Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Ko Hono Langaki ha Mālohi Fakaeloto ʻi he ʻEikí: ʻE Lava ke Tokoniʻi Kitautolu ʻe he Fakamoʻuí ke Fakatupulaki Hotau Ivi Matuʻuaki Fakaelotó

“Ko Hono Langaki ha Mālohi Fakaeloto ʻi he ʻEikí: ʻE Lava ke Tokoniʻi Kitautolu ʻe he Fakamoʻuí ke Fakatupulaki Hotau Ivi Matuʻuaki Fakaelotó,” Fuakava Motuʻá – Tohi Lēsoni ʻa e Faiako Seminelí (2026)

Moʻui Lelei Fakatuʻasinó mo Fakaelotó: Lēsoni 181

Ko Hono Langaki ha Mālohi Fakaeloto ʻi he ʻEikí

ʻE Lava ke Tokoniʻi Kitautolu ʻe he Fakamoʻuí ke Fakatupulaki Hotau Ivi Matuʻuaki Fakaelotó

A young boy shielding himself from flying objects.

ʻOku lelei fēfē hoʻo fakafeangai ki he ngaahi faingataʻa fakaeloto ʻokú ke fehangahangai mo iá? Ko e ngaahi ongo faingataʻá ko ha konga angamaheni pē ia ʻo e moʻuí. ʻOku tupulaki ʻetau malava ke kātakiʻi faivelenga e ngaahi ongo ko ʻení ʻi heʻetau falala ki he ivi mo e mālohi ʻo e Tamai Hēvaní mo Sīsū Kalaisí. ʻE lava ke tokoni ʻa e lēsoni ko ʻení ke maʻu ʻe he kau akó ha mālohi mei he Tamai Hēvaní mo Sīsū Kalaisi ke matuʻuaki honau ngaahi faingataʻaʻia fakaelotó.

Teuteu ʻa e tokotaha akó: Fakaafeʻi e kau akó ke nau fakakaukau pe kole ki ha taha ʻoku nau ʻiloʻi fekauʻaki mo e ngaahi aʻusia kuo nau maʻu ʻi heʻenau fepaki mo e ngaahi ongo faingataʻá. Kapau ʻe feʻunga, te nau lava ʻo teuteu ke vahevahe ʻa e aʻusiá mo e kalasí.

Ngaahi ʻEkitivitī Ako ʻOku Ala Fakahokó

Ko e ngaahi faingataʻa ʻi heʻetau moʻuí

Fallen tree and rootball in yard after tornado destruction in Albany, Georgia, USA, January 2017. (horiz)

Cutaway showing the roots of a tree growing in windy conditions.

Ke kamata e kalasí, fakakaukau ke fakaʻaliʻali ha fakatātā ʻo ha fuʻu ʻakau kuo taʻaki ʻe he ngaahi matangí mo ha fakatātā ʻo ha fuʻu ʻakau kuo tuʻu maʻu ʻi he kelekelé. Te ke lava foki ʻo fakaafeʻi ha tokotaha ako ke ne tā ha fuʻu ʻakau ʻi he palakipoé kae tā ʻe he toenga ʻo e kalasí ha fuʻu ʻakau tatau ʻi heʻenau tohinoa akó. ʻI he tafaʻaki toʻohema ʻo e fuʻu ʻakaú, fakakaukau ke kole ki he kau akó ke nau lisi ha niʻihi ʻo e ngaahi faingataʻa fakaeloto ʻoku fehangahangai mo e toʻu tupú.

Ko e ngaahi ongo fakaelotó ko ha tali angamaheni ia ʻa e sinó ki he ngaahi aʻusia fakaʻahó. ʻI he taimi ʻe niʻihi, ʻoku maʻamaʻa mo faingofua ʻa e ngaahi ongo ko ʻení ke mapuleʻi, ʻo hangē ko ha havilivili ʻi he faʻahitaʻu māfaná. Ko e taimi ʻe niʻihi, ʻoku tau aʻusia ha ngaahi faingataʻa fakaeloto ʻe ala hangē ha ʻahiohió.

Ko e ʻuluʻakau ʻoku faʻa puhi ʻe he ngaahi ʻahiohió ʻoku faʻa tupu vave ange, matolu ange, pea mafola mamaʻo ange honau aká, ʻo fakamālohia ai e ivi matuʻuaki ʻo e fuʻu ʻakaú. ʻI hono fepāleaki ia ʻe he matangí, ʻoku faʻu foki ʻe he fuʻu ʻakaú ha ngaahi faʻunga ʻo e seló ʻokú ne ʻai ke matolu ange ʻa e tefitó mo e ngaahi vaʻá. ʻI he founga tatau pē, ʻe fakamālohia ʻetau malava ke kātakí ʻi heʻetau ako ke tali e ngaahi momeniti fakaeloto faingataʻá ʻaki ʻetau muimui ki he Fakamoʻuí.

Hiki ʻi hoʻo tohinoa akó ha niʻihi ʻo e ngaahi faingataʻa fakaeloto kuó ke fehangahangai mo ia ʻi he kuohilí pe lolotonga fehangahangai mo ia he ʻahó ni.

ʻI he talanoa fekauʻaki mo e ngaahi faingataʻa ʻo e moʻuí, naʻe akoʻi ʻai e ʻEletā Niila L. ʻEnitaseni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

15:55

ʻOkú ke matuʻaki mahuʻinga ange ki he ʻOtuá ʻi ha fuʻu ʻakau. Ko Hono foha pe ʻofefine koe. Naʻá Ne ngaohi ke mālohi ho laumālié pea malava ke matuʻuaki e ngaahi ʻahiohio ʻo e moʻuí. ʻE lava ke fakatupulaki hoʻo mālohi fakalaumālié ke mateuteu ki he ngaahi taʻu ka hokó ʻe he ʻahiohio ʻi hoʻo ʻi he toʻu tupú ʻo hangē ko ha matangi ki ha fuʻu ʻakaú. (“Ngaahi Faingataʻa Fakalaumālié,” Liahona, Mē 2014, 18)

ʻE tokoniʻi fēfē ʻe he pōpoaki ʻa ʻEletā ʻEnitasení ha taha taʻu hongofulu tupu ʻokú ne ongoʻi ʻa e fefusiaki ʻo e faingataʻaʻia fakaelotó?

Fakakaukau ke vahevahe ʻoku ui ʻa e malava ko ia ke kātekina ʻa e ngaahi faingataʻa ko ʻení ko e ivi matuʻuaki fakaelotó. Te ke lava ʻo vahevahe ange ko e lolotonga ʻo e taʻú, ʻe ako ʻe he kau akó ha ngaahi taukei ʻe lava ʻo tokoni kiate kinautolu ke fakatupulaki honau ivi matuʻuaki fakaelotó.

ʻOku tokoni hono fakatupulaki hotau ivi matuʻuaki fakaelotó ke tau fakatupulaki ai ha ngaahi founga lelei ke fehangahangai mo e ngaahi fakakaukau mo e ngaahi ongo faingataʻa ʻoku tau aʻusiá. Te tau lava ʻo ako ke fakatokangaʻi ʻa e founga ʻoku fakamālohia ai kitautolu ʻe he Tamai Hēvaní mo Sīsū Kalaisi ʻi he taimi ʻoku tau ongoʻi peheni aí mo e taimi ʻoku ueʻi ai kitautolu ke tau fekumi ki ha toe tokoni lahi angé.

ʻI hoʻo akó, fakaafeʻi ʻa e Laumālie Māʻoniʻoní ke tokoni atu ke ke ʻiloʻi ha ngaahi founga te ke lava ai ʻo fekumi ki he tokoni ʻa e Tamai Hēvaní mo Sīsū Kalaisi ʻi he taimi ʻokú ke aʻusia ai ha ngaahi faingataʻa fakaelotó.

ʻOku talaʻofa mai e Fakamoʻuí te Ne ʻiate kitautolu mo fakamālohia kitautolu

Ke tokoni ke ʻilo ʻe he kau akó ha sīpinga ʻo e mālohi fakaivia ʻo e ʻEikí, fakakaukau ke vahevahe ʻa e talanoa kia Sōsiuá. Mahalo naʻe ako ʻe he kau akó ʻa e talanoa ʻo e ui ʻe he ʻEikí ʻa Sōsiua ke tataki ʻa ʻIsileli hili ʻa Mōsese ʻi he Lēsoni 61: “Sōsiua 1.”

Naʻe ʻi ha tuʻunga faingataʻa ʻa Sōsiua ʻi heʻene fua e ngaahi fatongia ʻo e palōfitá mo e taki fakakautau ‘okú ne fatongia ʻaki hono fokotuʻu ha puleʻanga foʻou hili e tataki ʻa Mōsesé.

Ko e hā ha ngaahi ongo ʻokú ke pehē naʻá ke mei maʻu kapau naʻá ke ʻi he tuʻunga ʻo Sōsiuá?

Lau ʻa e Sōsiua 1:1, 5–9, ʻo kumi e meʻa naʻe talaʻofa ʻe he ʻEikí kia Sōsiua ʻi heʻene fehangahangai mo e ngaahi faingataʻa ko ʻení.

Ko e hā te tau lava ʻo ako ʻe ala tokoni ke tau fehangahangai mo e ngaahi faingataʻa ʻo e moʻuí?

Fakakakato ʻa e ngaahi fakamatala ko ʻení ʻi hoʻo tohinoa akó ʻi lalo ʻi hoʻo fakatātā ʻo e fuʻu ʻakaú.

Fakamatalaʻi hoʻo malava ke matuʻuaki e ngaahi faingataʻaʻia fakaelotó. ʻOkú ke pehē ko e hā ʻa e ngaahi ongo ʻokú ke mapuleʻi leleí? Ko e hā ha ngaahi ongo ʻoku kei faingataʻa?
Fakamatalaʻi hoʻo malava ke maʻu ha tokoni mei he ʻEikí ki he ngaahi ongo ko ʻení. Ko e hā ha lavameʻa kuó ke maʻu? Ko e hā kuó ke ʻahiʻahiʻi naʻe ʻikai ngāue lelei ʻo tatau mo e meʻa naʻá ke ʻamanaki ki aí?

ʻE lava ke tokoniʻi kitautolu ʻe he fakalaulauloto ki he folofolá ke tau ongoʻi e mālohi ʻo e ʻEikí

Toe lau ʻa e Sōsiua 1:8, ʻo kumi e meʻa ʻe tokoni kia Sōsiua ke muimui ki he ʻEikí.

Ko e hā ʻa e meʻa naʻá ke maʻú?

Te ke lava ʻo fakamahinoʻi ange ʻi he fehangahangai ʻa Sōsiua mo hono ngaahi faingataʻaʻiá, naʻe fakahā ange ʻe he ʻEikí ke fakakaukauloto pe fakalaulauloto ki he folofolá (“tohi ʻo e fonó”) ʻi he ʻaho mo e pō (vakai, Sōsiua 1:8). Fakakaukau ke fakamahinoʻi ange ko e founga ʻe taha te tau lava ai ʻo maʻu ha mālohi fakaeloto ʻi he ʻEikí ʻoku fakafou ia ʻi he fakalaulauloto ki he folofolá.
ʻE tokoni fēfē ʻa e fakalaulauloto ki he folofola ʻa e ʻEikí ki ha taha ke ne fehangahangai mo e ngaahi faingataʻa fakaelotó?

Vakai ki he lisi ʻo e ngaahi ongo fakaeloto ʻi he palakipoé, kumi ha potufolofola ʻe taha pe lahi ange ʻe ala tokoni ki ha taha ke ne maʻu e ngaahi ongo ko ʻení.

ʻE lava ke maʻu ʻe he tokotaha akó ha ngaahi potufolofola ʻaki haʻane vakai ki he ngaahi potufolofola fakataukei fakatokāteliné pe ko e Fakahinohino ki he Ngaahi Folofolá, ʻo fekumi ki he ngaahi foʻi lea hangē koe “fakafiemālie,” “melino,” “mālohi,” pe “ʻamanaki lelei.” ʻE lava foki ke tokoni ʻa e “Folofola ʻe 12 ki he Taimi ʻOkú Ke Ongoʻi …” (Ki Hono Fakamālohia ʻo e Toʻu Tupú, Māʻasi 2024, 41). ʻI hono vahevahe ʻe he kau akó ʻa e folofolá, hiki ʻa e potufolofolá ʻi he tafaʻaki toʻomataʻu ʻo e fuʻu ʻakaú ʻi he tafaʻaki ʻo e ongo naʻa nau filí. Ko ha niʻihi ʻeni ʻo e ngaahi moʻoni ʻe malava ke vahevahe ʻe he kau akó.

Lōmekina: ʻĪsaia 40:28–31.

Manavahē: Sione 14:27

Mamahi: Fakahā 21:3–5

Ngalo: Luke 12:6–7

Loto-siʻi: ʻĪsaia 43:1–2, 5

Tuenoa: Tokāteline mo e Ngaahi Fuakava 68:6

Fakalaulauloto ki Heʻene folofolá

Ke tokoni ke akoako fakalaulauloto ʻa e kau akó ki he folofolá ʻi he taimi ʻoku nau fehangahangai ai mo e ngaahi ongo faingataʻá, fakaʻaliʻali ʻa e meʻa ko ʻení.

Fili ha ongo ʻoku hiki ʻi he palakipoé ʻokú ke ongoʻi pe kuó ke ongoʻi ʻi he kuohilí. Lau ʻa e potufolofola ʻi he tafaʻaki ʻo e ongó pea fakalaulauloto ki he ngaahi lea ʻo e vēsí ʻaki haʻo ʻeke pē kiate koe ha ngaahi fehuʻi hangē ko ʻení:

Ko e hā ha ngaahi foʻi lea pe kupuʻi lea ʻe ala tokoni ʻi he taimi ʻoku ou ongoʻi peheni aí?
Ko e hā ʻoku tokoni ʻa e potufolofola ko ʻení ke mahino kiate au fekauʻaki mo e ʻofa mo e mālohi ʻo e ʻEikí?

Hili ha taimi feʻunga, te ke lava ʻo fakaafeʻi ʻa e kau akó ke vahevahe ʻa e ongo naʻa nau filí, ko e potufolofola ne nau fakalaulauloto ki aí, pea mo e ʻuhinga ʻoku nau ongoʻi ai ʻe ala tokoni ʻenau fakakaukau ki he ngaahi folofola ʻa e ʻEikí ke nau maʻu ha mālohi fakaeloto lahi ange ʻiate Iá.
Ko e fē ha taimi kuó ke maʻu ai pe ko ha taha ʻokú ke ʻilo ʻa e fakafiemālie pe mālohi ʻo e Tamai Hēvaní mo Sīsū Kalaisi mei he fakalaulauloto ki ha potufolofola?

Fakakaukau ke fakaʻosi e kalasí ʻaki hano vahevahe hoʻo aʻusia pē ʻaʻau ʻi hono ongoʻi e fakafiemālie pe mālohi ʻo e ʻEikí mei ha potufolofola. Fakaafeʻi e kau akó ke hokohoko atu ʻenau falala ki he folofolá ke tokoniʻi kinautolu ke nau ongoʻi e mālohi ʻo e Tamai Hēvaní mo Sīsū Kalaisi ʻi heʻenau fehangahangai mo e ngaahi faingataʻa fakaelotó.

Ngaahi Maʻuʻanga Tokoni Kehé

Te tau teuteu fēfē ki he ngaahi faingataʻa fakaeloto ʻo e moʻuí?

Naʻe akonaki ʻa ʻEletā D. Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

23:27

ʻOku hoko ʻa hono maʻu ha mahino ki he palani ʻetau Tamai Hēvaní ki he huhuʻí—tautautefito ki he ʻelemēniti mahuʻinga ʻo e palani ko iá, ʻa e Fakalelei ʻa Sīsū Kalaisí—ke tau maʻu ai ʻa e fakapapau taupotu tahá. ʻOkú ne langaki mo fakatolonga ʻa e loto-vilitaki fakalaumālie mo fakaelotó—ʻo ʻiloʻi ʻa e ʻuhinga ʻo ʻetau moʻuí pea mo ʻetau taumuʻa ʻi he moʻui fakamatelié. ʻOku tau akoʻi, ʻi he akonaki mo e faʻifaʻitakiʻanga, kiate kinautolu te nau ala fekumi ki ha fakahaofi mo ha poupoú. Tuku ke nofoʻia e ngaahi folofola ʻa e Fakamoʻuí ʻi honau lotó, “Kuó u tala ʻa e ngaahi meʻá ni kiate kimoutolu, koeʻuhí ke mou maʻu ʻa e fiemālié ʻiate au. Te mou maʻu ʻa e mamahí ʻi māmani; ka mou loto-toʻa; kuó u ikuʻi ʻa māmani.” ʻOku haʻi kitautolu ʻe heʻetau ngaahi fuakavá kiate Ia, pea ʻiate Ia ʻoku tau ikunaʻi foki ai ʻa e māmaní. (“Falala ki he ʻOtuá,” Fakamafola Fakataʻu ʻa e S&I, 26 Sānuali 2024, broadcasts.ChurchofJesusChrist.org)

Ko e hā ʻoku fiemaʻu ai ke tau ako ke falala kia Sīsū Kalaisi ke maʻu ha tokoni ki he ngaahi ongo fakaelotó?

Naʻe pehē ʻe Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá:

Te ke fehangahangai ʻi he fononga ko ʻení mo ha ngaahi taimi ʻo e faingataʻa, ʻahiʻahi fakataautaha, loto-foʻi, mo e loto-mamahi ʻe lava ke ongoʻi taulōfuʻu. Mahalo ʻokú ke ongoʻi fihia ʻi ha faʻahinga taimi pehē ʻi he taimí ni.

Lolotonga ʻo e ngaahi taimi peheé, kātaki ʻo manatuʻi ʻoku ʻofa hoʻo Tamai Hēvaní ʻiate koe. Kuó Ne fakahoko maʻu pē ia, pea te Ne fakahoko maʻu ai pē ia. Koeʻuhí ko ʻEne ʻofa taʻefakangatangata mo haohaoá, naʻá Ne fekauʻi mai ai Hono ʻAlo ko Sīsū Kalaisí ke fakamālohia mo tokoniʻi koe ke ke laka ki muʻa. Pea naʻe hāʻele mai mo Sīsū koeʻuhí he ʻokú Ne ʻofa lahi foki ʻiate koe. (“Maʻu Ho Mālohingá ʻia Sīsū Kalaisi,” Ki Hono Fakamālohia ʻo e Toʻu Tupú, Māʻasi 2024, 4)

Naʻe pehē ʻe Sisitā Tuleisī Y. Palauningi ʻo e Kau Palesitenisī Lahi ʻo e Palaimelí:

Naʻe papitaiso au ʻi hoku taʻu 16 pea naʻá ku nofo ʻi Niu ʻIoke Siti. Naʻá ku ongoʻi ʻi he kamataʻangá naʻá ku fakamoleki ha taimi lahi ke u feinga ke tauhi hoku vā ʻi he vahaʻa ʻo ʻeku tui foʻoú, ʻa hono vā fakafuakava mo e ʻOtuá, pea mo hoku vā fetuʻutaki mo hoku ngaahi kaungāmeʻá.

Naʻá ku hohaʻa naʻa ʻikai ke ʻi ai haʻaku ngaahi kaungāmeʻa ʻi he akó te u lava ʻo fetuʻutaki mo ia. Ka naʻe anga ʻaki ʻe hoku ngaahi kaungāmeʻá hono fai ʻa e ngaahi meʻa naʻá ku fakatokangaʻi naʻe fakatuʻutāmaki ki hoku laumālié pea naʻe ʻikai fenāpasi ia mo hono toʻo kiate au ʻa e huafa ʻo Sīsū Kalaisí. Naʻá ku ʻiloʻi naʻe finangalo ʻa Sīsū Kalaisi ke u fai ha ngaahi fili lelei ange.

Ko e meʻa naʻe ʻikai ke u ʻiló pe naʻe mahino nai ki he Fakamoʻuí ʻa e ngaahi ongo fehangahangai naʻá ku maʻú. Naʻe fakaʻau ke faingataʻa ange ʻa e ʻaho takitaha ʻi hono fakaafeʻi au ke u fai ha ngaahi meʻa naʻá ku ʻiloʻi naʻe ʻikai ke leleí. Naʻá ku faʻa fakatonuhiaʻi ia he taimi ʻe niʻihi ʻo pehē ʻoku ʻikai ke nau fakatuʻutāmaki, ka naʻá ku ʻiloʻi naʻá ku tukunoaʻi ai ʻa e ngaahi meʻa naʻe ʻikai totonu ke u tukunoaʻí.

Naʻe fiemaʻu ke u ʻiloʻi naʻe mahino ki he Fakamoʻuí ʻa ʻeku ongoʻi tuenoa mo e halaia ʻi he taimi ne u fakakaukau ai ke holoki ʻa e ngaahi tuʻunga moʻui ʻo e ongoongoleleí kae lava ke u ongoʻi ʻoku ou kau fakataha mo hoku ngaahi kaungāmeʻá. Naʻá ku ongoʻi hangē naʻe ʻikai ke u lava ʻo mapuleʻi ʻeku moʻuí. Naʻá ku fiemaʻu ke fakahaofi au. Naʻá ku fiemaʻu ʻa Sīsū Kalaisi.

Naʻe toe loloto ange hoku vā fetuʻutaki mo Sīsū Kalaisí ʻi he taimi naʻá ku ʻiloʻi ai ʻiate au pē ʻa e ʻuhinga naʻá ku fiemaʻu ai Iá. (“Ko e ʻUhinga ʻOku Ou Fiemaʻu ai ʻa Sīsū Kalaisí,” Ki Hono Fakamālohia ʻo e Toʻu Tupú,” Māʻasi 2024, 11)

Ngaahi ʻEkitivitī Fakalahi ki he Akó

Ngaahi talanoa faivelenga ʻo e tokanga taha kia Kalaisí

Mahalo ʻe ʻaonga ki he kau akó ke nau vakai ki he founga naʻe fakafalala ai ʻa e kau ākonga kehe ʻa Kalaisí kiate Ia ke maʻu ha mālohi mo ha poupou fakaelotó. ʻOku lahi ha ngaahi talanoa ki ha ngaahi faingataʻaʻia fakaeloto kehekehe ʻoku maʻu ʻi he “Ko Hono Fakahaofi Kitautolu ʻe he Tamai Hēvaní mo Sīsū Kalaisi mei Hotau Ngaahi Faingataʻá” (Liahona, ʻOkatopa 2022, fakakomipiuta pē). Te ke lava ʻo fili ha talanoa ʻe taha ʻi he fakamatalá ʻoku felāveʻi mo hoʻo kalasí. Te ke lava ʻo fakaafeʻi e kau akó ke fili ha talanoa ʻoku faitatau mo ʻenau ngaahi faingataʻaʻia fakatāutahá.

ʻE lava ke tokoni ʻa e foʻi vitiō “Hear Him to Find Peace During Morbulent Times” (2:02) ke ongoʻi ʻe he kau akó ʻa e mālohi ʻo e Fakamoʻuí ke fakamālohia kinautolu ʻi ha faʻahinga faingataʻa fakaeloto pē ʻoku nau fehangahangai mo ia.

2:2

Fakatokangaʻi ʻa e ngaahi aʻusia fakaelotó

ʻE ala ʻaonga ki he kau akó hano toe vakaiʻi ha niʻihi ʻo e ngaahi maʻuʻanga tokoni ʻoku maʻu ʻi he MentalHealth.ChurchofJesusChrist.org. ʻE lava ke fakaʻaongaʻi ʻa e laʻipepa ngāue “Ko e Fehangahangai mo e Ngaahi Faingataʻá: Ko ha Fakahinohino Tokoni Fakaekita” ke tokoni ke ʻiloʻi lelei ange ʻe he kau akó ʻa e ngaahi ongo ʻoku nau ongoʻí. ʻE ala tokoni ʻeni ke nau fakatokangaʻi ʻa e ngaahi faingataʻa fakaeloto ʻoku nau aʻusiá mo e founga ʻoku fakamālohia ai kinautolu ʻe he Fakamoʻuí.