Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Уур хүрэх мэдрэмжийг шийдвэрлэх: Аврагчийг дагах замаар уур уцаарт хариу үйлдэл үзүүлэх

“Уур хүрэх мэдрэмжийг шийдвэрлэх: Аврагчийг дагах замаар уур уцаарт хариу үйлдэл үзүүлэх,” Хуучин Гэрээний семинарын багшийн гарын авлага (2026)

“Уур хүрэх мэдрэмжийг шийдвэрлэх: Аврагчийг дагах замаар уур уцаарт хариу үйлдэл үзүүлэх,” Хуучин Гэрээний семинарын багшийн гарын авлага

Бие махбод, сэтгэл санааны эрүүл мэнд: 186-р хичээл

Уур хүрэх мэдрэмжийг шийдвэрлэх

Аврагчийг дагах замаар уур уцаарт хариу үйлдэл үзүүлэх

The Old Testament characters Jacob and Esau embracing one another. A desert landscape is portrayed in the background.

Уур уцаарыг мэдрэх нь хэвийн зүйл. Бид уур хүргэдэг нөхцөл байдлыг хянаж чадахгүй ч хэрхэн хариу үйлдэл үзүүлэхээ шийдвэрлэж чадна. Бид Есүс Христ рүү харах юм бол Тэр бидэнд Түүнтэй адил хариу үйлдэл үзүүлэхэд тусалж чадна. Энэ хичээл нь уур уцаарыг мэдрэх үедээ Есүс Христийн жишээг дагахад суралцагчдад тусална.

Суралцагчийн бэлтгэл: Суралцагчдад уурлан бухимдаж болох нөхцөл байдлуудыг жагсаан бичих даалгавар өг. Тэд бас хэр их уурладгаа, мөн энэ мэдрэмжээ хэрхэн хянан удирддагаа үнэлж дүгнэх боломжтой.

Боломжит суралцах үйл ажиллагаа

Хуримтлагдсан дарамт шахалт

Дараах зургийг самбар дээр байрлуулахыг эсвэл онгойлгоогүй лаазтай ундаа ангид авчрахыг бод. Та дараах асуултын дагуу ярилцаж байхдаа лаазыг сэгсэрч болох ч онгойлгож болохгүй.

Онгойлгоогүй ундааны лаазыг дахин дахин сэгсэрвэл дотор нь юу болох бол? Хэрэв та үүнийг онгойлговол яах вэ?

Дараах зургийг үзүүл. Хэрэв та лаазтай ундаа авчраад сэгсэрвэл битгий онгойлгоорой. Та үүнийг хичээлийн турш үргэлжлүүлэн үзүүлж болно.

Thirsty man opens a can of shaken up beer during picnic

Та энэ жишээг уур хилэнтэй ямар арга замаар холбож болох вэ?

Хэрэв суралцагчдад тусламж хэрэгтэй бол та лааз нь биднийг, ундаа нь сэтгэл хөдлөлийг төлөөлж байна гэдгийг тайлбарлаж өг. Лаазыг сэгсрэх нь бидний дотор хуримтлагдсан дарамт шахалтад (уурлах хүрэхэд) хүргэдэг үйлдэл, нөхцөл байдал эсвэл харилцаа холбоог илэрхийлж болно.

Хүн бүр уурладаг. Сэгсэрсэн ундааны лаазны доторх даралт ихсэх нь хэвийн зүйл байдгийн адил бидний уурлаж уцаарлах нь ч бас хэвийн зүйл юм. Гэхдээ бид энэ мэдрэмжид хэрхэн хариу үйлдэл үзүүлэхээ сонгож чадна.

Дараах асуултуудыг тунгаан бод.

1-ээс 5 хүртэлх (1=бага; 5=өндөр) хэмжүүрээр хэмжвэл, та хэр олон удаа уурладаг вэ? Таны хэр их уурлаж бухимддагийг бусад хүн хэрхэн дүгнэх вэ?
Та уур хүрэх үед ямар хариу үйлдлийг хамгийн их үзүүлдэг вэ?

Өнөөдөр судалж байхдаа та Тэнгэрлэг Эцэг, Есүс Христ хоёр уурлах мэдрэмжээ хянаж удирдахад тань хэрхэн туслах талаар мэдэж авахын тулд Ариун Сүнсний удирдамжийг аваарай.

Уур уцаартай үйлдлийн үр дагавар

Исаак, Ребека хоёр Иаков, Есав гэдэг ихэр хөвгүүдтэй байв. Ууган хүүгийн хувьд Есав эцгийнхээ адислалыг хүртэх эрхтэй байсан. Ууган хүүгийн эрх нь Есав эцгийнхээ эд хөрөнгийг өвлөн авч, гэр бүлээ тэжээн тэтгэгч, сүнслэг удирдагч болно гэсэн үг байлаа. Есавын зөв шударга бус үйлдлээс болж (Эхлэл 25:31–34; 26:34–35) оронд нь Иаковт ууган хүүгийн адислал өгөгдсөн билээ (Эхлэл 27:1–33-ыг үзнэ үү).

Эхлэл 27:41–45-ыг уншаад, эцэг нь Иаковт ууган хүүгийн адислал өгснийг Есав мэдээд хэрхсэнийг олж мэдээрэй.

Есавын уур хилэнгийн хор уршиг юу байсан бэ?
Хүн уур хилэнгээр үйлдвэл өөр ямар үр дагавар амсдаг вэ?

Ах, дүү хоёр 20 жилийн турш тусдаа амьдарсан бөгөөд эцэст нь эвлэрсэн гэдгийг тайлбарлах нь тустай байж мэднэ (Эхлэл 33:4-ийг үзнэ үү).

Аврагчийн үлгэр жишээ

Суралцагчдыг хос хосоор нь хуваарилж, суралцагч тус бүрээр дараах судрын хэсгүүдийг судлуул. Дараа нь доорх асуултад хэрхэн хариулах талаар хос хосоор нь ярилцуулж болно.

Дараахыг уншаад, уур хилэнд хэрхэн хариу үйлдэл үзүүлэх талаар юу сурснаа олж мэд. Үүнд:

Дуулал 103:8

Сургаалт үгс 16:32

Уураа барих талаар бид юу сурч болохыг та хэрхэн нэгтгэн дүгнэх вэ?

Бид уурлахдаа удаан байснаар Их Эзэний үлгэр жишээг дагадаг гэх мэт үнэнийг тодорхойлоход нь суралцагчдад тусал.
Уурлахдаа удаан бай гэдэг нь таны хувьд юу гэсэн утгатай вэ?

Есүс уурлахдаа удаан байсан талаарх жишээг бодоорой.

Хэрэв суралцагчдад тусламж хэрэгтэй бол та дараах жишээнүүдийг үзүүлж болно. Үүнд:

Лук 9:51–56 (Самаричуудын тосгон Есүсийг эсэргүүцэв.)
Лук 23:8–11 (Херод Есүсийг байцаав.)
Иохан 19:3–12 (Есүс баривчлагдав.)

Есүс иймэрхүү нөхцөл байдалд хэрхэн хариу үйлдэл үзүүлж байсныг мэдэх нь хэн нэгэнд хэрхэн тус болж болох вэ?

Уур уцаараа хянах алхмууд

Дүгнэлт

Суралцагчдыг тараах материалыг бөглөсний дараа цаг гарвал дараах асуултуудыг тавиарай.

Уураа хянаж чадахгүй байгаа хэн нэгэнд тусалж болох ямар зүйлийг та өнөөдөр сурч мэдсэн бэ?
Та эсвэл бусад хүн Христийнхтэй адил арга замаар уур хилэнгээ хянаж удирдах ямар туршлагуудыг хуримтлуулсан бэ?

Зарим суралцагч уураа барих боломжгүй гэж бодож байж магадгүй. Ифер 12:27-г уншаад, ямар нэг сул талтайгаа тэмцэж байгаа хэн нэгэнд Есүс Христ хэрхэн тусалж болох талаар олж мэдэхэд тэднийг урьж хичээлээ төгсгө. Есүс Христ, Түүний Цагаатгалын ачаар, уур хилэнгээ хянаж удирдах замаар сул дорой байдлыг хүчирхэг тал болгон хувиргаж чадна гэдгийг гэрчлээрэй.

Нэмэлт эх сурвалж

Яагаад уур уцаараа хянах нь чухал вэ?

Арван хоёр төлөөлөгчийн чуулгын ахлагч Үлиссэс Соарэс ийн хэлжээ.

14:29

[Х]эрэв бид Их Эзэний Сүнсийг амьдралдаа элбэг дэлбэг байлгахыг хүсвэл хэн нэгний талаар таагүй бодолтой байж болохгүй. Зүрх сэтгэл, оюун ухаандаа таагүй мэдрэмж, бодол санаа тээх нь олон нийтийн мэдээллийн хэрэгсэл дээр ч бай, гэр орондоо ч бай эелдэг бус үг, үйлдэл гаргахад хөтөлж, Их Эзэний Сүнсийг зүрх сэтгэлээс маань холдоход хүргэдэг. (“Есүс Христээр дамжуулан гэрээндээ итгэлтэй байх нь,” Лиахона, 2024 оны 5-р сар, 17–20) (цагийн код 12:50-аас 13:21 хүртэл)

Далын ахлагч Линн Г.Роббинс ийн заасан.

7:36

Уурлах бол өөрийгөө хянах чадвараа алдсанаар Сатаны нөлөөнд автаж байгаа хэрэг. Энэ бол дайсагнах мэдрэмж, зан авир гарахад хүргэдэг нүгэлт бодол юм. Энэ нь мөн хурдны зам дээрх бүдүүлэг авир, спортын дэвжээн дээрх зодоон цохион, гэр оронд болдог хүчирхийлэл юм.

Хянаж байхгүй л бол уур уцаар нь өр нимгэн, зөөлөн нэгний сэтгэл зүрхийг зүсэх хорон муухай үгс болон урсан гарч, сэтгэл санааны өөр бусад хүчирхийллийн очийг асаадаг. Аврагч “Аманд орсон юм хүнийг эс бузарлана. Харин амнаас гарч буй нь хүнийг бузарлана” (Мат. 15:11) хэмээн айлдсан. (“Agency and Anger,” Ensign, 1998 оны 5-р сар, 81) (цагийн код 5:01-ээс 5:35 хүртэл)

Хэн нэгэн намайг уурлуулж чадах уу?

Ерөнхийлөгч Томас С.Монсон (1927–2018) ийн заажээ.

18:16

Уурлах нь Сатаны нөлөөнд автсаны шинж. Хэн ч биднийг уурлуулж чадахгүй. Энэ бол бидний сонголт юм. Бид зөв сүнсийг өөрсдөдөө үргэлж байлгахыг хүсэж байгаа бол уурлахаас татгалздаг байх ёстой. Үүнийг боломжтой гэдгийг би гэрчилж байна. (“Зүрх сэтгэлээ захираач, ай ах минь ээ,” 2009 оны 10-р сарын Ерөнхий чуулган, 74–77) (цагийн код 8:34-өөс 8:57 хүртэл)

Уурлаж байгаагаа илэрхийлэх ямар арга замууд байдаг вэ?

Тэргүүн зөвлөлийн ерөнхийлөгч асан Дийтр Ф.Угдорф ийн зөвлөсөн.

Бид өөрсдийн атгаг санаа, гомдлыг гаргахдаа уур хилэнгээ зөв хэмээн зөвтгөж, шүүлт маань найдвартай, зөвхөн зөв гэж олонтоо зөвтгөдөг. Бид бусдын зүрх сэтгэлийг харж чадахгүй ч муу санаа агуулсан хүнийг, тэр байтугай муу хүнийг харсан үедээ л таньж мэддэг гэж боддог. Бид өөр хэн нэгнийг жигшин зэвүүцэхэд хэрэгтэй бүх мэдээлэлтэй гэж боддог учраас өөрсдийнхөө уур хилэнг үл тоомсорлодог. …

Хайрт ах, эгч нар минь ээ, дараах асуултуудыг хувийн шалгалт гэж бодоорой.

Та нар хэн нэгний эсрэг атаа хорсол өвөрлөдөг үү?

Хэдийгээр хэлж байгаа тань үнэн байж болох магадлалтай ч гэсэн та нар хов жив ярьдаг уу?

Тэд ямар нэг буруу зүйл хийсэн учир бусдыг гадуурхаж, цааш түлхэж эсвэл ялладаг уу?

Та нар далдуур хэн нэгэнд атаархдаг уу?

Та хэн нэгэнд хор уршиг учруулахыг хүсдэг үү?

Хэрэв та нар эдгээр асуултын аль нэгэнд тийм гэж хариулсан бол, өмнө хэлсэнчлэн Үүнийгээ зогсоо! гэсэн хоёр үгээс бүрдэх зааврыг хэрэгжүүлж болох юм. (“Өршөөнгүй хүмүүс өршөөл энэрлийг хүлээн авна,” 2012 оны 4-р сарын Ерөнхий чуулган, 78–81)

Их Эзэн уур хилэнгээр үйлдэхийг буруушаасан үед судруудад яагаад Бурханы уур хилэнгийн талаар олонтоо дурдсан байдаг вэ?

Бид Хуучин Гэрээнээс Их Эзэний уур хилэн, зэвүүцлийн тухай уншдаг (Гэтлэл 4:14; Дэд хууль 1:37; 4:25; 9:18; Дуулал 85:4; Исаиа 48:9; 65:3; Иеремиа 8:19; 32:30). Бурханы уур хилэнг дүрсэлсэн дүрслэлийг унших нь судруудын талаар эсвэл Бурханы зан чанарын талаар буруу ташаа ойлгоход хүргэж, төөрөлдөм санагдаж болох юм. Бурханы уур хилэн бол Түүний хайрын илэрхийлэл гэж Тэргүүн зөвлөлийн ерөнхийлөгч Даллин Х.Өүкс тайлбарласан.

15:3

“Бид Ариун Библи болон орчин үеийн судруудаас ёс бусыг үйлдэгчдийн эсрэг дүрэлзэх Бурханы уур хилэнгийн тухай мөн Өөрийнх нь хуулиудыг зөрчигчдөд Тэрбээр уур хилэнгээ харуулдаг тухай олон дахин уншдаг. Уур хилэн хэрхэн Түүний хайрын нотолгоо болдог вэ? ‘Дэлхийд илгээх сүнснүүд түүнтэй адилхан болох [Сүмийн ерөнхийлөгчдийн сургаалаас: Иосеф Смит (2007),238] онцгой боломжийг олж авах хуулиудыг’ Бурхан үндэслэн бий болгосныг Иосеф Смит заасан байдаг. Бурханы хайр үнэхээр төгс учраас Тэрээр зарлигуудаа дуулгавартай дагахыг биднээс хайрын үндсэн дээр шаарддаг. Учир нь бид гагцхүү Түүний хуулиудад дуулгавартай байснаар Түүн лүгээ адил төгс болж чадна. Энэ шалтгааны улмаас, Бурханы уур хилэн Түүний хайрын эсрэг тал биш, харин хайрынх нь нотолгоо байдаг юм. (Даллин Х.Өүкс, “Хайр ба хууль,” 2009 оны 10-р сарын Ерөнхий чуулган, 28–32) (цагийн код 4:30-аас 5:22 хүртэл)

Нэмэлт суралцах үйл ажиллагаа

Бид уур уцаартаа хэрхэн хариу үйлдэл үзүүлэхээ хянаж чадна

Уурлах мэдрэмж төрөхөд хэрхэн хариу үйлдэл үзүүлэхээ удирдах боломжтой гэдгийг ойлгоход суралцагчдад туслахын тулд дараах асуултыг тавь.

Хүмүүс уурлаж үйлдсэн үйлдлээ зөвтгөхдөө ямар шалтаг тоочиж болох вэ?

Суралцагчид “Би ийм л хүн,” “Би биеэ барьж чадсангүй,” “Тэр миний уурыг хүргэсэн” гэх мэт хариултуудыг өгч болно.

Дараа нь та “Peacemakers Needed” видеог цагийн код 0:23-аас 1:48 хүртэл үзүүлж болно. Энд ерөнхийлөгч Нэлсон уурлаж уцаарласан мэс засалчийн тухай өгүүлдэг. Эсвэл та “Agency and Anger” видеог цагийн код 2:50-аас 3:28 хүртэл үзүүлж, ахлагч Роббинс уур хилэнгээ хянаж удирдахад суралцсан ахлах сургуулийн сагсан бөмбөгийн тоглогчийн тухай ярьж байгааг үзүүлж болно.

19:4

7:36

Уурлах мэдрэмж төрөхөд хэрхэн хариу үйлдэл үзүүлэх нь сонголт бөгөөд бид зөвийг үйлдэхийн тулд сонгох эрхээ ашиглаж болохыг ойлгоход нь суралцагчдад тусал.

Та хэзээ уурлах мэдрэмждээ зохистой хариу үйлдэл үзүүлэхийг сонгосон бэ?
Уур уцаараа дарахад танд ямар арга хэрэгсэл тус болох вэ?
Яагаад Аврагчид хандах нь уур уцаарын эсрэг хамгийн хүчтэй зэвсэг байж болох вэ? (Хэрэв суралцагчдад дараах асуултад хариулахад нь тусламж хэрэгтэй бол тэднийг Ифер 12:27 болон Алма 7:12-ыг уншихад чиглүүлж болно.)

Өөрийгөө дүгнэх

Төрж болох уур уцаарын мэдрэмжээ үнэлэхэд нь суралцагчдад туслахын тулд Нэмэлт эх сурвалж дахь ерөнхийлөгч Угдорфын үгийг ашиглаж болно. Суралцагчид түүний асуулт бүрд хэрхэн хариулахаа тунгаан бодож болно.

Уурлах мэдрэмжээ дарахад туслах зөвлөмж

Уурлах мэдрэмжээ дарах нэмэлт ур чадварын талаар “Үйлчлэлийн номлогчийн амьдралд дасан зохицох нь: Эх сурвалжийн товхимол” гарын авлагын 3-р бүлэг дэх зөвлөмжүүдийг судлахад суралцагчдыг урь. Суралцагчид анхаарлаа хандуулахыг хүссэн нэг эсвэл хоёр санал зөвлөмжийг сонгож болно.