Yaj Saub lub Koom Haum Kawm, cov

Nyob hauv Kirtland, Ohio (lub Teb Chaws Amelikas), thaum lub caij no no ntawm xyoo 1832–1833, tus Tswv txib Joseph Smith tsim ib txoj kev kawm ntawv kom qhia cov kwv tij txog tag nrho tej yam ntsig txog txoj moo zoo thiab Vajtswv lub nceeg vaj. Ntau tus thawj coj ntawm lub Koom Txoos tau los ntawm lub koom haum kawm no. Parley P. Pratt nyob hauv Ciaj Ciam Av Jackson, Missouri tau coj lwm lub koom haum kawm ntawm cov yaj saub los yog cov txwj laug. (Q&K 97:1–6). Muaj tej lub koom haum kawm ntawv zoo ib yam li no tsis ntev tom qab Haiv Neeg Ntseeg mus rau Sab Hnub Poob; tiam sis lawv tsum tsis ua ntxiv tom qab ntawd. Niaj hnub no lawv qhia txoj moo zoo nyob hauv tsev, pawg pov thawj hwj, thiab tej lub koom haum pab, thiab nyob hauv lub Koom Txoos tej tsev kawm ntawv thiab txoj kev kawm vaj lug kub hauv tsev kawm ntawv qib siab (seminary thiab institute).