Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Их Эзэнээр дамжуулан сэтгэлийн тэнхээтэй болох: Аврагч бидэнд илүү сэтгэлийн тэнхээтэй болоход тусалж чадна

“Их Эзэнээр дамжуулан сэтгэлийн тэнхээтэй болох: Аврагч бидэнд илүү сэтгэлийн тэнхээтэй болоход тусалж чадна,” Хуучин Гэрээний семинарын багшийн гарын авлага (2026)

“Их Эзэнээр дамжуулан сэтгэлийн тэнхээтэй болох: Аврагч бидэнд илүү сэтгэлийн тэнхээтэй болоход тусалж чадна,” Хуучин Гэрээний семинарын багшийн гарын авлага

181-р хичээл: Бие махбод, сэтгэл санааны эрүүл мэнд

Их Эзэнээр дамжуулан сэтгэлийн тэнхээтэй болох

Аврагч бидэнд илүү сэтгэлийн тэнхээтэй болоход тусалж чадна

A young boy shielding himself from flying objects.

Та нар өөрт тулгарсан сэтгэл санааны асуудлууддаа хэр сайн дасан зохицдог вэ? Хүнд хэцүү мэдрэмж төрөх нь амьдралын ердийн салшгүй хэсэг юм. Биднийг Тэнгэрлэг Эцэг, Есүс Христ хоёрын хүч, чадалд найдах үед ийм мэдрэмжийг итгэлтэй даван туулах бидний чадвар өсөн нэмэгддэг. Энэ хичээл сэтгэл санааны асуудлаа даван туулахад туслах хүч чадлыг Тэнгэрлэг Эцэгээс болон Есүс Христээс авахад суралцагчдад тусална.

Суралцагчийн бэлтгэл: Суралцагчдаас сэтгэл санааны хүнд хэцүү үеэ хэрхэн даван гарсан туршлагынхаа талаар бодохыг эсвэл мэддэг хүнээсээ ийм туршлагынх нь талаар асуухыг хүс. Тохиромжтой бол тэд туршлагаа ангийнхантайгаа хуваалцахаар бэлтгэж болно.

Боломжит суралцах үйл ажиллагаа

Бидний амьдрал дахь шуурга

Fallen tree and rootball in yard after tornado destruction in Albany, Georgia, USA, January 2017. (horiz)

Cutaway showing the roots of a tree growing in windy conditions.

Хичээлээ эхлэхдээ шуурганд үндсээрээ сугарч унасан мод, газарт бат бөх урган хэвээр үлдсэн модны зургийг үзүүл. Та мөн ангийн бусад суралцагчийг судлах тэмдэглэл дээрээ мод зурж байх хооронд самбар дээр мод зурахад нэг суралцагчийг урьж болно. Модны зүүн талд өсвөр насныханд тулгардаг хэцүү сэтгэл хөдлөлийг жагсаан бичихийг суралцагчдаас хүс.

Сэтгэл хөдлөл бол өдөр тутмын үйл явдлуудад үзүүлж буй бие махбодын хэвийн хариу үйлдэл юм. Заримдаа эдгээр мэдрэмж нь зуны сэвшээ салхи шиг хөнгөн бөгөөд зохицуулахад хялбар байдаг. Заримдаа бид шуурга мэт хэцүү сэтгэл хөдлөлтэй тулгардаг.

Шуурганд нэрвэгдсэн модны үндэс ихэвчлэн илүү хурдан, зузаан ургаж, хол тархсан байдаг нь модны тэсэж үлдэх чадварыг өсгөн нэмэгдүүлдэг. Салхи хүчтэй нүдэх үед мод их бие, мөчрүүдээ зузаан болгодог эсийн бүтцийг бий болгодог. Үүнтэй адилаар Аврагчийг дагаж, хүчирхэг сэтгэл хөдлөлийн агшинд хариу үйлдэл үзүүлж сурах нь бидний эцсээ хүртэл тэвчих чадварыг хүчирхэгжүүлэх болно.

Өмнө нь та нарт тулгарч байсан эсвэл одоо тулгарч байгаа сэтгэл хөдлөлийн шуурганы заримыг судлах тэмдэглэлдээ бич.

Арван хоёр төлөөлөгчийн чуулгын ахлагч Нийл Л.Андэрсэн амьдралын шуурганы талаар ярихдаа ийн заасан.

15:55

Та нар Бурханы хувьд модноос хамаагүй үнэ цэнтэй билээ. Та нар Түүний хүү, охин нь юм. Тэрээр та нарын сүнсийг хүчтэй мөн амьдралын хар салхинуудад сэтгэлийн хаттай байх чадавхтай бүтээсэн. Зулзган модыг хүчирхэгжүүлдэг салхи шиг, өсвөр насанд чинь тохиолдсон хар салхинууд та нарыг ирээдүйн амьдралд бэлтгэн, сүнслэг хүч чадлыг тань өсгөн нэмэгдүүлж чадна. (“Сүнслэг шуурганууд,” 2014 оны 4-р сарын Ерөнхий чуулган, 33)

Ахлагч Андэрсэны захиас сэтгэлийн шуурганы дарамт мэдэрч буй өсвөр насны хүүхдэд хэрхэн тусалж болох вэ?

Эдгээр шуургыг даван туулах чадварыг сэтгэлийн тэнхээ гэж нэрлэдэг болохыг хуваалц. Мөн жилийн турш суралцагчид сэтгэлийн тэнхээгээ дээшлүүлэхэд туслах ур чадварт суралцах болно гэдгийг та хуваалцаж болно.

Сэтгэлийн тэнхээгээ дээшлүүлэх нь төрж буй хэцүү бодол, мэдрэмжээ даван туулах тохиромжтой арга замуудыг хөгжүүлэхэд бидэнд тусалдаг. Биднийг ийнхүү мэдрэхэд мөн Тэнгэрлэг Эцэг, Есүс Христ хоёр биднийг нэмэлт тусламж эрэлхийлэхэд өдөөх үед Тэд биднийг хэрхэн хүчирхэгжүүлж байгааг бид ойлгож чадна.

Энэ хичээлийг судлахдаа, сэтгэлийн шуургатай тулгарах үедээ Тэнгэрлэг Эцэг, Есүс Христ хоёроос тусламж хүсэх арга замыг олж тогтоохын тулд Ариун Сүнсийг урь.

Аврагч бидэнтэй хамт байж, биднийг хүчирхэгжүүлэхээ амласан

Их Эзэний хүчирхэгжүүлэх хүчний жишээг харахад нь суралцагчдад туслахын тулд Иошуагийн түүхийг хуваалц. Суралцагчид 61-р хичээл: “Иошуа 1” хичээл дэх Мосегийн дараа Израилыг удирдахаар Их Эзэнээр дуудагдсан Иошуагийн цэдгийг судалсан байж болох юм.

Мосегийн удирдлагаар шинэ үндэстнийг байгуулах үүрэг хариуцлагыг хүлээсэн бошиглогч, мөн цэргийн удирдагчийн үүргийг хүлээн авсан учраас Иошуа хүнд байдалд орсон.

Та Иошуагийн оронд байсан бол ямар сэтгэл хөдлөл мэдрэх байсан гэж бодож байна вэ?

Иошуа 1:1, 5–9-ийг уншаад, Иошуаг эдгээр бэрхшээлтэй нүүр тулах үед Их Эзэн түүнд юу амласныг олж мэд.

Амьдралын сорилт бэрхшээлийг даван туулахад бидэнд тус болох юуг бид сурч болох вэ?

Судлах тэмдэглэл дээрээ зурсан модны доор дараах өдөөлтүүдийг гүйцээж бич.

Сэтгэл санааны асуудлуудыг даван туулах чадвараа тодорхойлж хэл. Та өөрийгөө ямар сэтгэл хөдлөлөө сайн удирддаг гэж боддог вэ? Аль нь хэцүү хэвээр байна вэ?
Эдгээр мэдрэмждээ зориулан Их Эзэнээс тусламж авах чадвараа тодорхойлж хэл. Ямар амжилт гаргасан бэ? Найдаж байсан шиг нь үр дүнд хүрээгүй юуг хийх гэж оролдож үзсэн бэ?

Судруудыг тунгаан бодох нь Их Эзэний хүч чадлыг мэдрэхэд бидэнд тусална

Иошуа 1:8-ыг уншаад, Их Эзэнийг дагахад нь Иошуад юу туслах байсныг дахин олж мэд.

Та нар юу олж мэдсэн бэ?

Иошуаг сорилт бэрхшээлтэй тулгарах үед Их Эзэн түүнд өдөр шөнөгүй судруудыг (“хуулийн ном”) бясалга эсвэл тунгаан бод хэмээн хэлсэн гэдгийг онцолж болно (Иошуа 1:8-ыг үзнэ үү). Их Эзэнээс сэтгэлийн хүч чадлыг олж авах нэг арга зам нь судруудыг тунгаан бодох явдал гэдгийг онцлон хэл.
Их Эзэний үгсийг тунгаан бодох нь хэн нэгэнд сэтгэл санааны асуудлуудыг даван туулахад хэрхэн тусалж болох вэ?

Самбар дээрх сэтгэл хөдлөлүүдийг бичсэн жагсаалтыг хараад, эдгээр сэтгэл хөдлөлийг мэдэрч байгаа хүнд тусалж болох нэг юм уу түүнээс дээш судрын хэсгийг ол.

Төгс эзэмших сургаалын судрын хэсгүүд эсвэл Судруудын удирдамжаас “тайтгарал,” “амар амгалан,” “хүч чадал,” “найдвар” зэрэг үгсийг хайж байхдаа судруудыг олж болно. “… эдгээрийг мэдрэх үед зориулсан 12 судрын хэсэг” (Өсвөр үеийнхний бат бөх байдлын төлөө, 2024 оны 3-р сар, 41) өгүүлэл мөн тусалж болно. Суралцагчдыг судруудыг хуваалцаж байх хооронд модны баруун талд тэдний сонгосон сэтгэл хөдлөлийн хажууд буй судрыг жагсаан бич. Дараах нь суралцагчдын хуваалцаж болох жишээ юм.

Эцэж туйлдсан: Исаиа 40:28–31.

Айдас: Иохан 14:27

Түгшсэн: Илчлэл 21:3–5

Мартагдсан: Лук 12:6–7

Шантарсан: Исаиа 43:1–2, 5

Ганцаардсан: Сургаал ба Гэрээ 68:6

Түүний үгийг тунгаан бод

Суралцагчдад хэцүү сэтгэл хөдлөл туулж буй үедээ судруудыг тунгаан бодох дадлага хийхэд нь туслахын тулд дараах зүйлсийг үзүүл.

Самбар дээр жагсаан бичсэн сэтгэл хөдлөлөөс одоо мэдэрч байгаа эсвэл өмнө нь мэдэрч байсан сэтгэл хөдлөлийг сонго. Тухайн сэтгэл хөдлөлийн хажууд байгаа судрыг уншаад, дараах асуултуудтай адил асуултуудыг өөртөө тавин шүлгийн үгсийг тунгаан бод.

Ийм мэдрэмж төрөх үед ямар үг, хэллэг надад тустай байж болох вэ?
Энэ судар Их Эзэний хайр, хүчний тухай юуг ойлгоход надад тусалсан бэ?

Хангалттай хугацаа өнгөрсний дараа та суралцагчдыг сонгосон сэтгэл хөдлөл, тунгаан бодсон судраа болон Их Эзэний үгсийг эргэцүүлэн бодох нь Түүгээр дамжуулан илүү сэтгэлийн хүч чадалтай болоход яагаад тусална гэж мэдэрснээ хуваалцахад урьж болно.
Та нар эсвэл та нарын таньдаг хэн нэгэн хэзээ судрын хэсгийг тунгаан бодсоноор Тэнгэрлэг Эцэг, Есүс Христ хоёроос тайтгарал эсвэл хүч чадал олж авч байсан бэ?

Судрын хэсгээс Их Эзэний тайтгарал, хүч чадлыг мэдэрсэн туршлагаасаа хуваалцаж, хичээлээ өндөрлө. Сэтгэл санааны хувьд асуудалтай тулгарах үедээ Тэнгэрлэг Эцэг, Есүс Христ хоёрын хүчийг мэдрэхэд нь туслах судруудад үргэлжлүүлэн найдахад суралцагчдыг урь.

Нэмэлт эх сурвалжууд

Бид амьдралд тохиолдох сэтгэлийн шуурганд хэрхэн бэлтгэж болох вэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн заасан.

23:27

Тэнгэрлэг Эцэгийн гэтэлгэлийн төлөвлөгөө, ялангуяа энэ төлөвлөгөөний үндсэн хэсэг болох Есүс Христийн Цагаатгалын тухай ойлголт нь тайтгарал өгдөг. Энэ нь бидний яагаад оршин байдгийг мөн мөнх бус амьдрал дахь бидний зорилгыг мэдүүлснээр сүнслэг болон сэтгэлийн тэнхээг бүрдүүлж, хадгалдаг. Аврал, дэмжлэгийг хэнээс хайж болохыг бид дүрэм, жишээгээр заадаг. “Миний дотор та нар амар амгалан байг гэж Би та нарт энэ зүйлсийг хэллээ. Гэвч зоригтой байгтун. Би ертөнцийг ялсан гэж айлдлаа” хэмээх Аврагчийн үгийг зүрх сэтгэлдээ тээх боломж олго. Бидний гэрээ биднийг Түүнтэй холбодог бөгөөд Түүнтэй байснаар бид ч бас дэлхийг ялж чадна. (“Trust in God,” S&I Annual Broadcast, Jan. 26, 2024], broadcasts.ChurchofJesusChrist.org)

Сэтгэл хөдлөлөө зохицуулахын тулд бид Есүс Христэд найдаж сурах нь яагаад хэрэгтэй вэ?

Арван хоёр төлөөлөгчийн чуулгын ахлагч Жэффри Р.Холланд ийн тайлбарласан.

Энэхүү аяллын үеэр чи дааж давшгүй мэт санагдах зовлон, бэрхшээл, урам хугаралт, сэтгэл гонсойлт зэрэгтэй олонтоо нүүр тулах болно. Чи яг одоо ч ийм байдалд орчихсон байж болох юм.

Ийм үедээ Тэнгэрлэг Эцэг чинь чамд хайртайг санаарай. Тэр чамайг хайрласаар ирсэн, цаашид ч хайрлах болно. Өөрийн хязгааргүй төгс хайрыг харуулж, чамайг хүчирхэгжүүлж, урагш алхахад чинь туслахын тулд Тэр Өөрийн Хүү Есүс Христийг илгээсэн. Түүнчлэн Есүс чамд маш их хайртай учраас энд ирсэн юм. (“Есүс Христэд хүч чадлыг олох нь,,” Өсвөр үеийнхний бат бөх байдлын төлөө, 2024 оны 3-р сар, 4)

Хүүхдийн хэсгийн ерөнхий ерөнхийлөгчийн зөвлөлийн Трэйси Ю.Браунинг эгч ийн заасан.

Би 16 настайдаа, Нью Йоркод амьдарч байхдаа баптисм хүртсэн. Эхэндээ надад би шинээр олж авсан итгэл, үүний гэрээ болох Бурхантай харилцах харилцаа мөн найзуудтайгаа харилцах харилцааг зохицуулах гэж их цаг хугацааг зарцуулж буй мэт санагдсан.

Би сургууль дээрээ харьцах найзгүй болох вий хэмээн санаа зовдог байв. Гэвч найзууд минь Есүс Христийн нэрийг өөр дээрээ авахтай зөрчилдөх, мөн сүнсэнд минь аюул учруулах зүйлсийг хийхдээ дасал болсон байлаа. Есүс Христ намайг илүү зөв сонголт хийгээсэй хэмээн хүсэж байгааг би мэдэж байсан.

Гэвч намайг дотроо зөрчилдөж буйг Аврагч ойлгож байгаа гэдгийг би мэдээгүй. Сайн биш гэдгийг нь мэдэх тэдгээр зүйлийг хийгээч гэх нь өдөр ирэх тусам надад үнэхээр хэцүү санагдаж байлаа. Заримдаа тэдгээрийг аюулгүй шүү дээ гэж өөрийгөө зөвтгөдөг байсан ч ингэх нь буруу гэдгийг би мэдэж байсан.

Сайн мэдээний жишгээ бууруулснаар найзуудынхаа нэг хэсэг гэдгээ мэдрэх талаар бодож үзэх үед ямар их ганцаардаж, гэм буруутай мэт санагддагийг Аврагч ойлгож байгааг би мэдэх хэрэгтэй байсан. Надад живж буй мэт санагдаж байсан. Надад аврал хэрэгтэй байсан. Надад Есүс Христ хэрэгтэй байсан.

Есүс Христ яагаад надад хэрэгтэйг би өөрөө ойлгож авах үед миний Түүнтэй харилцах харилцаа гүнзгийрсэн. (“Есүс Христ яагаад надад хэрэгтэй вэ,” Өсвөр үеийнхний бат бөх байдлын төлөө,” 2024 оны 3-р сар, 11)

Нэмэлт суралцах үйл ажиллагаа

Христэд анхаарал төвлөрүүлсэн итгэл төрүүлэм түүхүүд

Христийн бусад шавь хэрхэн сэтгэлийн хүч, дэмжлэг авахын тулд Түүнд найдаж байсныг олж мэдэх нь суралцагчдад тустай байж магадгүй. “Receiving Deliverance from Our Struggles through Heavenly Father and Jesus Christ (Саад бэрхшээлээсээ чөлөөлөгдөх тусламжийг Тэнгэрлэг Эцэг, Есүс Христ хоёроор дамжуулан авах)” (Liahona, Oct. 2022, зөвхөн дижитал) дээр сэтгэл санааны янз бүрийн асуудлыг харуулсан хэд хэдэн түүх бий. Та өгүүлэл дээрх түүхүүдээс ангидаа хамааралтай байх нэгийг сонгож болно. Та хувийн бэрхшээлтэй нь төстэй түүхийг сонгоход суралцагчдыг урьж болно.

“Hear Him to Find Peace during Turbulent Times (Хэцүү ширүүн цагт амар амгаланг олохын тулд Түүнийг сонс)” (2:02) видео сэтгэл санааны хувьд ямар ч асуудал тулгарсан тэднийг хүчирхэгжүүлэх Аврагчийн хүчийг мэдрэхэд нь суралцагчдад тусална.

2:2

Сэтгэл хөдлөлийн туршлагыг таних

MentalHealth.ChurchofJesusChrist.org сайтаас авах боломжтой зарим эх сурвалжтай танилцах нь суралцагчдад тустай байж болох юм. Ямар сэтгэл хөдлөл мэдэрч байгаагаа илүү сайн тодорхойлоход нь суралцагчдад туслахын тулд “Асуудлуудтай нүүр тулах нь: Өөрийгөө хөгжүүлэх удирдамж” дасгалын хүснэгтийг ашиглаж болно. Энэ нь тэдэнд тулгарч буй сэтгэл санааны асуудлуудыг болон Аврагч тэднийг хэрхэн хүчирхэгжүүлж байгааг таньж мэдэхэд нь тусалж болох юм.