Valetabu kei na Tuva Kawa

Raica na reki ni vola ni tuva kawa mai na ivalavala tudei me vaka na italanoa, cakacakaniliga, meke, kakana, kei na ivakatagi.

Sureti ira na itabagone me ra vakataroga e dua na tubunigone, itubutubu, momo, nei, se dua tale na weka voleka me ra kila se a tekivu vakacava ena nodra matavuvale e dua na ivalavala tudei. Kevaka e sega ni dua na nodra ivalavala tudei, sureti ira me ra vakasamataka e dua era na vinakata me ra tekivuna vakamatavuvale. Sureti ira yadua na itabagone me ra wasea e dua na ivalavala tudei ena nodra vakarautaka e dua na italanoa, kakana, cakacakaniliga, meke, se sere. Sureti ira na matavuvale, se o ira na lewe ni tabanalevu me ra sarasara. Tabaka na ivalavala tudei. Navuca mo buli talanoa me baleta na kena buli na ivalavala tudei oqo qai wasea kei na itaba ena Vunikau ni Matavuvale ena lds.org/familyhistory.

Vukei ira na sega ni matau ena tekinolaji mera maroroya na veika makawa ni nodra matavuvale.

Kerei ira na lewe ni tabanalevu qasecake mera soqona na itaba makawa ni matavuvale ka talanoataka vei ira na itabagone (sa rawa ni vakayacori oqo e vale se dua tale na vanua). Navuca me veisa e dua na itabagone kei ira yadua. Lavetaka vakomupiuta na itaba, tabaki ira na volavola, se gole ki na vale ni tuvakawa mera laki lavetaki kina na itaba. Navuca mo katona e so na nodra italanoa me baleta na nodra matavuvale na lewenilotu qasecake. Ko na via lavetaki ira beka na itaba kei na italanoa ena lds.org/familyhistory, vakauta vei ira na tamata ena itaba kei na italanoa, ka semati ira ki na Family Tree.

Vulica ka vaqaqacotaki mai na veisolisoli vakawa ni noda matavuvale.

Mera vakavakarau na itabagone mera mai talanoataka na veitalanoa taleitaki ni nodra matavuvale. Ena rawa me dua na italanoa makawa me baleta nodra matavuvale se dua na ka vakaibalebale ka yaco ena nodra gauna ni bula. Vakauqeti ira mera vakamacalataka se cava e vakaibalebale kina vei ira na nodra italanoa ka sa vaqaqacotaka talega vakacava na nodra matavuvale. Wasei ira vakailawalawa lalai na itabagone ka mera talanoa kina, se mera wasea raraba ki na ilawalawa levu. Sureti ira mera kau itaba mai se iyaya ka matataka na nodra italanoa. O na rawa beka ni vakatara mera wasea na itaba se italanoa ena lds.org/familyhistory me rawa ni ra na wasei yani vei ira e lewe levu cake tale na lewe ni matavuvale. Navuca na veisala mera okati kina ena itaviqaravi oqo na itubutubu. Me ivakaraitaki, sa rawa mo sureti ira mera mai talanoa talega ena itaviqaravi.

Taracake na ivakadinadina me baleta na valetabu kei na cakacaka ni tuva kawa, ka vakaitavi ena nodra sereki na mate.

Tiko ena valetabu mo vakaitavi ena papitaiso kei na veivakadeitaki me baleti ira na mate. Kevaka e rawa, vakarautaka taumada e dua na yaca ni matavuvale se so na yaca me baleta na papitaiso, ka veivosakitaka na veivakalougatataki eso ni veiqaravi ena valetabu (raica na “Veiqaravi,” Me iSakisaki ni iTabagone [2011], 32–33).

Kevaka e sega na valetabu ena nomu yasana, sa rawa ni ra vakavakarau na itabagone ni tiko ena valetabu ena dua na siga ena nodra taura e dua na ivolatara vakaiyalayala ni valetabu, qaravi ni nodra cakacaka ni tuva kawa me rawa ni vakayacori kina na cakacaka tabu vakalotu eso ni tubudra, kei na vulici ni veivakalougatataki ni veiqaravi ena valetabu. Sa rawa ni ra talevalesu talega na itabagone na Temples of The Church of Jesus Christ of Latter-day Saints, na vidio “Why Mormons Build Temples,” se ivolalobi “The Holy Temple” mera vulica baleta na valetabu ena veiyasai vuravura ka wasea na nodra nanuma me baleta na nodra gagadre ni gole.

Veiqaravi vei ira na tamata era bulu tu na lewe ni nodra matavuvale ena nomudou ibulubulu ena nomu maroroya ka wasea na itukutuku e tu ena vatu ni bulubulu.

Sikova e dua na ibulubulu ena nomu vanua. Kauta na qaniliga, kilipa lalai, itataviraki, kei na iyaya tale eso me samaki ka vakasavasavataki kina na vatunibulubulu me vaka e gadrevi. Tabaka na vatunibulubulu mo vola i tukutukutaka. Na vatunibulubulu e dredre na wilika, qusiraka, vakamuria na we ni volavola ena dua na nomu iqaqalo, ka vola na itukutuku. Navuca mo vakatotomuria (wilika) na itukutuku mai na vatunibulubulu.

Dikeva na reki ni cakacaka ni tuva kawa ka qaravi ira tale eso ena tuva matanivola.

Sureta e dua na daunituvakawa se dairekita ni tuva matanivola ni iteki me vakatavulici ira na itabagone ena iwalewale ni tuva matanivola, se vulica na iwalewale ni kena tekivutaki na FamilySearch.org. Vakarautaka vakailawalawa e dua na nakinaki me tuvai vakamatanivola eso na iwiliwili ni yaca, ka cakacakataka yani vakatautauvata na nomu nakinaki. Ko na rairai vinakata mera vakaitavi vakataucoko ena cakacaka vata ga ni tuva matanivola me taracake na duavata. Vakasamataka mo tu-va vakamatanivola na itukutuku mai na wase ni vuravura eso ena vukei ira na lewe ni tabanalevu mera kunea na nodra matavuvale.

Vulica na vaqaqara yaca ni kawa ka vakarautaka na yaca me ra cakacakataki ena valetabu.

Lako ki na vale ni tuvakawa se lds.org/topics/family-history mo kilai ira mai kina na nomu qase. Ke gadrevi, bulia e dua na LDS Account me baleta na itabagone yadua. Sureti ira na itabagone mera vakacavara vinaka na ivolalailai Noqu Matavuvale ka vakacuruma na ivakamacala oqori ena Family Tree ena FamilySearch.org. Ena nona veivuke e dua na daunivakasala ni tuvakawa, vaqara ka vakarautaka na yacadra na qase me baleta na veicakacaka ni valetabu. Tuva e dua na ilakolako ki na valetabu mera laki vakayacori kina na cakacaka oqo.

Vukei na tani mera vakarautaka na yaca ni nodra matavuvale me kau ki na valetabu.

Sureti ira nomu lewe ni tabanalevu mera vakalewena na ivolalalai ni Noqu Matavuvale. Soqona vata na ivolalalai kei na ID veivukei (iotioti ni lima ni matanifika ni nodra naba ni itukutuku ni lewenilotu) ni lewenilotu era via vukei ni kena kunei na yaca me kau ki na valetabu. Gole ki na lds.org/familyhistory ka curu ki na Vunikau ni Matavuvale. Saini mo vukea e dua na lewenilotu. Vakacuruma na itukutuku ki na Vunikau ni Matavuvale mai na ivolalalai Noqu Matavuvale ka maroroya e dua na cakacaka tabu ni valetabu e gadrevi me vakacavari. Lavetaka e dua na Kerekere ni Cakacaka Tabu ni Matavuvale nei lewenilotu. Solia na ivolalalai kei na Kerekere ni Cakacaka Tabu ni Matavuvale ki vua na lewenilotu.

Kunea na marautaki ni tuvakawa ena nomu vulica na veika baleta e dua na qase ni vuvale.

Gole ki na dua na vale ni tuvakawa ni vanua se vanua ka levu kina na komupiuta ka sema ki na initaneti. Sureta e dua e kila na veika ni ivolatukutuku makawa me wasea na ivakaraitaki ni kena rawa ni tauri tani mai ena ivolatukutuku ni dua na tamata e dua na italanoa. Sureta e dua na itabagone me vaqara e dua na itukutuku makawa baleta e dua na nodratou qase ena lds.org/familyhistory. Kevaka era sega ni kunea e dua na itukutuku, vukei ira ena tuvai vakamatanivola ni itukutuku, ka rawa ni ra kunei kina na itukutuku oqori. Navuca na kedra semati na itukutuku oqori ki vua na tamata ena Family Tree ka kuria na ivakamacala vou era sa kunea rawa me baleta na nodra matavuvale. Vakarautaka na yaca eso e sa kunei rawa mera kau ki na valetabu.