Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Ny andraikitsika azo avy amin’ny fanekempihavanana hizara ny filazantsara: “Ny taranakao … no hitahiana ny firenena rehetra ambonin’ny tany”

“Ny andraikitsika azo avy amin’ny fanekempihavanana mba hizara ny filazantsara: -Ny taranakao … no hitahiana ny firenena rehetra ambonin’ny tany,-” Testamenta Taloha: Boky torolalana ho an’ny mpampianatra seminera (2026)

Fiomanana ho misiônera: Lesona 196

Ny andraikitsika azo avy amin’ny fanekempihavanana mba hizara ny filazantsara

“Ny taranakao … no hitahiana ny firenena rehetra ambonin’ny tany”

Missionaries teaching about the Temple to a new member outside the Seoul Korea Temple.

Rehefa misafidy hanaraka ny Mpamonjy sy handeha amin’ny lalan’ny fanekempihavanana isika dia mampanantena antsika fitahiana mitovy amin’izay nomeny an’i Abrahama Izy. Ireo fitahiana dia ahitana ny fahefan’ny fisoronana, ny fianakaviana mandrakizay, ary ny lova ao amin’ny fanjakana selestialy. Manana andraikitra masina isika ao anatin’io fanekempihavanana io dia ny hizara ny filazantsaran’ny Mpamonjy manerana izao tontolo izao mba hahafahan’ny rehetra mandray ireo fitahiana mahatalanjona ireo. Ity lesona ity dia manampy ny mpianatra hampitombo ny fahatakarany ny andraikiny azo avy amin’ny fanekempihavanana mba hizara ny filazantsaran’i Jesoa Kristy amin’ny hafa.

Fanomanana ny mpianatra: Asao ny mpianatra handany minitra vitsy amin’ny fandalinany manokana ny soratra masina mba hitadiavana ireo fitahiana sy andraikitra ao amin’ny fanekempihavanan’i Abrahama. Azon’izy ireo atao ny mandalina ny andalan-tsoratra masina fifehezana fotopampianarana Abrahama 2:9–11 na mikaroka ny “Fanekempihavanan’i Abrahama” ao amin’ny Médiathèque de l’Évangile. Mandritra ny lesona dia azonao atao ny manasa azy ireo hizara ireo zavatra nianarany na fanontaniana ananan’izy ireo.

Sahanasa fianarana azo atao

Ny Firenena rehetra ambonin’ny tany

Isaky ny vondrona dia misafidiana iray amin’ireo sarin’olona ao amin’ny singan’ny piozila azonao ary mamoròna famariparitana fohy an’izany olona izany. Mety ho tafiditra ao anatin’izany:

Ny anarana
Ny fiaviana
Ny antsipiriany momba ny fianakavian’izy ireo
Ireo zavatra izay mandeha tsara eo amin’ny fiainan’izy ireo
Ireo olana atrehan’izy ireo

Asao ny vondrona tsirairay hizara amin’ny iray kilasy ny antsipiriany noforonin’izy ireo ho an’ilay olona nosafidian’izy ireo avy amin’ny singan’ny piozila azony. Asao ireo mpianatra, rehefa avy nizara izany izy ireo, hijery mandritra ny lesona ny zavatra nasain’ny Tompo hataontsika mba hitahiana ny olona manerana izao tontolo izao, tahaka ireo izay nofaritan’ny vondrona tsirairay. Azavao fa ireo mpianatra dia hiaraka hamita ilay piozila feno ao aoriana kely, amin’ny lesona.

Hevero ny hanasa ny mpianatra handalina ireto andalan-tsoratra masina manaraka ireto miaraka amin’ny vondrona misy azy ireo.

Vakio ny Abrahama 2:9–11, ka tadiavo ny zavatra nolazain’ny Tompo tamin’i Abrahama fa hataony mba hitahiana ireo firenena sy fianakaviana eto an-tany. Fanamarihana: Ireo andininy ireo dia ahitana ampahany amin’ny zavatra fantatra amin’ny hoe fanekempihavanana natao tamin’i Abrahama.

Iza no taranak’i Abrahama? (Jereo ny andininy 10–11.)
Inona avy ireo fomba sasantsasany ahafahan’ny Tompo mitahy ny firenena rehetra ambonin’ny tany amin’ny alalan’ny taranak’i Abrahama?

Ity fanambarana manaraka ity dia azo zaraina mba hanohanana na hanampiana ny valintenin’ireo mpianatra.

Ny Loholona David A. Bednar ao amin’ny Kôlejin’ny Apôstôly Roambinifolo dia nampianatra izao manaraka izao momba ny taranak’i Abrahama:

Isika no taranak’i Abrahama …

Fanehoana ny maha-isika antsika ara-panahy sy ny lovantsika ara-panahy ny asa fitoriana ny filazantsara. Isika dia natokana mialoha tany amin’ny fiainana talohan’ny nahaterahana ary nateraka ety an-tany mba hanatanteraka ilay fanekempihavanana sy fampanantenana izay nataon’ Andriamanitra tamin’i Abrahama. Ety an-tany isika amin’izao fotoana izao mba hanandriana ny fisoronana sy hitory ny filazantsara. Izay no maha-isika antsika, ary izay no antony ahatongavantsika ety, anio sy rahatrizay. (“Becoming a Missionary,” Liahona, Nôv. 2005, 47)

Ahoana no hamintinanao io fanambarana io?

Ny mpianatra dia mety hilaza zavatra toy ny hoe, amin’ny maha-taranak’i Abrahama antsika dia manana andraikitra izay azo avy amin’ny fanekempihavanana ny hizara ny filazantsaran’i Jesoa Kristy manerana izao tontolo izao isika. Hevero ny hampiasa ny tenin’ireo mpianatra mba hanoratana izany fahamarinana izany eny amin’ny solaitrabe.

Mba hahatakarana kokoa ny maha-zava-dehibe an’io andraikitra io, ny mpianatra dia azo asaina hamaky ny andiam-pehezan-teny telo voalohany ao amin’ny pejy 1 amin’ny Torio ny Filazantsarako eo ambanin’ny lohateny hoe “Ny asa nampiandraiketana anao mba hampianatra ny filazantsaran’i Jesoa Kristy naverina tamin’ny laoniny.”

Nahoana ny olona sasany no mety hientanentana amin’io andraikitra io? Nahoana ny sasany no mety misalasala?
Ahoana araka ny eritreritrao no ahafahan’ny filazantsaran’i Jesoa Kristy mitahy ny olona tahaka ireo izay nofaritanao tao amin’ny singan’ny piozila nataonao?

Mba hanampiana ny mpianatra hahita ny lanjan’ny fizarana ny filazantsara dia azonao atao ny manontany ny zavatra tadidin’izy ireo momba ny fanekempihavanana natao tamin’i Abrahama na manazava izao manaraka izao (ho an’ny antsipiriany kokoa jereo ny “Lesona 23: -Genesisy 12; 17-” sy ny “Lesona 24: -Abrahama 2:9–11-”):

Ao anatin’ny fanekempihavanana natao tamin’i Abrahama dia nampanantena antsika ireo fitahian’ny fisoronany sy ny fianakaviana mandrakizay ary ny lova ao amin’ny fanjakana selestialy Andriamanitra. Fitahiana iriany ho an’ny zanany rehetra ireo, ary manana tombontsoa sy andraikitra isika hizara izany amin’izao tontolo izao.

Amin’ny fomba ahoana no ahafahan’ny fahatsiarovana ireo fitahiana ireo mandrisika antsika hizara ny filazantsaran’i Jesoa Kristy amin’ny hafa?

Eritrereto ny fahatsapanao manokana momba ny fizarana ny filazantsara amin’ny hafa. Tohizo ny fitadiavana hevi-baovao izay afaka manampy anao hahatakatra kokoa ireo fitahiana sy tombontsoa avy amin’izany andraikitra masina izany.

Fanatanterahana ny andraikitsika amin’ny fanekempihavanana

Ny Isaia 49 dia ahitana faminaniana momba ny fanangonana an’i Isiraely amin’ny andro farany, anisan’izany ny fitoriana ny filazantsara. Nanazava i Nefia mpaminany ao amin’ny Bokin’i Môrmôna fa ireo faminaniana ireo dia fampahatsiahivana ny hihazonan’ Andriamanitra ny fanekempihavanany hitahy ny firenena amin’ny tany amin’ny alalan’ny taranak’i Abrahama (jereo ny 1 Nefia 22:7–9). Fanamarihana: Ilay mpanompo voalaza ao amin’ny Isaia 49:3 sy 5 dia mamariparitra ireo olona izay mitarika ny vahoaka hanatona an’i Kristy, anisan’izany ireo mpikambana ao amin’ny mpianakavin’i Isiraely, ireo mpaminany, ary ny Mpamonjy mihitsy aza.

Asehoy ireto torolalana manaraka ireto. Azon’ny mpianatra atao ny mameno izany miaraka amin’ny vondrona misy azy ireo.

Fantaro ireo faminanian’i Isaia amin’ny alalan’ny famakiana ny soratra masina sy ny fanambarana ao ambadiky ny piozila azonao. Mifanakaloza hevitra ary miomàna hizara izao manaraka izao amin’ny iray kilasy:

Ireo zavatra ianaranao momba ny andraikitsika azo avy amin’ny fanekempihavanana mba hizara ny filazantsara.
Ireo fomba ahafahan’ny Ray any An-danitra sy i Jesoa Kristy manohana antsika rehefa manatanteraka io andraikitra io.
Ohatra amin’ny fomba hampiharan’ny misiônera sy ireo mpikambana hafa ao amin’ny Fiangonan’ny Tompo izany.

Teny famaranana

Fenoy ao anatin’ny diary fandalinanao ny iray na maromaro amin’ireto fanambarana manaraka ireto amin’ny fifandraisany amin’ny andraikitsika azo avy amin’ny fanekempihavanana mba hizara ny filazantsara:

Androany aho dia nianatra fa ny olona manerana izao tontolo izao dia …

Androany dia nianatra aho fa …

Androany aho dia nianatra fa ny Mpamonjy dia …

Manasà mpianatra manolo-tena vitsivitsy hizara ny zavatra nosoratany. Farano amin’ny fizarana ny fahatsapanao momba ny andraikitsika azo avy amin’ny fanekempihavanana mba hizara ny filazantsaran’i Jesoa Kristy amin’ny hafa ny lesona. Ampahatsiahivo ny mpianatra fa asan’ny Mpamonjy izao, ary hanampy azy ireo amin’ny ezaka ataony Izy.

Loharanom-pitaovana fanampiny

Nahoana aho no manana andraikitra hizara ny filazantsaran’i Jesoa Kristy?

Nampianatra izao ny Filoha Russell M. Nelson:

5:34

Ny olona tsirairay izay nanao fanekempihavanana tamin’ Andriamanitra dia nampanantena ny hikarakara ny hafa ary hanompo an’ireo izay sahirana. Afaka maneho finoana an’ Andriamanitra isika ary ho vonona mandrakariva ny hamaly ireo rehetra izay manontany momba “ny fanantenana ao anatin[tsika]” (1 Petera 3:15). Manana anjara asa ny tsirairay avy amintsika amin’ny fanangonana an’ Isiraely. (“Mitory ny filazantsaran’ny fiadanana,” Liahona, mey 2022, 6) (mari-potoana 2:26 hatramin’ny 2:50)

Ahoana no hitahian’ny Mpamonjy ny hafa amin’ny alalako?

Ny Filoha Camille N. Johnson, Filohan’ny Fikambanana Ifanampiana maneran-tany, dia nanazava fa:

10:19

Fitahiana ho antsika ateraky ny fanekempihavanana ny miara-miasa amin’i Jesoa Kristy amin’ny fanomezana fanamaivanana ara-batana sy ara-panahy an’ireo zanak’ Andriamanitra rehetra. Isika no fitaovana ampiasainy anomezany fanamaivanana.

Noho izany, tahaka ireo naman’ilay lehilahy nararin’ny paralysisa dia “mamonjy ny osa isika, mampiakatra ny tanana izay miraviravy ary manatanjaka ny lohalika malemy” isika. (Fotopampianarana sy Fanekempihavanana 81:5). “Mifampitondra izay mavesatra [isika mba hanatanterahana] ny lalàn’i Kristy” (Galatiana 6:2). Rehefa manao izany isika dia lasa mahafantatra Azy sy manahaka Azy ary hahita ny fanamaivanana avy Aminy. (“I Jesoa Kristy no fanamaivanana,” Liahona, mey 2023, 83) (mari-potoana 8:16 hatramin’ny 8:50)

Ahoana raha te hizara ny filazantsaran’i Jesoa Kristy aho kanefa tsy azoko antoka ny fomba hanaovana izany?

Mba hahitana hevitra mikasika ny fizarana ny filazantsara dia jereo ny “Ways to Share the Gospel (Ireo fomba hizarana ny filazantsara)” ao amin’ny Médiathèque de l’évangile.

Ahoana raha mahatsapa ho sahiran-tsaina aho mikasika ny fizarana ny filazantsara?

Ny Torio ny filazantsarako dia manome izao torohevitra manaraka izao:

Indraindray ianao dia mety hahatsapa ho sahiran-tsaina na ho tsy ampy fahaizana. Angamba ianao miahiahy hoe tsy ampy fahalalana na tsy ampy traikefa.

Ny Rainao any An-danitra, izay mahafantatra anao tanteraka, dia niantso anao noho ny zavatra azonao atolotra amin’ny maha-mpanara-dia an’i Jesoa Kristy manolo-tena anao. Tsy hahafoy anao Izy. Matokia fa hampitombo ny fahaizanao ny Fanahy ary hampianatra ny fahamarinana amin’ireo izay vonona ny hihaino. (Torio ny filazantsarako: Torolalana ho an’ny fizarana ny filazantsaran’i Jesoa Kristy [2023], 181)

Sahanasa fianarana fanampiny

Ireo fitahiana avy amin’ny fanekempihavanan’ i Abrahama

Mba hanampiana ny mpianatra hahatakatra kokoa ireo fitahian’ny fanekempihavanana natao tamin’i Abrahama dia avereno jerena ny fizarana hoe “Nahoana no manan-danja amiko ny fanekempihavanan’i Abrahama?” ao amin’ny “Lesona 23: -Genesisy 12; 17-.” Avy eo dia asao ny mpianatra hifanakalo hevitra momba ny antony mety hanirian’izy ireo ny hizara ireo fitahiana nampanantenaina ireo amin’ireo zanak’ Andriamanitra manerana izao tontolo izao.

Safidim-pandalinana fanampiny

Raha tsapanao fa hahasoa ny famoronana vondrona fahadimy dia azonao atao ny manome ny vondrona fahadimy ireto fitaovana manaraka ireto mba hohalalinina. Azonao atao ny mamorona piozila misy singa telo mitokana amin’ny alalan’ny fametrahana ireo andinin-tsoratra masina ireo ao ambadiky ny sarin’ny misiônera iray na sary iray hafa mifanaraka amin’izany.

Mamahana ireo noana ara-panahy

Isaia 49:10

Jaona 6:35; 3 Nefia 20:7–8

Nanambara ny Loholona Jeffrey R. Holland ao amin’ny Kôlejin’ny Apôstôly Roambinifolo hoe:

Mijoro ho vavolombelona amin’ny feo iray sy ny fifnarahana iray isika fa ny filazantsaran’i Jesoa Kristy no hany fomba hanomezana fahafahampo ny hanoanana ara-panahy faratampony ary manafoana tanteraka ny hetaheta ara-panahy. (“He Hath Filled the Hungry with Good Things,” Liahona, Nôv. 1997, 65)

Torio ny Filazantsarako

Ny Torio ny Filazantsarako dia azon’ny mpikamban’ny Fiangonana rehetra ampiasaina mba hanampiana azy ireo “hanatanteraka ny andraikiny azo avy amin’ny fanekempihavanana amin’ny fizarana ny filazantsara amin’ny alalan’ny fiainana ireo fitsipiky ny fitiavana sy ny fizarana ary ny fanasana” (Torio ny Filazantsarako, ix).

Ho solon’ny fanasana ny mpianatra handalina ireo andalan-tsoratra masina sy fanambarana ao ambadiky ny singan’ny piozila dia azonao atao ny manasa ny vondrona tsirairay handalina ireo ampahany amin’ny Torio ny Filazantsarako. Ohatra, azon’izy ireo atao ny mandalina ny “Tohano ny mpikambana amin’ny ezaka ataony hizara ny filazantsara” na ny “Ampanantenao ireo fitahiana avy amin’ny fizarana ny filazantsara” ao amin’ny toko 9. Asao ny vondrona tsirairay hiomana hizara ny zavatra nianarany ka afaka manampy antsika hanatanteraka ny andraikitsika azo avy amin’ny fanekempihavanana mba hizara ny filazantsaran’i Jesoa Kristy amin’ny hafa.