Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mizara ny filazantsara amin’ny fomba mandeha ho azy: Afaka ny ho tafiditra ao anatin’ny fiainana andavan’andro ny fizarana ny filazantsara

“Mizara ny filazantsara amin’ny fomba mandeha ho azy: Afaka ny ho tafiditra ao anatin’ny fiainana andavan’andro ny fizarana ny filazantsara,” Testamenta Taloha: Boky torolalana ho an’ny mpampianatra seminera (2026)

Fiomanana ho misiônera: Lesona 197

Mizara ny filazantsara amin’ny fomba mandeha ho azy

Afaka ny ho tafiditra ao anatin’ny fiainana andavan’andro ny fizarana ny filazantsara

A young woman sits at a table and talks with a young man, who is holding a Book of Mormon open.

Amin’ny maha-mpikamban’ny Fiangonan’ny Mpamonjy antsika dia fitahiana sy andraikitsika ny manampy “ny fianakaviana rehetra eto an-tany ho voatahy, eny amin’ireo fitahian’ny Filazantsara” (Abrahama 2:11). Indraindray dia mety ho sarotra ny mitady fomba hampahafantarana ny hafa ny filazantsaran’ny Mpamonjy. Ity lesona ity dia afaka manampy ny mpianatra hizatra hizara ny filazantsaran’i Jesoa Kristy amin’ny hafa amin’ny fomba mandeha ho azy.

Fanomanana ny mpianatra: Asao ny mpianatra hisaintsaina ombam-bavaka ireo toe-javatra izay ahafahan’izy ireo mizara zavatra momba ny Fiangonana na ny filazantsara ho ampahany amina resaka mahazatra. Azon’ny mpianatra atao ny mieritreritra ny fomba mety hanaovana izany amim-pahombiazana ary mitady fahafahana hanao izany.

Sahanasa fianarana azo atao

Mizara ny zavatra tianao

Hevero ny hanomboka ny lesona amin’ny alalan’ny fanasana mpianatra roa na telo hamariparitra fialan-tsasatra, na sakafo, na zavatra hafa tiany indrindra izay tsy mahakasika loatra ny tena manokana. Azon’izy ireo atao ihany koa ny mizara ny antony hanasan’izy ireo ny hafa hanandrana izany.

Asehoy ireto safidy manaraka ireto rehefa avy mizara ny mpianatra tsirairay. Angataho ny mpianatra hanainga ambony ny isan’ny rantsan-tanana izay mamaritra tsara indrindra ny zavatra tsapany momba ny zavatra nozaraina.

Lasa liana kokoa amin’ny fanandramana ny zavatra nozarain’izy ireo aho.
Somary liana kokoa amin’ny fanandramana izany aho.
Tsy niova ny fahalianako amin’ilay izy.

Azonao atao ny manamafy fa mety ho mora ny mizara zavatra izay tiantsika, na dia manapa-kevitra ny tsy hanandrana ny zavatra nozaraintsika aza ny hafa.

Ahoana araka ny eritreritrao no azo ampiharana ity sahanasa ity amin’ny fizarana ny finoantsika momba ny Mpamonjy sy ny Fiangonany amin’ny hafa?
Raha miainga avy amin’ny fomba fijery mibanjina ny mandrakizay dia inona avy ireo finoana manan-danja indrindra azonao zaraina amin’ny namanao sy ny fianakavianao? Nahoana?

Ny antony hizarantsika

Mba hanampiana ny mpianatra hamantatra fitahiana sasany avy amin’i Jesoa Kristy sy ny filazantsarany izay azontsika zaraina dia hevero ny hanasa vondrona kely handalina ireto andinin-tsoratra masina manaraka ireto. Ny mpianatra tsirairay ao amin’ilay vondrona dia afaka mandalina andininy samihafa ary avy eo manao tatitra amin’ilay vondrona ny zavatra hitany.

Halalino ireto andinin-tsoratra masina manaraka ireto, ka tadiavo ny antony tianao hahafantaran’ireo olona akaikin’ny fonao ny Mpamonjy.

Isaia 1:18

Isaia 25:4, 8–9

Isaia 40:28–31

Isaia 43:25

Isaia 54:10

Inona amin’ireo fahamarinana ireo no tena hahafaly anao indrindra ny mizara azy amin’ireo olona akaikin’ny fonao? Nahoana?

Mandresy ny fisalasalana

Ampahafantaro ny mpianatra fa voajanahary ny mahatsapa ho mitebiteby amin’ny fizarana ny filazantsara indraindray. Na ireo mpaminany lehibe toa an’i Enoka aza (jereo ny Mosesy 6:27, 31) sy i Jeremia dia tsy maintsy nandresy fisalasalana.

Vakio ny Jeremia 1:6 dia tadiavo ny zavatra tsapan’i Jeremia rehefa nantsoina hampianatra ny vahoaka izy.

Nahoana ny olona amin’izao fotoana izao izay tena maniry marina ny hanatonan’ireo olona akaikin’ny fony an’i Kristy no mbola misalasala ny hizara ny filazantsara amin’izy ireo?

Vakio ny Jeremia 1:7–9, ka tadiavo ny torohevitra sy fampanantenana nomen’ny Mpamonjy an’i Jeremia.

Ahoana araka ny eritreritrao no ahafahan’ny tenin’ny Mpamonjy tamin’i Jeremia mihatra amintsika rehefa mizara ny filazantsarany isika?

Ny Loholona Dieter F. Uchtdorf ao amin’ny Kôlejin’ny Apôstôly Roambinifolo dia nanome izao torohevitra manaraka izao izay afaka manampy antsika ihany koa handresy ny fisalasalana hizara ny filazantsara:

Na aiza na aiza misy anao eto an-tany dia misy fahafahana marobe hizarana ny vaovao mahafalin’ny filazantsaran’i Jesoa Kristy amin’ny olona mifanena, na miara-mianatra, na miara-mipetraka, na miara-miasa na mifanerasera aminao. …

Ny angatahiko aminao dia ny mba hitadiavanao mandrakariva fomba hizarana ny finoanao amin’ny fifaneraserana amin’ny fomba tsotra sy mandeha ho azy amin’ny olona—na mivantana izany na amin’ny alalan’ny internet. …

Na inona na inona fomba tsotra sy mandeha ho azy aminao dia zarao amin’ny hafa ny antony mampanan-danja an’i Jesoa Kristy sy ny Fiangonany aminao. (“Asa fitoriana: Mizara ny zavatra tena inoana sy tsapanao,” Liahona, mey 2019, 15, 17)

Ahoana no hamintinanao ny fampanantenan’ny Tompo tamin’i Jeremia sy ny fampianaran’ny Loholona Uchtdorf ho lasa fehezan-teny manambara fahamarinana tsotra?

Amin’ny alalan’ny fampiasana ny tenin’ny mpianatra dia azonao atao ny manoratra fahamarinana tahaka izao manaraka izao eny amin’ny solaitrabe: Afaka manampy antsika hizara ny filazantsarany amin’ny fomba mandeha ho azy sy tsotra ny Mpamonjy.

Hevero ny hanasa ny mpianatra hifanakalo hevitra momba ireto manaraka ireto ao anatin’ny vondrona kely maromaro, ary avy eo dia mangataha mpianatra manolo-tena vitsivitsy hizara ny valin-teniny amin’ny iray kilasy.
Inona no maha-samy hafa ny fizarana ny filazantsara tsapa ho “mandeha ho azy sy tsotra” na tsapa ho miambakavaka?
Mety misy olona fantatrao mizara ny filazantsara amin’ny fomba mandeha ho azy ve? Raha misy dia ahoana no hanaovany izany?

Ny hoe “mitaratra ny kalitaon’ny resadresaka”

Ity fizarana ao amin’ny lesona ity dia afaka manampy ny mpianatra hampihatra fomba iray hitondrana ho azy an’i Jesoa Kristy sy ny filazantsarany ao anatin’ireo resadresaka. Azonao atao ny manao fanazaran-tena amin’ny fahaiza-manao samihafa miaraka amin’ireo mpianatrao izay mety hanampy azy ireo indrindra. Hevero ny hitazona fitaratra iray ary asehoy ity fanambarana manaraka ity.

Ny Loholona Quentin L. Cook ao amin’ny Kôlejin’ny Apôstôly Roambinifolo dia nanazava fomba iray ahafahanao mamorona resadresaka momba ireo lohahevitry ny filazantsara.

Mahafantatra olona iray nivoaka fianarana avy amin’ny BYU izay ohatra tena tsara aho. Manamafy izy fa misy ny hoe mitaratra ny kalitaon’ny resadresaka. Raha miresaka momba ny toetrandro isika dia mamaly amin’ny firesahana momba ny toetrandro ny olona. Raha miresaka momba ny fanatanjahantena isika dia mamaly izany amin’ny firesahana momba ny fanatanjahan-tena ihany koa izy ireo. Nilaza io namana io fa anontaniany momba ny fianaran’izy ireo ny olona izay mihaona aminy dia mihaino tsara izy. Rehefa mamaly azy amin’ny fanontaniana azy momba ny sekoliny izy ireo dia milaza momba ny BYU izy ary avy eo dia mizara ny fijoroana ho vavolombelona ananany momba ny filazantsara. Avy eo, amin’ny fomba feno hatsaram-panahy, dia manolo-tena izy ny hamela azy ireo hianatra misimisy kokoa avy amin’ireo misiônera. Tena nahomby tokoa izy tamin’ny fizarana ny filazantsara. (“How to Be a Member Missionary,” New Era, Feb. 2015, 48)

Ahoana no hanazavanao amin’ny fampiasana ilay hoe “mitaratra ny kalitaon’ny resadresaka” mba hiresahana ny filazantsara amin’ny hafa?

Farito

Mba hanampiana ny mpianatra hiomana hizatra amin’io fahaiza-manao io dia zarao amin’izy ireo izao manaraka izao:

Ny firesahana momba ana lafin-javatra eo amin’ny fiainantsika dia mety ho tsapa hoe mandeha ho azy kokoa raha toa ka manontany ny olon-kafa momba izay zavatra izay ihany eo amin’ny fiainany aloha isika. Mba hanaovana izany dia azonao atao ny:

Misafidy zavatra izay nataonao vao haingana na hataonao ato ho ato mba handraisana anjara ao amin’ny Fiangonan’i Jesoa Kristy na ny filazantsarany.
Mieritreritra fanontaniana iray azonao apetraka amin’ny olona iray izay hahatonga izany ho mandeha ho azy kokoa aminao ny hizara ny zavatra nosafidinao momba ny Fiangonan’ny Mpamonjy na ny filazantsara.
Apetraho ny fanontanianao, henoy amin-kitsimpo ny valin-tenin’izy ireo, ary avy eo dia zarao ny zavatra nosafidinao.

Azonao atao ihany koa ny maneho ny maha-zava-dehibe ny fihainoana ny hafa amin’ny firaharahiana tanteraka alohan’ny hizarantsika momba ny tenantsika (jereo ny Torio ny Filazantsarako: Torolalana ho an’ny fizarana ny filazantsaran’i Jesoa Kristy, 192).

Manao maodely

Ataovy maodely ny “mitaratra ny “fitaratra ny kalitaon’ny resadresaka” amin’ny alalan’ny fanontaniana mpianatra iray ny zavatra nataon’izy ireo tamin’ity faran’ny herinandro ity. Aorian’ny fihainoana amin-kitsimpo ny valin-tenin’izy ireo dia lazao azy ireo ny momba ny faran’ny herinandronao ary ataovy izay hampidirana zavatra tsara momba ny zavatra niainanao tany am-piangonana.

Azonao atao koa ny mametraka fanontaniana toy ireto manaraka ireto:

Anontanio hoe: “Nanao ahoana ny marainanao?” (Henoy ny valin-teniny.) Avy eo dia mizarà zavatra toy izao: “Niaina zavatra tsara indrindra aho tamin’ity maraina ity tao amin’ny fianarana seminera …”

Anontanio hoe: “Moa ve misy zavatra mahafinaritra nomaninao ho an’ity herinandro ity?” (Henoy ny valin-teniny.) Avy eo dia mizarà zavatra toy izao: “Handeha ho any amin’ny tempoly miaraka amin’ny fianakaviako aho amin’ny alarobia hariva mba …”

Manazara tena

Asao ny mpianatra hanao fanazaran-tena hampihatra io fahaiza-manao io. Miankina amin’ny fotoana misy dia azon’ny mpianatra atao ny mampihatra ilay fahaiza-manao amin’ny namana maromaro, ka mizara lafin-javatra samihafa ao amin’ny filazantsara eo amin’ny fiainan’izy ireo isaky ny mandeha. Amporisiho izy ireo hitady fahafahana hiresaka momba ny Ray any An-danitra sy i Jesoa Kristy ary ireo fitahian’ny filazantsara. Mety hanampy ny mampiseho ireto dingana manaraka ireto.

Miomana hizara ny filazantsaran’ny Mpamonjy

Ampahatsiahivo ny mpianatra fa ny fahombiazana amin’ny fizarana ny filazantsara dia tsy voafaritra amin’ny hoe hanaiky na tsia ny hafatry ny Mpamonjy ilay olona. Ny hoe niezaka nizara ny fahazavan’ny Mpamonjy isika dia fahombiazana foana.

Ho famaranana ny fotoam-pianarana dia azonao atao ny mampiseho izao torolalana manaraka izao ary manasa ny mpianatra hirakitra an-tsoratra ny eritreritr’izy ireo ao amin’ny diary fandalinany.

Vakio indray ny Jeremia 1:7–9 ary eritrereto ny fomba ahafahan’ny Tompo manampy anao hizara ny filazantsarany. Avy eo dia makà minitra vitsy hieritreretana momba ireo toe-javatra mety hisy anao amin’ity herinandro ity izay ahafahanao miresadresaka momba ny filazantsara amin’ny olona iray. Angataho am-bavaka ny Ray any An-danitra mba hahafantarana ireo fomba ahafahanao mizara amin’ny fomba mandeha ho az ny hafatry ny Mpamonjy. Tsarovy fa tahaka ny nanampian’ny Tompo an’i Jeremia dia hanampy anao ihany koa Izy amin’ny ezaka ataonao.

Loharanom-pitaovana fanampiny

Misy fomba “tsara” ve hizarana ny filazantsara amin’ny olona iray?

Nampianatra ny Loholona Dale G. Renlund ao amin’ny Kôlejin’ny Apôstôly Roambinifolo hoe:

Ny fizarana ny fanomezam-pahasoavan’ny filazantsara dia mety hitovy amin’ny fisakafoana any amin’ny hôtely. Misy fomba marobe ahafahana mizara ny filazantsara na manasa ny hafa hanao zavatra izay manorina finoana an’i Jesoa Kristy amin’ny farany.

Tsy misy olona hoe hanao ny zava-drehetra.

Afaka manao zavatra iray ny olona rehetra izay vonona.

Tsy misy olona mila manao na inona na inona izay tsy safidiny.

… Afaka misafidy ny hanasa ny hafa hianatra momba ny filazantsaran’i Jesoa Kristy amin’ny fomba izay mampahazo aina sy mandeha ho azy aminao ianao, amin’ny alalan’ny fampiasana ny talentanao sy ny fahafaha-manaonao manokana. Rehefa mandeha ny fotoana dia mety hahita ianao fa mivelatra ireo karazan-javatra izay mampahazo aina. (“Sharing the Christmas Gift,” For the Strength of Youth, Dec. 2021, 8)

Nampianatra izao ny Filoha Henry B. Eyring ao amin’ny Fiadidiana Voalohany:

Nandalina tamim-pahamalinana sy ombam-bavaka ny olona izay niavaka tamin’ny maha-vavolombelona mahatoky sy mahomby momba ny Mpamonjy sy ny Fiangonany aho. …

Tsy misy lamina tokana amin’ny zavatra ataon’izy ireo. Tsy misy teknika mahazatra. Ny sasany dia mitondra Bokin’i Môrmôna foana mba homena olona. Ny hafa kosa dia nametraka daty hitadiavana olona iray hampianarin’ireo misiônera. Ny iray hafa dia nahita fanontaniana izay mitondra fahatsapana momba ny zavatra manan-danja indrindra eo amin’ny fiainana ho an’ny olona iray. Samy nivavaka izy ireo mba hahafantarana izay tokony hatao. Toa mahazo valiny samy hafa izy ireo, natokana manokana ho azy ireo sy ny olona izay mihaona amin’izy ireo. (“A Child and a Disciple,” Ensign or Liahona, May 2003, 30)

Ahoana raha toa ny hafa ka tsy mamaly araka ny tokony ho izy ny ezaka ataoko hizarana ny filazantsara?

Nampianatra ny Loholona Thierry K. Mutombo ao amin’ny Fitopololahy hoe:

Rehefa mizara ny vaovao mahafaly ianao, izay ny filazantsaran’i Jesoa Kristy, dia ataovy amim-pitiavana sy amim-paharetana izany. Tsy tokony hifanerasera amin’ny hafa isika miaraka amin’ny fananana fanantenana tokana fotsiny fa tsy ho ela dia hiakanjo fotsy izy ireo ka hatao batisa. Ny olona sasany izay ho avy sy hizaha dia mety tsy hiditra ho mpikambana ao amin’ny Fiangonana mihitsy angamba; ny sasany ho avy fa any aoriana any. Safidin’izy ireo izany. Saingy tsy manova ny fitiavantsika azy ireo izany. … Ny manan-danja dia ny tsy famoizanao fanantenana; mitozoa amin’ny fiezahana hatrany mba hampety izany. Mampanantena anareo aho fa ho sambatra kokoa sy ho faly kokoa ianareo noho ny fanirianareo isan’andro hizara izay fantatrareo fa marina amin’ny hafa. (“Mizara ny filazantsara,” Liahona, feb. 2022, amin’ny endrika nomerika ihany)

Sahanasa fianarana fanampiny

Fomba hafa hanombohana ny lesona

Hevero ny hampiseho ny horonan-tsary “Good Things to Share” (2:21). Ao amin’io horonan-tsary io ny Loholona Bednar dia mampianatra fa ny fizarana zavatra manan-danja sy manampy amin’ny hafa dia tsy hoe tsy mahazatra.

2:21

Azonao atao ny manampy ny valin-tenin’ny mpianatra amin’ilay lisitra eny amin’ny solaitrabe.

Raha miainga avy amin’ny fomba fijery mibanjina ny mandrakizay dia inona avy ireo zavatra manan-danja indrindra sasany tokony hozaraina?

Fomba fizarana ny filazantsara amin’ny fomba mandeha ho azy sy mahazatra

Mba hanomezana hevitra misimisy kokoa ny mpianatra mikasika ny fomba ahafahan’izy ireo mizara ny filazantsara amin’ny fomba mandeha ho azy sy mahazatra, dia hevero ny hanasa azy ireo hieritreritra ny sasany amin’ireto hevitra manaraka ireto:

Mitadiava andinin-tsoratra masina izay tianao hozaraina amin’ny hafa. Mitanisà fomba roa na telo azonao hizarana izany andininy izany amin’ny olona iray.
Tanisao ireo toe-javatra samihafa izay hisy anao amin’ity herinandro ity toy ny hoe any amin’ny asa iray, na fanazaran-tena ataon’ny ekipa, na fivorian’ny fikambanana. Mieritrereta fomba ahafahan’ny olona iray mizara ny filazantsara amin’ny fomba mandeha ho azy sy mahazatra isaky ny toe-javatra tsirairay.
Ifanakalozy hevitra ireo fomba samihafa ahafahana mizara ny filazantsara an-jotra. Mamoròna meme na zavatra avoaka anaty tambajotran-tserasera mifandray amin’ny filazantsara mba hozaraina. Raha mety dia makà minitra vitsy hanaovana ilay famoahana amin’izao fotoana izao.

Azonao atao ihany koa ny manasa ny mpianatra hikaroka ao amin’ny fizarana “Mizara ny filazantsara” ao amin’ny Mediathèque de l’Évangile mba hahitana hevitra fanampiny.

Azonao atao ny mampiseho ilay horonan-tsary “I’ll Go Where You Want Me to Go” (5:45), izay mampiseho fianakaviana iray mizara ny hafatry ny Mpamonjy ho ampahany amin’ny andro mahazatra azy ireo.

5:45

Mizatra mizara ny filazantsara

Ireto misy hevitra vitsivitsy hafa amin’ny kilalao an-tsehatra izay azo ampiasaina mba hanampiana ny mpianatra hanao fanazaran-tena hizara ny filazantsara.

Zarao amin’ny namana iray ny fampielezana an-tambajotran-tserasera farany indrindra nataon’ny Fiangonana.
Resaho ny zavatra nataonao nandritra ny fiaraha-mientan’ny zatovo vao haingana tao amin’ny paroasy. Avy eo dia anontanio izy ireo raha te hiaraka aminao amin’ny fiaraha-mientana manaraka.
Manasà olona iray hizara ny dikan’ny anaran’izy ireo. Resaho ny momba ny fiavian’ny anaram-pianakavianao ary ampisehoy ny rafi-tetiaranao amin’ny alalan’ny application tantaram-pianakaviana.
Alaivo sary an-tsaina hoe nasaina nanao lahateny tao am-piangonana ianao. Manasà namana iray ho avy ka hihaino anao handaha-teny.
Anontanio ny namana iray hoe inona no drafitr’izy ireo amin’ny fahavaratra. Avy eo dia zarao ny antony mahatonga anao ho faly be amin’ny fihaonambe HZM na lasin’ny Fiangonana izay ho atrehanao.