Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гансрал гуниг, сэтгэл гутралыг даван туулах: Есүс Христ бидний уй гашуу, өвчин шаналлыг үүрэх болно

“Гансрал гуниг, сэтгэл гутралыг даван туулах: Есүс Христ бидний уй гашуу, өвчин шаналлыг үүрэх болно,” Хуучин Гэрээний семинарын багшийн гарын авлага (2026)

“Гансрал гуниг, сэтгэл гутралыг даван туулах: Есүс Христ бидний уй гашуу, өвчин шаналлыг үүрэх болно,” Хуучин Гэрээний семинарын багшийн гарын авлага

Бие махбод, сэтгэл санааны эрүүл мэнд: 185-р хичээл

Гансрал гуниг, сэтгэл гутралыг даван туулах

Есүс Христ бидний уй гашуу, өвчин шаналлыг үүрэх болно

Artwork entitled "Healer" by Lightweave. Jesus Christ stands with his arms outstretched and comforting and elderly woman.

Тэнгэрлэг Эцэг энэ мөнх бус амьдралд гансрал гуниг, цөхрөл, урам хугаралт, сэтгэл гутралд орох мөчүүд байна гэдгийг мэдэж байсан. Тэр Өөрийнх нь хүч чадал бидэнд амралтыг олоход тусална хэмээн амлаж, бидний зовох бүх зүйлийг туулуулж мэдрүүлэхийн тулд Хүүгээ илгээсэн билээ (Maтай 11:28–30-ийг үзнэ үү). Энэ хичээл нь Тэнгэрлэг Эцэг, Есүс Христ хоёр гансрал гуниг, сэтгэл гутралын мэдрэмжийг даван туулахад хэрхэн туслах талаар ойлгоход суралцагчдад тусална.

Суралцагчийн бэлтгэл: Хэн нэгэнд гансрал гуниг, сэтгэл гутралд орохдоо Тэнгэрлэг Эцэг, Есүс Христ хоёрт анхаарлаа төвлөрүүлэхэд нь туслах нэг судар эсвэл Сүмийн удирдагчийн эшлэлийг олохыг суралцагчдаас хүс. Тэд ангийнхантайгаа судраа хуваалцахад бэлдэж болно.

Боломжит суралцах үйл ажиллагаа

Бидний амьдралын ачаа дарамт

Жич: Та энэ хичээлийг заахын тулд сэтгэцийн эрүүл мэндийн мэргэжилтэн байх шаардлагагүй. Тэнгэрлэг Эцэгийн удирдамжийг авахаар залбирч, хичээлийн материалуудыг дагаж мөрдөн, Ариун Сүнсэнд итгээрэй. Хэрэв суралцагчид тулгарч буй хувийн асуудлаа хуваалцах юм уу таны хариулж чадахгүй зүйлийн талаар асуувал Тэнгэрлэг Эцэг, Есүс Христ хоёр тэдэнд хайртай гэдгийг батлан хэл. Эцэг эх, Сүмийн удирдагчид, сургуулийн зөвлөхүүд эсвэл сэтгэцийн эрүүл мэндийн бусад мэргэжилтнээс нэмэлт зөвлөгөө авахад нь тэднийг урамшуулан дэмж.

Уулын жимээр алхаж яваа явган аялагчдын зургийг үзүүлэн хичээлээ эхлүүл. Энэ нь дэлхий дээрх аялалтай хэрхэн адил байж болох талаар суралцагчдыг хооронд нь ярилцуул. Дараа нь нэг явган аялагч аяллынхаа туршид хүнд үүргэвч үүрч явах ёстой байсан гэж төсөөлөхийг суралцагчдаас хүс.

Хүнд үүргэвч аяллын хүнд бэрх нөхцөл байдлыг хэрхэн хүндрүүлж болох вэ? Энэ нь хэрхэн адислал болж болох вэ?

Та өнөө үед өсвөр насныхны тээж явж байж болох сэтгэл хөдлөлийн “үүргэвч” доторх зарим зүйлээсээ хуваалцахыг суралцагчдаас хүсэж болно. Суралцагчдыг хуваалцсаны дараа, энэ хичээл нь бидний зарим үед амьдралын туршид тээж явдаг гансрал гуниг эсвэл сэтгэл гутралын мэдрэмж дээр төвлөрнө гэдгийг тайлбарла.

Гансрал гуниг, сэтгэл гутрал зэрэг анхаарал татсан сэтгэл хөдлөлүүд бидний мөнх бус амьдралын аяны энгийн хэсэг юм. Хүнд үүргэвчтэй адил хүнд мэдрэмжүүд аян замыг маань хэцүү болгож мэдэх ч эдгээр мэдрэмж нь бидэнд зовж зүдэрч байгаа бусад хүнийг мэдэрч, өрөвдөх сэтгэлээр хандахад тусалдаг.

Одоо эсвэл өмнө нь мэдэрч байсан гансрал гуниг, сэтгэл гутралын мэдрэмжүүд таны амьдралд хэрхэн нөлөөлж байж болохыг судлах тэмдэглэлдээ бичээрэй.

Есүс Христ бидний яг юу мэдэрч байгааг мэддэг

Аврагч бүхий л хэцүү мэдрэмжийг даван туулахад бидэнд тусалж чадна хэмээн эртний болон өнөө үеийн бошиглогчид заасан гэдгийг суралцагчдад сануул.

Исаиа 53:3–5 болон Алма 7:11–12-ыг уншиж, биднийг гунигтай, сэтгэлээр унасан эсвэл гутарсан үед тусалдаг Аврагчийн хүч чадлын тухай үнэнийг олж мэдээрэй.

Ямар үг эсвэл хэллэг танд онцгой санагдсан бэ?
Сэтгэл санааны ийм хүнд ачааг дааж давах гэж зүдэрч байгаа хэн нэгэнд энэ нь хэрхэн тус болох вэ?

Тэнгэрлэг Эцэгийн хүүхдүүд энэ амьдралд зовох болно гэдгийг мэдсэн учраас ерөнхийлөгч Рассэлл М.Нэлсон ийн хэлжээ.

Есүс Христ та нарыг эдгээж болохын тулд Түүнд ирэгтүн! хэмээн би та нараас гуйж байна. Тэр та бүхний гуниг зовлон, айдсыг мөн энэ дэлхийн шарх сорвийг эдгээх болно.

Танд ямар ч асуудал тулгарсан бай хариулт нь үргэлж Есүс Христийн амьдрал, сургаалаас олддог билээ. Түүний Цагаатгал, хайр, нигүүлсэл, сургаал хийгээд эдгээлт, өсөлт хөгжлийн сэргээгдсэн сайн мэдээнийх нь талаар илүү ихийг сурч мэд. Түүнд ханд! Түүнийг дага! (“Хариулт нь үргэлж Есүс Христ байдаг,” Лиахона, 2023 оны 5-р сар, 127–128)

Та гансрал гуниг, харуусал зэрэг ачаа дарамтыг даван туулах талаарх Исаиа, Алма, ерөнхийлөгч Нэлсон нараас сурсан зүйлээ хэрхэн нэгтгэн дүгнэх вэ?

Суралцагчдын хуваалцаж болох бусад зүйлээс гадна Биднийг Аврагч руу ирэх үед Тэр бидэнд гансрал гуниг, харууслын ачааг үүрэхэд тусална гэх мэт үнэнийг олж тогтооход тэдэнд тусал.

“Есүс Христ нас барсан учраас …” Come Unto Christ Фэйсбүүк видеог (1:06) эсвэл ComeUntoChrist/facebook.com-оос “Rise” (1:42) видеог үзүүлэх нь суралцагчдад тустай байж болох юм.
Гансрал гуниг, урам хугаралт, сэтгэл гутралд орсон үедээ Аврагчийн тусламжийг эрэлхийлж буй хэн нэгний хувьд “Түүнд ирэх,” “Түүн рүү эргэх,” “Түүнийг дагах” гэдэг нь ямар утгатай байж болох вэ?
Энэхүү үнэнийг ойлгох нь эдгээр мэдрэмжтэйгээ тэмцэж байгаа хэн нэгэнд хэрхэн тусалж чадна гэж та бодож байна вэ?

Гансрал гуниг, уй гашуу эсвэл сэтгэл санааны бусад ачаа дарамтаа даван туулах үед Аврагчийн туслах арга замуудыг олж мэдэхэд тус болох Ариун Сүнсийг уриарай.

Бид Аврагчийн тусламжтай даван туулж чадна

Elijah sitting among rocks with a ray of light shining on him.

Сэтгэл санааны cорилтуудыг даван туулахад бидэнд тусалдаг Аврагчийн арга замуудыг тодорхойлоход бошиглогч Елиагийн түүх бидэнд тусалж чадна.

Уулын бэлд ганцаараа байгаа Елиагийн зургийг үзүүл. Тухайн түүхээс дараах хэсгүүдийг сонсож байх хооронд, ижил төстэй нөхцөл байдалд юу мэдэрч болох байснаа төсөөлөхөд суралцагчдыг урь.

Елиаг Кармел уулан дээр Баалын хуурамч бошиглогчдод шийтгэл үзүүлсний дараа (1 Хаад 18-ыг үзнэ үү), хорон санаат хатан Иезебел Кармелыг алахыг завджээ. Цөл рүү ганцаараа зугтсан Елиад Их Эзэн сэрэмжлүүлэв (1 Хаад 19:1–3-ыг үзнэ үү).

Ийм нөхцөл байдалд танд ямар мэдрэмж төрж болох байсан бэ?

1 Хаад 19:4-ийг уншаад, Елиад ямар мэдрэмж төрснийг олж мэдээрэй.

Тэнгэрлэг Эцэг, Есүс Христ хоёр танд болон таны мэддэг хэн нэгэнд сэтгэл санааны ачаа дарамтаа даван туулахад өөр ямар арга замаар тусалж байхыг та харсан бэ?

Гансрал гунигт автаж эсвэл сэтгэл гутарсан үедээ Тэнгэрлэг Эцэг, Есүс Христ хоёрт найдахад тусалдаг дуртай нэг судар, дуулал эсвэл зургийг хуваалцахад суралцагчдыг урих талаар бодож үз.

1 Хаад 19:4 дээр өөрийгөө гэмтээх эсвэл амиа хорлохтой холбоотой асуултууд гарч ирж болно. Эдгээр сэдвийг үргэлж нухацтай авч үзэж байвал зохино. Мэдэрч байгаа зүйлээ хэн нэгэнд хэлэх үед Есүс Христэд итгэх итгэлээр үйлдэж байгааг нь суралцагчдад сануул. Сэтгэл гутралд орох, амиа хорлохоос урьдчилан сэргийлэх тухай нэмэлт эх сурвалжуудыг Gospel Library, энэ гарын авлагын онлайн хувилбарын Нэмэлт суралцах үйл ажиллагаа зэргээс олж үзэж болно.

Та мэдэрсэн зүйлсээ хуваалц

Жич: Их Эзэний зөөлөн, хайраар дүүрэн, байнгын халамж байдаг ч гэсэн заримдаа хэцүү мэдрэмжүүд үлддэг гэдгийг ойлгоход суралцагчдад туслаарай. Заримдаа бидний сэтгэл гутрал Аврагчийн хайрыг мэдрэх эсвэл Ариун Сүнсний тусламжийг ойлгоход саад учруулж болно.

Судлах тэмдэглэл дээрээ дараах асуултуудаас нэг эсвэл хэд хэдийг сонгож бич.

Гунигтай эсвэл гутарсан үедээ Тэнгэрлэг Эцэг, Есүс Христ хоёрт найдахад тань туслах өнөөдрийн сурсан эсвэл мэдэрсэн зүйлээ жагсаан бичээрэй.
Гунигтай эсвэл гутарсан үед өөрт чинь тус болох судрын хэсгийг бич (жишээ нь: Исаиа 53:3–5; Дуулал 34:18; эсвэл Aлмa 7:11–12 гэх мэт). Судрын энэ хэсэгт гардаг үгс болон хэллэгүүд Тэнгэрлэг Эцэг, Есүс Христ хоёртой ойр байхад тань хэрхэн тусалж чадах вэ?
Хэрэв танд гунигтай эсвэл сэтгэл гутралд орсон найз байдаг бол та тэр хүнийг Тэнгэрлэг Эцэг, Есүс Христ хоёрын тухай юуг ойлгож аваасай гэж хүсэж байна вэ? Бас та өнөөдөр юу сурсан бэ? Хуваалцах байсан зүйлсээ бичнэ үү.

Нэмэлт эх сурвалж

Аврагч надад ямар байгааг мэдэх үү?

Арван хоёр төлөөлөгчийн чуулгын ерөнхийлөгч, ахлагч Жэффри Р.Холланд бидэнд ийн сануулжээ.

Чамтай чацуу сая сая хүн дундаас Есүс зөвхөн чамд туслахыг хүсэж байна гэдэгт итгэхэд бэрх санагдаж байгаа байх. Чамд туслахаас илүү өөр чухал ажил Түүнд байгаа биз хэмээн бодоход хүрвэл Түүний тэрхүү цэцэрлэгт, мөн өнөөх загалмай дээр байсан үеийг санаарай. Чамайг үнэ цэнтэй гэдгийг Тэр мэдэх учраас Тэр чиний төлөө “зовж, цусаа урсган, хальсан.” Тэр одоо ч үүнийг мэддэг. Тэр яг одоо, мөн үүрд мөнхөд чамд туслахыг дэндүү ихээр хүсэж, зорьж, мөн туслахад бэлэн байгаа. “Над дээр ир” хэмээх амьдралыг өөрчлөгч Түүний урилгыг хүлээн авах бүрд чинь Тэр чамайг хүчирхэгжүүлэхийн тулд Өөрийн амийг өгсөн (Матай 11:28). (“Есүс Христэд хүч чадлыг олох нь,” Өсвөр үеийнхний бат бөх байдлын төлөө, 2024 оны 3-р сар, 5)

Арван хоёр төлөөлөгчийн чуулгын ахлагч Үлиссэс Соарэс ийн хэлсэн.

Аврагч мөнх бус амьдралын хүнд хэцүү нөхцөл байдлын аливаа нөлөөг хэн бүхнээс илүү арилгаж чадна. Зарим нэг тохиолдолд бид бие махбодын хувьд өвдөлт эсвэл өвчнөөсөө тэр даруй эдгэхгүй байж болох ч өөрсдийн дээр ирсэн ачаа дарамтыг даван гарах хүч чадал, ойлголт, тэвчээрийг хүлээн авснаар сүнслэг байдлын хувьд эдгэрч чадна. Тийм учраас бид зүрх сэтгэлээ Аврагч руу хандуулах аваас Тэр бидний амьдралд гайхамшгуудыг тохиолгох болно. (“Эцэс төгсгөлгүй сорилтууд” [2024 оны 2-р сарын 18-ны залуучуудад зориулсан дэлхий даяарх онцгой цугларалт], broadcasts.ChurchofJesusChrist.org)

Би уйтгар гуниг, сэтгэл гутрал, амиа хорлохоос сэргийлэх талаар хаанаас илүү ихийг мэдэж авч болох вэ?

“Сэтгэл гутралыг даван туулах нь”
“Гашуудаж буй хүмүүстэй хамт гашууд: Найдвар тусалдаг” (цагийн код 2:20-оос 5:55 хүртэл)

11:48
“Амиа хорлохоос сэргийлэх ба тохинуулал,” ChurchofJesusChrist.org

Нэмэлт суралцах үйл ажиллагаа

Аврагч харууслыг мэдэрсэн

“Та хэзээ уйлсан бэ, яагаад?” гэсэн асуултыг самбар дээр бичиж хичээлээ эхлүүлээрэй. Суралцагчдад санаанд орж ирсэн туршлагынхаа талаар тунгаан бодох хэдэн хором гаргаж өг. Сударт Аврагчийн уйлж буй хэд хэдэн жишээ байдгийг ангийнханд сануул. Дараа нь дараах зургуудыг үзүүл.

Дараах судрын шүлгүүдээс нэгийг сонгож, Аврагчийн талаар бид юу сурсныг олж мэдэхэд суралцагчдыг урь. Аврагчийн туршлагын хам сэдвийг ойлгохын тулд бүлгийн гарчгийг унших нь тустай байж магадгүй.

Иохан 11:32–35
Матай 26:36–39
3 Нифай 17:14–16

Сурсан зүйлээ хамтрагчтайгаа эсвэл жижиг бүлэг дотроо хуваалцахад суралцагчдыг урь. Хэрэв та суралцагчдад өөрсдөө эсвэл тэдний таньдаг хэн нэгэн хэт их гуниглан, нэмэлт тусламж хэрэгтэй байгааг мэдэх нь тэдэнд тустай байх болно гэж бодож байвал дараах зүйлийг хуваалцаж болно.

Илүү их гансарч гуниглах үед

Гашуудаж буй хүмүүсийг ойлгож энэрэх нь

Зовж шаналж байгаа хэн нэгэнд ямар арга замуудаар тохинуулж болох талаар ярилцах нь суралцагчдад илүү тустай байж болох юм. Аврагчийн үлгэр жишээг дагаснаар бид хайрыг хамгийн түрүүнд харуулдаг гэдгийг хуваалцаарай.

Иов 2:11–13-ыг уншуулаад, энэ нь гуниглаж эсвэл зовж шаналж байгаа хүмүүсийг халамжлах талаар бидэнд юу зааж байгааг олж мэдэхэд суралцагчдыг урь.

Бид тухайн хүнд яг ямар байгааг бүрэн мэдэхгүй учраас (бид ижил төстэй зүйлийг туулж байсан ч) хайр, өрөвдөх сэтгэлийг (энэрэх сэтгэл) харуулсан мэдэгдлүүдийг хуваалцахыг бод. Та зовж шаналж байгаа хэн нэгэнд хариу өгөх дадлагыг суралцагчдаар хийлгэж болно.

Дараахтай адил мэдэгдлүүд энэрэх сэтгэлийг ойлгоход тусалдаг.

“Би юу хэлэхээ мэдэхгүй ч олон хүн, түүний дотор би чамайг хайрладаг гэдгийг чамайг мэдээсэй гэж хүсэж байна.”
“Хэрэв та хүсэхгүй байвал заавал ярих шаардлагагүй, гэхдээ би сонсоход бэлэн.”
“Нэг өдөр эсвэл өөр цаг мөчид эсвэл хожим хойно гээд өөр өөр цаг мөчид янз бүрийн мэдрэмж төрөх нь хэвийн зүйл.”
“Ямар нэг зүйлийг мэдрэх ганц зөв арга зам гэж байдаггүй. Сэтгэл хөдлөлөө зүгээр л байгаагаар нь мэдрээрэй.”
“Би чамд хайртай, чиний төлөө залбирч байна.”

Иовыг зовж шаналж байх үед найзууд нь эхэндээ сайн хариу үйлдэл үзүүлсэн ч дараа нь түүнд төдийлөн тус болоогүй гэдгийг суралцагчидтай хуваалцаарай (Иов 4-ийг үзнэ үү).

Сайн санааны үүднээс хэлсэн зарим үг уй гашууд автаж байгаа хүнд тус болохгүй гэдгийг ойлгоход суралцагчдад тусал. Та дараахтай адил тус нэмэр багатай байж болох үгсийг авч үзэж болно. Үүнд:

“Энэ бол Бурханы төлөвлөгөөний нэг хэсэг.”
“Ядаж л …” (“Ядаж л тэд зовоогүй.”)
“Чи ингэх тэгэх ёстой …” эсвэл “Чи ингэх тэгэх болно…”
“Надад ч бас ийм зүйл тохиолдсон.”
“Цаг хугацаа өнгөрөх тусам байдал сайжирна.”

Уй гашууд автсан хүмүүст тохинуулах талаар нэмэлт тусламж авахыг хүсвэл ChurchofJesusChrist.org дээрх Зөвлөгөө өгөх эх сурвалж дахь “Уй гашуу ба хагацал” гэсэн хэсгийг үзнэ үү.