Hilamas, Hilamas tus Tub
Ib tug yaj saub thiab ib tug khaws cov ceev xwm txheej nyob hauv Phau Ntawv Maumoos uas tau qhia cov Neeg Nifais. Nws yog Amas tus Hluas tus tub xeeb ntxwv thiab yog Nifais txiv tus uas tau txais hwj chim los kav ntuj thiab teb. Hilamas nrog nws tus tub Nifais sau phau ntawv Hilamas.
Phau Ntawv Hilamas
Tshooj 1–2 piav txog lub sij hawm uas muaj teeb meem loj heev ntawm kev kav teb chaws. Tshooj 3–4 sau tseg hais tias Hilamas thiab Maulaunaihas, uas yog tus thawj hau rog rau cov tub rog Nifais, nkawd muaj peev xwm ua tau kom muaj kev thaj yeeb ib ntus. Tiam sis, txawm hais tias muaj ob tug thawj coj uas zoo heev no los, cov neeg ua phem zuj zus ntxiv xwb. Nyob hauv Hilamas 5:1–6:14 Nifais tau tso lub rooj txiav txim tseg es mus qhia cov neeg, ib yam li nws yawg koob Amas tau ua. Cov neeg hloov siab lees txim tau ib ntus. Nyob hauv Hilamas 6:15–12:26, txawm li ntawd los, haiv neeg Nifais tau hloov los ua cov neeg phem. Tshooj kawg, 13–16, hais txog ib tug yaj saub tshwj xeeb heev hu ua Xamuyees tus Neeg Lamas uas qhia tej yam yuav muaj los yav tom ntej txog tus Cawm Seej hnub yug thiab Kev Raug Ntsia Saum Ntoo Khaub Lig thiab tej cim uas qhia tias muaj li hais no tiag.