13. Lub Tsev Loj hauv Nauvoo

Joseph Smith tus Hluas thiab nws tsev neeg tau tsiv mus nyob hauv lub lub Tsev Loj nyob hauv Nauvoo thaum lub Yim Hli Ntuj xyoo 1843. Tom qab no tau ua ib feem ntxiv rau sab hnub tuaj ntawm lub tsev loj thiaj muaj 22 chav. Pib thaum lub Ib Hlis Ntuj xyoo 1844, Ebenezer Robinson muab lub tsev siv ua ib lub tsev tos qhua, thiab tus Yaj Saub siv rau chav rau nws tsev neeg. Lub tsev no yog lub plawv ntawm kev sib fim nyob hauv Nauvoo lub sawm fem. Tus Yaj Saub tos txais cov nom tseem ceeb nyob ntawm no.

Tej Yam Tseem Ceeb uas Muaj Dhau Los: Thaum lub Rau Hli Ntuj hnub tim 27, xyoo 1844, tus Yaj Saub Joseph Smith thiab nws tus tij laug Hyrum raug tua tuag nyob hauv Carthage, Illinois, thiab tau coj nkawd ob lub cev los tso rau ntawm lub tsev no ua ntej lub ntees. Tau muab nkawd faus rau hauv nkawd tsev neeg daim av toj ntxas nyob ntawm txoj Kev Main sab tid, nyob rau sab hnub poob ntawm lub tsev ntoo uas Joseph tau nyob thaum nws xub xub tuaj rau hauv Nauvoo. Emma Smith nyob hauv lub Tsev Loj txog ntua xyoo 1871. Ces nws tsiv mus nyob hauv lub Tsev Nauvoo, uas nws nyob txog thaum nws tso lub ntiaj teb no tseg thaum xyoo 1879.