Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Daniela 2: “Fanjakana izay tsy ho rava mandrakizay”

“Daniela 2: -Fanjakana izay tsy ho rava mandrakizay,-” Testamenta Taloha: Boky torolalana ho an’ny mpampianatra seminera (2026)

“Daniela 2: -Fanjakana izay tsy ho rava mandrakizay,-” Testamenta Taloha: Boky torolalana ho an’ny mpampianatra seminera

Daniela 1–7: Lesona 143

Daniela 2

“Fanjakana izay tsy ho rava mandrakizay”

The Old Testament King Nebuchadnezzar is depicted sitting on his throne in front of the prophet Daniel. Daniel stands as he interprets the king's dream. In the background, depictions from the king's dream can be seen such as the great image and a stone cut from the mountain without hands getting ready to destroy the image. (The stone represents the latter-day kingdom of God.)

Nasehon’i Tompo tamin’i Daniela ny fahitana momba ny andro farany, ilay fotoana ametrahan’ny Tompo ny fanjakany eto an-tany. Hanenika ny tany manontolo ary hijoro mandrakizay ny fanjakan’ny Tompo sy ny Fiangonan’i Jesoa Kristy ho an’ny Olomasin’ny Andro Farany. Ity lesona ity dia afaka manampy ny mpianatra hanamafy orina ny fijoroany ho vavolombelona momba ny famerenan’ Andriamanitra amin’ny laoniny ny Fiangonan’i Jesoa Kristy ho an’ny Olomasin’ny Andro Farany.

Fanomanana ny mpianatra: Asao ny mpianatra hisafidy iray amin’ireto hevitra manaraka ireto hiomanana amin’ity lesona ity:

Sahanasa fianarana azo atao

Fijoroana ho vavolombelona momba ny famerenana amin’ny laoniny

Hevero ny manasa mpianatra hizara izay fanontaniana tadidiny napetraka taminy nandritra ny tafa sy dinika natao momba ny fahazoan-dalana hidirana ny tempoly. Raha ilaina dia azonao aseho ny fanontaniana momba ny fahazoan-dalana hidirana ny tempoly ao amin’ny tovana ao amin’ny Ho zatovo mahery: Torolalana amin’ny fanaovana safidy. Rehefa avy nizara izay fanontaniana vitsivitsy tadidiny ny mpianatra dia azonao soratana eny amin’ny solaitrabe ireto fanontaniana manaraka ireto.

Diniho ny fomba hamalianao ireto fanontaniana momba ny fahazoan-dalana hidirana ny tempoly manaraka ireto:

Moa ve ianao manana fijoroana ho vavolombelona mikasika ny Famerenana ny filazantsaran’i Jesoa Kristy amin’ny laoniny?

Raha ilaina dia hazavao fa ny atao hoe famerenana amin’ny laoniny dia ny “famerenan’ Andriamanitra indray ny fahamarinana sy ny ôrdônansin’ny Filazantsarany ho an’ny olona ety an-tany” (Torolalana ho an’ny soratra masina, “Famerenana amin’ny laoniny ny Filazantsara,” loharanom-pitaovana).

Hevero ny hanoratra hoe Nahoana na nahoana no tsia? aorian’ny fanontaniana eny amin’ny solaitrabe. Entano ny mpianatra hisaintsaina ny valinteniny amin’ireo fanontaniana roa ireo.

Rehefa mandalina ny Daniela 2 ianao androany dia angataho ny Fanahy Masina hanampy anao hamantatra ny fahamarinana izay afaka hanamafy ny fijoroanao ho vavolombelona fa namerina tamin’ny laoniny ny Fiangonan’i Jesoa Kristy ho an’ny Olomasin’ny Andro Farany tety an-tany i Jesoa Kristy sy ny Ray any An-danitra.

Ny nofin’ny mpanjaka Nebokadnezara

Nanonofy zavatra nampitebiteby azy ny mpanjaka Nebokadnezara. Tsy nisy tamin’ny olon-kendriny afaka nilaza taminy hoe inona ilay nofy na ny hevitr’izany. Vokatr’izany dia namoaka didy ny hamonoana ny olon-kendriny rehetra, anisan’izany i Daniela, ny mpanjaka. Talohan’ny nitrangan’izany dia nambaran’ Andriamanitra tamin’i Daniela ilay nofy sy ny heviny (jereo ny Daniela 2:1–26).

Talohan’ny nizarany izay nambaran’ Andriamanitra mikasika ilay nofy dia nampahafantarin’i Daniela tamin’ny mpanjaka fa Andriamanitra no loharanon’ny fandikana izany. Nambaran’i Daniela koa fa ilay nofy dia mikasika “izay ho tonga any am-parany any” (Daniela 2:28).

Vakio ny Daniela 2:31–43 ary asio marika ny singa amin’ny nofin’ny mpanjaka Nebokadnezara ao amin’ilay taratasy zaraina miaraka amin’ny heviny izay hitanao. Ampidiro ao ny andinin-tsoratra masina nahitanao ilay heviny.

Ampio ny mpianatra hamantatra fa ny fanjakan’ny mpanjaka Nebokadnezara tao Babylona no ilay loha volamena resahana (andininy 38). Ilay ampahany hafa amin’ny sary (na sarivongana) dia maneho fanjakana hafa izay ho avy aorian’i Babylona.

Daniela 2:44–45 dia andalan-tsoratra masina fifehezana fotopampianarana. Hevero ny hanasa ireo mpianatra hanisy marika amin’ny fomba miavaka ireo andalan-tsoratra masina fifehezana fotopampianarana mba ho mora aminy ny mahita ny toerana misy azy.

Vakio ny Daniela 2:44–45 ary tadiavo ny teny sy fehezanteny manambara ilay vato. Soraty manodidina ilay vato ao amin’ny taratasy zaraina izany teny izany.

Rehefa mamaky ireto fanambarana manaraka ireto ny mpianatra dia entano izy ireo hanoratra izay zavatra asehon’ilay vato ao anatin’ilay sary vato ao amin’ny taratasy zaraina.

Ny Loholona D. Todd Christofferson ao amin’ny Kôlejin’ny Apôstôly Roambinifolo dia nanazava hoe:

Ny Fiangonan’i [Jesoa Kristy ho an’ny Olomasin’ny Andro Farany] izany fanjakana amin’ny andro farany voalazan’izany faminaniana izany, izay tsy noforonon’ny olona fa naorin’ Andriamanitra ka nikodiadia toy ny vato “nendahana tamin’ny tendrombohitra nefa tsy nendahan-tanana” ka nameno ny tany [Daniela 2:45; jereo ihany koa ny andininy 35]. (“Nahoana no ilaina ny Fiangonana,” Liahona, Nôv. 2015, 111)

Inona no azontsika hianarana mikasika ny fiangonan’Andriamanitra naverina tamin’ny laoniny avy amin’ity fanambarana ity sy avy amin’ny fanambarana nomen’ny Tompo an’i Daniela?

Amin’ny filazany azy manokana dia ampio ny mpianatra hahita fa nametraka ny Fiangonan’i Jesoa Kristy ho an’ny Olomasin’ny Andro Farany izay hameno ny tany ary hijoro mandrakizay Andriamanitra.

Hevero ny mizara fa ny Tompo mihintsy no nanambara fa hameno ny tany ny filazantsarany (jereo ny Fotopampiaanarana sy Fanekempihavanana 65:2). Azon’ny mpianatra atao ny mampifandray na mampifandrohy ny Fotopampianarana sy Fanekempihavanana 65:2 amin’ny Daniela 2:35. Azonao atao ny manazava fa ny teny hoe “mameno ny tany” (Daniela 2:35) dia tsy midika fa ny olona rehetra no hiditra ao amin’ny Fiangonan’ny Tompo, fa kosa hiparitaka manerana ny tany izany (jereo 1 Nefia 14:12–14).
Amin’ny fomba ahoana no hanampian’ilay fehezanteny ao amin’ny Daniela 2:44–45 antsika hahatakatra momba izany fahamarinana izany?

Nikodiadia ilay vato

Rehefa avy nilaza ny hevitry ny nofin’i Nebokadnezara mpanjaka i Daniela dia nizara ny fijoroany ho vavolombelona izy fa “marina ny nofy ary tsy maintsy ho tò ny heviny” (Daniela 2:45). Rehefa mampivelatra ny fijoroana ho vavolombelona ananantsika manokana isika dia ho lasa marina amintsika sy azontsika antoka ny fahamarinan’ny famerenana amin’ny laoniny indray ny fiangonan’ny Mpamonjy amin’ny alalan’ny herin’ny Fanahy Masina.

Nizara ny amin’izay tokony hataontsika ny Filoha Russell M. Nelson mba hampivelarana ny fijoroana ho vavolombelona azo antoka ho antsika:

Ankehitriny, amin’ny maha-Filohan’ny Fiangonana ahy, miangavy anareo aho. … Ataovy ny asa ara-panahy mba hahitanao samirery fa [naverina tamin’ny laoniny ny Fiangonan’ny Mpamonjy], ary miangavy aho ataovy izao izany. Efa kely sisa ny fotoana. (“Avia, manaraha Ahy,” Liahona, Mey 2019, 91)

Vakio ny “Ny Famerenana amin’ny laoniny ny fahafenoan’ny Filazantsaran’i Jesoa Kristy: fanambarana ho an’izao tontolo izao nandritra ny fankalazana ny faha-roanjato taona.” Mitadiava fahamarinana nambaran’ny Mpamonjy sy ny tranga notanterahiny mba hamerenana amin’ny laoniny ny Fiangonany.
Ifanakalozy hevitra ny maha zava-dehibe izany fahamarinana sy tranga izany amin’ny famerenana amin’ny laoniny ny Fiangonan’ny Mpamonjy.
Ifanakalozy hevitra ny asa ara-panahy azon’ny olona atao hanamafisana ny fijoroany ho vavolombelona fa naverin’i Jesoa Kristy amin’ny laoniny ny Fiangonany.

Rehefa avy nomena fotoana ampy dia entano ny vondrona tsirairay hizara fahamarinana na tranga iray avy izay nisongadina tamin’izy ireo. Entano izy ireo hizara ny maha zava-dehibe ny fananana fijoroana ho vavolombelona momba ilay fahamarinana na tranga sy ny asa ara-panahy azon’ny olona hatao hahazoana na hanamafisana orina ny fijoroany ho vavolombelona momba izany.

Rehefa samy nanana fahafahana hizara ny vondrona tsirairay dia entano ny mpianatra hamaly ireto fanontaniana manaraka ireto ao amin’ny diary fandalinany.

Inona no fahamarinana na tranga tamin’ny famerenana amin’ny laoniny ny Fiagonan’ny Mpamonjy no tianao hanamafisana ny fijoroanao ho vavolombelona?
Inona no asa ara-panahy azonao atao hanamafisana ny fijoroanao ho vavolombelona momba ny famerenan’Andriamanitra amin’ny laoniny ny Fiangonany tamin’ny alalan’ny Mpamonjy?

Fanaovana tsianjery

Mety ho tianao ny hanampy ny mpianatra hanao tsianjery ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary hamerina hijery izany mandritra ireo lesona hafa manaraka. Ny andalan-tsoratra masina manan-danja ho an’ny Daniela 2:44–45 dia ny hoe “Andriamanitra dia -hanorina fanjakana izay tsy ho rava mandrakizay.-” Ireo hevitra ho an’ny sahanasa fanaovana tsianjery dia ao amin’ireo fitaovana tovana ambanin’ny “Sahanasa famerenana fifehezana fotopampianarana.”

Loharanom-pitaovana fanampiny

Daniela 2:45 Inona no hevitry ny hoe “vato nendahana tamin’ny tendrombohitra, nefa tsy nendahan-tanana”?

Nampianatra izao ny Loholona Ronald A. Rasband ao amin’ny Kôlejin’ny Apôstôly Roambinifolo:

15:3

Raha nanome ny hevitry ny nofin’i Nebokadnezara Mpanjaka Babyloniana i Daniela dia naminany fa ny Fiangonan’ny Tompo izay hitsangana amin’ny andro farany toy ny vato kely iray “nendahana tamin’ny tendrombohitra, nefa tsy nendahan-tanana” [Daniela 2:45]. “Tsy nendahan-tanana,” izay midika hoe tamin’ny alalan’ny fandraisana anjaran’ Andriamanitra, no hitomboan’ny Fiangonan’ny Tompo hatraiza hatraiza mandra-pamenoany ny tany manontolo ka “tsy ho rava mandrakizay … [fa] hitoetra mandrakizay [kosa]” [Daniela 2:44]. (“Fahatanterahan’ny faminaniana,” Liahona, Mey 2020, 75)

Inona no hevitry ny hoe hameno ny tany manontolo ilay vato?

Nizara izao ny Mpaminany Joseph Smith (1805–44):

Natsangana ny Fitsipiky ny Fahamarinana; tsy misy tanana tsy masina afaka hampitsahatra ny asa tsy handroso; afaka masiaka ny fanenjehana, afaka mikaon-doha ny mpanakorontana, afaka mivondrona ny tafika, afaka manaratsy ny fanosoram-potaka, fa ny fahamarinan’ Andriamanitra dia handroso amim-pahasahiana sy amim-boninahitra ary mahaleo tena mandra-pitsofok’izany any amin’ny kaontinanta rehetra, mitsidika ny faritra rehetra, mandalo ny firenena rehetra, ary ren’ny sofina rehetra, mandra-pahatontosan’ny tanjon’ Andriamanitra, ary ilay Jehovah Lehibe hilaza hoe vita ny asa. (Teachings of Presidents of the Church: Joseph Smith [2007], 142)

Nahoana no manan-danja ny famerenana amin’ny laoniny ny Fiangonan’i Jesoa Kristy ho an’ny Olomasin’ny Andro Farany?

Nampianatra ny Filoha Jeffrey R. Holland ao amin’ny Kôlejin’ny Apôstôly Roambinifolo hoe:

Eny, tena marina tokoa fa ny hafatra entintsika dia ny Sorompanavotan’i Jesoa Kristy sy izay rehetra maneho izany kanefa tsy misy ny fomba hanaovantsika ilay fanomezana tsy hay lazaina ho sitrahana na hanavotra na hahomby eo amin’ny fiainan’ny olona raha tsy hambarantsika ilay famerenana amin’ny laoniny amin’ny andro farany momba ny fahamarinana masina sy ilay fisoronana avy any an-danitra. Raha foanana i Joseph Smith sy ny Fahitana Voalohany, raha foanana ny zava-nitranga taorian’izay, raha foanana ny famerenana amin’ny laoniny mivantana avy any an-danitra, dia inona intsony no hananantsika? Tsy manana zavatra betsaka isika—na dia mba hanavahana antsika amin’ny vondron’olona tsara an’arivony hafa fotsiny aza farafaharatsiny. (“Testify of the Restoration,” New Era, Aprily 2017, 3–4)

Inona ihany koa ireo fanjakana hafa asehon’ilay sary hitan’ny mpanjaka Nebokadnezara?

Raha mahaliana ny mpianatra ny hamantatra bebe kokoa momba ny hevitr’ireo fanjakana hafa voalaza ao amin’ny Daniela 2:39–43 dia azon’izy ireo atao ny mamaky ny fampianaran’ny Filoha Spencer W. Kimball (1895–1985) ao amin’ny lahateny nataony “The Stone Cut Without Hands [Ilay vato tsy nendahan-tanana]” (Ensign, Aprily 1976, 8).

Sahanasa fianarana fanampiny

Fomba hafa hanombohana

Mety manahy momba ny faharatsiana sy ny ratsy miparitaka manerana izao tontolo izao ny zatovo sasany. Hanampiana azy ireo hitodika amin’ny Tompo fa tsy amin’ny fanahiany dia hevero ny manomboka ny kilasy amin’ity fanambarana manaraka nataon’ny Filoha Gordon B. Hinckley (1910–2008) ity:

Raha mihena ny finoanao noho ny fahitana ny fandrosoan’ny faharatsiana sy ny fampahoriana dia avereno vakiana indray ny tantaran’i Daniela izay nametraka ny fitokisany tamin’ “Andriamanitra any an-danitra izay mampiseho zava-miafina” [Daniela 2:28], sy nilaza ny hevitry ny nofin’i Nebokadnezara. (“Be Not Afraid, Only Believe,” Ensign, Feb. 1996, 4)

Azonao atao avy eo ny manasa ny mpianatra handalina ny Daniela 2 ary mampiasa io fomba fijery mibanjina ny mandrakizay io eo am-pitadiavan’izy ireo fahamarinana azony hianarana amin’ilay tantara. Entano izy ireo hihevitra fa manamafy ny finoany ny zavatra nianarany, na dia eo aza ny faharatsiana hitany manodidina azy.

Soratra masina momba ny Famerenana amin’ny laoniny ao amin’ny Testamenta Taloha

Ireto soratra masina manaraka ireto dia manampy ny mpianatra hamantatra faminaniana ao amin’ny Testamenta Taloha mikasika ny famerenana amin’ny laoniny. Azonao ampiasaina miaraka amin’ny fanambarana momba ny famerenana amin’ny laoniny ao amin’ny fizarana mitondra ny lohateny hoe “Mikodiadia ilay vato” amin’ity lesona ity izany. Afaka misafidy andininy iray ho halalinina sy mitady fahamarinana na trangan-javatra mampiseho ilay famerenana amin’ny laoniny izay hitany ao amin’izany ny mpianatra.

Jeremia 16:14–16 (ny fanangonana an’i Israely amin’ny alalan’ny asa fitoriana)
Ezekiela 37:15–19 (mitambatra mba ho fijoroana vavolombelona momba an’i Jesoa Kristy ny Baiboly sy ny Bokin’i Môrmôna)
Amosa 3:7 (mpaminany)

Ankoatr’izay dia azonao hanampiana ny safidy azon’ny mpianatra halalinina ihany koa ny Joseph Smith—Tantara 1:16–17 (ilay Fahitana Voalohany).

Manenika ny tany ny Filazantsaran’i Jesoa Kristy

Rehefa avy hitan’ny mpianatra fa maneho ny Fiangonan’i Jesoa Kristy ho an’ny Olomasin’ny Andro farany ilay vato ao amin’ny Daniela 2 dia azonao atao ny manampy azy ireo hahita ny fitomboany manerana ny tany. Mba hanaovana izany dia azonao atao ny mampiseho tabilao tahaka ity manaraka ity eny amin’ny solaitrabe:

	Mpikamban’ny Fiangonana	Tsatòka	Tempoly voatokana
6 aprily 1830	Mpikamban’ny Fiangonana 6	Tsatòka 0	Tempoly voatokana 0
1880	Mpikamban’ny Fiangonana 133.628	Tsatòka 23	Tempoly voatokana 1
1930	Mpikamban’ny Fiangonana 670.017	Tsatòka 104	Tempoly voatokana 7
1980	Mpikamban’ny Fiangonana 4.639.822	Tsatòka 1.218	Tempoly voatokana 19
Ankehitriny	Mpikamban’ny Fiangonana	Tsatòka	Tempoly voatokana

Isan-taona dia ahitana tatitra misy antotan’isa tamin’ny taona lasa ny edisiôna volana May amin’ny Liahona. Azon’ny mpianatra ampiasaina hamenoana ny tsanganana misy ny hoe “Mpikamban’ny Fiangonana” sy ny “Tsatòka” any amin’ny andalana farany izany. Afaka mijery ny isan’ny tempoly voatokana ao amin’ny listry ny tempoly ao amin’ny ChurchofJesusChrist.org ny mpianatra amin’ny fanindriana ny zana-tsipika midina amin’ny “Status.” Asaivo mizara izay fampahalalana hitany ny mpianatra avy eo, eo amin’ny andalana hoe “Ankehitriny”.

Na ho solon’izany dia azonao atao ny mampiseho ny mpianatra ny fitombon’ny Fiangonan’i Jesoa Kristy nandritra ny taona 2017 amin’ny fandefasana ny “Miely patrana ny Filazantsara” (2:47).

2:48

Fandraisana ny fanampian’ Andriamanitra

Alohan’ny hamakian’ny mpianatra ny hevitry ny nofin’ny mpanjaka Nebokadnezara dia azon’izy ireo atao ny mamaky ny fomba nahazoan’i Daniela fahendrena hamantarana izany. Asao ny mpianatra hamaky ny Daniela 2:17–23 ary hitady ny zavatra nataon’i Daniela handraisana fanambarana avy amin’ny Ray any An-danitra. Azonao atao ny manasa ny mpianatra hihevitra izay azony atao hanarahana ny ohatra nasehon’i Daniela. Azon’izy ireo atao ihany koa ny misaintsaina hoe inona ny toe-javatra lalovany ankehitriny ka ilany fanambarana avy amin’ny Ray any An-danitra.