2. Pov Roob Khumaulas thiab Cheeb Tsam Palmyra-Manchester

Ntsia mus rau sab qaum teb, daim duab no yees tau lub Pov Roob Khumaulas nyob hauv Manchester, New York. Nyob hauv daim duab, lub roob pib ntawm ceg kaum sab xis nram qab mus txog rau saum ib nrab ntau ntawm daim duab uas yog lub ncov roob. Tus pej thuam dawb uas nyob sab qaum teb saum lub ncov roob yog muab sam xeeb rau tus tim tswv Maulaunais thiab qhov uas tau muab Phau Ntawv Maumoos ua tawm los. Lub Pov Roob Khumaulas nyob deb li 5 kilaumev sab qab teb hnub tuaj ntawm Koog Ntoo Dawb Ceev. Nyob rau saum toj hauv daim duab yog lub Zos Palmyra, uas deb li 6½ kilaumev. Tsev neeg Smith daim teb thiab Koog Ntoo Dawb Ceev nyob sab laug saum toj hauv daim duab.

Tej Yam Tseem Ceeb uas Muaj Dhau Los: Tus Yaj Saub Joseph Smith tsev neeg nyob ntawm cheeb tsam no thaum lub sij hawm Thawj Zaug Ua Yog Toog Pom (JS—K 1:3). Thaum xyoo 421 tom qab Yexus yug los, Maulaunais muab ib co phiaj kub faus nyob rau hauv lub Pov Roob Khumaulas uas muaj zaj keeb kwm dawb ceev txog nws cov neeg (Mm Lus 1:1–11; Mm. 6:6; Mln. 10:1–2). Tus Maulaunais no qhia Joseph Smith tias cov phiaj kub nyob qhov twg saum lub roob no. Maulaunais muab cov phiaj kub rau nws thaum xyoo 1827 (Q&K 27:5; 128:20; JS—K 1:33–35, 51–54, 59).