Эрүүл бодлын хэв маягийг хөгжүүлэх

• Ямар бодол санаа бидэнд (нүхэнд) гацсан мэт мэдрэмж төрүүлж болох вэ? Ямар төрлийн бодол санаа бидэнд (замаар) урагшлахад тусалдаг вэ?

  Суралцагчид “Чи намайг уурлуулчихлаа” гэх мэт бодол тэднийг гацаанд оруулдаг гэж дурдаж болно. “Би дахин оролдоод үзье” гэж бодох нь тэднийг урагшлахад тусалж чадна.

• Хэн нэгэн хүн буруу эсвэл ашиггүй бодол санаанаас үүдэн ямар шийдвэрүүд гаргадаг вэ?

Таны бодол санаа таны үйлдлүүдэд хэрхэн нөлөөлж байгааг олж мэдэхдээ туслалцаа авахын тулд Сүнсийг урих цаг гарга. Судлах явцдаа та буруу эдгээр бодлын хэв маягийг даван туулахын тулд юу хийж болохоо мэдэхээр сүнслэг нөлөөг эрэлхийл.

Исаиа 26:3–4

Иаков 3:1–2

Сургаал ба Гэрээнүүд 6:23, 36–37

• Бид оюун бодлоо (бодол санаа) Есүс Христ дээр төвлөрүүлснээр ямар адислалууд хүлээн авах боломжтой вэ?

  Та дараах зарчмыг самбар дээр бичиж болно. Бид оюун бодлоо Есүс Христ дээр төвлөрүүлбэл Тэр бидэнд амар амгалан, хүч чадлыг өгөх болно.

  Оюун бодлоо Түүнд төвлөрүүлэхэд Аврагч тэдэнд тусалж чадна гэдэгт итгэх суралцагчдын итгэлийг нэмэгдүүлэхийн тулд та ахлагч Андэрсэны хэлсэн доорх үгийн оронд “Есүс Христийн хүчээр оюун бодлоо дүүргэх нь” (2:07) видеог үзүүлж болно.

  

  2:7

• Оюун бодлоо Есүс Христ дээр төвлөрүүлэх нь бидэнд амар амгалан, хүч чадлыг хэрхэн өгдөг гэж та бодож байна вэ?

Арван хоёр төлөөлөгчийн чуулгын ахлагч Нийл Л.Андэрсэн бидэнд оюун бодлоо Есүс Христ дээр хэрхэн төвлөрүүлэх талаар хуваалцсан.

13:25

Оюун бодлоо Есүс Христийн хүчээр дүүргэнэ гэдэг нь Түүнээс өөр юу ч бодохгүй байна гэсэн үг биш. Харин энэ нь бидний бүх бодол Түүний хайр, амьдрал, сургаал, цагаатгагч золиослол, алдар суут Амилалтаар зааглагдана гэсэн үг юм. Түүний талаарх бодол үргэлж ойрхон байдаг бөгөөд бид ‘[өөрсдөдөө байгаа] алив бүхнээрээ түүнийг бишрэн шүтдэг’ учраас Есүс хэзээ ч санааны мухраас гардаггүй! Бид залбирч, биднийг Түүн рүү ойртуулсан үйл явдлыг оюундаа давтан боддог. Бид өдөр тутмын завгүй амьдралын урсан өнгөрөх тоо томшгүй олон бодлоо хөнгөлөхийн тулд бурханлаг дүр зураг, ариун судар, сүнслэг нөлөө бүхий дууллуудыг оюундаа уриалгахан хүлээн авдаг. Түүнийг гэсэн бидний хайр энэ мөнх бус амьдралын уйтгар, гунигаас биднийг хамгаалдаггүй, харин энэ нь саад бэрхшээлийг өөрсдийнхөөсөө хавьгүй илүү хүч чадлаар даван туулах боломжийг олгодог. (“Миний оюун Есүс Христийн талаарх энэхүү бодол дээр тогтон тунгаасан,” Лиахона, 2023 оны 5-р сар, 91–94) (цагийн код 3:50-аас 5:02 хүртэл)

• Ахлагч Андэрсэны зөвлөмжүүдээс аль нь танд онцгой санагдаж байна вэ?

• Зураг, судар, ариун хөгжим танд болон таны таньдаг хэн нэгэнд Есүс Христ дээр анхаарлаа төвлөрүүлэхэд хэрхэн тусалсан бэ?

Бидэнд ашиггүй бодол төрвөл бид:

1. Бодол санаа, үүнээс үүдэлтэй сэтгэл хөдлөлийг олж мэдэж болно.

2. Бодлоо өөрчилж болно.

3. Есүс Христэд итгэн урагшилж болно.

Тони математикийн хичээл дээр бусад сурагчийн ойлгочихсон зүйлийг ойлгох гэж зүдэрч байв.

Тони сургуулиасаа ирэхэд эцэг эх нь өрөөгөө цэвэрлэхгүй бол утсыг нь хурааж авна гэж анхааруулжээ.

Тэр орой Тони ихэнх найз нь уригдсан үдэшлэгт өөрөө уригдаагүй болохоо олж мэджээ.

• Тони өдөржин юуны талаар бодож байсан байж болох вэ?

  Суралцагчдын хариулж болох арга замуудыг доор өгөв. Хаалтад буй нь нийтлэг байдаг буруу бодлын хэв маягийн тодорхойлолт юм. Та эдгээрийн талаар Их Эзэнээр дамжуулан хүч чадал олж авах нь: Сэтгэлийн тэнхээтэй байх, “Эрүүл бодлын хэв маяг: Суралц” номоос илүү ихийг сурч болно.

  • “Би математикт сайн биш. Хүн бүр надаас илүү ухаантай.” (Буруу тодорхойлох)

  • “Аав ээж хоёр маань намайг юуг зөв хийснийг надад хэзээ ч хэлдэггүй. Тэд үргэлж надад юуг илүү сайн хийх хэрэгтэй вэ гэдгийг хэлдэг.” (Бүхэлдээ эсвэл огт үгүй)

  • “Найзууд маань надад дургүй.” (Шууд дүгнэх)

  • “Өнөөдөр ямар ч сайн зүйл болсонгүй. Нэг бүтэлгүйтлээс нөгөө рүү гээд үргэлжилсэн.” (Оюун санааны сөрөг шүүлтүүр; Эерэг зүйлийг үл тоомсорлох)

• Тони ийм бодол санаатай байснаар түүнд ямар мэдрэмж төрж болох вэ?

• Тони сэтгэл хөдлөлийнхөө улмаас ямар ашиггүй арга замуудад хөтлөгдөж болох вэ?

Тодорхойлох

Бодол санаагаа өөрчлөх гэдэг нь ямар нэг ашиггүй бодол төрөхөд бид түүнийг өөр өнцгөөс үнэлж дүгнэнэ гэсэн үг. Бид дараах асуултуудыг тавьснаар ийн үйлдэх боломжтой.

• Энэ бодол зөв үү?

• Энэ ашиг тустай юу?

• Тэнгэрлэг Эцэг, Есүс Христ болон Тэдний сургаалын тухай бодох нь энэ бодол санаанд минь хэрхэн тусалж болох вэ?

Загварчлах

Өөрийгөө Тони гэж бодоод, “Би математикт сайн биш” гэж бодож байгаагаар төсөөл.

Дараах асуултуудад хариулж, Тонид энэ бодлоо өөрчлөхөд нь туслаарай.

• Энэ бодол зөв үү?

• Энэ ашиг тустай юу?

• Тэнгэрлэг Эцэг, Есүс Христ, Тэдний сургаалын тухай бодох нь энэ бодол санаанд минь хэрхэн тусалж болох вэ?

Та Тонигийн бодлыг дараах байдлаар өөрчилж болно. “Энэ бодол надад тус болохгүй (яг одоо зөв ч гэсэн). Тэнгэрлэг Эцэг миний залбиралд хариулна гэж амласан гэдгийг би мэднэ. Би Түүнээс тусламж гуйн залбирч болно. Багш маань надад тусална, би ч бас илүү их ажиллах боломжтой.”

• Тони өөр ямар арга замуудаар бодлоо өөрчилж болох вэ? Тэр Христэд итгэн урагшлахын тулд юу хийх боломжтой байсан бэ?

Дадлага

Асуултуудад хариулж, өөрчлөгдөх чадварыг суулгахын тулд Тонигийн аль нэг бодлыг сонго.

1. Таньж мэд. Танд өмнө нь төрж байсан эсвэл ирээдүйд төрж болох сөрөг эсвэл ашиггүй бодол санааг нүхэн дэх бодол санааны бөмбөлөг дотор бич. Тэр үед ямар мэдрэмж төрж байгааг тодорхойл.

2. Бодлоо өөрчил. Тухайн бодол санаагаа өөрчлөхөд туслах дараах асуултуудыг өөртөө тавь. Та хариултуудыг шатны хажууд бичиж болно.

   • Энэ бодол зөв үү? Энэ ашиг тустай юу?

   • Тэнгэрлэг Эцэг, Есүс Христ, Тэдний сургаалууд дээр төвлөрөх нь энэ бодол санаанд надад хэрхэн тусалж болох вэ?

3. Есүс Христэд итгэн урагшил. Нүхний гаднах бодол санааны бөмбөлөг дотор Есүс Христэд итгэн урагшлахад тань туслах шинээр төрсөн бодол санаагаа бичнэ үү. Бодол санаагаа удирдахын тулд судар эсвэл дуулал бичиж, зураг олж, Христэд анхаарлаа төвлөрүүлж болох өөр арга замуудыг жагсааж бич (Исаиа 26:3–4; Сургаал ба Гэрээнүүд 6:36).