Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Abrahama 2:9–11: Ireo andraikitsika ao amin’ny fanekempihavanana natao tamin’i Abrahama

“Abrahama 2: 9–11: Ireo andraikitsika ao amin’ny fanekempihavanana natao tamin’i Abrahama,” Testamenta Taloha: Boky torolalana ho an’ny mpampianatra seminera (2026)

“Abrahama 2:9–11: Ireo andraikitsika ao amin’ny fanekempihavanana natao tamin’i Abrahama,” Testamenta Taloha: Boky torolalana ho an’ny mpampianatra seminera

Genesisy 12–17; Abrahama 1–2: Lesona 24

Abrahama 2:9–11

Ireo andraikitsika ao amin’ny fanekempihavanana natao tamin’i Abrahama

A young man in a black shirt standing and showing an open Book of Mormon to another young man standing beside him.

Nanao fanekempihavanana tamin’i Abrahama sy ny taranany ny Tompo. Manana andraikitra isika amin’ny maha-taranak’i Abrahama antsika mba hitondra ireo fitahian’ny filazantsaran’ny Mpamonjy ho any amin’ireo fianakaviana rehetra eto an-tany. Hanampy ireo mpianatra hanao asa araka ny andraikitra nomen’ny Tompo azy ireo amin’ny maha-taranak’i Abrahama azy ireo ity lesona ity.

Fanomanana ny mpianatra: Asao ireo mpianatra hieritreritra ireto fanontaniana manaraka ireto ary hifanakalo hevitra momba izany amin’ny olona iray ao amin’ny fianakaviana: Nahoana no manan-danja aminao ny filazantsaran’i Jesoa Kristy? Nahoana araka ny eritreritrao no ilain’ny olona rehetra izany?”

Sahanasa fianarana azo atao

Ny taranak’i Abrahama

Azonao atao ny manomboka ny fotoam-pianarana amin’ny fanomezana 30 segondra ireo mpianatra hitanisany teny maro araka izay azony atao izay mamaritra ny tenany. Manaraka izany, angataho ireo mpianatra hanisy faribolana ny teny telo izay mamaritra tsara azy ireo. Afaka mizara amin’ny iray kilasy ny mpianatra vitsivitsy.

Misy fiantraikany amin’ny fomba ahoana amin’ny fitondrantenanao ireo famantarana ireo?

Nampianatra izao manaraka izao mikasika ny maha-isika antsika ny Loholona David A. Bednar ao amin’ny Kôlejin’ny Apôstôly Roambinifolo:

17:8

Mety mankafỳ mozika, na atletisma, na mirona amin’ny mekanika ianao, ary indray andro any ianao dia mety hiasa amina varotra na asa aman-draharaha na amin’ny zava-kanto. Na dia manan-danja toa inona aza ireo asa sy raharaha ireo dia tsy mamaritra ny maha-izy isika izy ireo. Voalohany indrindra, fanahy isika. Zanakalahy [sy zanakavavin’] Andriamanitra isika ary taranak’i Abrahama. (“Becoming a Missionary,” Liahona, Nov. 2005, 47)

Inona no nanaitra anao indrindra tamin’ny zavatra nampianarin’ny Loholona Bednar momba ny tena maha-isika antsika?

Raha nandalina ny lesona 23: “Genesisy 12; 17,” ireo mpianatra dia asao izy ireo hamintina amin’ny mpiara-mianatra iray ny zavatra tadidiny momba ny fanekempihavanana natao tamin’i Abrahama. Ampio ireo mpianatra hahita fa, tsy vitan’ny hoe nampanantenaina fitahiana manan-danja isika amin’ny maha-taranak’i Abrahama antsika, fa manao fanekempihavanana koa isika hanatanteraka andraikitra lehibe. Asao izy ireo hamita ity fanombanan-tena manaraka ity.

Safidio amin’ireto filazana manaraka ireto izay marina momba anao:

Takatro ireo andraikitro amin’ny maha-taranak’i Abrahama ahy.
Mikatsaka ny hanatanteraka ireo andraikitro amin’ny maha-taranak’i Abrahama ahy aho.
Nahita fifaliana lehibe aho tamin’ny fanatanterahana ireo andraikitro amin’ny maha-taranak’i Abrahama ahy.
Tsy azoko hoe inona avy ireo andraikitro amin’ny maha-taranak’i Abrahama ahy.
Manana fanontaniana momba ireo andraikitro amin’ny maha-taranak’i Abrahama ahy aho.

Asao ireo mpianatra hirakitra izay fanontaniana mety ananany na ireo fitaomana tsapany rehefa nandinika ireo filazana ireo izy ireo. Asao izy ireo hikatsaka fanambarana avy amin’ny Rainy any An-danitra amin’ny alalan’ny Fanahy Masina mba hahalalany ny fomba ahafahan’izy ireo manatanteraka tsara kokoa ireo andraikiny amin’ny maha-taranak’i Abrahama azy.

Ny Abrahama 2:9–11 dia andalan-tsoratra masina fifehezana fotopampianarana. Hevero ny hanasa ireo mpianatra hanisy marika amin’ny fomba miavaka ireo andalan-tsoratra masina fifehezana fotopampianarana mba ho mora aminy ny mahita ny toerana misy azy.

Vakio ny Abrahama 2:8–11, hitadiavana ireo andraikitsika amin’ny maha-taranak’i Abrahama antsika.

Inona no andrasan’ny Mpamonjy amintsika?

Azonao atao ny manasa ireo mpianatra hametraka fanontaniana momba ireo andinin-tsoratra masina ireo. Ampio ireo mpianatra rehefa mifanakalo hevitra momba ny andraikitry ny fanekempihavanana natao tamin’i Abrahama, mba hahita fahamarinana mitovitovy amin’ny hoe: Nanome andraikitra antsika ny Tompo hitahy ny fianakaviana rehetra eto an-tany amin’ny alalan’ny fitahian’ny filazantsarany, amin’ny maha-taranak’i Abrahama antsika.

Mety hanampy ireo mpianatra ny fahafantarana fa afaka manatanteraka ny andraikiny amin’ny fanekempihavanana izy ireo amin’ny alalan’ny fanampiana amin’ny fanangonana an’i Isiraely.
Inona avy ireo fomba sasantsasany ahafahantsika mitahy ny fianakaviana rehetra eto an-tany amin’ny alalan’ny filazantsaran’ny Mpamonjy?

Vakio ny 1 Nefia 15:18, hitadiavana hoe rahoviana no ho tanteraka ny fanekempihavanana natao tamin’i Abrahama.

Nijoro ho vavolombelona ny Filoha Russell M. Nelson hoe:

Andraikitsika ny manampy amin’ny fanatanterahana ny fanekempihavanana natao tamin’i Abrahama. Ny taranatsika no ireo taranaka voatendry mialoha sy nomanina mba hitahy ny olona rehetra maneran-tany. Izany no mahatonga ny asa fitoriana ho tafiditra ao anatin’ny adidin’ny fisoronana. Rehefa vita ny 4.000 taona nitsinjovana sy nanomanana, dia izao ilay fotoana voatondro hitondrana ny filazantsara amin’ny olona rehetra maneran-tany. Izao no fotoanan’ilay fanangonana an’i Isiraely nampanantenaina. Ary dia afaka mandray anjara amin’izany isika! Tsy mampientanentana ve izany? (“Fanekempihavanana,” Liahona, nôv. 2011, 88)

Isaky ny manao zavatra izay hanampy olona isika, eo amin’ny lafiny roa’ny voaly, mba hanao dingana mitondra any amin’ny fanaovana fanekempihavanana amin’ Andriamanitra dia manampy amin’ny fanangonana an’i Isiraely izay isika. (“Aoka Andriamanitra no hanjaka,” Liahona, nôv. 2020, 92–93)

Inona no tsapanao momba ny filazantsaran’i Jesoa Kristy?
Nahoana araka ny eritreritrao no ilain’ny olona rehetra izany?
Inona avy ireo zavatra izay niainanao (na niainan’olona fantatrao) tamin’ny fanangonana an’i Isiraely?

Fanatanterahana ireo andraikitsika

Inona no nataonao na inona no drafitra nataonao mba hitahiana ny hafa amin’ny filazantsaran’ny Mpamonjy?
Inona no tsapanao fa nitaoman’ny Fanahy anao mba hataonao mandritra ireo andro sy herinandro ho avy mba:
- Hanampiana ny hafa hanao fanekempihavanana sy hitandrina izany?
- Hizarana ny filazantsaran’ny Mpamonjy?
- Hanampiana ny olona eo amin’ny lafiny roan’ny voaly?

Hevero ny hijoro ho vavolombelona momba ny andraikitsika manan-danja, amin’ny maha-taranak’i Abrahama antsika, dia ny hizara ireo fitahian’ny filazantsaran’ny Mpamonjy amin’ny olona rehetra.

Manao tsianjery

Azonao atao ny manampy ireo mpianatra hitadidy ilay toko sy andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerina mijery izany mandritra ireo lesona hafa any aoriana any. Ny andian-teny manan-danja ao amin’ny soratra masina ho an’ny Abrahama 2:9–11 dia: “Nampanantena an’i Abrahama ny Tompo fa ny taranany no -hitondra ity asa fanompoana ity sy ny Fisoronana ho any amin’ny firenen-drehetra.-” Ireo hevitra ho an’ny sahanasa fitadidiana dia ao amin’ireo fitaovana ao amin’ny tovana etsy ambany “Sahanasa famerenana ny fifehezana fotopampianarana.”

Loharanom-pitaovana fanampiny

Inona no maha-izaho ahy voalohany?

Nampianatra ny Filoha Russell M. Nelson hoe:

Ankehitriny, andao hatodika aminareo ny fanontaniana. Iza moa ianao?

Voalohany sy farany manan-danja dia zanak’ Andriamanitra ianao.

Faharoa, amin’ny maha-mpikamban’ny Fiangonana anao dia zanaky ny fanekempihavanana ianao. Ary fahatelo, ianao dia mpanaradia an’i Jesoa Kristy. (“Safidy ho an’ny mandrakizay” [fampaherezam-panahy maneran-tany ho an’ny tanora, 15 mey 2022], Médiathèque de l’Évangile.

Inona no andraikitro amin’ny maha-taranak’i Abrahama ahy?

Nampianatra ny Loholona David A. Bednar ao amin’ny Kôlejin’ny Apôstôly Roambinifolo hoe:

Marina tokoa fa manana andraikitra lehibe ny taranak’i Abrahama amin’izao andro farany izao. …

… Voatendry mialoha tany amin’ny fiainana talohan’ny nahaterahana isika ary nateraka teto amin’ny fiainana an-tany mba hanatanteraka ny fanekempihavanana sy ny fampanantenana nataon’ Andriamanitra tamin’i Abrahama. Ety an-tany isika amin’izao fotoana izao mba hanandriana ny fisoronana sy hitory ny filazantsara. Izany no maha-isika antsika, ary izany no mahatonga antsika eto. (“Becoming a Missionary,” Liahona, Nov. 2005, 47)

Nilaza ny Filoha Russell M. Nelson hoe:

61:34

Te hampahafantatra anareo izahay fa ny tena dikan’ny fanangonana an’ Isiraely dia ny fanolorana ny filazantsaran’i Jesoa Kristy amin’ireo zanak’ Andriamanitra amin’ny [lafiny roan’ny voaly] izay mbola tsy nahavita ireo fanekempihavanana manan-danja amin’ Andriamanitra na nandray ireo ôrdônansy manan-danja ho an’ny tenany.

Ny zanak’ Andriamanitra tsirairay avy dia mendrika ilay fahafahana hisafidy ny hanaraka an’i Jesoa Kristy, ny hanaraka sy handray ny filazantsarany miaraka amin’ireo fitahiana rehetra ao anatiny—eny, ireo fitahiana rehetra izay nampanantenain’ Andriamanitra amin’ireo taranak’i Abrahama, Isaka, ary Jakoba, izay, araka ny efa fantatrao, dia fantatra amin’ny hoe Isiraely ihany koa. (“Fanantenana ho an’i Isiraely,” [fampaherezam-panahy maneran-tany ho an’ny zatovo, 3 jona 2018], Russell M. Nelson sy Wendy W. Nelson, Médiathèque de l’Évangile)

Nampianatra izao ny Filoha Camille N. Johnson, Filohan’ny Fikambanana Ifanampiana maneran-tany:

10:19

Fitahiana ho antsika ateraky ny fanekempihavanana ny miara-miasa amin’i Jesoa Kristy amin’ny fanomezana fanamaivanana ara-batana sy ara-panahy an’ireo zanak’ Andriamanitra rehetra. Isika no fitaovana ampiasainy anomezany fanamaivanana.

Noho izany, tahaka ireo naman’ilay lehilahy nararin’ny paralysisa dia “[mamonjy] ny osa [isika], [mampiakatra] ny tanana izay miraviravy ary [manatanjaka] ny lohalika malemy” isika. [Fotopampianarana sy Fanekempihavanana 81:5]. “[Mifampitondra] izay mavesatra [isika mba hanatanterahana] ny lalàn’i Kristy” [Galatiana 6:2]. Rehefa manao izany isika dia lasa hahafantatra Azy sy lasa tahaka Azy ary hahita ny fanamaivanana avy Aminy. (“I Jesoa Kristy no fanamaivanana,” Liahona, mey 2023, 81–83.

Sahanasa fianarana fanampiny

Fomba fanampiny hanatanterahana ny andraikitsika

Azonao atao ny mampiditra ireo safidy ireo ho toerana fianarana fanampiny ho an’ilay sahanasa atao ao amin’ny lesona.

Zarao ny Bokin’i Môrmôna. Ny Bokin’i Môrmôna dia fitaovan’ Andriamanitra hanangonany an’i Isiraely. Mieritrereta olona iray azonao hizarana ny Bokin’i Môrmôna. Mety hanasa azy ireo hisintona ny application Livre de Mormon ianao. Soraty na zarao ny fijoroana ho vavolombelona anananao momba ny Mpamonjy sy ny Bokin’i Môrmôna ary mifidiana andalan-tsoratra masina iray azonao zaraina. Omano ny fotoana hizaranao ny Bokin’i Môrmôna amin’io olona io na mandefasa hafatra ho azy amin’izao fotoana izao.

Midira ao amin’ny andiana tanoran’ny Tompo. Misafidiana iray na maromaro amin’ireto fanasana avy amin’ny Filoha Russell M. Nelson manaraka ireto. Nomeny ireto fanasana ireto mba hanampiana ny tanora hiomana handray anjara amin’ny fanangonana an’i Isiraely:

Fadio mandritra ny fito andro ny tambajotran-tserasera.
Mahafoiza fotoana isan-kerinandro ho an’ny Tompo mandritra ny telo herinandro.
Manaova tomban’ezaky ny tena manontolo mba hahazoana antoka fa tafaorina tsara ao amin’ny lalan’ny fanekempihavanana ianao.
Mivavaha isan’andro mba hahazoan’ny zanak’ Andriamanitra rehetra ireo fitahian’ny filazantsaran’ i Jesoa Kristy.
Miavaha ary aza mitovy amin’ny hafa. Halalino sy zarao ny kiboky Ho zatovo mahery!. (Notsongaina avy tamin’ny Russell M. Nelson sy Wendy W. Nelson, “Fanantenana ho an’i Isiraely” [fampaherezam-panahy maneran-tany ho an’ny zatovo, 3 jona, 2018], Médiathèque de l’Évangile)

Afaka mahita antsipiriany betsaka kokoa ianao hozaraina amin’ireo mpianatra momba ny fanasana tsirairay ao amin’ilay fampaherezam-panahy ho an’ny tanora nataon’ny Filoha Nelson sy Rahavavy Wendy W. Nelson hoe “Fanantenana ho an’i Isiraely.”

Horonan-tsary

Azonao atao ny mampiasa ireto horonan-tsary manaraka ireto mba hanampiana ireo mpianatra hahita ny fomba ahafahan’izy ireo manampy ny fianakaviana rehetra eto an-tany mba hotahiana amin’ny filazantsaran’ny Mpamonjy.

Ny horonan-tsary “Manasa ireo hafa mba -ho tonga ary hitoetra-” (1:39) dia mampiseho fomba ahafahan’ireo mpianatra manampy ny hafa hahatsapa ho tongasoa ao am-piangonana.

1:40

Ireo horonan-tsary “Manasa ny rehetra hanatona an’i Kristy: Mizara ny Filazantsara” (4:30) sy “Manasa ireo hafa mba -ho tonga ary hizaha-” (1:17) dia mampiseho ny fomba ahafahan’ireo mpianatra manasa ny hafa handray anjara amin’ireo fiaraha-mientan’ny Fiangonana.

4:30

1:18

Ny horonan-tsary “All the Families of the Earth” (2:55) dia afaka manampy ireo mpianatra hahatsapa ho voatosika handray anjara amin’ny asa atao any amin’ny tempoly sy ny tantaram-pianakaviana.

2:50