Cim ntawm lub Caij Nyoog Kawg, tej

Tej xwm txheej los yog tej yam uas muaj los uas Vajtswv muab rau tib neeg kom ua rau lawv paub tias ib yam tseem ceeb ntawm Nws txoj hauj lwm twb tshwm sim lawm los sis tsis ntev yuav tshwm sim. Nyob hauv hnub nyoog kawg, tau qhia tej uas yuav muaj los yav tom ntej txog ntau lub cim ntawm tus Cawm Seej txoj Kev Los Zaum Ob. Tej cim no cia rau cov neeg uas rau siab ntseeg paub txog Vajtswv txoj hau kev, ceeb toom rau lawv, thiab cia lawv npaj.

Yuav txhim tsa lub roob ntawm tus Tswv lub tsev saum tej hau roob, Yay. 2:2–3.
Tus Tswv yuav tsa ib tug chij thiab muab Ixayees sau los ua ke, Yay. 5:26 (2 Nf. 15:26–30).
Lub hnub yuav tsaus nti, thiab lub hli yuav tsis muaj duab ci, Yay. 13:10 (Yau. 3:15; Q&K 29:14).
Tib neeg yuav ua txhaum txoj kev cai thiab rhuav kev khi lus uas kav ib txhis, Yay. 24:5.
Cov Neeg Nifais yuav hais lus zoo li yog ib lub suab uas tawm hauv hmoov av tuaj, Yay. 29:4 (2 Nf. 27).
Yuav muab Ixayees sau ua ke nrog lub hwj chim, Yay. 49:22–23 (1 Nf. 21:22–23; 3 Nf. 20–21).
Vajtswv yuav tsa ib lub nceeg vaj uas yuav tsis raug puas tsuaj, Dan. 2:44 (Q&K 65:2).
Kev ua rog, ua npau suav, thiab kev ua yog toog yuav muaj ua ntej Kev Los Zaum Ob, Yau. 2.
Txhua haiv neeg yuav sau los ua ke tawm tsawm Yeluxalees, Xak. 14:2 (Exk. 38–39).
Hnub ntawd yuav los uas yuav kub ib yam li ib lub qhov cub, Mal. 4:1 (3 Nf. 25:1; Q&K 133:64; JS—K 1:37).

Yuav muaj kev puas tsuaj ua ntej txoj Kev Los Zaum Ob, Mat. 24 (JS—M 1).
Povlauj piav txog txoj kev tso qhov tseeb tseg thiab tej kev ntxhov siab hauv hnub nyoog kawg, 2 Tim. 3–4.
Yuav muaj ob tug yaj saub uas raug tuag thiab sawv rov los nyob hauv Yeluxalees, Tsm. 11 (Q&K 77:15).
Cov tim tswv txoj kev txhawb pab yuav muab txoj moo zoo txum tim rov qab los hauv hnub nyoog kawg, Tsm. 14:6–7 (Q&K 13; 27; 110:11–16; 128:8–24).
Yuav txhim tsa Npanpiloos ces mam li vau, Tsm. 17–18.