6. Peter Whitmer tus Laus lub Tsev

Lub tsev ntoo no sawv cev rau Peter Whitmer tus Laus lub tsev qub nyob hauv Fayette, New York.

Tej Yam Tseem Ceeb uas Muaj Dhau Los: Joseph Smith txhais Phau Ntawv Maumoos tiav nyob rau ntawm no thaum lub Rau Hli Ntuj xyoo 1829. Nyob hauv koog hav zoov ze lub tsev no, Peb tug Tim Khawv tau pom tus tim tswv Maulaunais thiab cov phiaj kub. Nim no, lub Koom Txoos muab lawv zaj lus tim khawv luam tawm nyob hauv txhua txhua Phau Ntawv Maumoos. Thaum lub Plaub Hlis Ntuj hnub tim 6, xyoo 1830, kwv yees li 60 tus neeg sib sau tuaj ua ke rau ntawm Peter Whitmer lub tsev tuaj ua tim khawv rau kev txhim tsa Yexus Khetos lub Koom Txoos (Q&K 20). Thawj thawj tej kev sib ntsib thiab rooj sab laj ntawm lub Koom Txoos tshiab yog muaj nyob rau ntawm no. Nees nkaum zaj lus tshwm sim nyob hauv phau Lus Qhuab Qhia thiab Kev Khi Lus yog tau txais nyob hauv Peter Whitmer lub tsev.