Nifais, Lihais tus Tub

Nyob hauv Phau Ntawv Maumoos, Lihais thiab Xaliyas tus tub uas ncaj ncees (1 Nf. 1:1–4; 2:5). Nifais ntseeg Vajtswv txoj lus ruaj nrees (1 Nf. 3:7) thiab nws hloov los ua ib tug yaj saub, tus ceev xwm txheej, thiab tus thawj coj ntawm nws cov neeg uas zoo heev.

Tau mloog lus thiab muaj kev ntseeg thov Vajtswv, 1 Nf. 2:16.
Rov qab mus rau Yeluxalees kom tau cov phiaj toog, 1 Nf. 3–4.
Rov qab mus rau Yeluxalees kom coj Ixama-ees tsev neeg los rau hauv roob moj sab qhua, 1 Nf. 7.
Txais tib txoj kev ua yog toog uas Lihais txais, 1 Nf. 10:17–22; 11.
Ua yog toog pom nws cov neeg yav tom ntej thiab kev muab txoj moo zoo txum tim rov qab los, 1 Nf. 12–13.
Txhais kev ua yog toog pom tsob ntoo uas cawm neeg txoj sia, 1 Nf. 15:21–36.
Ua rau nws rab hneev lov tiam sis los ntawm nws txoj kev ntseeg nws nrhiav tau nqaij, 1 Nf. 16:18–32.
Ua ib lub nkoj thiab mus rau thaj av uas cog lus cia, 1 Nf. 17–18.
Cov Neeg Nifais thiab Neeg Lamas sib cais, 2 Nf. 5.
Ua tim khawv zaum kawg, 2 Nf. 33.

Phau 1 Nifais

Tshooj 1 mus txog 18:8 feem ntau hais txog qhov uas tus yaj saub Lihais thiab nws tsev neeg khiav ntawm Yeluxalees mus. Lawv taug kev hauv tiaj suab puam qhuav qhawv txog rau thaum lawv mus txog dej hiav txwv. 1 Nifais 18:9–23 hais txog qhov uas lawv mus rau ib thaj av uas cog lus cia, raws li tus Tswv coj lawv mus, txawm hais tias Lamas thiab Lemu-ees ntxeev siab. Tshooj 19–22 qhia txog lub hom phiaj ntawm qhov uas Nifais ceev xwm txheej (1 Nf. 6; 19:18)—yaum txhua tus kom nco txog tus Tswv lawv tus Txhiv Dim. Nws hais Yaxayas tej lus (1 Nf. 20–21) thiab txhais Yaxayas tej zaj lus, vim nws cia siab tias txhua leej txhua tus yuav los paub tias Yexus Khetos yog lawv tus Cawm Seej thiab tus Txhiv Dim (1 Nf. 22:12).

Phau 2 Nifais

Tshooj 1–4 muaj ib txhia ntawm Lihais cov lus qhia kawg thiab tej lus qhia txog tej uas yuav muaj los yav tom ntej uas ntej nws tas sim neej, tsis hais tej lus koob hmoov uas nws foom rau nws cov tub thiab lawv cov xeeb leej xeeb ntxwv los yog. Tshooj 5 piav yog vim li cas cov Neeg Nifais muab lawv tus kheej faib tawm ntawm cov Neeg Lamas mus. Cov Neeg Nifais ua ib lub tuam tsev, qhia txog Mauxes txoj kev cai, thiab ceev xwm txheej. Tshooj 6–10 muaj Yakhauj, Nifais tus kwv, tej lus. Yakhauj rov qab hais txog Yudas zaj keeb kwm thiab qhia tej uas yuav muaj los yav tom ntej txog tus Mexiyas, tej yam nws hais ib txhia tau los ntawm tus yaj saub Yaxayas tej lus uas nws sau cia. Nyob hauv tshooj 11–33 Nifais sau txog nws zaj lus tim khawv txog Khetos, Yakhauj zaj lus tim khawv, tej lus qhia txog tej uas yuav muaj los yav tom ntej hauv hnub nyoog kawg, thiab ob peb tshooj los ntawm phau Yaxayas hauv Phau Qub.