Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Ny maha-zava-dehibe ny fankatoavana eo amin’ny fitondrana ny hafa hanatona an’i Kristy: Fankatoavana ao amin’ny asa fitoriana

“Ny maha-zava-dehibe ny fankatoavana eo amin’ny fitondrana ny hafa hanatona an’i Kristy: Fankatoavana ao amin’ny asa fitoriana,” Testamenta Taloha: Boky torolalana ho an’ny mpampianatra seminera (2026)

Fiomanana ho misiônera: Lesona 200

Ny maha-zava-dehibe ny fankatoavana eo amin’ny fitondrana ny hafa hanatona an’i Kristy

Fankatoavana ao amin’ny asa fitoriana

Sister missionaries teaching family outside in Bolivia

Ampahany manan-danja amin’ny diantsika eto an-tany ny fisafidianana ny ho mpankatò satria tiantsika ny Ray any An-danitra sy i Jesoa Kristy (jereo ny Jaona 14:15). Ny fankatoavantsika manokana dia tena manan-danja indrindra rehefa misolo tena an’i Jesoa Kristy Mpamonjy isika amin’ny maha-mpikamban’ny Fiangonany sy amin’ny maha-misiônera amin’ny fotoana feno antsika. Ity lesona ity dia afaka manampy ny mpianatra hamantatra ny maha-zava-dehibe ny fankatoavana ao amin’ny fanaovana ny asan’ny Mpamonjy amin’ny maha-misiônera.

Fanomanana ny mpianatra: Asao ny mpianatra hamerina hijery ny sasany amin’ireo fenitra momba ny asa fitoriana izay hita ao amin’ny Fizarana 3 ao amin’ny “Règles missionnaires pour les disciples de Jésus-Christ” ao amin’ny Médiathèque de l’Évangile. Azon’ny mpianatra atao ihany koa ny miresaka amin’ny olona iray izay efa nanao asa fitoriana ary manontany hoe inona avy ireo fenitry ny misiôna tsaroan’izy ireo.

Sahanasa fianarana azo atao

Fenitry ny asa fitoriana

Hevero ny hanomboka ny lesona amin’ny alalan’ny fampisehoana sarin’ny misiônera iray sy ny loharanom-pitaovana Règles missionnaires pour les disciples de Jésus-Christ ao amin’ny ChurchofJesusChrist.org. Azonao atao ny manazava amin’ny mpianatra fa ireo misiônera dia antenaina hanaraka fitsipika sasantsasany rehefa misolo tena ny Mpamonjy izy ireo.

Inona avy ireo fitsipika sasantsasany izay andrasana amin’ireo misiônera mba hankatoaviny?

Raha ilaina dia azonao atao ny mizara ny sasany amin’ireo fenitra ho an’ny misiônera voatanisa etsy ambany, na avy amin’ny zavatra niainanao manokana, na fenitra hafa hita ao amin’ny Fizarana 3 na ny Fizarana 7 ao amin’ny Règles missionnaires pour les disciples de Jésus-Christ avy ao amin’ny ChurchofJesusChrist.org. Azonao atao ny manamarika fa ireo misiônera dia antenaina ihany koa hanaraka ny torohevitr’ireo mpitarika azy ireo ao amin’ny misiôna izay mitarika ny asan’ny Tompo amim-pahamarinana.

Fitsipika sasantsasany iainan’ny misiônera:

Aoka ianao ho tsara fanahy, mijery ny lafi-tsaran-javatra foana ary mankahery.
Mijanòna mandrakariva miaraka amin’ny mpiara-mitory aminao.
Ialao ireo toe-javatra izay mety ho lasa mampidi-doza ara-batana na ara-panahy. Aza mampiasa fitaovana mahery vaika, mampiasa fitaovana mavesatra, na mandeha amin’ny traktera, tranofiara, na kamiao misy fandriana.
Sorohy ny vata fahitalavitra, ny horonan-tsary, ny jeux videos ary ireo horonan-tsary tsy nahazoana lalana.
Fero ho fifandraisana tanàna ihany ny fifandraisana ara-batana amin’ny lehilahy raha vehivavy ianao ary amin’ny vehivavy raha lehilahy ianao.

Nahoana no mety ho sarotra amin’ny misiônera iray ny mankatò ny sasany amin’ireo fenitra ireo? Nahoana no ho zava-dehibe ho an’ny misiônera ny manaraka azy ireo?

Azonao atao ny manasa mpianatra vitsivitsy hizara ohatra iray momba ny misiônera iray fantatr’izy ireo, ireo fenitra nasaina hohazonin’izy ireo, ary ny fomba nitahian’ny Mpamonjy azy ireo noho ny ezaka nataon’izy ireo.

Fahamarinan’ny tena manokana sy fankatoavana

Azonao zaraina ity teny nambaran’ny Loholona Soares ity mba hanampiana ny mpianatra hamantatra fahamarinana iray momba ny fifandraisan’ny fankatoavana sy ny asa fitoriana.

Nampianatra ny Loholona Ulisses Soares ao amin’ny Kôlejin’ny Apôstôly Roambinifolo fa:

Ny fahamarinan’ny tena manokana dia iray amin’ireo fepetra manan-danja indrindra hisoloana tena ny Mpamonjy eo anatrehan’izao tontolo izao. Mahatonga antsika ho mendrika ihany koa ny hanana ny Fanahin’ny Tompo ho namana miaraka amintsika [izany]. …

Raha misafidy ny tsy hankatò isika dia tsy ho afaka hisolo tena ny Mpamonjy araka izany, na hanana ny Fanahin’ny Tompo miaraka amintsika. … Mba ho fitaomana tsara eo amin’ny fiainan’ireo olona ampianarinao dia tsy maintsy manana ny Fanahin’ny Tompo miaraka aminao ianao. …

Raha mankatò amin’ny fo feno fahavononana ianao dia hampiseho amin’ny Tompo ny fahavononanao hanaraka Azy, ny fitiavanao Azy sy ny Raintsika any An-danitra. Hivelatra kokoa ny fivoaranao ara-panahy. Hahafantatra ny Mpamonjy ianao, ary izany dia hampisy fiovana eo amin’ny asa fitoriana ataonao sy eo amin’ny fiainanao. (Scott Tayler, “Obedience Is Critical for Missionaries to Fulfill Their Responsibilities, Elder Soares Teaches,”newsroom.ChurchofJesusChrist.org, Mar. 29, 2021)

Inona no ianarantsika avy amin’ny Loholona Soares momba ny maha-zava-dehibe ny fankatoavana?

Azon’ny mpianatra atao ny mampiasa ny teniny manokana mba hamantarana fahamarinana toy ny hoe ny fahamarinan’ny tena manokana sy ny fankatoavana dia mahatonga antsika ho mendrika hisolo tena ny Mpamonjy sy hanana ny Fanahy ho namana.

Mety hanampy ny fanazavana fa tafiditra ao anatin’ny fankatoavana ny fitandremana ireo fanekempihavanana nataontsika tamin’ny Ray any An-danitra sy i Jesoa Kristy. Ny fankatoavana dia ampahany manan-danja amin’ny fahamarinan’ny tena manokana sy ny fanehoana fitiavana ny Ray any An-danitra sy i Jesoa Kristy (jereo ny Jaona 14:15).
Inona avy ireo fitahiana hitanao omen’ny Ray any An-danitra sy i Jesoa Kristy ny olona iray izay miezaka mankatò Azy Ireo?
Oviana no nahitanao ny herin’ny Tompo teo amin’ny fiainanao na ny fiainan’ny olona hafa izay fantatrao?

Makà fotoana handinihana ombam-bavaka ny ezaka ataonao amin’izao fotoana izao mba hankatoavana ny Ray any An-danitra sy i Jesoa Kristy. Asao ny Fanahy Masina hanampy anao hamantatra ireo zavatra ataonao tsara na mety ilainao amboarina mba hanehoana kokoa ny fitiavanao Azy Ireo sy hitondrana ny hafa ho eo amin’ Izy Ireo.

Fankatoavana amim-pahatokiana eo amin’ny asa fitoriana

Mba hanampiana ny mpianatra hahita ny fomba ahafahan’ny fankatoavana manampy antsika hitondra ny hafa hanatona an’i Kristy, dia hevero ny hifanakalo hevitra momba ny tantaran’ny fitaomana nentin’i Daniela teo amin’ny Mpanjaka Dariosa ao amin’ny Daniela 6. Mety efa nandalina ity tantara ity tao amin’ny Lesona 145: “Daniela 6” ny mpianatra Azonao fintinina fohifohy amin’ity andiam-pehezan-teny manaraka ity ilay tantara.

Na dia nandevozina tao Babylona sy Persia aza i Daniela dia nanompo ny Tompo tamim-pahatokiana izy. Tian’ny Mpanjaka Dariosa “nihoatra noho ny komandy lehibe sy ny solo-mpanjaka namany” tao amin’ny fanjakany i Daniela satria “nanam-panahy hendry i [Daniela]” (Daniela 6:4). Mba hiezahana hanaratsiana an’i Daniela teo imason’ny Mpanjaka Dariosa dia namolavola drafitra hampifanindrina ny tsy fivadihan’i Daniela tamin’ny Mpanjaka Dariosa amin’ny tsy fivadihany amin’ Andriamanitra ireo komandy hafa. Nanery an’i Dariosa izy ireo hanambara fa ny fivavahana amin’ Andriamanitra na ny olona hafa ankoatra an’i Dariosa dia saziana ho faty ao an-davaky ny liona (jereo ny Daniela 6:5–10). Na dia teo aza ny loza dia naneho ny fankatoavany an-tsitrapo i Daniela tamin’ny fanohizana ny fivavahana tamin’ Andriamanitra. Rehefa voatatitra ny vavaka nataon’i Daniela dia nanaiky tsy fidiny hanipy azy tao an-davaky ny liona i Dariosa.

Vakio ny Daniela 6:19–28, ka tadiavo ny fiantraikan’ny fankatoavan’i Daniela ny Tompo teo amin’i Dariosa Mpanjaka.

Inona no hitanao?
Ahoana no ahafahan’ny ezaka ataontsika hankatò ny Tompo hisy fiantraikany tsara eo amin’ny fomba fijerin’ny hafa ny Ray any An-danitra sy i Jesoa Kristy?

Zarao ny zavatra izay nianaranao

Mamoròna rindran-damina izay azo ampiasaina amin’ny lahateny telo ka hatramin’ny dimy minitra momba ny maha-zava-dehibe ny fankatoavana rehefa mizara ny filazantsaran’ny Mpamonjy amin’ny hafa.

Ampidiro ao anatin’ny rindran-daminao ny telo farafahakeliny amin’ireto manaraka ireto.

Soratra masina iray momba ny fankatoavana sy ny fomba azo ampiharana izany amin’ny fizarana ny filazantsaran’i Jesoa Kristy.
Ohatra iray avy amin’ny fiainana na fampianaran’i Jesoa Kristy izay afaka manampy ny olona iray hiezaka ny hankatò.
Ohatra amin’izao andro maoderina izao mikasika ny maha-zava-dehibe ny fankatoavana sy ny fomba hitahian’ny Ray any An-danitra sy i Jesoa Kristy ny ezaka ataontsika.
Teny fohy avy amin’ny mpitarika iray ao amin’ny Fiangonana izay manantitrantitra ny fiezahana hankatò sy ireo fitahiana avy amin’ny fanaovana izany.
Ny fahatsapanao manokana momba ny antony maha-manan-danja ny fankatoavana rehefa misolo tena ny Mpamonjy amin’ny maha-mpikamban’ny Fiangonany antsika sy amin’ny maha-misiônerany isika.

Azonao atao ihany koa ny manome ny mpianatra ny taratasy zaraina faharoa ato amin’ity lesona ity mba handrafetana ilay rindran-damina ho an’ny lahateniny. Azon’izy ireo atao ny mampiditra lohateny ao amin’ny efajoro voalohany, teny fanolorana tsotra ho an’ny lahateniny ao amin’ny faharoa, ireo zavatra telo izay notapahan’izy ireo fa hampidirina avy ao amin’ilay lisitra etsy ambony ao amin’ireo efajoro telo manaraka, ary ny fijoroana ho vavolombelona ananan’izy ireo ao amin’ilay efajoro farany.

Rehefa avy namorona ny rindran-daminy ny mpianatra dia afaka miara-miasa amin’ny namana iray izy ireo mba hanao fanazaran-tena na hanatsara ny lahateniny. Azonao atao avy eo ny manasa ireo mpianatra hizara ny lahateniny amin’ny iray kilasy. Mety tsy mahazo aina amin’ny fizarana amin’ny feo mafy ny mpianatra sasany. Azonao atao ny mamporisika azy ireo hitondra ny rindran-daminy hody sy hampianatra olona iray ao amin’ny fianakaviana na namana iray.

Zarao ny fijoroana ho vavolombelona anananao momba ny maha-zava-dehibe ny fahamarinan’ny tena manokana rehefa misolo tena ny Mpamonjy sy ny filazantsarany amin’ny hafa isika.

Loharanom-pitaovana fanampiny

Ahoana no fomba anehoantsika ny fitiavantsika ny Tompo amin’ny alalan’ny fihazonana ireo fitsipika mifehy antsika?

Nampianatra toy izao ny Loholona Gary E. Stevenson ao amin’ny Kôlejin’ny Apôstôly Roambinifolo:

Ny fitiavana ny Tompo dia matetika refesina amin’ny zavatra madinika ataontsika isan’andro, ireo dingana eo amin’ny lalan’ny fanekempihavanana: ho an’ny zatovo, izany dia ny fampiasana ny tambajotran-tserasera mba hampiorina fa tsy hanimba; ny fialana amin’ny fety na sarimihetsika na hetsika izay mifanohitra amin’ny fenitra arahina; fanehoana fanajana ho an’ny zavatra masina. (“Mampifandray ireo didy roa lehibe,” Liahona, mey 2024, 105)

Nahoana no zava-dehibe ny mianatra fankatoavana rehefa miomana ny hizara ny filazantsara amin’ny hafa isika?

Raha niresaka tamin’ireo misiônera vaovao ny Loholona David A. Bednar ao amin’ny Kôlejin’ny Apôstôly Roambinifolo dia nampahatsiahy azy ireo hoe:

Ny tsy fankatoavana dia fikomiana amin’ Andriamanitra sy ny tanjony ary mahatonga antsika hanalavitra ny tenantsika amin’ny fitaoman’ny Fanahy Masina. … Tsy miala amintsika ny Fanahy Masina; fa amin’ny alalan’ny tsy fankatoavana kosa no hanalavirantsika ny tenantsika amin’ny fitaoman’ny Fanahy Masina. (Scott Tayler, “7 Lessons Elder Bednar Has Learned About Obedience Over Past 50 Years,”newsroom.ChurchofJesusChrist.org, June 27, 2022)

Nampianatra ny Loholona Larry S. Kacher ao amin’ny Fitopololahy hoe:

10:20

Fa rehefa mandroso mankamin’ny finoana marina an’i Jesoa Kristy isika dia manomboka miova ny toe-tsaintsika. Miaiky isika fa ny fankatoavana sy ny finoana ny Mpamonjy no mahatonga antsika ho mendrika ny hanana mandrakariva ny Fanahiny miaraka amintsika. Tsy zavatra mahasosotra intsony ny fankatoavana fa lasa zavatra katsahina. Manaiky isika fa ny fankatoavana ireo didin’ Andriamanitra dia mamela antsika ho azony itokisana. Azo miaraka amin’ny fitokisany ny fitomboam-pahalalana. Io fahalalana io dia mitarika ny diantsika ary mamela antsika hahita mazava tsara kokoa ny lalana tokony hodiavintsika. (“Tohatra finoana,” Liahona, mey 2022, 25) (mari-potoana 4:05 ka hatramin’ ny 4:39)

Sahanasa fianarana fanampiny

Ireo fitahiana avy amin’ny asa fitoriana ny filazantsara

Mety hanampy ny mpianatra ny mampiasa rafi-tantara mba hanampiana azy ireo hamantatra ny fiantraikan’ny safidy tsara ataontsika eo amin’ny fahafahantsika mizara ny filazantsaran’ny Mpamonjy amin’ny hafa. Hevero ny hanome ireto rafi-tantara manaraka ireto na zavatra mitovy amin’izany.

Amin’ny maha-misiônera azy dia fantatry Soeur Kelly sy Sheperd fa ny ora fodiana napetraky ny misiônany dia amin’ny 9 ora alina, saingy te hijanona mandra-pahatongan’ny 9:30 miaraka amin’ny fianakaviana iray izay ampianariny izy ireo.
Reraka be i Elder Pratt mifoha amin’ny 6:30 maraina araka ny mahazatra ny misiônera. Mihevitra izy fa ny fahazoana torimaso misimisy kokoa dia hanampy azy hanana hery betsaka kokoa ho an’ilay andro.
Milaza ireo fitsipika ao amin’ny misiôna fa tsy mahazo mandeha any amin’ny tora-pasika ireo misiônera. Na izany aza dia nanasa an’i Elder Miller sy Elder Smith ireo mpikambana tao amin’ny sampana iray teo an-toerana mba hihaona amin’ny mpifanolobodirindrina aminy maromaro izay nanontany momba ny Fiangonana ary hanatrika fety eny amin’ny tora-pasika.

Azonao atao ny mandamina ireo mpianatra ho mpiara-miasa mba hifanakalo hevitra momba ilay rafi-tantara nosafidin’izy ireo. Azon’ny mpianatra atao ny mampiasa hafatra an-tsoratra mba hanamboarana resadresaka. Azon’ny mpianatra atao ny maka sary an-tsaina ilay olona ao amin’ilay rafi-tantara izay nangataka ny torohevitr’izy ireo. Afaka mamorona resadresaka izy ireo, mizara ny zavatra nianarany momba ny fankatoavana sy ny asa fitoriana.

Tsara na tsy dia tsara loatra

Rehefa avy mamerina mijery ny sasany amin’ireo fenitry ny misiôna ireo mpianatra dia mety hahazo tombontsoa avy amin’ny fifanakalozan-kevitra momba ny hoe tokony ho toy ny ahoana ny fankatoavana any amin’ny misiôna. Mba hanaovana izany dia azonao atao ny mampiseho ny “Preparation Day Safety,” manomboka eo amin’ny mari-potoana 1:58 ka hatramin’ny 6:15. Azonao atao ny miato aorian’ny fanehoana tsirairay ny asa fitoriana ary manasa ny mpianatra hamaly ny fanasan’ilay mpandrindra mba hamantatra raha toa ka tsara na tsy dia tsara loatra ireo zavatra atao ireo.

16:42

Ny fankatoavana dia midika hoe manaiky ny fahadisoana isika, mibebaka, ary mamerina miezaka ho tsaratsara kokoa indray

Raha sarotra amin’ny mpianatra ny hanana fahatokian-tena fa afaka mankatò izy ireo, na miahiahy raha toa ka voavela heloka tokoa noho ny fahadisoana taloha, dia azonao atao ny mizara ilay horonan-tsary hoe “Transformed Through the Love of Jesus Christ” (2:26). Azonao atao ny manazava fa raha miezaka mafy hanao izay tsara indrindra avy amintsika isika, na dia manao fahadisoana aza isika, dia afaka ny ho voavela isika amin’ny alalan’ny Sorompanavotan’ny Mpamonjy. Hevero ny hanasa ny mpianatra hanoratra teny iditra fohy ao amin’ny diariny izay maneho ny fahavononan’izy ireo hanohy ny fiezahana hankatò, tafiditra ao anatin’izany ilay didy mba hibebaka rehefa manao fahadisoana izy ireo.

2:27