Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Ko Hono Tokangaʻi Hotau Sino Fakamatelié: Ko Hono Fakatupulaki ʻEtau Moʻui Lelei Fakatuʻasinó mo Fakaelotó

“Ko Hono Tokangaʻi Hotau Sino Fakamatelié: Ko Hono Fakatupulaki ʻEtau Moʻui Lelei Fakatuʻasinó mo Fakaelotó,” Fuakava Motuʻá – Tohi Lēsoni ʻa e Faiako Seminelí (2026)

“Ko Hono Tokangaʻi Hotau Sino Fakamatelié: Ko Hono Fakatupulaki ʻEtau Moʻui Lelei Fakatuʻasinó mo Fakaelotó,” Fuakava Motuʻá – Tohi Lēsoni ʻa e Faiako Seminelí

Moʻui Lelei Fakatuʻasinó mo Fakaelotó: Lēsoni 182

Ko Hono Tokangaʻi Hotau Sino Fakamatelié

Ko Hono Fakatupulaki ʻEtau Moʻui Lelei Fakatuʻasinó mo Fakaelotó

Naʻe foaki mai ʻe he Tamai Hēvaní ha sino fakamatelie ko ha konga ʻo ʻEne palani ke hoko ʻo hangē ko Iá. (vakai, “Ko e Fāmilí: Ko ha Fanongonongo ki Māmani,” ChurchofJesusChrist.org). Ka ʻoku ʻikai ko hotau kahaʻú pē ʻoku uesia ʻi he anga ʻetau tokangaʻi hotau sinó; ʻokú ne liliu e ongo ʻoku tau maʻu he taimi ní. ʻE lava ke tokoni ʻa e lēsoni ko ʻení ke mahino ki he kau akó ʻa e founga ʻoku uesia ai ʻe heʻetau ngaahi filí ʻa ʻetau moʻui lelei fakatuʻasinó mo fakaelotó.

Teuteu ʻa e tokotaha akó: Fakaafeʻi e kau akó ke fakakaukau ki heʻenau ngaahi fili ki he moʻui leleí (kaí, mohé, fakamālohisinó, mo e alā meʻa peheé) ʻi he uike kuo ʻosí. Poupouʻi kinautolu ke nau vakavakaiʻi angé ʻa e founga ne uesia ai ʻe he ngaahi fili ko iá ʻa e ongo fakatuʻasino mo fakaeloto naʻa nau maʻú.

Ngaahi ʻEkitivitī Ako ʻOku Ala Fakahokó

ʻOku uesia fakatuʻasino mo fakaeloto kitautolu ʻe heʻetau ngaahi filí

ʻOku fakaʻaongaʻi ʻa e tūkunga ko ʻení ʻi he kotoa ʻo e lēsoní ke tokoni ke mahino ki he kau akó ʻa e founga ʻoku liliu ai ʻe he ngaahi fili lelei mo kovi ʻoku tau fai ʻi he ʻaho takitaha ʻa e ongo fakatuʻasino mo fakaeloto ʻoku tau maʻú. ʻOku fakaʻaongaʻi ʻe he tūkungá ʻa e hingoa “Maia,” ka te ke lava ʻo fakaafeʻi e kau akó ke fili ha hingoa pea tānaki atu pe liliu e fakaikiiki ʻo e talanoá.

Kuo ongoʻi helaʻia mo loto-foʻi ʻa Maia ʻi he ngaahi uike kuo hilí. ʻOku hā ʻi he fakatātā ko ʻení ha niʻihi ʻo e ngaahi fili kuo fai ʻe Maia lolotonga e taimi ko iá.

Late night office work with tired woman sleep on desk illustration.

Ko e hā ha niʻihi ʻo e ngaahi fili ʻoku fai ʻe Maiá ʻe lava ke ne uesia ʻa e ongo kuó ne maʻú?

Mahalo ʻe talaatu ʻe he kau akó ʻokú ne ʻā fuoloa, kai e meʻakai ʻoku ʻikai moʻui leleí, pea tohoakiʻi ʻene tokangá ʻe heʻene telefoní. Te ke lava ʻo fakaafeʻi e kau akó ke tānaki atu mo ha toe ngaahi fili ʻe lava ke fakahoko ʻe he toʻu tupu ʻi homou feituʻú ʻe lava ke uesia kovi ai ʻenau moʻui lelei fakatuʻasinó mo fakaelotó.

Mahalo ʻe tokoni ke fakamatalaʻi ki he kau akó, ʻoku kau ʻi he palani ʻa e Tamai Hēvaní ki he fiefiá, ʻa e fehokotaki lelei ʻa hotau sinó mo e laumālié (vakai, Tokāteline mo e Ngaahi Fuakava 88:15). Ko ia ai, ʻoku uesia kitautolu ʻe he ngaahi fili ʻoku tau fakahoko fekauʻaki mo ʻetau moʻui leleí ʻi ha ngaahi founga lahi ange ʻi he ongo fakatuʻasino ʻoku tau maʻú.
ʻE uesia fēfē nai ʻe he ngaahi fili ʻa Maiá ʻa e ongo fakatuʻasino ʻokú ne maʻú? fakaeloto?
Ko e hā ha ngaahi fili kehe te tau lava ʻo fai ʻi heʻetau tokangaʻi hotau sino fakamatelié te ne lava ʻo uesia e ongo ʻoku tau maʻú?

Mahalo te ke fie hiki e ngaahi tali ʻa e kau akó ki he fehuʻi kimuʻá ʻi he palakipoé ʻi ha kōlomu ʻe ua, ngaahi fili “leleí” mo “ʻikai leleí.” ʻE lava ke fakaʻaongaʻi ʻe he kau akó ʻa e ngaahi tali ko ʻeni ʻi he palakipoé pe ko ha ngaahi tali kehe ʻoku nau maʻu ʻiate kinautolu pē ke fakakakato ʻa e sātí ʻi he ʻekitivitī hokó

Faʻu ‘a e saati ko ení ‘i hoʻo tohinoa akó. Hiki ʻa e ngaahi ʻekitivitī lelei mo ʻikai lelei fakatouʻosi ʻi he ʻuluaki puha ʻe tolú kuó ne liliu e ongo kuó ke maʻu ʻi he uike kuo ʻosí. ʻI hoʻo akó, fakaafeʻi ʻa e Laumālie Māʻoniʻoní ke tokoni atu ke ke ʻiloʻi ʻa e ngaahi founga te ke lava ai ʻo fakaleleiʻi hoʻo tokangaʻi ho sinó pea lisi kinautolu ʻi he puha 4.

1. Ngaahi fili naʻe ʻikai ke u fakahokó	2. Ngaahi fili naʻá ku fakahoko ʻi ha ngaahi taimi ʻe niʻihi
3. Ngaahi fili ʻoku ou faʻa fakahoko	4. Ngaahi fili te u lava ʻo fakahokó

ʻOku ʻomi ha ngaahi tāpuaki ʻi hono tokangaʻi hotau sino fakamatelié

Fakakaukauloto ʻokú ke talanoa kia Maia, ʻa ia ʻokú ne vahevahe, “Pehē ange mai te u lava ʻo taʻofi ʻeku ongoʻi helaʻiá mo e loto-foʻí he taimi kotoa pē.” ʻOkú ke fakatokangaʻi ʻoku ʻikai fakatokangaʻi ʻe Maia ʻa e founga ʻoku uesia ai ia ʻe he ngaahi fili ʻokú ne faí.

Teuteu ha tali ʻoku kau ai ha ngaahi potufolofola mo ha ngaahi akonaki ʻa e kau taki ʻo e Siasí ʻe lava ʻo tokoni ke mahino ki ha taha hangē ko Maiá:

Founga hono uesia ia ʻe heʻene ngaahi fili fakatuʻasino mo fakaelotó.
ʻUhinga ʻoku tokanga ai ʻa e ʻOtuá ki he anga ʻetau tokangaʻi hotau sinó.
Ko e ngaahi tāpuaki ʻoku talaʻofa ʻe he ʻOtuá kiate kinautolu ʻoku tokangaʻi honau sinó.

ʻE tokoniʻi kitautolu ʻe he Fakamoʻuí ke tau fai ha ngaahi fili ʻoku moʻui leleí

ʻE lava ke kau ʻi he ngaahi moʻoni ʻe ala ʻiloʻi ʻe he kau akó mei he laʻipepa tufá ʻa e koeʻuhí ko hotau sinó ko ha meʻaʻofa ia mei he ʻOtuá, ʻokú Ne ʻamanaki mai ke tau tokangaʻi ia.

Ke tokoni ke fakakaukau e kau akó ki he founga ʻe lava ke tokoniʻi ai kinautolu ʻe he Tamai Hēvaní mo Sīsū Kalaisi ke nau tokangaʻi honau sinó, aleaʻi ha fehuʻi hangē ko ʻení:

Ko e hā ha founga kuó ke mamata ai ki hono tāpuekina ʻe he ʻEikí ʻa kinautolu ʻoku feinga ke tokangaʻi honau sino fakamatelié?
ʻE tokoniʻi fēfē kitautolu ʻe he Tamai Hēvaní mo Sīsū Kalaisi ke tau fai ha ngaahi fili lelei ange ke tokangaʻi hotau sinó, ʻo aʻu ki he taimi ʻoku ʻikai ke tau ongoʻi pehē aí?

Fakakaukau ke fakaafeʻi e kau akó ke tānaki atu ki he konga 4 ʻo e saati ki he ngaahi fili moʻui lelei mei he kamataʻanga ʻo e lēsoní.

Sio ki he saati naʻá ke faʻu ʻi hoʻo tohinoa akó. Tānaki hoʻo ngaahi tali ki he ngaahi fehuʻi ko ʻení:

Mei he meʻa kuó ke akó, ko e fē ngaahi fili te ke lava ʻo liliu ke tokoni ke fakaleleiʻi hoʻo moʻui lelei fakaesinó mo fakaelotó?
Te ke fakakau fēfē ʻa e Tamai Hēvaní mo Sīsū Kalaisi ʻi hoʻo ngaahi feingá?

Te ke lava ʻo fakaʻosi ʻaki hoʻo fakamoʻoni ki he Tamai Hēvaní, ʻEne palani ʻo e fakamoʻuí, mo e ngaahi tāpuaki kuó ke mamata ai ʻi hoʻo feinga ke fai ha ngaahi fili ʻoku moʻui leleí.

Ngaahi Maʻuʻanga Tokoni Kehé

Ko e hā ʻoku totonu ai ke u tokangaʻi hoku sino fakamatelié he taimi ní?

Naʻe akoʻi ʻe Pīsope Sēlati Kōsei, ko e Pīsope Pulé:

Mahalo ʻe pehē ʻe ha niʻihi ʻo kimoutolu ʻi hoʻomou hoko ko ha kakai kei talavoú, ʻoku mou hao mei he ngaahi faingataʻa fakaesinó. ʻI hono ʻai ʻe tahá, ʻe liliu koe ʻe he ngaahi tōʻonga moʻui ʻokú ke fokotuʻu he taimí ni fekauʻaki mo hoʻo lelei fakatāutahá ʻi hoʻo moʻui fakatuʻasinó mo fakalaumālié fakatouʻosi ʻi he toenga hoʻo moʻuí. ʻOku ʻikai totonu ke tukutaha hoʻo tokangá ʻi he muimui ki he ngaahi ākenga taʻeʻaonga ʻo e māmaní. ʻOku ʻikai ko ha fehuʻi pē ia fekauʻaki mo hano fakaholoki ʻo e sinó pe hiki meʻa mamafa ke holo ha pauni ʻe uongofulu ke ke ʻasi kaukaua ai ʻo hangē ko ho kaungā-lokí! Ko e taumuʻá ke ke ongoʻi lelei ange mo fekumi ki ha potupotutatau fakatuʻasino mo fakalaumālie. Te ke maʻu heni ʻa e faingamālie lelei taha ke maʻu ha moʻui lelei ʻi he moʻuí kotoa, ʻa ia te ne ʻoatu kiate koe ha fiefia mo ha loto-falala ki he ngaahi meʻa ʻokú ke malava ʻi he moʻui fakamatelié mo ha ʻilo lahi ange ki ho tuʻunga taʻengatá. (“Harmony of Body and Spirit: A Key to Happiness,” [Fakataha lotu ʻa e ʻUnivēsiti Pilikihami ʻIongí, 13 ʻOkatopa 2020], 5, speeches.byu.edu)

Naʻe akoʻi ʻe Palesiteni Tieta F. ʻUkitofa, ʻi heʻene kei ʻi he Kau Palesitenisī ʻUluakí ʻo pehē:

ʻE ngali faikehe ke tau fakakaukau atu ki haʻatau fetuʻutaki pē mo kitautolu, ka ʻoku hoko ia. ʻOku ʻi ai ha kakai ʻoku ʻikai ke nau leleiʻia pē ʻiate kinautolu. ʻOku nau fakaangaʻi mo tuku hifo pea aʻu ki heʻenau fehiʻa pē kiate kinautolu. ʻOku ou fokotuʻu atu ke holoki e fakavavevavé pea tuku ha taimi ke ke ʻiloʻi lelei ange ai koe. … Ako ke ʻiloʻi koe ʻo hangē ko hono ʻafioʻi koe ʻe he Tamai Hēvaní—ko Hono ʻofefine pe foha ʻoku ʻi ai hono ivi fakalangi. (“ʻO e Meʻa Mahuʻinga Tahá,” Liahona, Nōvema 2010, 22)

Ko e hā ʻoku totonu ke u fai kapau te u fefaʻuhi mo e ngaahi fili ʻoku ʻikai moʻui lelei fekauʻaki mo hoku sino fakamatelié?

Kuo faleʻi mai ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

14:33

He ʻikai ke tau maʻu ha tuʻunga haohaoa ʻi he moʻuí ni, ka te tau lava pea ʻoku totonu ke tau vilitaki atu ki muʻa ʻi he tui kia Kalaisi ʻi he hala fāsiʻi mo lausiʻí pea tau fakalakalaka maʻu ai pē ki hotau ikuʻanga taʻengatá. Ko e sīpinga ʻa e ʻEikí ki he fakalakalaka fakalaumālié ko e “ʻotu lea ki he ʻotu lea, ʻa e akonaki ki he akonaki, ko e siʻi ʻi heni pea siʻi ʻi hena” (2 Nīfai 28:30). ʻOku finangalo e ʻEikí ke tau fakahoko ha ngaahi fakalakalaka iiki, taʻeueʻia, mo tupulaki fakalaumālie. Ko e teuteu ko ia ke ʻaʻeva taʻe-halaia ʻi he ʻao ʻo e ʻOtuá ko e taha ia ʻo e ngaahi taumuʻa tefito ʻo e moʻui fakamatelié mo e tulifua ʻi he kotoa ʻo e moʻuí; ʻoku ʻikai ko ha ola ia mei he ngaahi momeniti taʻepau ʻo e mālohi fakalaumālie lahí.

ʻOku ou fakamoʻoni ʻe fakamālohia mo tokoniʻi kitautolu ʻe he Fakamoʻuí ke tau aʻusia ha fakalakalaka tuʻuloa mo hokohoko. (“Clean Hands and a Pure Heart,” Liahona, Nov. 2007, 82)

Ngaahi ʻEkitivitī Fakalahi ki he Akó

Ngaahi maʻuʻanga tokoni kehe ki hono fai ha ngaahi fili ʻoku moʻui leleí

ʻI hono ako ʻe he kau akó ʻa e laʻipepa tufá, te ke lava ʻo ʻoange ha ngaahi maʻuʻanga tokoni kehe ʻe lava ʻo tokoni ke nau tali e ngaahi fehuʻi ʻa Maiá.

Ngaahi Tōʻonga Kai Moʻui Leleí: “Ko e Lea ʻo e Potó: Ko e Hā Ia, ʻOku ʻIkai Ko e Hā Ia,” Liahona, ʻAokosi 2019, 26–27
Fōtunga Moʻui Lelei: “More Than a Body: Seeing as God Sees,” New Era, Aug. 2019, 8–11
Tōʻonga Mohé: “Six Ways to Get Your ZZZs,” Liahona, Mar. 2003, 68–69
Tōʻonga Moʻui Longomoʻui: “Move More, Stress Less!” Ensign, Aug. 2004, 58–59
“Ngaahi Tāpuaki ʻo e Lea ʻo e Potó,” Liahona, ʻAokosi 2021, 49

ʻE lava ke maʻu mo ha ngaahi maʻuʻanga tokoni lahi ange ʻi he Healthy Living.

ʻOku liliu ʻe he founga ʻetau tokangaʻi hotau sinó ʻa e ongo ʻoku tau maʻú

Mahalo ʻe ʻaonga ki he kau akó ha mahino lahi ange ki he founga ʻe lava ke liliu ai ʻe he ngaahi fili haisini fakatāutahá ʻa e ongo ʻoku tau maʻu fakatuʻasino mo fakaelotó. ʻE lava ke hoko ʻeni ko ha fehuʻi kehe lolotonga ʻa e ʻekitivitī ʻo e laʻipepa tufá.

ʻOku liliu fēfē ʻe heʻeku haisini fakatāutahá ʻa e ongo ʻoku ou maʻú?

Tokāteline mo e Ngaahi Fuakava 42:41
2 Kolinitō 7:1
“Tuʻunga Moʻui Fakalūkufua ki he Teuteú,” Ngaahi Tuʻunga Moʻui Fakafaifekau maʻá e Kau Ākonga ʻa Sīsū Kalaisí, 4.9.2

Naʻe akoʻi ʻe Palesiteni Kōtoni B. Hingikelī (1910–2008) ʻa e meʻá ni:

Meʻa fakaʻofoʻofa moʻoni ko ha finemui teuteu lelei ʻoku maʻa ʻi he sino mo e ʻatamai. Ko ha ʻofefine ia ʻo e ʻOtuá ʻa ia ʻe lava ke laukau ʻaki ʻe heʻene Tamai Taʻengatá. Meʻa fakaʻofoʻofa moʻoni ko ha talavou ʻoku teuteu lelei. Ko ha foha ia ʻo e ʻOtuá, ʻokú ne taau ke maʻu ʻa e lakanga fakataulaʻeiki māʻoniʻoni ʻo e ʻOtuá. (“A Prophet’s Counsel and Prayer for Youth,” Liahona, Jan. 2001, 2)

Ko e mahuʻinga ʻo hotau sino fakamatelié

Ke tokoni ke fakamālohia ʻa e foʻi moʻoni ko ia ko hotau sino fakamatelié ko e konga ia ʻo e palani ʻa e Tamai Hēvaní, te ke lava ʻo huluʻi ha taha ʻo e ngaahi vitiō ko ʻení:

2:47
Lawrence E. Corbridge, “Inspiring Short: The Miracle of the Ordinary” (3:00)

Hili iá pea fehuʻi ki he kau akó pe ʻoku tokoni fēfē hono tokangaʻi hotau sino fakamatelié ke tau fakahoko kakato ʻa e taumuʻa hotau fakatupú ko ha konga ʻo e palani ʻa e Tamai Hēvaní.