1 Mamelang, oho lona baholo ba kereke ea ka, ’me fanang ka tsebe ho lentsoe la Molimo ea phelang; ’me le mamele mantsoe a bohlale ao a tlang ho fanoa ho lona, ho latela joaloka ha le ne le kopile ’me a lumelloa malebana le kereke, ’me meea eo e tsamaile lefats’eng ka bophara.

2 Bonang, kannete ke re ho lona, hore ho na le meea e mengata eo e leng meea ea bohata, eo e ileng ea tsamaea lefats’eng, e thetsa lefats’e.

3 ’Me hape Satane o batlile ho le thetsa, hore a ke a le lihele.

4 Bonang, ’na, Morena, ke le shebile, ’me ke bone manyala a ka kerekeng a ba bolelang ka molomo lebitso la ka.

5 Empa ho lehlohonolo bao ba ts’epahalang ’me ba mamellang, hore na ke bophelong kapa lefung, hobane ba tla rua bophelo ba bosafeleng.

6 Empa bomalimabe bao ba thetsang le baikaketsi, hobane ho rialo Morena, ke tla tlisa kahlolo ho bona.

7 Bonang, ke re ho lona, ho na le baikaketsi har’a lona, ba thetsitseng ba bang, seo se file sera matla; empa bonang ba joalo ba tla khutlisoa;

8 Empa baikaketsi ba tla fumanoa ’me ba khaoloe, ekaba bophelong bona kapa lefung, esita le joaloka ka thato ea ka; ’me bomalimabe ho bona bao ba khaotsoeng kerekeng ea ka, hobane ba joalo ba hlotsoe ke lefats’e.

9 Ka baka leo, etsang hore motho e mong le e mong a be hlokolosi esere a etsa sane seo eseng ’nete ’me se sa lokang kapele ho ’na.

10 ’Me joale tlohong, ho rialo Morena, ka Moea, ho baholo ba kereke, ’me ha re buisaneng hammoho, hore le ke le utloisise;

11 Ha re buisaneng esita le joaloka ha motho a buisana le e mong sefahleho ho sefahleho.

12 Joale, ha motho a bua taba, o utloisisoa ke motho, hobane o bua joaloka ha e le motho; esita le joalo le ’na, Morena, ke tla buisana le lona hore le ke le utloisise.

13 Ka baka leo, ’na Morena ke le botsa potso ena—le ne le beheloa matsoho eng?

14 Ho ruta evangeli ea ka ka moea, esita le Mots’elisi ea ileng a romeloa pele ho ruta ’nete.

15 ’Me joale le ile la amohela meea eo le ileng la sitioa ho e utloisisa, ’me le ile la e amohela e le ea Molimo; ’me na see se nepahetse ho lona?

16 Bonang le tla araba potso ena ka bo-lona; leha ho le joalo, ke tla ba mohau ho lona; eo ea fokolang har’a lona kamorao ho mona o tla etsoa ea matla.

17 Kannete ke re ho lona, eo ea behiloeng matsoho ka ’na ’me a romeloa pele ho ruta lentsoe la ’nete ka Mots’elisi, ka Moea oa ’nete, na o ruta ka Moea oa ’nete kapa ka tsela e ’ngoe?

18 ’Me haeba e ba ka tsela e ’ngoe ha se ea Molimo.

19 ’Me hape, eo ea amohelang lentsoe la ’nete, na o le amohela ka Moea oa ’nete kapa ka tsela e ’ngoe?

20 Haeba e ba ka tsela e ’ngoe ha se ea Molimo.

21 Ka baka leo, ke hobaneng ha le sitoa ho utloisisa le ho tseba, hore eo ea amohelang lentsoe la ’nete o le amohela joaloka ha le rutoa ka Moea oa ’nete?

22 Ka baka leo, eo ea rutang le eo ea amohelang, ba utloisisana, ’me ka bobeli ba matlafala moeeng ’me ba nyakalla hammoho.

23 ’Me seo se sa matlafatseng moeeng ha se sa Molimo, ’me ke lefifi.

24 Seo e leng sa Molimo ke leseli; ’me eo ea amohelang leseli, ’me a tsoelapele ho Molimo, o amohela leseli le eketsehileng; ’me leseli leo le eketsa ho khanya le ho khanya ho fihlela mots’eare o phethehileng.

25 ’Me hape, kannete ke re ho lona, ’me ke e bua hore le ke le tsebe ’nete, hore le ke le leleke lefifi ho tsoa har’a lona;

26 Eo ea behiloeng matsoho ke Molimo o romeloa pele, ’me ea joalo o khetheloa ho ba ea moholo-holo ho sa tsotellehe hore ke ea monyenyane le mohlanka oa bohle.

27 Ka baka leo, ke mong’a lintho tsohle; hobane lintho tsohle li taolong a hae, ka bobeli tse leholimong le tse lefats’eng, ’me bophelo le leseli, Moea le matla, li rometsoe pele ka thato ea Ntate ka Jesu Kreste, Mor’a hae.

28 Empa ha ho motho eo e leng mong’a lintho tsohle ntle le hore a hloekisoe ’me a hlatsuoe libeng tsohle.

29 ’Me haeba le hloekisitsoe ’me la hlatsoitsoe libeng tsohle, le tla kopa eng kapa eng eo le e batlang ka lebitso la Jesu ’me e tla etsoa.

30 Empa tsebang sena, ho tla fanoa ho lona seo le tla se kopa; ’me hobane le kethetsoe ho tsamaisa, meea e tla ba taolong ea lona.

31 Ka baka leo, ho tla etsahala, hore haeba le sheba moea o iponahatsang oo le sitoang ho o utloisisa, ’me ha le amohele moea oo, le tla kopa ho Ntate ka lebitso la Jesu; ’me haeba a sa fane ho lona moea oo, joale le ka tseba hore ha se oa Molimo.

32 ’Me ho tla fanoa ho lona, matla holim’a moea oo; ’me le tla phatlalatsa khahlanong le moea oo ka lentsoe le phahameng hore ha se oa Molimo—

33 Eseng ka ho ahlola ka nyefolo, hore le seke la hloloa, eseng ka boithoriso kapa ka thabo, e se re la ts’oaroa ke oona.

34 Eo ea amohelang Molimo, etsa hore a e nke e tsoa ho Molimo; ’me mo lumelle a thabe hore o nkiloe ke Molimo e le ea lokelang ho amohela.

35 ’Me ka ho mamela le ho etsa lintho tsena tseo le li amohetseng, le tseo le tla liamohela kamorao ho mona—’me ’muso o fanoe ho lona ke Ntate, le matla a ho hlola lintho tsohle tseo le sa li khetheloang ke eena—

36 ’Me bonang, kannete ke re ho lona, le lehlohonolo lona bao joale le utloang mantsoe ana a ka ho tsoa molomong oa mohlanka oa ka, hobane libe tsa lona li ts’oaretsoe.

37 Etsang hore mohlanka oa ka Joseph Wakefield, eo ke khahlisoang ke eena, le mohlanka oa ka Parley P. Pratt ba tsamaee har’a likereke ’me ba li matlafatse ka lentsoe la khothatso;

38 ’Me le mohlanka oa ka John Corrill, kapa joaloka ba bangata ba khethetsoeng ofising ena, ’me etsa hore a sebetse ts’imong ea morara; ’me se ke ua lumella motho ho ba sitisa ho etsa seo ke ba khethetseng sona—

39 Ka baka leo, nthong ena mohlanka oa ka Edward Partridge ha a ea behoa ea lokileng; leha ho le joalo mo lumelle a bake ’me o tla ts’oareloa.

40 Bonang, le bana ba banyenyane ’me le sitoa ho mamella lintho tsohle ha joale; le tlameha ho hola mohaung le tsebong ea ’nete.

41 Se ts’abeng, bana ba banyenyane, hobane lona le baka, ’me ke hlotse lefats’e, ’me le ba bona bao Ntate a ’neileng bona.

42 ’Me ha ho le ea mong oa bona oa bao Ntate a ’neileng bona a tla lahleha.

43 ’Me Ntate le ’na re ntho e le ’ngoe. Ke ka ho Ntate ’me le Ntate ka ho ’na; ’me ha feela le nkamohetse, le ka ho ’na ’me le ’na ka ho lona.

44 Ka baka leo, ke ka har’a lona, ’me ke molisa ea molemo, le lejoe la Iseraele. Eo ea ahang holim’a lefika lena a ke ke a hlola a oela.

45 ’Me letsatsi lea tla leo le tlang ho utloa lentsoe la ka ’me le mpone, ’me le tsebe hore ke ’na.

46 Falimehang, ka baka leo, hore le ke le loke. Esita le joalo. Amen.