntawm 500 mus txog 1,000 tug ntawm Tsoom Haiv Neeg Ntseeg hauv Hnub Nyoog Kawg los nyob. Cov Neeg Ntseeg tau tso qhov chaw no tseg thaum lawv raug ntiab tawm ntawm Missouri mus. Ua ntej Khetos txoj Kev Los Zaum Ob uas los nrog yeeb koob, Adas thiab nws cov xeeb leej xeeb ntxwv uas ncaj ncees, xws li cov Neeg Ntseeg nyob hauv txhua lub caij nyoog, yuav rov qab sib sau ua ke rau hauv lub hav no kom ntsib tus Cawm Seej (Dan. 7:9–10, 13–14; Q&K 27; 107:53–57; 116).