Thaum lub Caij Milenias pib, Khetos yuav rov qab los rau lub ntiaj teb. Qhov no yog lub cim txog qhov kawg ntawm lub caij sim siab nyob hauv lub ntiaj teb no. Yuav tshem cov neeg phem ntawm lub ntiaj teb no mus thiab yuav muab cov neeg ncaj ncees sau ua ke nyob hauv ib tauv huab thaum muab lub ntiaj teb ntxuav. Txawm tias tsis muaj leej twg paub thaum twg Khetos yuav los zaum ob los, Nws twb tau qhia tej cim rau peb kom paub tias lub sij hawm twb los ze lawm (Mat. 24 ; JS—M 1 ).
Kuv paub tias kuv tus Txhiv Dim yuav sawv saum lub ntiaj teb nyob hauv hnub nyoog kawg, Yauj 19:25 .
Txhua lub hauv caug yuav txhos thiab txhua tus nplaig yuav ua tim khawv, Yay. 45:23 (Q&K 88:104 ).
Neeg Leej Tub los nrog huab nrog cua saum ntuj los, Dan. 7:13 (Mat. 26:64 ; Luk. 21:25–28 ).
Lawv yuav saib ntsoov tus uas lawv muab nkaug tuag lawm, Xak. 12:10 .
Ib tug yuav hais tias, Qhov txhab ntawm koj ob txhais tes yog dab tsi, Xak. 13:6 (Q&K 45:51 ).
Leej twg yuav tiv taus hnub uas nws los? Vim nws yuav zoo li tus kws nchuav nyiaj lub qhov cub, Mal. 3:2 (3 Nf. 24:2 ; Q&K 128:24 ).
Neeg Leej Tub yuav muaj nws Txiv lub yeeb koob thaum nws los, Mat. 16:27 (Mat. 25:31 ).
Hnub ntawd thiab lub sij hawm ntawd tsis muaj leej twg paub, tsuas yog Leej Txiv tib leeg thiaj paub xwb, Mat. 24:36 (Q&K 49:7 ; JS—M 1:38–48 ).
Tib tug Yexus no yuav rov qab los ib yam nkaus li uas nej pom nws mus saum ntuj, Teh. 1:11 .
Tus Tswv yuav los saum ntuj los, 1 The. 4:16 .
Hnub uas tus Tswv yuav los, nws yuav los ib yam li tub sab tuaj hmo ntuj, 2 Pet. 3:10 .
Tus Tswv los nrog kaum txhiab tug ntawm nws Haiv Neeg Ntseeg, Yudas 1:14 .
Nws nrog huab nrog cua los; thiab txhua lub qhov muag yuav pom nws, Tsm. 1:7 .
Nej cia li npaj, nej cia li npaj, vim tus Tswv twb los txog ze lawm, Q&K 1:12 .
Kuv yuav ua kuv tus kheej tshwm sim saum ntuj ceeb tsheej los nrog hwj chim, thiab los nyob rau hauv ntiaj teb ib txhiab xyoo, Q&K 29:9–12 .
Tsa koj lub suab thiab tshaj kev hloov siab lees txim, npaj tus Tswv txoj kev rau nws txoj kev los zaum ob, Q&K 34:5–12 .
Kuv yog Yexus Khetos, thiab kuv yuav los nrawm nroos rau hauv kuv lub tuam tsev, Q&K 36:8 (Q&K 133:2 ).
Hnub yuav los sai uas nej yuav pom kuv, thiab paub hais tias kuv yeej yog, Q&K 38:8 .
Tus uas hwm kuv yuav tos ntsoov rau tej cim ntawm Neeg Leej Tub txoj kev los, Q&K 45:39 .
Yuav pom tus Tswv lub ntsej muag, Q&K 88:95 .
Twb yuav txog hnub tseem ceeb thiab txaus ntshai heev ntawm tus Tswv, Q&K 110:16 .
Thaum tus Cawm Seej tshwm los peb yuav pom nws xws li nws yog, Q&K 130:1 .
Tus Cawm Seej yuav sawv nrog nws cov neeg thiab yuav kav, Q&K 133:25 .
Tus uas los ntawm Vajtswv saum ntuj ceeb tsheej los yog leej twg, tus uas hnav tsoos tsho liab ploog, Q&K 133:46 (Yay. 63:1 ).