Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Daniela 6: Mitady ny fahamarinan’ny filazantsara ao amin’ny soratra masina

“Daniela 6: Mitady fahamarinan’ny filazantsara ao amin’ny soratra masina,” Testamenta Taloha: Boky torolalana ho an’ny mpampianatra seminera (2026)

“Daniela 6: Mitady ny fahamarinan’ny filazantsara ao amin’ny soratra masina,” Testamenta Taloha: Boky torolalana ho an’ny mpampianatra seminera

Daniela 1–7: Lesona 145

Daniela 6

Mitady ny fahamarinan’ny filazantsara ao amin’ny soratra masina

The Old Testament prophet Daniel in the lion's den at the decree of King Darius. Daniel is resting his hand on the back of one of the lions. The lions are not harming Daniel. Daniel is looking up at the entrance of the lion's den at men who are astonished that Daniel is unharmed.

Inona no tantara avy ao amin’ny Testamenta Taloha izay nampianatra anao fitsipiky ny filazantsara manan-danja iray? I Jesoa Kristy mihitsy no nampiasa ny Testamenta Taloha mba hanampiana ireo mpianany hahatakatra ny fampianarany (ohatra, jereo ny Lioka 4:24–27). Tantara iray mahery vaika izay maneho fahamarinana maro ao amin’ny filazantsara ny tantaran’ny finoana sy ny fitokian’i Daniela ny Tompo, na dia rehefa niatrika ny lavaky ny liona aza izy. Ity lesona ity dia afaka manampy ny mpianatra hamantatra sy hizara ny fahamarinan’ny filazantsara ao amin’ny Daniela 6.

Fanomanana ny mpianatra: Asao ny mpianatra hisaintsaina ny tantaran’ny soratra masina nianarany tao amin’ny Testamenta Taloha tamin’ity taona ity. Afaka misafidy tantara iray izay nanan-danja tamin’izy ireo izy ireo ary hiomana hizara fahamarinana ara-pilazantsara izay nazava taminy avy amin’ilay tantara.

Ireo sahanasa fianarana azo atao

Ny anatra azo raisina avy amin’ilay tantara

Inona no hafatra mety ampianarin’io tantara io?
Ahoana no ahafahan’io hafatra io maneho fahamarinana iray momba an’i Jesoa Kristy na ny filazantsarany?

Tahaka ny ahafahantsika mahita fahamarinana ao anatin’ny angano sy tantara malaza iray, dia afaka mianatra mitady fahamarinana manan-danjan’ny filazantsara isika ao amin’ireo tantara nentanim-panahy ao amin’ny soratra masina izay notsimbinin’ny Ray any An-danitra sy i Jesoa Kristy ho antsika.

Mba hanampiana antsika hahatakatra ny fomba ampianaran’ireo tantara ao amin’ny soratra masina ireo fahamarinan’ny filazantsara dia nampianatra izao ny Loholona Jay E. Jensen ao amin’ny Fitopololahy:

Rehefa mamaky sy mandalina tantara [ao amin’ny soratra masina] ianao dia hahita teny, na andian-teny, na fitsipika iray izay toa azo ampiharina amin’izao andro izao tahaka ny tamin’ny lasa. Rehefa manohy mandalina ombam-bavaka ianao dia hisy fitsipika hafa ho hita miharihary. Rehefa manambatra ireo fitsipika ireo ianao, dia hanomboka hampifandray ny elanelana eo amin’ireo mpaminany sy olona izay niaina fahiny—izy ireo-tany-taloha—ary isika amin’izao vanim-potoana izao—izaho-eto-ankehitriny. (“Scripture Stories as Patterns for Our Lives,” Ensign, July 2009, 21)

Inona no nanaitra anao tamin’ny hafatry ny Loholona Jensen?
Inona no tantara ao amin’ny Testamenta Taloha nanampy anao hahatakatra kokoa momba an’i Jesoa Kristy na ny filazantsarany?

Ity fanombanan-tena manaraka ity dia afaka manampy ny mpianatra hisafidy ny ampahany amin’ny fahaiza-manao amin’ny famantarana fahamarinana avy amin’ireo tantara ao amin’ny soratra masina izay azon’izy ireo hizàrana androany.

Amin’ny isa 1 ka hatramin’ny 5, dia omeo isa ny fahatokian-tenanao mampiasa ireto fahaiza-mandalina soratra masina manaraka ireto:

Afaka mamantatra ireo fahamarinan’ny filazantsara ao anatin’ny tantara iray ao amin’ny soratra masina aho.
Afaka mahita mora foana ny fomba ampianaran’ny tantara iray ao amin’ny soratra masina momba an’i Jesoa Kristy aho.
Azoko ampiharina amin’ny fiainako ny tantaran’ny soratra masina.
Tsy manana olana aho rehefa mizara ny zavatra ianarako avy amin’ireo tantara ao amin’ny soratra masina amin’ny hafa.

Anio ianao dia handalina tantara iray ao amin’ny bokin’i Daniela ary hanazava ny zavatra nianaranao avy amin’izany. Mety hifantoka amin’ny fahaiza-manao izay tsapanao fa hanananao fahatokian-tena kely indrindra ny ezaka ataonao. Asao ny Fanahy Masina hanampy anao hampitombo ny fahafahanao mamantatra fahamarinana ao amin’ireo tantaran’ny soratra masina sy hampianatra ny hafa ny zavatra nianaranao momba an’i Jesoa Kristy sy ny fiainany ary ny filazantsarany.

Natsipy tao an-davaky ny liona i Daniela

Taona maro taorian’ny nakana an’i Daniela sy ireo namany ho babo tany Babylona dia resin’ny Medianina sy ny Persiana ilay firenena. I Dariosy, izay Medianina, dia natao mpanjakan’i Babylona (jereo ny Daniela 6:1).

Rehefa mampiasa ilay taratasy zaraina ny mpianatra mba hanomanana ny lesony dia azonao atao ny mivezivezy eran’ny efitrano mba hahitana ireo fahamarinan’ny filazantsara hitan’izy ireo. Raha sahirana izy ireo dia eritrereto ny fomba ahafahanao manampy azy ireo hianatra hamantatra ireo fahamarinana ao amin’ilay tantara. Ohatra amin’ireo fahamarinana mety ho hitan’izy ireo ny:

Amin’ny maha-mpianatr’i Kristy antsika dia hiatrika fanoherana isika noho ny finoantsika (Daniela 6:2–6).
Hitahy ny ezaka ataontsika ny Tompo rehefa mijoro eo anatrehan’ny faneriterena ataon’izao tontolo izao isika. (Daniela 6:7–17).
Rehefa manao izay marina sy matoky ny Tompo isika dia afaka mitaona ny hafa ny ohatra tsara asehontsika (Daniela 6:17–29).

Zarao ny zavatra izay nianaranao

Rehefa nahavita ny momba ilay taratasy zaraina ny mpianatra dia asao izy ireo hizara ny lesona nomaniny amin’ny vondrona iray hafa na amin’ny iray kilasy. Raha tsy mizara ampahany amin’ilay tantara izay mampahatsiahy azy ireo an’i Jesoa Kristy ny mpianatra dia azonao atao ny manamarika ny fampitahana sasantsasany toy ireto manaraka ireto:

Samy nanao ny sitrapon’ny Ray any An-danitra i Daniela sy i Jesoa, na dia rehefa niatrika fahafatesana aza (jereo ny Daniela 6:8, 11; Jaona 6:38).
I Daniela sy i Jesoa dia samy nivoaka velona tamin’ny fomba mahagaga avy tao anaty lavaka iray izay voasarona vato (jereo ny Daniela 6:18, 24; Marka 15:46; 16:4–6).

Azonao atao ny mamporisika ireo mpianatra hitondra ireo lesona nomanin’izy ireo mody ary hizara izany amin’ny olona iray ao amin’ny fianakaviany na namana iray.

Ho famaranana ny fotoam-pianarana dia hevero ny hizara ny fomba nitahiana anao tamin’ny alalan’ny hafatra momba an’i Jesoa Kristy na ny filazantsarany avy tamin’ireo tantaran’ny soratra masina. Asao ny mpianatra hanohy hikatsaka fahatsapana avy amin’ny Fanahy Masina mba hanampiana azy ireo hahita ireo fahamarinan’ny filazantsara amin’ny fandalinany manokana ny soratra masina.

Loharanom-pitaovana fanampiny

Ahoana no ahafahantsika maneho ny herim-pon’i Daniela amin’izao androntsika izao?

Nizara ny Filoha Thomas S. Monson (1927–2018) hoe:

16:18

Miseho amin’ny endriny maro ny herim-po. Nanoratra izao ilay mpanoratra Kristianina, Charles Swindoll: “Tsy voafetra ho any amin’ny sahan’ny ady ihany akory ny fisehoan’ny herim-po, … na rehefa misambotra amim-pahasahiana mpangalatra iray ao an-tranonao. Misoko mangina kokoa lavitra ny fitsapana ny tena fisian’ny herim-po. Any anaty no isehoan’izany, toy ny fijanonana ho mahatoky rehefa tsy misy olona mijery anao, … toy ny fijoroana irery hatrany rehefa tsy mahatakatra ny momba anao ny olona” [Hal Urban, Choices That Change Lives (2006), 122]. Ankoatra izany, io herim-po ao anaty io dia ahitana koa ny fanaovana ny tokony hatao na dia matahotra aza isika, sy ny fiarovana ny finoantsika na dia mety halaina baraka aza isika ary ny fitazonana ireo zavatra inoana ireo na dia mety hamoy ny namantsika sy ny toerantsika eo amin’ny fiarahamonina aza isika. Izay mijoro ho mafy orina amin’ny zavatra marina dia tsy maintsy manaiky ny ho voakina ary ho halan’ny olona indraindray.

Rehefa nanompo tao amin’ny tafika an-dranomasin’i Etazonia aho tamin’ny Ady Lehibe Faharoa dia nahita fitondrantena mendri-piderana, sy toe-javatra nisehoan’ny fahasahiana ary ohatra maneho herim-po. Ny iray tamin’izany izay tsy hohadinoiko velively dia ilay herim-po mangina nananan’ny tantsambo 18 taona iray—tsy mpikambana ato amin’ny Fiangonantsika—izay tsy mba menamenatra nivavaka. Tao anatin’ireo lehilahy miisa 250 tao anatin’ilay andian-tafika, dia izy irery ihany no nandohalika teo akaikin’ny fandriany isak’alina ary indraindray teo anivon’ny fandrabirabiana sy fananihaniana nataon’ireo tsy mpino. Nanondrika ny lohany izy ary nivavaka tamin’ Andriamanitra. Tsy mba natahotra velively izy. Tsy nisalasala velively. Nanana herim-po izy. (“Mahereza sy matanjaha,” Liahona, mey 2014, 67)

Nilaza ny Filoha Jeffrey R. Holland ao amin’ny Kôlejin’ny Apôstôly Roambinifolo hoe:

Ho avy ny fotoana indray andro any, raha toa ka mbola tsy nitranga izany, izay hanana[nareo] fahafahana hiaro ny finoanareo, na hiaritra herisetra mihitsy aza noho ianareo hoe mpikamban’ Ny Fiangonan’i Jesoa Kristy ho an’ny Olomasin’ny Andro Farany tsotra izao fotsiny. Ny fotoana toy izany dia sady mitaky herim-po no mitaky fahalalam-pomba avy aminareo. …

… Mety hanontany tena ianareo hoe tsy hanenenana ve ny miaro amin-kerim-po ny fitsipiky ny fahatsaram-pitondrantena any amin’ny sekoly ambaratonga faharoa (lycée) na ny mandeha manao asa fitoriana ny filazantsara kanefa avy eo tevatevaina ireo zavatra inoanao tena maminao indrindra, na koa ny miady mafy eo amin’ny fiarahamonina izay indraindray manao tsinontsinona ny fiainan’ny olona feno fanoloran-tena amin’ny fivavahana. Eny, tsy hanenenana izany. …

… Aoka ianao hatanjaka. Aoka ianareo hiaina amim-pahatokiana ny filazantsara na dia tsy miaina izany mihitsy aza ireo manodidina anareo. Arovy amim-pahalalam-pomba sy amim-pitiavana ny finoanareo, tena arovy izany. (“Ny sarany efaina—sy ireo fitahiana azo— amin’ny maha-mpianatr’i Jesoa Kristy,” Liahona, mey 2014, 6, 7, 9)

Sahanasa fianarana fanampiny

Nampianatra tantaran’ny soratra masina avy ao amin’ny Testamenta Taloha i Jesoa

Alohan’ny hanomanana ny lesony ao amin’ny Daniela 6, dia mety hahazo tombontsoa ny mpianatra raha mahita fa matetika i Jesoa Kristy no nampiasa tantara avy ao amin’ny Testamenta Taloha mba hampianarana ny fahamarinan’ny filazantsara amin’ireo mpihaino Azy. Asao ny mpianatra handalina ny iray amin’ireto andalan-tsoratra masina manaraka ireto ka hitady ny fomba nampiasan’i Jesoa ireo tantaran’ny Testamenta Taloha mba hampianarana fahamarinana manan-danja:

Matio 12:38–40 (Jona; jereo ny Jona 1:17)
Matio 24:36–39 (Noa; jereo ny Genesisy 6:13–22)
Lioka 4:24–27 (vehivavy iray tao Zarefata; jereo ny 1 Mpanjaka 17:1, 8–16; ary i Namàna; jereo ny 2 Mpanjaka 5:1–14)
Lioka 17:28–33 (vadin’i Lota; jereo ny Genesisy 19:24–26)
Fotopampianarana sy Fanekempihavanana 121:7–10 (Joba; jereo ny fitarainan’i Joba mikasika ny fomba nitondran’ireo namany azy ao amin’ny Joba 6:14–15)

Rehefa avy namerina nijery ilay andalan-tsoratra masina nosafidiany ny mpianatra dia azonao atao ny manasa ny hanaovana fifanakalozan-kevitra amin’ny alalan’ny fampiasana fanontaniana toy ireto manaraka ireto:

Inona no hafatra nampianarin’i Jesoa tamin’ny alalan’io tantara io?
Ahoana no ahafahan’io tantara ao amin’ny Testamenta Taloha io mampitodika ny mpihaino amin’ny Mpamonjy sy ny filazantsarany?

“Lavaky ny liona” ho an’ny tena manokana

Hevero ny hametraka ny mpianatra ao anaty vondrona kely ary hanao sarina liona iray eny amin’ny solaitrabe ho an’ny vondrona tsirairay. Asao ny vondrona tsirairay hifanakalo hevitra momba ireo “lavaky ny feno liona” (ireo fanamby) samihafa izay mety atrehan’ny olona iray noho ny safidiny ho mahatoky amin’izao fotoana izao. Rehefa avy nomena fotoana ampy ny mpianatra dia asao ny mpianatra iray avy amin’ny vondrona tsirairay ho eny amin’ny solaitrabe ary hanisy anarana ny liona iray ho toy ny fanamby izay noresahan’ny vondrona nisy azy ireo. Asaivo mizara zavatra atao amim-pinoana azon’ny olona iray atao mba hiatrehana ireo fanamby ireo ny mpianatra. Afaka mifanakalo hevitra momba ny fanontaniana toy izao manaraka izao izy ireo:

Nahoana ianao no misafidy ho mahatoky amin’ny Tompo na dia fantatrao aza fa mety hiaina ny sasany amin’ireo fanamby ireo ianao vokatr’izany?
Oviana ny Tompo no nanampy anao, na ny olona iray fantatrao hiaritra na handresy ny olana iray izay nitranga vokatry ny fahatokiana Aminy?

Asao ny mpianatra hisaintsaina toe-javatra eo amin’ny fiainany manokana izay mety hiainan’izy ireo fanamby amin’ny fahatokiana amin’ny Tompo. Amporisiho izy ireo mba ho mahatoky ao amin’ny Tompo amin’ireo toe-javatra ireo ary hijoro ho vavolombelona fa rehefa mahatoky izy ireo dia hanampy azy ireo ny Tompo.

Ohatra amin’ny herim-po ara-môraly

Mba hanampiana ny mpianatra hahita ny fomba hiarovan’ny Tompo ireo mpanompony amin’izao androntsika izao dia azonao atao ny mizara ny iray amin’ireo ohatra voatanisa etsy ambany. Raha hanao izany ianao dia ataovy izay hanazavana fa na dia misy aza ny fotoana hiarovan’ Andriamanitra ireo olo-marina, dia mampahatsiahy antsika ny Almà 60:13 fa misy koa ny fotoana hafa hamelan’ny Tompo na dia ny olo-marina hijaly.

Nisy rahavavy misiônera roa voaro tamin’ny fomba mahagaga tamin’ny loza. Ny Loholona Christofferson ao amin’ny Kôlejin’ny Apôstôly Roambinifolo dia nizara ity tantara ity ao amin’ny “When Thou Art Converted” (mari-potoana 8:44 hatramin’ny 10:02).

11:21

Nisy andian’olona feno hatezerana nanontany an’i Joseph F. Smith fony izy 19 taona raha toa ka mpikambana ao amin’ny Ny Fiangonan’i Jesoa Kristy ho an’ny Olomasin’ny Andro Farany izy: “Preparation of Joseph F. Smith: True Blue, Through and Through” (1:31).

1:31

Nanontany ny Loholona Larry Echo Hawk ao amin’ny Fitopololahy ny mpampianatra iray hentitra tao amin’ny tafika raha toa ka mino ny Bokin’i Môrmôna izy: “Come unto Me, O Ye House of Israel,” (mari-potoana 0:00 hatramin’ny 3:05).

10:32