Kaj, Khetos txoj Kev Kaj

Lub zog, hwj cim, los yog hwj huam los saum ntuj los uas Vajtswv muab rau Khetos thiab ua rau txhua yam muaj txoj sia thiab txoj kev kaj. Yog txoj kev cai uas tswj hwm txhua yam nyob saum ntuj thiab hauv lub ntiaj teb (Q&K 88:6–13). Nws kuj pab tib neeg to taub txoj moo zoo muaj tseeb thiab pab lawv pib taug txoj kev ntawm txoj moo zoo uas coj lawv rau txoj kev cawm seej (Yhs. 3:19–21; 12:46; Amas 26:15; 32:35; Q&K 93:28–29, 31–32, 40, 42).

Yuav tsum tsis txhob xav tias Khetos txoj kev kaj yog tus Vaj Ntsuj Plig Dawb Huv. Khetos txoj kev kaj tsis yog ib tug neeg. Yog ib lub hwj huam uas los ntawm Vajtswv thiab npaj ib tug neeg txais tus Vaj Ntsuj Plig Dawb Huv. Yog ib lub hwj huam uas pab kom txhua tus neeg ua zoo (Yhs. 1:9; Q&K 84:46–47).

Ib qho uas muaj los ntawm Khetos txoj kev kaj yog kev paub qhov zoo, uas pab ib tug neeg xaiv qhov zoo thiab tsis xaiv qhov phem (Mln. 7:16). Thaum tib neeg kawm ntxiv txog txoj moo zoo, lawv haj yam paub qhov zoo txawv qhov phem li cas (Mln. 7:12–19). Thaum tib neeg ua raws li Khetos txoj kev kaj, Khetos txoj kev kaj coj lawv mus rau Yexus Khetos txoj moo zoo (Q&K 84:46–48).