Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Misafidy ny hanao asa fitoriana: Ireo fitahiana avy amin’ny asa fitoriana

“Misafidy ny hanao asa fitoriana: Ireo fitahiana avy amin’ny asa fitoriana,” Testamenta Taloha: Boky torolalana ho an’ny mpampianatra seminera (2026)

“Misafidy ny hanao asa fitoriana: Ireo fitahiana avy amin’ny asa fitoriana,” Testamenta Taloha: Boky torolalana ho an’ny mpampianatra seminera

Fiomanana ho misiônera: Lesona 198

Misafidy ny hanao asa fitoriana

Ireo fitahiana avy amin’ny asa fitoriana ny filazantsara

Fahafahana mahafinaritra ny fanaovana asa fitoriana ho an’ny Tompo. Mitahy ireo misiônera ny Ray any An-danitra rehefa manompo sy mampianatra ireo olona eo amin’ny fiarahamonina misy azy ireo sy manerana izao tontolo izao izy ireo. Na izany aza dia mety ho sarotra ny manapa-kevitra ny handeha hanao asa fitoriana. Ity lesona ity dia afaka manampy ireo mpianatra hahatsapa faniriana hanompo ny Tompo ka ho lasa misiônerany.

Fanomanana ny mpianatra: Asao ny mpianatra hanontany olona iray fantatr’izy ireo fa nanao asa fitoriana ny momba ireo fitahiana fantatr’izy ireo fa nomen’ny Tompo azy noho ny asa fanompoana nataony. Azon’izy ireo atao mivantana izany, na amin’ny telefaonina, na amin’ny alalan’ny hafatra an-tsoratra na email. Angataho izy ireo mba ho tonga vonona hizara izay zavatra hitany.

Sahanasa fianarana azo atao

Hanao asa fitoriana amin’ny fotoana feno

Hevero ny hanomboka ny fotoam-pianarana amin’ny fomba izay manampy ny mpianatra hieritreritra ny hanompo ny Tompo amin’ny maha-misiônerany amin’ny fotoana feno. Azonareo atao ny mihira ny “Appelés à servir” (Cantiques, no. 160) ary angataho ny mpianatra hizara hoe iza no fantatr’izy ireo fa nanao na eo am-panaovana asa fitoriana ary taiza no nanompoany. Na azonao atao ny mangataka mpianatra vitsivitsy alohan’ny fotoam-pianarana mba hitondra sarin’olona iray fantatr’izy ireo izay manompo ny Tompo tamin’ny asa fitoriana.

Inona no nampianarin’ny Tompo momba ny andraikitry ny zatovolahy sy ny zatovovavy mba ho misiônera?

Rehefa mamaly ny mpianatra dia ataovy izay hahatakaran’izy ireo izao manaraka izao.

Nampianatra izao ny Filoha Russell M. Nelson:

Ny Tompo dia nangataka ny zatovolahy afaka mirotsaka sy mendrika tsirairay avy mba hiomana sy handeha hanao asa fitoriana. … Ho anareo vehivavy tanora sy rahavavy afaka manao izany, fahafahana lehibe koa ny asa fitoriana saingy tsy voatery handeha ianareo. (“Mitory ny filazantsaran’ny fiadanana,” Liahona, apr. 2022, 6)

Tafiditra ao anatin’izany ny asa misiônera fitoriana ny filazantsara sy ny asa misiônera misahana asa fanompoana.

Azonao soratana eny amin’ny solaitrabe ireto fanontaniana manaraka ireto dia mangataha mpianatra maromaro hizara ny eritreriny amin’ny iray amin’izany:

Inona avy ireo antony sasantsasany mety hanirian’ny olona iray hanaovana asa fitoriana?
Inona avy ireo antony sasantsasany mety hahasarotra ny hisafidy ny hanao asa fitoriana?

Raha ilaina dia hazavao fa olona maro no miatrika ahiahy ihany koa. Ohatra, tamin’ny fotoana nanapahan’ny Filoha M. Russell Ballard (1928–2023) tao amin’ny Kôlejin’ny Apôstôly Roambinifolo hanao asa fitoriana, dia tsy navitrika tao am-piangonana ny ray aman-dreniny (jereo ny “Nitahy ny fiainako mandrakizay ny asa fitoriana,” Liahona, mey 2022, 8). Ny Filoha Jeffrey R. Holland ao amin’ny Kôlejin’ny Apôstôly Roambinifolo dia nizara fa “tsy mbola nisy misiônera tao amin’ny fianakaviany” (jereo ny “My Mission Influence” [3:31] manomboka eo amin’ny mari-potoana 2:01 ka hatramin’ny 2:16 izay hita ao ChurchofJesusChrist.org). Tsy navitrika tao am-piangonana ny rain’ny Loholona Quentin L. Cook ary namporisika ny rahalahiny handeha ho any amin’ny sekoly fianarana ho mpitsabo fa tsy handeha hanao asa fitoriana (jereo ny “Se convertir à la volonté de Dieu,” Ensign, mai 2002, 54)

Makà fotoana hanoratana ao anatin’ny diary fandalinanao ny zavatra tsapanao momba ny fanaovana asa fitoriana amin’ny fotoana feno sy ny anton’izany.

Rehefa mandalina ity lesona ity ianao dia mikatsaha fitarihana avy amin’ny Tompo mba hanampy anao amin’ny fanapahan-kevitrao ny hanao asa fitoriana amin’ny fotoana feno na tsia sy ny fomba hamaliana ireo olana mety anananao.

Rehefa mankatò ny Tompo isika

Vakio ny Deoteronomia 28:1–6, 9, dia tadiavo ny zavatra nampanantenain’ny Tompo tamin’ny alalan’i Mosesy raha toa ka manao izay angatahiny amintsika isika.

Asao hizara ny zavatra hitany ny mpianatra. Hevero ny hangataka ny mpianatra hizara ohatra amin’ireo karazana fitahiana nampanantenain’ny Tompo ao amin’ireo andininy ireo. Mety hanampy ny mahafantatra fa ny “ateraky ny kibonao” (Deoteronomia 28:4) dia entina ilazana ny taranaka.

Nahoana no ilaina ny mahafantatra ireo fitahiana maro samihafa ampanantenain’ny Tompo antsika raha manao izay angatahiny isika?
Ahoana araka ny eritreritrao no ahafahan’ireo fampanantenan’ny Tompo ao amin’ireo andininy ireo mihatra amin’ny fankatoavantsika mba hanompo Azy ho misiônerany?

Nampianatra izao ny Filoha Russell M. Nelson:

Ry tanora namako malala isany, tena ilain’ny Tompo ny tsirairay avy aminareo. Tsy nalefan’ny Tompo raha tsy amin’izao fotoana izao ianareo mba hanampianareo amin’ny fanangonana an’i Isiraely. Ny fanapahan-kevitrareo ny hanao asa fitoriana, na misiônera mpanao asa fitoriana na mpanao asa fanompoana, dia hitahy anareo sy ny hafa. (“Mitory ny filazantsaran’ny fiadanana,” Liahona, mey. 2022, 6)

Soraty eny amin’ny solaitrabe ny hoe: Hitahy antsika sy ny maro hafa ny Tompo rehefa misafidy ny hanao asa fitoriana isika.

Ny fahatakarana ny sasany amin’ireo fitahiana omen’ Andriamanitra dia afaka manampy amin’ny fanapahan-kevitsika hanao asa fitoriana.

Vakio ny sasany na izy rehetra amin’ireo soratra masina sy teny nambara ao amin’ilay taratasy zaraina hoe “Ireo fitahiana omen’ Andriamanitra ny misiônerany,” na mitadiava soratra masina na teny nambara fanampiny. Azonao atao ny manisy marika na manao anaty faribolana ireo fitahiana izay manan-danja aminao. Mariho fa manome ireo fitahiana ireo ny Tompo mandritra sy aorian’ny asa fitoriana.

Manomana zavatra izay azonao zaraina amin’ny olona iray izay manapa-kevitra ny hanompo ny Tompo na tsia amin’ny asa fitoriana. Ampidiro ny roa amin’ireto manaraka ireto farafahakeliny:

Fitahiana iray na roa izay nianaranao fa omen’ Andriamanitra rehefa manao asa fitoriana amin’ny fotoana feno sy ny zavatra tsapanao momba azy ireo.
Ohatra iray amin’ny olona fantatrao izay nandray ny iray amin’ireo fitahian’ Andriamanitra hitanao tamin’ny alalan’ny asa fitoriana nataon’izy ireo.
Ny fiantraikan’ny zavatra nianaranao teo amin’ny fanirianao hanompo ny Tompo amin’ny maha-misiônera amin’ny fotoana feno.
Ny zavatra nianaranao momba ny Ray any An-danitra sy i Jesoa Kristy izay afaka manampy olona iray hisafidy ny hanao asa fitoriana amin’ny fotoana feno.

Rehefa avy niomana ny mpianatra dia asao ny mpiara-mitory tsirairay hizara ny hafatr’izy ireo ao anatina fizarana roa. Asaivo manapa-kevitra izy ireo hoe iza amin’izy ireo no hizara ny ampahany inona. (Ohatra, afaka mizara fitahiana iray sy ny fahatsapan’izy ireo momba izany ny olona iray dia afaka mizara ohatra iray avy eo ilay iray hafa ary ny fomba mety hanampian’ny fifantohana amin’ny Ray any An-danitra sy i Jesoa Kristy.) Eritrereto raha toa ka mahomby kokoa ny fananana mpiara-mitory maromaro eo anoloan’ny kilasy, na raha tsaratsara kokoa raha mifampizara izany ao anatina vondrona kely izy ireo. Raha mizara anaty vondrona kely izy ireo dia azonao atao ny manontany aorian’izay ny zavatra manan-danja tamin’izy ireo izay henony avy tamin’olon-kafa na nozarain’izy ireo mihitsy.

Ny fanapahan-kevitrao

Makà fotoana hanakimpiana ny masonao sy hieritreretana momba ny Ray any An-danitra. Tsarovy ny fitiavany anao. Ry zatovovavy, alaivo sary an-tsaina ny mety ho tsapany rehefa mikatsaka ny hahafantatra ny sitrapony momba ny fanaovana asa fitoriana ianao. Ry zatovolahy, eritrereto ny zavatra tian’ny Ray any An-danitra hataonao amin’izao fotoana izao mba hiomanana ho tonga misiônera mahomby na hiresaka izay mety ho olana mety hanananao momba ny fanompoana.

Katsaho ny fanampian’ny Ray any An-danitra rehefa manoratra ao anatin’ny diary fandalinanao ny zavatra nianaranao na ny zavatra tiany hotsaroanao avy amin’ity lesona ity ianao eo am-pandinihanao ny hanompo ny Tompo amin’ny maha-misiônera amin’ny fotoana feno.

Hevero ny hanasa mpianatra vitsivitsy hizara ny zavatra nianaran’izy ireo na tsapany tato amin’ity lesona ity. Zarao ihany koa ny eritreritra sy ny fijoroana ho vavolombelona anananao manokana.

Loharanom-pitaovana fanampiny

Inona no nampianarin’ny Tompo momba ny andraikitry ny zatovolahy sy ny zatovovavy mba hanao asa fitoriana?

Nanamafy ny antson’ny Tompo mba hanao asa fitoriana ny Filoha Russell M. Nelson:

5:34

Androany aho dia mamerina manamafy amin-kery fa ny Tompo dia nangataka ny zatovolahy afaka mirotsaka sy mendrika tsirairay avy mba hiomana sy handeha hanao asa fitoriana. Ho an’ny zatovolahy Olomasin’ny Andro Farany dia andraikitry ny fisoronana ny fandehanana mitory amin’ny fotoana feno. Ianareo ry zatovolahy dia natokana ho amin’izao fotoana izao izay hitrangan’ny fanangonana an’i Isiraely. Rehefa mandeha manao asa fitoriana ianareo dia misahana anjara asa manan-danja amin’io tranga tsy manam-paharoa io.

Ho anareo vehivavy tanora sy rahavavy afaka manao izany, fahafahana lehibe koa ny asa fitoriana saingy tsy voatery handeha ianareo. Tianay ireo rahavavy misiônera ary raisinay amin’ny fo manontolo izy ireo. Mahatalanjona ny anjara biriky entinareo amin’ity asa ity! Mivavaha mba hahafantarana raha tian’ny Tompo ny handehananao hanao asa fitoriana, ary ny Fanahy Masina dia hamaly ao am-ponao sy ao an-tsainao. (“Mitory ny filazantsaran’ny fiadanana,” Liahona, mey. 2022, 6)

Inona no atao hoe asa misiônera misahana fanompoana?

Ireo zatovolahy sy zatovovavy mendrika izay tsy afaka manao asa misiônera mitory noho ny antony ara-batana, ara-tsaina, ara-pihetsehampo, na antony hafa, dia azo antsoina hanao asa misiônera misahana fanompoana. Ireo misiônera manao asa fanompoana dia afaka manompo ny Tompo amin’ny alalana andraikitra isan-karazany, anisan’izany ny ao amin’ireo fikambanana mpanao asa soa, amin’ny alalan’ireo asa fampandehanana ny Fiangonana, ary amin’ny alalan’ireo fahafahana hanompo hafa eny anivon’ny tsatòka. Hahitana ohatra dia jereo ny “Service Missions: Elder Quade’s Story” (5:19).

5:19

Mba hahazoana fampahalalana misimisy kokoa dia azonao atao ny mijery antsipirian-javatra ao amin’ny ChurchofJesusChrist.org/service-missionaryna ao amin’ny application Médiathèque de l’Évangile.

Sahanasa fianarana fanampiny

Antony hanaovana asa fitoriana

Rehefa vitan’ny mpianatra ilay taratasy zaraina hoe “Ireo fitahiana omen’ Andriamanitra ny misiônerany” dia azonao atao ny mampiseho ny iray amin’ireto horonan-tsary manaraka ireto. Asao ny mpianatra hitady ireo antony hisafidianan’ny olona iray hanao asa fitoriana.

“Ny hasarobidin’ny asa fitoriana amin’ny fotoana feno” (5:22)

5:23

Ohatra iray amin’ny zatovo iray izay manapa-kevitra raha toa ka hanompo na tsia

Raha toa ka hanampy ny mizara ohatra iray momba ny zatovo iray izay manapa-kevitra ny hanao asa fitoriana sy mijoro ho vavolombelona momba ireo fitahiana azony. Jereo ny Loholona Ganesh Vardhanapu, “The Decision to Serve a Mission” (Liahona, Mar. 2020, nomerika fotsiny).

Manome torohevitra

Indraindray ireo gazetibokin’ny Fiangonana dia mametraka fanontaniana, ary zatovo isan-karazany manerana izao tontolo izao no manoratra valiny izay mety hanampy. Asao ny mpianatrao haka sary an-tsaina hoe nomena ity fanontaniana ity izy ireo: Ahoana no hanapahako hevitra raha hanao asa fitoriana sa tsia? Omeo minitra maromaro izy ireo hanoratana valin-teny iray izay ahitana soratra masina na fanambarana avy amin’ny mpaminany na mpitarika iray ao amin’ny Fiangonana. Avy eo dia asao izy ireo hamaky ireo valin-teny ao amin’ny “How do I decide whether to serve a mission?” (New Era, Dec. 2019, 44–45).

Raha manana faniriana hanompo ny mpianatra kanefa miahiahy fa tsy ho afaka

Raha ao anatin’io toe-javatra io ny mpianatra dia asao izy ireo hamaky ny Matio 28:19–20; 1 Nefia 3:7; Môzià 4:27, ka tadiavo ireo fitsipika isan-karazany izay mety hanampy azy ireo. Hazavao ihany koa fa afaka mizara izay mety ho ahiahy ananany amin’ny ray aman-dreny sy ireo mpitarika ao amin’ny fisoronana ary ireo matihanina ara-pahasalamana izay afaka manoro hevitra azy ireo mikasika ny zavatra azon’izy ireo atao izy ireo.

Ny fiantraikan’ny fanatonana akaiky kokoa ny Mpamonjy eo amin’ny faniriantsika hizara ny filazantsara

Raha ilaina dia asao ny mpianatra hamita ny “Fandalinana manokana na fandalinan’ny mpiara-mitory” ao amin’ny tampon’ny pejy fahatelo ao amin’ny Torio ny Filazantsarako. Afaka misaintsaina ny fiantraikan’ny fanatonana akaiky kokoa ny Mpamonjy eo amin’ny faniriany hizara ny filazantsara sy hanao asa fitoriana amin’ny fotoana feno izy ireo.