Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Abrahama 1: “Naniry … ny ho mpandala … ny fahamarinana”

“Abrahama 1: -Naniry … ny ho mpandala … ny fahamarinana,-” Testamenta Taloha: Boky torolalana ho an’ny mpampianatra seminera (2026)

“Abrahama 1: -Naniry … ny ho mpandala … ny fahamarinana,-” Testamenta Taloha: Boky torolalana ho an’ny mpampianatra seminera

Genesisy 12–17; Abrahama 1–2: Lesona 22

Abrahama 1

“Naniry … ny ho mpandala … ny fahamarinana”

The painting portrays Abram kneeling, his head bowed. Melchizedek lays his hands on his head blessing him. His eyes are shut and his face looks up. An attendant holds bread and wine.

Nihalehibe teo anivon’ny faharatsiana sy fanompoan-tsampy izay nanodidina azy i Abrahama. Naniry i Abrahama ny hanaraka an’i Jesoa Kristy, izay fantatra tany amin’ny fiainana talohan’ny nahaterahana ho ilay Jehovah, na dia teo aza ireo toe-javatra ireo. Teo am-pikatsahan’i Abrahama hanatontosa ireo faniriany feno fahamarinana dia nitahy azy ny Tompo mba hahazoany izany. Ity lesona ity dia afaka manampy ireo mpianatra hahatsapa fanantenana fa afaka manampy azy ireo ny Ray any An-danitra hahazo ireo fitahiana izay tiany horaisin’izy ireo.

Fanomanana ny mpianatra: Asao ireo mpianatra hanao ny lisitr’ireo zavatra irian’izy ireo indrindra eo amin’ny fiainana ary hieritreritra ny zavatra tsapan’ny Ray any An-danitra momba ny zavatra irian’izy ireo indrindra.

Sahanasa fianarana azo atao

Inona no irinao?

Atombohy ny lesona amin’ny alalan’ny fanampiana ireo mpianatra hieritreritra toe-javatra izay mety hampananosarotra azy ireo ny hino fa ny Tompo dia afaka manampy azy ireo hahazo fitahiana marina izay iriany. Azonao atao ny mizara ireto rafi-tantara tsy feno manaraka ireto mba hanaovana izany ary asao ireo mpianatra hamantatra ny sakana iray izay mety hatrehan’ilay olona.

Manana faniriana mafy ny hanaraka an’i Jesoa Kristy amin’ny alalan’ny fitoriana ny filazantsarany amin’ny olona hafa i Samantha. Kanefa, toa sarotra izany amin’izao fotoana izao satria …

Manana faniriana mafy ny hanaraka an’i Jesoa Kristy amin’ny alalan’ny fandoavana ny fahafolonkarenany i Yuchen. Kanefa, toa sarotra izany amin’izao fotoana izao satria …

Manana faniriana mafy ny hanara-dia an’i Jesoa Kristy amin’ny alalan’ny batisa i Carlos. Kanefa, toa sarotra izany amin’izao fotoana izao satria …

Asao ireo mpianatra hieritreritra ny toe-javatra iainany manokana sy ireo sakana mety hatrehan’izy ireo amin’ny fanarahana an’i Jesoa Kristy. Angataho izy ireo hamita ireto dingana manaraka ireto ao anatin’ny diary fandalinany.

Ao amin’ny diary fandalinanao:

Raketo ireo fitahiana sasany irinao indrindra eo amin’ny fiainana.
Tanisao izay sakana rehetra hitanao fa manakana ny hahazoana an’ireo fitahiana ireo.

Asao ireo mpianatra, rehefa mandalina ny Abrahama 1, mba hikatsaka amin’ny alalan’ny Fanahy Masina ny fanampian’ny Ray any An-danitra. Afaka manampy azy ireo hahatsapa fanantenana ny Fanahy Masina fa afaka manaraka an’i Jesoa Kristy sy mahazo ny fitahiany izy ireo na inona na inona sakana mety hatrehany.

Ireo toe-javatra nisy an’i Abrahama

Ireo fitahiana nirin’i Abrahama	Ireo sakantsakana natrehan’i Abrahama
Ireo fitahiana nirin’i Abrahama	Ireo sakantsakana natrehan’i Abrahama

Vakio ny Abrahama 1:1–7, ka tadiavo hoe inona avy ireo fitahiana nirin’i Abrahama sy ireo sakana natrehany tamin’ny fahazoana ireo fitahiana ireo.

Inona araka ny eritreritrao no manan-danja indrindra amin’ireo fitahiana nirin’i Abrahama?
Nahoana no mety ho zavatra irinao ihany koa ireo fitahiana ireo ?
Ahoana no nahafahan’ny fanirian’i Abrahama hanara-dia an’i Jesoa Kristy nanampy azy tao anatin’ireo toe-javatra sarotra natrehany?

Nanampy an’i Abrahama handresy ireo sakana i Jehovah

Vakio ny Abrahama 1:15–20 ka tadiavo ny fomba nanampian’i Jehovah an’i Abrahama handresy ireo sakana natrehany.

Araka ny hevitrao, inona no nianaran’i Abrahama avy amin’io traikefa momba an’i Jehovah io?
Ahoana no mety hanampian’ny Ray any An-danitra antsika handresy ireo sakana amin’ny fahazoana ireo fitahiana marina iriantsika?

Hazavao amin’ireo mpianatra fa nankany Kanana i Abrahama taorian’ny nanafahana azy. Nanome voninahitra an’i Abrahama ny Tompo, tamin’ny alalan’ny fanomezana azy ny fisoronana sy ireo fitahiana manan-danja hafa, noho ny nanaovany zavatra araka ny faniriany . Nampanantena an’i Abrahama ireo fitahiana ireo Andriamanitra ho ampahany amin’ilay antsointsika hoe fanekempihavana natao tamin’i Abrahama. Hianatra kokoa momba io fanekempihavanana io ireo mpianatra mandritra ireo lesona hoavy.

Nitsidika an’i Abrahama ny Tompo, taty aoriana teo amin’ny fiainany, ary nampanantena fa hanatanteraka ireo faniriany marina rehetra Izy (jereo ny Abrahama 2:9–11). Vakio ny Abrahama 2:12–13 ka tadiavo ny zavatra nolazain’i Abrahama taorian’io zavatra niainany io.

Inona no fitsipika azontsika ianarana avy amin’ny traikefan’i Abrahama?

Mety hamantatra fitsipika isan-karazany ireo mpianatra, anisan’izany ny: Hanome antsika ireo fitahiana marina irintsika Andriamanitra raha mikatsaka ny hanara-dia an’i Jesoa Kristy isika.

Vakio ity fanambarana manaraka avy amin’ny Filoha Jeffrey R. Holland ao amin’ny Kôlejin’ny Apôstôly Roambinifolo ity, na jereo ny horonan-tsary “Fanantenana mamirapiratra tonga lafatra” manomboka eo amin’ny kaodim-potoana 11:09 ka hatramin’ny 11:38. Io horonan-tsary io dia hita ao amin’ny ChurchofJesusChrist.org.

17:45

Nahoana isika no tsy hanantena fa ireo faniriantsika marina sy araka an’i Kristy dia hovalian’ilay Andriamanitry ny fanantenana amin’ny fomba mahatalanjona sy mahagaga? Mila mino isika rehetra fa izay irintsika ao anatin’ny fahamarinana dia afaka ny ho azontsika indray andro any na ahoana na ahoana. (“Fanantenana mamirapiratra tonga lafatra,” Liahona, mey 2020, 83)

Asao ireo mpianatra hifanakalo hevitra tsiroaroa na amin’ny vondrona kely momba ireto fanontaniana manaraka ireto, na ataovy soratan’ireo mpianatra ao amin’ny diary fandalinany ny valim-panontaniany. Afaka mizara ny valim-panontanian’izy ireo anankiray na roa amin’ny iray kilasy ireo mpianatra izay manolo tena, rehefa avy nahazo fotoana ampy.

Ahoana no anomezan’ny tenin’ny Filoha Holland sy ny zavatra niainan’i Abrahama fanantenana anao fa afaka manampy anao handresy ireo sakana amin’ny fanarahana an’i Jesoa Kristy ny Tompo?
Oviana ny Ray any An-danitra no nanampy anao, na ny olona iray fantatrao, handresy ireo sakana amin’ny fanarahana an’i Jesoa Kristy?

Hevero ny hizara ny zavatra niainanao momba ny fotoana nanampian’ny Ray any An-danitra anao handresy ny sakana iray mba hahazoana fitahiana marina.

Asao ireo mpianatra hirakitra ny zavatra nianarany androany ao amin’ny diary fandalinany.

Hevero ny hanasa ireo mpianatra manolo tena hizara ny zavatra nosoratany. Farano amin’ny fizarana ny fijoroanao ho vavolombelona momba ireo fahamarinana ireo.

Loharanom-pitaovana fanampiny

Aiza no ahafahako mianatra kokoa momba ny bokin’i Abrahama?

Namoaka loharanom-pitaovana maromaro momba ny bokin’i Abrahama ny Fiangonana, toy ny:

Ny toko “Ny Bokin’i Abrahama” ao amin’ny The Pearl of Great Price Student Manual (2017).
Sujets de l’histoire de l’Église “Traduction du livre d’Abraham.”
Essais sur des sujets de l’Évangile “Traduction et historicité du livre d’Abraham.

Nanoratra momba ny fivoahan’ny bokin’i Abrahama sy ny maha-zava-dehibe ireo asa soratra egyptiana fahiny ireo i Joseph Smith tamin’ny 5 jolay 1835:

Izaho, miaraka amin’i W[illiam] W. Phelps sy O[liver] Cowdery amin’ny maha-mpitantsoratra azy, dia nanomboka nandika ny sasany tamin’ireo tarehintsoratra na hiéroglyphes ary, ny tena nahafaly anay, dia ny nahita fa nisy ny asasoratr’i Abrahama ny iray tamin’ireo horonana papyrus. … Afaka milaza marina tokoa izahay fa manomboka manambara ny haren’ny fiadanana sy ny fahamarinana ny Tompo. (Joseph Smith, ao amin’ny History, 1838–1856 [Manuscript History of the Church], volume B-1, 596, josephsmithpapers.org; natao nanara-penitra ny mari-piatoana)

Zava-dehibe ny manamarika izao manaraka izao rehefa mandalina ny bokin’i Abrahama isika, izay hita ao amin’ny Sujets de l’histoire de l’Église “Traduction du livre d’Abraham”:

Miankina amin’ny fahamarinana mandrakizay ampianariny sy ny fanahy mahery ampitainy ny sata maha soratra masina ilay boky. Hita amin’ny farany ny fahamarinan’ny bokin’i Abrahama, amin’ny alalan’ny fandalinana amim-pitandremana ny fampianarany, miaraka amin’ny vavaka amin-kitsim-po sy ny fanamafisan’ny Fanahy. (Sujets de l’histoire de l’Église ,“Traduction du livre d’Abraham,” Médiathèque de l’Évangile)

Inona no fiantraikan’ireo faniriako eo amin’ny fiainako?

Nampianatra ny Filoha Dallin H. Oaks ao amin’ny Fiadidiana Voalohany hoe:

Ny faniriana no milaza izay tokony ho laharam-pahamehantsika, ny laharam-pahamehana no mamolavola ny safidintsika ary ny safidy no mamaritra ny zavatra ataontsika. Ireo faniriana izay asehontsika amin’ny asa no mamaritra ireo fiovana misy eo amintsika, ireo tanjona tratrantsika ary ny iafarantsika. …

… Rehefa mahazo fahitana amin’ny mety hahatongavantsika isika dia mitombo be ny faniriana sy ny hery entintsika manatanteraka zavatra iray. (“Ny Faniriana,” Liahona, mey 2011, 42–12, 44)

Ahoana raha toa tsy tanteraka ny faniriantsika marina?

Nampianatra ny Loholona Neil L. Andersen ao amin’ny Kôlejin’ny Apôstôly Roambinifolo hoe:

14:51

Amin’ny maha-mpanompon’ny Tompo ahy, dia mampanantena anareo aho fa rehefa mahatoky amin’i Jesoa Kristy sy ny fanekempihavanana nataonareo ianareo dia handray fitahiana hafa eto amin’ity fiainana ity ary ho tanteraka ireo faniriana tsara anananareo any amin’ny mandrakizay araka ny sitrapon’ny Tompo. Afaka ny hisy fifaliana mandritra ny fiainana eto an-tany na dia rehefa tsy tanteraka daholo aza ireo fanantenana feno fahamarinana ananantsika. (“Ny dia manokana eo amin’ny fiainana ataon’ny zanak’ Andriamanitra iray,” Liahona, mey 2021, 47)

Ahoana no hampitomboantsika ireo faniriana marina?

Nampianatra ny Loholona David A. Bednar ao amin’ny Kôlejin’ny Apôstôly Roambinifolo hoe:

15:42

Lasa mahafantatra ny Mpamonjy isika rehefa manao izay rehetra azontsika atao mba handeha any amin’izay tiany handehanantsika, rehefa miezaka milaza izay tiany holazaintsika, ary rehefa tonga tahaka izay tiany hahatongavantsika. Rehefa miaiky amim-pankatoavana ny fianteherantsika tanteraka Aminy isika dia mampitombo ny fahafahantsika manompo amim-pahombiazana mihoatra ny teo aloha Izy. Mihamitovy tanteraka tsikelikely amin’ny faniriany ny faniriantsika, ary lasa tanjontsika ny tanjony, ka isika dia “tsy hangataka izay mifanohitra amin’ny sitrapo[ny].” (“Raha nahafantatra Ahy hianareo,” Liahona, nôv. 2016, 104.)

Sahanasa fianarana fanampiny

Abrahama 1:11. Ny ohatry ny zatovovavy tsara toetra

Azo ampiasaina ireo ohatry ny virijiny marina telo mba hanampiana ireo mpianatra hahatakatra fa indraindray isika dia tsy mandray ny faniriantsika marina araka ny fomba andrasantsika.

Vakio ny Abrahama 1:11 ary ampitahao amin’ny tantaran’ireo zatovovavy telo ireo ny fanafahana an’i Abrahama.

Azonao atao ihany koa ny mijery ny fanambaran’ny Loholona Andersen ao amin’ny loharanom-pitaovana fanampiny momba ireo faniriana marina tsy tanteraka.

Asao ireo mpianatra haka sary an-tsaina ny namana iray nandefa hafatra an-tsoratra ho azy ireo. Kivy io namana io satria tsy mbola notahian’ Andriamanitra tamin’ny hery hanoherana fakam-panahy iray manokana izy (na faniriana marina hafa izay nokatsahiny). Asao ireo mpianatra hieritreritra ny fomba mety hamaliana ny namany. Mety hanampy ireto fanontaniana manaraka ireto :

Nahoana araka ny eritreritrao no tanteraka ny faniriana marin’ny olona sasany fa toa tsy tanteraka kosa ny an’ny olona hafa?
Ahoana no ahafahantsika mihazona ny finoantsika an’i Jesoa Kristy na dia toa tsy tanteraka aza ireo faniriantsika marina?

Ohatra hafa momba ny fikatsahana ireo faniriana marina

Afaka mampitaha an’i Abrahama amin’ireo olona hafa ao amin’ny soratra masina ireo mpianatra mba hanamafisana ny fahatakaran’izy ireo momba ny fahazoana ireo faniriana marina.

Asao ireo mpianatra hisafidy iray amin’ireto olona manaraka ireto na olon-kafa nofidiny: Ataovy mitady izay fanirian’ilay olona ary ny zavatra ampianarin’ilay tantara momba ny fahazoana ny faniriantsika izy ireo.

Nefia: 1 Nefia 10:17; 11:1
Enôsa: Enôsa 1:2–8
Almà sy Amioleka: Almà 14:9–13
Hyrum Smith: Fotopampianarana sy Fanekempihavanana 11: 8, 15–17, 21–22

Mampifanaraka ny tenantsika amin’ny sitrapon’ny Tompo

Mety hanampy ireo mpianatra ny fifanakalozan-kevitra fanampiny momba ny faniriana marina indraindray tsy voavaly araka izay tiantsika na antenaintsika azy. Raha izany no izy, dia asehoy ilay horonan-tsary hoe “Ask in Faith” manomboka amin’ny kaodim-potoana 10:47 hatramin’ny 13:03.

15:9

Hevero ny hametraka ireto fanontaniana manaraka ireto:

Inona no ianaranao momba ny fampifanarahana ireo faniriantsika marina amin’ny sitrapon’ny Tompo?
Inona no torohevitra omenao olona iray izay mahatsapa fa tsy manome azy ireo ny faniriana marina ananany ny Tompo?

Ny maha-zava-dehibe ny soratra masina

Apetraho ireto fanontaniana manaraka ireto mba hanampiana ireo mpianatra hahita ny maha-zava-dehibe ny soratra masina eo amin’ny fiainantsika:

Inona no hevitry ny hoe mitahiry zavatra?
Ahoana no ahafahanao mitahiry sary na taratasy avy amin’ny olona iray akaikin’ny fonao?

Asao ireo mpianatra hamaky ny Abrahama 1:28 ka hitady ny zavatra noraisin’i Abrahama. Asao ireo mpianatra hamaky ny andininy 31, rehefa avy mitatitra ny zavatra hitany, ary anontanio izao manaraka izao:

Inona no voatahiry ao amin’ireo firaketana notanan’i Abrahama?
Inona no mety ho soa azontsika noho ny fahafantarantsika ireo fahamarinana ireo?

Ampio ireo mpianatra hahita fa niantso mpaminany ny Tompo mba hitahiry ny soratra masina noho ny fitiavany antsika. Asao ireo mpianatra hizara fahamarinana manan-danja avy ao amin’ny soratra masina ka maha feno fankasitrahana azy ireo ny nitahirizana izany.