Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Ko Hono Fakaleleiʻi e Ngaahi Ongo ʻo e ʻItá: Ko e Fakafeangai ki he ʻItá ʻaki e Muimui ki he Fakamoʻuí

“Ko Hono Fakaleleiʻi e Ngaahi Ongo ʻo e ʻItá: Ko e Fakafeangai ki he ʻItá ʻaki e Muimui ki he Fakamoʻuí,” Fuakava Motuʻá – Tohi Lēsoni ʻa e Faiako Seminelí (2026)

“Ko Hono Fakaleleiʻi e Ngaahi Ongo ʻo e ʻItá: Ko e Fakafeangai ki he ʻItá ʻaki e Muimui ki he Fakamoʻuí,” Fuakava Motuʻá – Tohi Lēsoni ʻa e Faiako Seminelí

Moʻui Lelei Fakatuʻasinó mo Fakaelotó: Lēsoni 186

Ko Hono Fakaleleiʻi e Ngaahi Ongo ʻo e ʻItá

Ko e Fakafeangai ki he ʻItá ʻaki e Muimui ki he Fakamoʻuí

The Old Testament characters Jacob and Esau embracing one another. A desert landscape is portrayed in the background.

ʻOku angamaheni pē ke aʻusia ʻa e ongoʻi ʻitá. Neongo he ʻikai ke tau lava ʻo mapuleʻi ʻa e ngaahi tūkunga ʻokú ne fakatupu ʻetau ongoʻi ʻitá, ka te tau lava ʻo fili ʻa e founga ʻetau fakafeangai ki aí. ʻI heʻetau tafoki kia Sīsū Kalaisí, te Ne lava ʻo tokoniʻi kitautolu ke tau tali ʻo hangē ko ia naʻá Ne mei faí. ʻE lava ke tokoni ʻa e lēsoni ko ʻení ke muimui ʻa e kau akó ki he sīpinga ʻa Sīsū Kalaisí ʻi he taimi ʻoku nau aʻusia ai ʻa e ongoʻi ʻitá.

Teuteu ʻa e tokotaha akó: Fakaafeʻi e kau akó ke lisi ha ngaahi tūkunga ʻe ala ʻahiʻahiʻi ai kinautolu ke fehangahangai mo e ʻitá. Te nau lava foki ʻo vakavakaiʻi pe ko e hā e tuʻo lahi ʻo ʻenau ʻitá mo e founga ʻoku nau mapuleʻi ʻaki e ngaahi ongo ko ʻení.

Ngaahi ʻEkitivitī Ako ʻOku Ala Fakahokó

Tātānaki ʻa e ʻitá

Fakakaukau ke fakaʻaliʻali ʻa e fakatātā ko ʻení ʻi he palakipoé pe ʻomi ki he kalasí ha kapa inu ʻoku teʻeki fakaava. ʻI hoʻomou aleaʻi ʻa e fehuʻi ko ʻení, te mou lava ʻo luluʻi ʻa e kapá, kae ʻoua ʻe fakaava ia.

Ko e hā ʻoku hoko ʻi loto ʻi ha kapa inu ʻoku teʻeki fakaava kapau te ke toutou luluʻi ia? Ko e hā ʻe hoko kapau te ke fakaava ia?

Fakakaukau ke fakaʻaliʻali ʻa e fakatātā ko ʻení. Kapau naʻá ke haʻu mo ha kapa inu peá ke luluʻi ia, ʻoua naʻa fakaava ia; te ke lava ʻo hokohoko atu hono fakaʻaliʻali iá lolotonga e lēsoní.

Thirsty man opens a can of shaken up beer during picnic

Ko e hā ha ngaahi founga te ke lava ai ʻo fakahoa e sīpinga ko ʻení ki he ongoʻi ʻitá?

Kapau ʻoku fiemaʻu tokoni ʻa e kau akó, te ke lava ʻo fakamatalaʻi ange ʻe lava ke fakafofongaʻi kitautolu ʻe he kapá, pea ʻe lava ke fakafofongaʻi ʻe he inú ʻa e ngaahi ongo ʻoku tau maʻú. ʻE lava ʻe hono luluʻi ʻo e kapá ʻo fakahaaʻi ʻa e ngaahi ngāue, ngaahi tūkunga, pe ngaahi meʻa ʻoku hoko ʻa ia ʻe lava ke ne fakatupu ha tātānaki ʻa e ʻitá(ngaahi ongoʻi ʻita) ʻi loto ʻiate kitautolu.

ʻOku foua ʻe he tokotaha kotoa pē ʻa e ʻitá. Hangē pē ko e angamaheni ke fakalalahi ʻa e mālohi ʻo e ʻeá ʻi loto ʻi ha loto kapa inu kuo luluʻí, ʻoku angamaheni pē ke tau aʻusia e ngaahi ongo ʻitá. Ka te tau lava ʻo fili e founga ke tau fakafeangai ʻaki ki he ngaahi ongo ko ʻení.

Fakalaulauloto ki he ngaahi fehuʻi ko ʻení:

Mei he meʻafua ʻo e 1 ki he 5 (1=maʻulalo; 5=māʻolunga), ko e hā hono tuʻo lahi hoʻo ʻitá? ʻE fakafuofuaʻi fēfē nai ʻe he niʻihi kehé ʻa e tuʻo lahi hoʻo ʻitá?
Ko e hā hoʻo fakafeangai lahi taha ʻi he taimi ʻoku hoko mai ai e ngaahi ongoʻi ʻitá?

ʻI hoʻo ako he ʻaho ní, fekumi ki ha fakahinohino mei he Laumālie Māʻoniʻoní ke tokoniʻi koe ke ke ʻiloʻi ʻa e founga ʻe tokoniʻi ai koe ʻe he Tamai Hēvaní mo Sīsū Kalaisi ke ke mapuleʻi ʻa e ngaahi ongo ʻo e ʻitá.

Ngaahi nunuʻa ʻo e ngāue ʻi he ʻitá

Naʻe ʻi ai ha ongo māhanga tangata ʻa ‘Aisake mo Lepeka, ko ʻĪsoa mo Sēkope. ʻI he hoko ʻa ʻĪsoa ko e lahi tahá, naʻe ʻi ai ʻene totonu ki he tāpuaki tukufakaholo ʻo ʻene tamaí. ʻE ʻuhinga ʻa e tāpuaki ʻo e ʻuluaki fohá ʻe maʻu ʻe ʻĪsoa ʻa e koloa ʻa ʻene tamaí pea hoko ko e tauhi mo e taki fakalaumālie ʻo e fāmilí. Koeʻuhí ko e ngaahi ngāue taʻemāʻoniʻoni ʻa ʻĪsoá (vakai, Sēnesi 25:31–34; 26:34–35), naʻe foaki kia Sēkope ʻa e tāpuaki ʻo e ʻuluaki fohá (vakai, Sēnesi 27:1–33).

Lau ʻa e Sēnesi 27:41–45, ʻo kumi e meʻa naʻe fai ʻe ʻĪsoa ʻi heʻene ʻilo naʻe foaki ʻe heʻene tamaí ʻa e tāpuaki ʻo e ʻuluaki fohá kia Sēkopé.

Ko e hā ʻa e ola ʻo e ʻita ʻa ʻĪsoá?
Ko e hā ha ngaahi nunuʻa kehe ʻe lava ke aʻusia ʻe ha taha ʻi haʻane ngāue ʻita?

Mahalo ʻe tokoni ke fakamatalaʻi ange naʻe māvahevahe ʻa e ongo tautehina ko ʻení ʻi ha taʻu ʻe 20 kae ʻoua kuo faifai peá na fakalelei (vakai, Sēnesi 33:4).

Ko e sīpinga ʻa e Fakamoʻuí

Fakakaukau ke vahevahe e kau akó ke tauhoa, pea lau ʻe he tokotaha ako takitaha ʻa e ngaahi potufolofola ʻi laló. Hili iá, ʻe lava ke aleaʻi ʻe he hoa takitaha ʻa e founga te ne tali ai ʻa e fehuʻi ʻi laló.

Lau ʻeni, ʻo kumi e meʻa ʻokú ke ako fekauʻaki mo e fakafeangai ki he ongoʻi ʻitá:

Saame 103:8

Lea Fakatātā 16:32

Te ke fakamatalaʻi fakanounou fēfē ʻa e meʻa te tau lava ʻo ako fekauʻaki mo e fepaki mo e ʻitá?

Tokoni ke ʻiloʻi ʻe he kau akó ha moʻoni hangē ko ʻení: ʻI he taimi ʻoku tau fakatuotuai ai ki he ʻitá, ʻoku tau muimui ki he sīpinga ʻa e ʻEikí.
Ko e hā ʻene ʻuhinga kiate koe ke fakatuotuai ki he ʻitá?

Fakakaukau ki ha sīpinga naʻe fakatuotuai ai ʻa Sīsū ki he ʻitá.

Kapau ʻoku fiemaʻu tokoni ʻa e kau akó, te ke lava ʻo tataki kinautolu ki ha ngaahi sīpinga hangē ko ʻení:

Luke 9:51–56 (Naʻe fakafisingaʻi ʻa Sīsū ʻe ha kolo Samēlia.)
Luke 23:8–11 (Naʻe fakafehuʻi ʻa Sīsū ʻe Hēlota.)
Sione 19:3–12 (naʻe puke pōpula ʻa Sīsū.)

ʻE tokoni fēfē ia ki ha taha ke vakai ki he founga ʻo e fakafeangai ʻa Sīsū ʻi he ngaahi tūkunga ko ʻení?

Ngaahi sitepu ki hono mapuleʻi ʻo e ʻitá

Fakaʻosí

Hili hono fakakakato ʻe he kau akó ʻa e laʻipepa tufá, fakakaukau ke ʻeke ange ʻa e ngaahi fehuʻi fealēleaʻaki ko ʻení ʻo ka faingamālie ʻa e taimí:

Ko e hā naʻá ke ako he ʻahó ni ʻe lava ʻo tokoni ki ha taha ʻoku fefaʻuhi mo hono mapuleʻi ʻene ʻitá?
Ko e hā ha ngaahi aʻusia kuó ke maʻu pe ko ha niʻihi kehe ʻi hono mapuleʻi ʻo e ʻitá ʻi ha founga faka-Kalaisi?

Mahalo ʻe ongoʻi ʻe ha kau ako ʻe niʻihi ʻoku faingataʻa ke ʻoua te nau ʻita. Fakakaukau ke fakaʻosi ʻaki hano fakaafeʻi kinautolu ke lau ʻa e ʻEta 12:27, ʻo kumi e founga ʻe lava ke tokoniʻi ai ʻe Sīsū Kalaisi ha taha ʻoku fefaʻuhi mo ha faʻahinga vaivai pē. Fakamoʻoni ange koeʻuhí ko e Fakalelei ʻa Sīsū Kalaisí, te Ne lava ʻo liliu hotau ngaahi vaivaí ko ha ngaahi mālohinga—kau ai hono mapuleʻi ʻetau ʻitá.

Ngaahi Maʻuʻanga Tokoni Kehé

Ko e hā ʻoku mahuʻinga ai ke mapuleʻi ʻeku ʻitá?

Naʻe pehē ʻe ʻEletā ʻUlise Soālesi ʻo e Kōlomu ʻo e Kau ʻAposetolo ʻe Toko Hongofulu Mā Uá:

14:29

Kapau ʻoku tau fiemaʻu maʻu ai pē ʻa e Laumālie ʻo e ʻEikí ʻi heʻetau moʻuí, he ʻikai pea kuo pau ke ʻoua naʻa tau maʻu ha ngaahi ongo taʻeʻofa ki ha taha pē. ʻI hono fakaʻatā ha feituʻu ʻi hotau lotó mo e ʻatamaí ki he ngaahi ongo pe fakakaukau taʻeʻofá, ʻe tupu mei ai ha ngaahi lea mo ha tōʻonga taʻeʻofa, pe ʻi he mītia fakasōsialé pe ʻi hotau ʻapí, ʻo tupu ai ha mavahe ʻa e Laumālie ʻo e ʻEikí mei hotau lotó. (“Loto-Falala ki he Fuakava ʻoku Fakafou ʻia Sīsū Kalaisí,” Liahona, Mē 2024, 21) (taimi 12:50 ki he 13:21)

Naʻe akonaki ʻa ʻEletā Lini G. Lōpini ʻo e Kau Fitungofulú ʻo pehē:

7:36

Ko e ʻitá ko e moʻulaloa ia ki he ivi tākiekina ʻo Sētané ʻaki ʻetau tukulolo ʻetau mapuleʻi kitautolú. Ko e fakakaukau-angahala ia ʻoku fakatau ki he ongoʻi pe ʻulungaanga taʻeʻofá. Ko e tupuʻanga ia ʻo e ʻita ʻi he hala puleʻangá, ʻi he ngaahi feituʻu faiʻanga sipotí, mo e fetāʻaki ʻi he ngaahi ʻapí.

ʻI hono taʻe mapuleʻí, ʻe lava ke fakatupu vave ʻe he ʻitá ʻa hono puʻaki ʻo e ngaahi lea taʻeʻofá mo ha ngaahi founga kehe ʻo e ngaohikovia fakaelotó ʻa ia ʻe lava ke ne maumauʻi ha loto angavaivai. Naʻe folofola ʻa e Fakamoʻuí, “ko ia ʻoku haʻu mei he ngutú; ʻokú ne fakaʻuliʻi ʻa e tangatá” (Mātiu 15:11). (“Agency and Anger,” Ensign, May 1998, 81) (taimi 5:01 ki he 5:35)

ʻE lava nai ʻe ha taha ʻo ʻai ke u ʻita?

Naʻe akoʻi ʻe Palesiteni Tōmasi S. Monisoni (1927–2018) ʻo pehē:

18:16

Ko e ʻitá ko ʻete moʻulaloa ia ki he mālohi ʻo Sētané. He ʻikai lava ke fakaʻitaʻi kitautolu ʻe ha taha. Ko kitautolu pē ʻoku tau fili ke fai iá. Kapau ʻoku tau loto ke maʻu ʻa e laumālie totonú ʻi he taimi kotoa pē, kuo pau ke tau fili ke fakaʻehiʻehi mei he ʻitá. ʻOku ou fakamoʻoni atu ʻoku malava ke fai ia. (“ʻE Hoku Tokoua, Mapuleʻi Ho Lotó,” Liahona, Nōvema 2009, 67) (taimi 8:34 ki he 8:57)

Ko e hā ha ngaahi founga ʻe lava ke fakahaaʻi ai ʻa e ʻitá ʻiate ia pē?

Naʻe faleʻi ʻe Palesiteni Tieta F. ʻUkitofa, ʻi heʻene kei ʻi he Kau Palesitenisī ʻUluakí, ʻo pehē:

[ʻI] he taimi ʻoku tau filifilimānako mo loto-mamahi aí, ʻoku tau faʻa fakatonuhiaʻi ʻetau ʻitá ʻo tala ko e ʻita māʻoniʻoni pea tala ʻoku falalaʻanga mo totonu ʻetau fakamāú. Neongo he ʻikai lava ke tau sio ki he loto ʻo ha taha, ka ʻoku tau faʻa mahalo ʻoku tau ʻiloʻi tokua e fakakaukau kovi ʻa ha taha pe tau ʻilo ko e tokotaha kovi ē heʻetau foʻi sio pē ki aí. ʻOku tau hanga kehe leva he taimi ko ia ko kitautolu ʻoku ʻitá he ʻoku tau ongoʻi ʻoku tau maʻu e fakamatala kotoa pē ʻoku tau fiemaʻu ke fakahalaʻiaʻi ʻaki ha tahá. …

Siʻoku kāinga ʻofeina, fakakaukauʻi e ngaahi fehuʻi ko ʻení ʻo hangē pē haʻo kiʻi siviʻi fakatāutaha koé:

ʻOkú ke tukulotoʻi nai ha loto ʻita ki ha taha?

ʻOkú ke ngutu lau nai, neongo mahalo ʻoku moʻoni e meʻa ʻokú ke lea ʻakí?

ʻOkú ke fakasītuʻaʻi, tekeʻi pe tauteaʻi e niʻihi kehé koeʻuhí ko ha meʻa kuo nau fai?

ʻOkú ke meheka fakapulipuli nai ki ha taha?

ʻOkú ke fie fakatupu lavea ki ha taha?

Kapau naʻá ke tali ʻio ki ha taha ʻo e ngaahi fehuʻí ni, ʻe lava ke ke fakaʻaongaʻi e foʻi lea ʻe ua ne u ʻoatu kimuʻa angé: tuku ia! (“‘Oku Maʻu ʻa e ʻAloʻofá ʻe he Kau Manavaʻofá,” Liahona, Mē 2012, 70, 76)

ʻI he taimi ʻoku fakahalaiaʻi ai ʻe he ʻEikí ʻa e ngāue ʻi he ʻitá, ko e hā ʻoku faʻa ʻuhinga ai ʻa e folofolá ki he houhau ʻa e ʻOtuá?

ʻOku tau lau ʻi he Fuakava Motuʻá fekauʻaki mo e ʻita mo e houhau ʻa e ʻEikí (vakai, ʻEkesōtosi 4:14; Teutalōnome 1:37; 4:25; 9:18; Saame 85:4; 48:9; 65:3; Selemaia 8:19; 32:30). Mahalo ʻe fakatupu puputuʻu ʻa e laukonga fekauʻaki mo e ngaahi fakamatala ki he houhau ʻa e ʻOtuá pea iku ai ki he maʻuhala fekauʻaki mo e folofolá pe ko e ʻulungaanga ʻo e ʻOtuá. Naʻe fakamatalaʻi ʻe Palesiteni Tāleni H. ʻOakesi ʻo e Kau Palesitenisī ʻUluakí ko e houhau ʻa e ʻOtuá ko ha fakamoʻoni ia ʻo ʻEne ʻofá:

15:3

“ʻOku tau toutou lau ʻi he Tohi Tapú pea ʻi he ngaahi folofola fakaonopōní ki he houhau ʻa e ʻOtuá ʻi he faiangahalá pea mo ʻEne tōʻonga ʻi Heʻene houhaú kiate kinautolu ʻoku maumauʻi ʻEne ngaahi fonó. ʻOku hoko fēfē ʻa e houhaú mo e tauteá ko ha fakamoʻoni ʻo ʻEne ʻofá? Naʻe akoʻi mai ʻe Siosefa Sāmita naʻe ‘fokotuʻu ʻe he ʻOtuá ʻa e ngaahi fonó ke lava ʻe he ngaahi laumālie te Ne tuku mai ki he māmaní ʻo maʻu ʻa e faingamālie ke nau fakalakalaka ʻo hangē pē ko Iá’ [Ngaahi Akonaki ʻa e Kau Palesiteni ʻo e Siasí: Siosefa Sāmita (2007), 241]. Ko e ʻofa ʻa e ʻOtuá ʻoku mātuʻaki haohaoa pea ko Hono finangaló ia ke tau talangofua ki Heʻene ngaahi fekaú koeʻuhí, he ʻokú Ne ʻafioʻi ko e talangofua pē ki Heʻene ngaahi fonó ʻa e founga ʻe lava ke tau hoko ai ʻo haohaoa tatau mo Iá. ʻI he ʻuhingá ni, ʻoku ʻikai hoko ai ʻa e houhaú mo e [tautea] ʻa e ʻOtuá ko ha fehangahangai ʻo ʻEne ʻofá ka ko ha fakamoʻoni ʻo ʻEne ʻofá.” (Dallin H. Oaks, “ʻOfá mo e Fonó,” Liahona, Nōvema 2009, 27) (taimi 4:30 ki he 5:22)

Ngaahi ʻEkitivitī Fakalahi ki he Akó

Te tau lava ʻo mapuleʻi e founga ʻetau fakafeangai ki he ʻitá

Ke tokoni ke mahino ki he kau akó te nau lava ʻo mapuleʻi e founga ʻenau fakafeangai ki he ngaahi ongo ʻitá, fakakaukau ke fai ange e fehuʻi ko ʻení:

Ko e hā ha ngaahi kumi ʻuhinga ʻe ala fakaʻaongaʻi ʻe he kakaí ke fakatonuhiaʻi ʻaki ʻenau fakafōtunga ʻi he ʻitá?

Mahalo ʻe tali atu e kau akó ʻaki ha ngaahi tali hangē ko e: “Ko hoku natulá pē ia ʻoʻoku,” “Naʻe ʻikai ke u toe lava ʻo kātakiʻi,” “Naʻá ne fakaʻitaʻi au,” mo e alā meʻa pehē.

Hili iá te ke lava ʻo huluʻi ʻa e foʻi vitiō “Fiemaʻu ha Kau Faʻa Fakalelei,” mei he taimi 0:23 ki he 1:48, ʻa ia naʻe lea ai ʻa Palesiteni Nalesoni fekauʻaki mo ha toketā faitafa naʻe ʻikai toe lava ʻo taʻofi ʻene ʻitá. Pe ko hoʻo huluʻi ʻa e “Agency and Anger,” mei he taimi 2:50 ki he 3:28, ʻo fakaʻaliʻali e talanoa ʻa ʻEletā Lōpini fekauʻaki mo ha taha vaʻinga pasiketipolo ʻi he ako māʻolungá naʻá ne ako e founga ke mapuleʻi ai ʻene ʻitá.

19:4

7:36

Tokoni ke ʻilo ʻe he kau akó ko e founga ʻoku tau fakafeangai ʻaki ki he ngaahi ongo ʻitá ko ha fili ia pea te tau lava ʻo fakaʻaongaʻi ʻetau tauʻatāina ke filí ke ngāue ʻi he founga totonú.

Ko e fē ha taimi kuó ke fili ai ke fakafeangai totonu ki he ngaahi ongoʻi ʻitá?
Ko e hā ha ngaahi meʻangāue ʻokú ne tokoniʻi koe ke ke fakafeangai lelei ki hoʻo ʻitá?
Ko e hā ʻe ala hoko ai ʻa e tafoki ki he Fakamoʻuí ko e meʻangāue mālohi taha ki hono fakafepakiʻi ʻo e ʻitá? (Kapau ʻoku fiemaʻu tokoni ʻa e kau akó ki hono tali ʻo e fehuʻi ko ʻení, te ke lava ʻo fakahinohino kinautolu ki he ʻEta 12:27 pe ʻAlamā 7:12.)

Vakaiʻi fakatāutahá

Ke tokoni ke vakaiʻi ʻe he kau akó ʻa e ngaahi ongoʻi ʻita te nau ala maʻú, te ke lava ʻo fakaʻaongaʻi e lea ʻa Palesiteni ʻUkitofa ʻi he Ngaahi Maʻuʻanga Tokoni Kehé. ʻE lava ke fakalaulauloto ʻa e kau akó ki he founga te nau tali ʻaki ʻene ngaahi fehuʻí takitaha.

Ngaahi fokotuʻu ki hono ikunaʻi e ngaahi ongoʻi ʻitá

Ki ha ngaahi taukei lahi ange ki hono ikunaʻi ʻo e ngaahi ongoʻi ʻitá, fakakaukau ke fakaafeʻi e kau akó ke fekumi ʻi he ngaahi fokotuʻu ʻoku maʻu ʻi he vahe 3 ʻo e tohi lēsoni “Ko e Fakaangaanga ki he Moʻui ʻa e Faifekau Tokoní: Kiʻi Tohi Maʻuʻanga Tokoní.” ʻE lava ke fili ʻe he kau akó ha fokotuʻu ʻe taha pe ua te nau fie tokanga taha ki ai.