Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Бие махбоддоо анхаарал тавих: Бие махбод, сэтгэл санааны эрүүл мэндээ сайжруулах нь

“Бие махбоддоо анхаарал тавих: Бие махбод, сэтгэл санааны эрүүл мэндээ сайжруулах нь,” Хуучин Гэрээний семинарын багшийн гарын авлага (2026)

“Бие махбоддоо анхаарал тавих: Бие махбод, сэтгэл санааны эрүүл мэндээ сайжруулах нь,” Хуучин Гэрээний семинарын багшийн гарын авлага

Бие махбод, сэтгэл санааны эрүүл мэнд: 182-р хичээл

Бие махбоддоо анхаарал тавих

Бие махбод, сэтгэл санааны эрүүл мэндээ сайжруулах нь

Тэнгэрлэг Эцэг Өөртэй нь адил болох төлөвлөгөөнийхөө нэг хэсэг болгон бидэнд бие махбодыг өгсөн. (“Гэр бүл: Дэлхий дахинаа өргөх тунхаг,” ChurchofJesusChrist.org-г үзнэ үү). Гэхдээ бие махбоддоо хэрхэн анхаарал тавих нь зөвхөн бидний ирээдүйд нөлөөлдөггүй; энэ нь бидний одоогийн мэдрэмжид нөлөөлдөг. Энэ хичээл нь бидний сонголтууд бидний бие махбод, сэтгэл санааны эрүүл мэндэд хэрхэн нөлөөлдгийг ойлгоход суралцагчдад тусална.

Суралцагчийн бэлтгэл: Суралцагчдад өнгөрсөн долоо хоногийн турш хийсэн эрүүл мэндийн сонголтоо (хооллох, унтах, дасгал хийх гэх мэт) бодох даалгавар өг. Эдгээр сонголт нь бие махбод, сэтгэл санааны хувьд хэрхэн нөлөөлснийг үнэлж цэгнэхэд тэднийг уриал.

Боломжит суралцах үйл ажиллагаа

Бидний сонголтууд бие махбодод төдийгүй сэтгэл санаанд нөлөөлдөг

Бидний өдөр бүр гаргадаг эрүүл эсвэл эрүүл бус шийдвэрүүд бие махбод, сэтгэл санааны мэдрэмжид хэрхэн нөлөөлж байгааг ойлгоход нь суралцагчдад туслахын тулд дараах хувилбарыг хичээлийн турш ашигла. Энэ жишээнд “Маяа” гэдэг нэр гарах боловч та суралцагчдыг нэр сонгож, тус түүхийг баяжуулж эсвэл өөрчлөхийг санал болгож болно.

Маяа сүүлийн хэдэн долоо хоногийн турш ядарч, сэтгэлээр унасан байдалтай байсан. Дараах зурагт тухайн хугацаан дахь Маяагийн зарим сонголтыг харуулна.

Late night office work with tired woman sleep on desk illustration.

Маяагийн сонголтуудын зарим нь түүний мэдрэмжид хэрхэн нөлөөлж болох вэ?

Суралцагчид түүнийг оройтож унтдаг, эрүүл бус хоол иддэг, утсандаа сатаардаг тухай дурдаж магадгүй. Та суралцагчдаар тэдний нутагт амьдардаг өсвөр насныхны бие махбод, сэтгэл санааны эрүүл мэндэд сөргөөр нөлөөлөх нэмэлт сонголтуудыг нэмж хэлүүлж болно.

Тэнгэрлэг Эцэгийн аз жаргалын төлөвлөгөөний нэгэн хэсгийн хувьд бидний бие махбод, сүнс хоорондоо нягт холбоотой гэдгийг суралцагчдад тайлбарлах нь тустай байж мэднэ (Сургаал ба Гэрээнүүд 88:15-ыг үзнэ үү). Тиймээс бидний эрүүл мэндийнхээ талаар хийдэг сонголтууд бие махбодын хувьд төдийгүй олон арга замаар өөрсдөд маань нөлөөлдөг.
Маяагийн сонголтууд түүнд бие махбод, сэтгэл санааны хувьд хэрхэн нөлөөлж болох вэ?
Бие махбоддоо анхаарал тавих үедээ мэдрэмжид маань нөлөөлж болох өөр ямар сонголтуудыг хийж болох вэ?

Та самбар дээр суралцагчдын өмнөх асуултад хариулсан хариултуудыг “эрүүл,” “эрүүл бус” сонголт гэсэн хоёр баганад жагсаан бичиж болно. Суралцагчид дараагийн үйл ажиллагааны үеэр тус хүснэгтийг бөглөхдөө самбар дээрх эдгээр хариултыг эсвэл өөрсдийн бусад хариултыг ашиглаж болно.

Дараах хүснэгтийг судлах тэмдэглэлдээ зураарай. Өнгөрсөн долоо хоногийн турш таны мэдрэмжид нөлөөлсөн эрүүл болон эрүүл бус үйл ажиллагаануудыг эхний гурван нүдэнд жагсаан бич. Судлах үедээ та бие махбоддоо илүү сайн анхаарах арга замуудыг мэдэхэд туслах Ариун Сүнсийг урьж, тэдгээрийг 4-р нүдэнд жагсаан бичихийг хүс.

1. Миний сонгоогүй сонголтууд	2. Миний хэд хэдэн удаа сонгосон сонголтууд
3. Миний байнга сонгодог сонголтууд	4. Миний сонгож болох сонголтууд

Бие махбоддоо анхаарах нь адислалуудыг авчирдаг

Та өөрийгөө “Үргэлж ядарч, сэтгэлээр унахаа болихыг хүсэж байна” гэж хэлсэн Маяатай ярилцаж байгаагаар төсөөл. Та Маяаг сонголтууд нь өөрт нь хэрхэн нөлөөлж байгааг ухаарахгүй байна гэдгийг анзаарсан.

Маяа шиг хэн нэгэнд дараах зүйлсийг ойлгоход тусалж болох судрууд, Сүмийн удирдагчдын сургаалыг багтаасан хариултыг бэлтгэ. Үүнд:

Түүний сонголтууд түүнд бие махбод, сэтгэл санааны хувьд хэрхэн нөлөөлж байгаа тухай
Бурхан яагаад бидний бие махбоддоо хэрхэн анхаарч байгаад санаа тавьдаг талаар
Бие махбоддоо анхаарал тавьдаг хүмүүст Бурханы амласан адислалууд

Аврагч бидэнд эрүүл зөв сонголт хийхэд тусална

Суралцагчдын тараах материалаас олж тодорхойлж болох үнэнүүдийн нэг нь Бидний бие махбод Бурханаас өгсөн бэлэг бөгөөд Тэр биднээс бие махбоддоо анхаарал тавихыг хүсдэг гэсэн үнэн юм.

Тэнгэрлэг Эцэг, Есүс Христ хоёр бие махбоддоо анхаарал тавихад нь тэдэнд хэрхэн тусалж чадах тухай бодоход суралцагчдад туслахын тулд дараахтай төстэй асуултыг авч үзэн ярилцаарай.

Их Эзэн бие махбоддоо анхаарахаар хичээж байгаа хүмүүсийг адисалдаг гэдгийг та хэрхэн олж харсан бэ?
Тэнгэрлэг Эцэг, Есүс Христ хоёр бидэнд хүсээгүй үедээ ч бие махбоддоо анхаарал тавихын тулд илүү сайныг нь сонгоход хэрхэн тусалж чадах вэ?

Хичээлийн эхэнд Эрүүл сонголтууд хүснэгтийн 4-р хэсэгт суралцагчдаар нэмж бичүүлэхийг бод.

Судлах тэмдэглэлдээ зурсан хүснэгтийг хар. Дараах асуултуудад хариултаа нэм.

Судалсан зүйлээсээ харахад бие махбод, сэтгэл санааны эрүүл мэндээ сайжруулахын тулд та ямар сонголтуудыг өөрчлөх боломжтой вэ?
Та өөрийн гаргасан хичээл зүтгэлд Тэнгэрлэг Эцэг, Есүс Христ хоёрыг хэрхэн оролцуулах вэ?

Та Тэнгэрлэг Эцэг, Түүний авралын төлөвлөгөө, эрүүл сонголтууд хийх гэж хичээснээр олж харсан адислалуудаа хуваалцан гэрчлэлээ төгсгөж болно.

Нэмэлт эх сурвалж

Би яагаад яг одоо бие махбоддоо анхаарах ёстой вэ?

Тэргүүлэх бишопын зөвлөлийн бишоп Жэралд Коссэй ийн заасан.

Та нарын зарим нь өөрийгөө залуу болохоор бие махбодын асуудалд өртөхгүй дархлаатай гэж бодож магадгүй. Эсрэгээрээ, хувь хүнийхээ хувьд зөв сайхан байхын тулд таны одооны дадал хэвшил амьдралын тань үлдсэн хугацаанд материаллаг болон сүнслэг байдлын хувьд нөлөөлнө. Таны анхаарал дэлхийн хоосон чиг хандлагыг дагахад төвлөрөх ёсгүй. Энэ нь хэсэг өөхнөөсөө салах эсвэл өрөөний хамтрагч шигээ хав дөрвөлжин биетэй харагдахын тулд нэмж 9 килограмм төмөр өргөх гэсэн энгийн асуудал биш! Үүний зорилго бол сэтгэл санаагаар илүү өөдрөг байх, материаллаг болон сүнслэг байдлын хувьд тэнцвэртэй болох явдал юм. Ингэж чадвал энэ нь танд насан туршдаа эрүүл саруул байх сайхан боломжийг олгоод зогсохгүй, эргээд баяр баясгаланг авчирч, мөнх бус амьдрал дахь чадвартаа итгэлтэй байж, мөнх амьдралын чадавхаа илүү сайн ухамсарлан ойлгох чадварыг өгнө. (“Harmony of Body and Spirit: A Key to Happiness,” [Brigham Young University devotional, Oct. 13, 2020], 5, speeches.byu.edu)

Тэргүүн зөвлөлийн ерөнхийлөгч асан Дийтр Ф.Угдорф ийн хуваалцсан.

Өөрсөдтэйгөө харилцах харилцаа гэж байдаг гэж бодохоор хачин санагдаж болох ч үнэхээр байдаг. Зарим хүн өөртэйгөө таардаггүй. Тэд бүр өөрсдийгөө үзэн ядаж эхэлтлээ бүх л өдөржингөө өөрсдийгөө шүүмжилж, өөртөө сэтгэл дундуур байдаг. Та бүхэнд би адгаж тэвдэхээ багасгаж, өөрсдийгөө илүү сайн мэдэж авахад цаг гаргахыг санал болгож байна. … Тэнгэрлэг Эцэг чамайг тэнгэрлэг чадавх бүхий Өөрийн хайртай охин, хүү гэж хардаг шиг өөрийгөө харж сур. (“Хамгийн чухал зүйлсийн тухай,” 2010 оны 10-р сарын Ерөнхий чуулган, 25)

Хэрэв би өөрийн бие махбодтой хамааралтай эрүүл бус сонголтуудтай тэмцвэл юу хийх ёстой вэ?

Арван хоёр төлөөлөгчийн чуулгын ахлагч Дэвид А.Бэднар ийн зөвлөжээ.

14:33

Бид энэ амьдралдаа төгс төгөлдөр байдалд хүрч чадахгүй ч нарийн бөгөөд шулуун замаар Христэд итгэн урагш тэмүүлж, мөнхийн хувь заяа руугаа тууштай өсөж хөгжиж чадна, ингэх ч ёстой. Их Эзэний сүнслэг өсөлтийн загвар бол “шат шатаар, дүрэм дүрмээр, энд бяцхан мөн тэнд бяцханыг” (2 Нифай 28:30) бидэнд өгөх юм. Их Эзэний биднээс хийгээсэй гэж хүсдэг алхмууд бол сүнслэг байдлын жижиг, тогтвортой, улам бүр нэмэгдүүлэх байдлаар сайжруулах арга зам юм. Бурханы өмнө гэм буруугүй алхахад бэлтгэх нь мөнх бус амьдралын үндсэн зорилгуудын нэг бөгөөд насан туршийн эрэл хайгуул билээ. Энэ нь сүнслэг байдлын эрчимтэй үйл ажиллагааны тохиолдлын огцом үсрэлтээс үүсдэггүй.

Аврагч биднийг хүчирхэгжүүлж; тасралтгүй, хурдтай өсөж хөгжихөд маань тусална гэдгийг би гэрчилж байна. (“Clean Hands and a Pure Heart,” Liahona, Nov. 2007, 82)

Нэмэлт суралцах үйл ажиллагаа

Эрүүл сонголтод туслах нэмэлт эх сурвалж

Та суралцагчдыг тараах материалыг судалж байхад нь Маяагийн асуултуудад хариулахад туслах нэмэлт эх сурвалжуудыг гаргаж өгч болно.

Эрүүл хооллох дадал хэвшил: “The Word of Wisdom: What It Is, What It Isn’t,” New Era, Aug. 2019, 26–27
Ensign, Aug. 2004, 58–59
“Blessings of the Word of Wisdom,” Liahona, Aug. 2021, 49

Бие махбоддоо санаа тавих нь бидний мэдрэмжид нөлөөлдөг

Хувийн ариун цэврээ хэрхэн сахих сонголт бидний бие махбод, сэтгэл санааны мэдрэмжид хэрхэн нөлөөлдөг талаар илүү сайн ойлгож авах нь суралцагчдад тустай байж болох юм. Дараах асуулт нь тараах материалын үйл ажиллагааны үеэр тавих нэмэлт асуулт байж болно.

Хувийн ариун цэвэр миний мэдрэмжид хэрхэн нөлөөлдөг вэ?

Сургаал ба Гэрээнүүд 42:41
2 Коринт 7:1
“Гадаад төрх байдлын ерөнхий жишиг,” Есүс Христийн шавь нарт зориулсан номлогчийн жишиг, 4.9.2

Ерѳнхийлѳгч Гордон Б.Хинкли (1910–2008) ийн заасан.

Бие махбод, оюун санааны хувьд цэвэр ариун бас цэмцгэр хувцасласан залуу эмэгтэй ямар үзэсгэлэнтэй гээч. Тэр бол Мөнхийн Эцэгийнхээ бахархаж чадах Бурханы охин юм. Цэмцгэр хувцасласан залуу ямар царайлаг гээч. Тэр бол Бурханы ариун санваарыг атгахуйц зохистой гэж үнэлэгдэх Бурханы хүү билээ. (“A Prophet’s Counsel and Prayer for Youth,” Liahona, Jan. 2001, 2)

Бидний бие махбодын ач холбогдол

Бидний бие махбод бол Тэнгэрлэг Эцэгийн төлөвлөгөөний нэг хэсэг гэдэг үнэнийг батлахад туслахын тулд та дараах видеог үзүүлж болно.

2:48
Lawrence E. Corbridge, “Inspiring Short: The Miracle of the Ordinary” (3:00)

Дараа нь суралцагчдаас бие махбоддоо анхаарах нь Тэнгэрлэг Эцэгийн төлөвлөгөөний нэг хэсэг болох бидний бүтээлийг бүрэн хэмжээгээр хэрэгжүүлэхэд бидэнд хэрхэн тусалдаг талаар асуу.