Hlaws uas Muaj Nqis Heev, lub

Vajtswv lub nceeg vaj hauv ntiaj teb muab piv rau ib “lub hlaws uas muaj nqis heev” (Mat. 13:45–46).

Lub Hlaws uas Muaj Nqis Heev kuj yog lub npe tis rau ib phau ntawm plaub phau vaj lug kub hu ua cov “txhooj vaj lug kub” ntawm Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg. Lub Koom Txoos tau muab thawj phau Lub Hlaws uas Muaj Nqis Heev luam tawm thaum xyoo 1851 thiab muaj cov ntawv uas tam sim no nyob hauv phau Lus Qhuab Qhia thiab Kev Khi Lus. Tej phau uas luam tawm txij thaum xyoo 1902 los muaj (1) tej nqe lus los ntawm Joseph Smith kev txhais lus rau Chiv Keeb, hu ua Mauxes phau ntawv, thiab rau Mathais 24, hu ua Joseph Smith—Mathais; (2) Joseph Smith kev txhais lus rau cov ntawv tauj deg Iyiv uas nws txais thaum xyoo 1835, hu ua Anplaham phau ntawv; (3) ib nqe lus los ntawm Joseph Smith zaj keeb kwm rau lub Koom Txoos uas nws sau thaum xyoo 1838, hu ua Joseph Smith—Keeb Kwm; thiab (4) Tej Nqe Kev Ntseeg, kaum peb nqe lus hais txog kev ntseeg thiab lus qhuab qhia.