Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иошуа 1: Их Эзэн биднийг орхихгүй мөн хаяхгүй

“Иошуа 1: Их Эзэн биднийг орхихгүй мөн хаяхгүй,” Хуучин Гэрээний семинарын багшийн гарын авлага (2026)

“Иошуа 1: Их Эзэн биднийг орхихгүй мөн хаяхгүй,” Хуучин Гэрээний семинарын багшийн гарын авлага

Иошуа 1–8; 23–24: 61-р хичээл

Иошуа 1

Их Эзэн биднийг орхихгүй мөн хаяхгүй

Их Эзэний сонгосон бошиглогчийн хувьд Иошуа Израилыг амлагдсан нутаг тийш удирдахаар Мосегоор томилогдсон билээ. Энэ даалгавар үнэхээр хэцүү бэрх санагдаж байсан хэдий ч Аврагч Өөрийн бошиглогчийг орхихгүй мөн хаяхгүй хэмээсэн амлалтаар тууштай, зоригтой байхыг Иошуад зарлигласан (Иошуа 1:5–6-г үзнэ үү). Энэ хичээл суралцагчдад сорилт бэрхшээлүүдтэй тулгарах үед нь Их Эзэн тэдэнд тууштай, зоригтой байхад тусалж чадна гэсэн итгэлээ өсгөн нэмэгдүүлэхэд тусалж чадна.

Суралцагчийн бэлтгэл: Өсвөр үеийнхэнд тулгардаг зоригтой байхыг шаарддаг нөхцөл байдлуудын талаар бодоход суралцагчдыг урь. Суралцагчид гэр бүлийн хэн нэгнээсээ эсвэл найз нөхрөөсөө зориг шаардсан үйл явдлын талаар асууж болно.

Боломжит суралцах үйл ажиллагаа

Сорилт бэрхшээлүүд тулгарахад гаргах зориг

Зориг гэдэг үгийг самбарт бичиж хичээлийг эхлүүлэх талаар бодож үз. Суралцагчдыг дараах асуултад хариулж байх үед хариултаа самбарт бичихэд тэднийг урь.

Есүс Христ хэрхэн зоригтой байхын жишээ болсон бэ?
Өсвөр насны хүүхэд зориг шаарддаг ямар ямар нөхцөл байдалтай тулгардаг вэ?

Одоо тулгараад байгаа эсвэл ирээдүйд тулгарч болзошгүй зориг шаардах сорилт бэрхшээлүүдийн заримаас судлах тэмдэглэлдээ бич.

Өөрийгөө үнэлэх нь одоо байгаа нөхцөл байдалдаа дүгнэлт хийхэд суралцагчдад тусалж, хичээлийн туршид Ариун Сүнсэнд тэдний хэрэгцээг хангах боломжийг олгодог. Судлах тэмдэглэлдээ дараах асуултад хариулж бичихэд тэднийг урих нь ийн үйлдэх нэг арга зам юм.

Сорилт бэрхшээлтэй, хэцүү санагдах ямар нэгэн зүйл хийхийг надаас хүсэхэд би ихэнхдээ .
1 (доод)-ээс 5 (дээд) хүртэлх оноогоор дүгнэвэл сорилт бэрхшээлүүдийг зоригтойгоор даван туулахад минь Тэнгэрлэг Эцэг, Есүс Христ хоёр надад тусална гэдэгт би хэр итгэлтэй байна вэ? Яагаад?

Та өнөөдөр суралцаж байхдаа зоригтой байхад тань туслах мөн Их Эзэн тантай хамт байгаа гэсэн итгэлийг тань өсгөн нэмэгдүүлэх Ариун Сүнсний өдөөлтүүдэд анхаарлаа хандуул.

Иошуа Израилын хүүхдүүдийг удирдахаар томилогдсон

Хичээлийн эхэнд үзүүлсэн зурагтай адил Иошуаг томилж буй Мосегийн зургийг үзүүлэх талаар бодож үз (Дэд хууль 34:9-ийг үзнэ үү).

Мосе Израилын хүүхдүүдтэй Египетээс чөлөөлөгдсөнөөс нь хойш хамт байсан хэдий ч Их Эзэн тэднийг амлагдсан нутаг руу удирдуулахаар Иошуаг дууджээ.

Их Эзэний бошиглогч мөн Израилын цэргийн удирдагчийн хувьд Иошуад тулгарч болох байсан ямар ямар сорилт бэрхшээл байсан бэ?

Иошуа Израилын сүнслэг удирдлагыг хариуцах болно гэдгийг ойлгоход нь суралцагчдад тусал. Түүнчлэн Иошуа цэргийн жанжин байсан бөгөөд израилчуудыг алдас нь боловсорч гүйцсэн канаанчуудаас уг нутгийг булаан авахад удирдсан юм (1 Нифай 17:31–40-р шүлгийг үзнэ үү). Их Эзэн энэ нутгийг Абрахамд болон түүний зөв шударга удамд амласан билээ (Иошуа 1:1–4-ийг үзнэ үү).

Иошуа 1:5–9-ийг уншаад, сорилт бэрхшээлтэй тулгарах үед Түүнд анхаарлаа төвлөрүүлэхэд нь Иошуад тусалж болох байсан Их Эзэний ахин дахин давтан өгсөн амлалт, заавруудыг тэмдэглэ.

Та эдгээр шүлгээс ямар чухал зүйлийг сурч мэдэж байна вэ?
Сорилт бэрхшээлийг даван туулахад бусдад туслахын тулд та үнэнийг хэрхэн нэгтгэн дүгнэх вэ?

Суралцагчдыг өөрсдийн тодорхойлсон үнэнүүдийг хуваалцахдаа Их Эзэн бидэнтэй хамт байгааг мэдэх үед тууштай мөн зоригтой байж чаддаг гэдгээ олж мэдэхэд нь тусал. Энэ үнэнийг ойлгоход суралцагчдад туслах үүднээс та дараах асуултуудын заримыг эсвэл бүгдийг нь ашиглаж болно. Суралцагчид хамтрагчтайгаа эсвэл жижиг бүлгээрээ хамтран ажиллаж, ярилцсан зүйлээ ангийнхантайгаа хуваалцаж болно.

Самбарт болон тэмдэглэлдээ жагсаан бичсэн сорилт бэрхшээлтэй нөхцөл байдлуудын талаар эргэцүүлэн бод.

Эдгээр сорилт бэрхшээлийг даван туулахдаа тууштай, мөн зоригтой байх нь ямархуу харагдах вэ?
Хэн нэгэнд тууштай, мөн зоригтой байхад нь тусалж чадах Их Эзэний талаар та юу мэддэг вэ? Та үүнийг хэрхэн мэдэж байгаа вэ?

Сургаал ба Гэрээ 84:88-ыг уншаад, Их Эзэн бидэнтэй хамт байдаг арга замуудыг олж мэд.

Их Эзэний тусламжийг урих арга замууд

Суралцагчдад тууштай, мөн зоригтой байх шаардлагатай үедээ Их Эзэний тусламжийг эрэлхийлэх арга замуудыг таньж мэдэхэд дараах үйл ажиллагаанууд тусалж чадна. Эдгээр үйл ажиллагаанаас аль нэгийг сонгоход суралцагчдыг урь. Тодорхой хугацааны дараа суралцагчид сурч мэдсэн зүйлээ өөр үйл ажиллагаа сонгосон суралцагчидтай хуваалцаж болно.

Үйл ажиллагаа тус бүрээр судлахад зориулж та Нэмэлт эх сурвалжууд дахь мэдэгдлүүдийн аль нэгийг тэдэнд өгч болно.

Үйл ажиллагаа А: Бурханы хуулийг дуулгавартай дагах

Иошуа 1:7 мөн Иохан 15:10; 1 Нифай 3:7; Мозая 2:41; Сургаал ба Гэрээ 93:20 судруудаас нэг эсвэл хэд хэдийг унш.

Та Бурханы зарлигуудыг дуулгавартай дагах, тууштай, мөн зоригтой байх зэрэг нь хоорондоо ямар уялдаа холбоотой гэж харж байна вэ?
Биднийг дуулгавартай байсны төлөө Тэнгэрлэг Эцэг, Есүс Христ хоёр биднийг хэрхэн адисалдаг вэ?

Үйл ажиллагаа Б: Бурханы үгийг эргэцүүлэх

Иошуа 1:8 мөн 2 Тимот 3:15–17; 2 Нифай 31:20; 32:3 зэрэг судруудаас нэг эсвэл хэд хэдийг унш.

Судруудыг эргэцүүлэхэд тань юу тусалдаг вэ?
Бурханы үгсийг эргэцүүлэх нь Түүнд ойр байгаагаа мэдрэхэд танд хэрхэн тусалдаг вэ?

Two people sitting at a table. Text boxes representing communication.

Их Эзэн бидэнтэй хамт байгаа гэдгийг санах

Сорилт бэрхшээлүүдтэй тулгарах үедээ Их Эзэн тантай хамт байгааг та ямар ямар арга замаар мэдэрсэн бэ?

Суралцагчдад өнөөдөр сурч мэдсэн, ойлгож мэдэрсэн зүйлээ эргэцүүлэн бодох боломж гаргаж өг. Тэд хичээл зүтгэлийнхээ үрээр Их Эзэн өөрсөдтэй нь хамт байх болно гэсэн итгэлээ хэрхэн лавшруулсныг ойлгоход туслах Сүнсийг урьж болно.

Одоо тулгараад буй эсвэл цаашид тулгарч болзошгүй сорилт бэрхшээлүүдийн талаар эргэцүүлэн бодож судлах тэмдэглэлдээ бич.

Та сорилт бэрхшээлтэй тулгарах үедээ тууштай, мөн зоригтой байхад тань туслах Тэнгэрлэг Эцэг, Есүс Христ хоёрын талаар юу мэдэж мэдэрсэн бэ?
Та дараагийн удаа хүнд нөхцөл байдлыг даван туулах чадвартаа эргэлзэх үедээ Тэнгэрлэг Эцэг, Есүс Христ хоёрын талаар мэдэж авсан, мөн мэдэрсэн зүйлээсээ юуг санахыг хүсэж байна вэ?

Их Эзэн Иошуад амласан шигээ бидэнтэй үргэлж хамт байж, хэзээ ч биднийг орхихгүй мөн хаяхгүй гэсэн амлалтаа биелүүлнэ хэмээх гэрчлэлээ хуваалцах талаар бодож үз.

Нэмэлт эх сурвалжууд

Бид Мосегийн үхлийн талаар юу ойлгож авч болох вэ? (Дэд хууль 34:5–7; Иошуа 1:1–2)

Хуучин Гэрээний хэд хэдэн шүлэгт Мосегийн үхлийг дурдсан байдаг ч Мосе үхлийг амсаагүй (Алма 45:19-ийг үзнэ үү), харин хувирсан гэдгийг бид сэргээлтийн судраас мэддэг. Хувирсан хүмүүс мөнх бус амьдралынхаа туршид үхлийн шаналлыг үзэхгүй. Дараа нь тэд даруй үхэшгүй байдалд өөрчлөгдөх болно (3 Нифай 28:8-ыг үзнэ үү). Хувирсан хүмүүс бие махбодыг шаарддаг тусгай үүрэг даалгавруудыг гүйцэтгэдэг. Мосе Есүсийн амилалтын өмнө Хувиралтын уулан дээр үзэгдсэн (Марк 9:2–4). Хэрэв Мосе ердөө сүнс байсан бол уулан дээр мөнх бус Петр, Иаков, Иохан нарт санваарын түлхүүрүүдийг өгч чадахгүй байх байсан (Судруудын удирдамж дахь “Мосе”-г үзнэ үү).

Иошуа яагаад Христийн нэг төрөл вэ?

Израилчуудын зуурдын болон сүнслэг удирдагчийн хувьд Иошуа ч мөн Есүс Христийн нэг төрөл, сүүдэр нь юм. Есүс гэдэг нэр нь “Иошуа эсвэл Иешуа, ‘Бурхан бол тусламж’ эсвэл ‘Аврагч’ гэсэн утгатай грек нэр юм” (Bible Dictionary, “Jesus”). Иошуа/Иешуа/Есүс Израилыг амлагдсан нутаг тийш удирдах болно.

Дуулгавартай байдал нь Их Эзэнд итгэх бидний итгэлийг хэрхэн лавшруулах вэ?

Залуу эрэгтэйчүүдийн ерөнхий ерөнхийлөгчийн зөвлөлийн М.Жозэф Браф ах ийн тайлбарласан.

Манай гэр бүлийнхний хэрэглэдэг нэг үг номлолын маань чухал хэсэг болсон юм. Ерөнхийлөгч Рассэлл М.Нэлсон энэ ойлголтыг заагаад, хэсэг хугацаа өнгөрч байна. Тэр үүнийг дараах байдлаар хэлсэн: “Дуулгавартай байдал амжилтыг авчирдаг; яг таг дуулгавартай байдал гайхамшгийг авчирдаг.” (Р.Скотт Лойд, “Elder Nelson Delivers Spiritual Thanksgiving Feast to MTCs,” newsroom.ChurchofJesusChrist.org)

Яг таг дуулгавартай байна гэдэг нь юу гэсэн үг болохыг би бүрэн ойлгодоггүй ч ингэж ойлгодог. Энэ нь яг одоо бид бүх зүйлд төгс дуулгавартай байна гэсэн үг биш ч Их Эзэний олон зарлигийг дуулгавартай дагаснаар төгс байж чадна. Тиймээс наманчлал нь яг таг дуулгавартай байхын гол хэсэг юм. Яг таг дуулгавартай байдал нь Тэнгэрлэг Эцэгээс бидэнд өгдөг бүх сэрэмжлүүлэг, өдөөлт хийгээд зарлигийг дагах амлалтыг шаарддаг. (“Том шийдвэрүүдийн дундах намуухан зөөлөн дуу хоолой,” Лиахона, 2018 оны 12-р сар, 44)

Судраас судлах нь Их Эзэнд итгэх бидний итгэлийг хэрхэн нэмэгдүүлдэг вэ?

Ерөнхийлөгч Рассэлл М.Нэлсон ийн хэлсэн.

Би Мормоны Номын тухай бодох үедээ хүч гэдэг үгийн талаар боддог. Мормоны Номон дахь үнэнд бидний бодгалиудыг эдгээх, тайвшруулах, сэргээн босгох, туслах, хүчирхэгжүүлэх, сэтгэл засах, урам зориг өгөх хүч бий. …

Та нар өдөр бүр Мормоны Номыг залбирч судалбал өдөр бүр илүү сайн шийдвэр гаргадаг болно гэдгийг би амлаж байна. Та нарыг судалж байгаа зүйлийнхээ талаар тунгаан бодох үед тэнгэрийн цонх нээгдэн, та нар асуултуудынхаа хариултыг болон хувийнхаа амьдралд удирдамж хүлээн авах болно гэдгийг би амлая. Та нар өдөр бүр өөрсдийгөө Мормоны Номд эзэмдүүлбэл тухайн өдрийн хилэнцийн эсрэг дархлаатай болох боломжтой гэдгийг би амлаж байна. (“Мормоны Ном: Үүнгүйгээр таны амьдрал ямар байх байсан бэ?” Ерөнхий чуулган, 2017 оны 10-р сар, 55–59)

Нэмэлт суралцах үйл ажиллагаанууд

Христийн үгсийг “эргэцүүлэх” дадлага хий

Хэрэв суралцагчдад судрын талаар тунгаан бодох, эргэцүүлэх дадлага хийх боломж олдвол Арван хоёр төлөөлөгчийн чуулгын ахлагч Д.Тодд Кристоффэрсоны дараах мэдэгдлийг хуваалцаж болно.

11:21

Намайг “судлах” гэдэг үгийг хэлэх үед энэ нь уншихаас илүү зүйлийг хэлж байна гэсэн үг. Судруудын ерөнхий захиасыг ойлгохын тулд тодорхой хугацаанд үүнээс унших нь сайн хэрэг. Гэхдээ та тухайн цагт хэр их зүйл уншихаа бодохоос илүү судруудад ямар цаг хугацаа зарцуулж байгаагаа бодох хэрэгтэй. Би та нарыг заримдаа цөөхөн шүлэг уншаад, түр зогсон, тунгаан бодож, тэдгээр шүлгээ дахин уншиж, утгыг нь тунгаан бодох үедээ ойлгохын төлөө залбирч, оюун бодолдоо асуулт тавин, сүнслэг нөлөө авахаар хүлээж, хүлээн авсан нөлөөлөл, илчлэлтээ бичиж тэмдэглэж байгаагаар төсөөлдөг. Хэрэв ингэж чадвал та нар тэдгээрийг санаж, илүү сайн суралцаж чадна. Ийм аргаар суралцахдаа та хагас цагт маш олон бүлэг эсвэл шүлэг уншихгүй байж магадгүй. Гэхдээ Бурханы үгсийг суулгах зайг зүрх сэтгэлдээ гаргаж өгснөөр Тэрээр тантай ярих болно. (“When Thou Art Converted,” Liahona, 2004 оны 5-р сар, 11)

Эргэцүүлэх дадлага хийх судрын хэсгийг сонгоход суралцагчдыг урь. Анхаарал сарниулах зүйлсийг аль болох багасгаж, өрөөг бэлтгэ.

Суралцагчид ахлагч Кристоффэрсоны эшлэлд үндэслэн хийх зүйлсийнхээ жагсаалтыг гаргаж болно. Хэрэв тэдэнд нэмэлт тусламж хэрэгтэй бол та дараах зүйлсээс заримыг нь зааж өг.

Сонгосон хэсгийг уншиж дуусгаад зогсохгүй уг хэсгээс суралцах хүсэлтэй хэсгийг нь дахин унш.
Уншиж байгаа зүйлээ, үгсийн утга, тэдгээр нь танд ямар хамаатай талаар эргэцүүлэн бод. Энэ тухай дахин дахин гүн бод.
Судрууд, үг хэллэгүүд болон энэ шүлгийн захиас танд хэр тустай талаар оюун ухаандаа эрэлхийлэн тунгаан бодох замаар оюун бодлоо идэвхжүүлэхийг хичээ.
Дадлага хийх үед тань төрөх бодол, мэдрэмжүүдээ бичиж ав.

Тодорхой хугацаа өнгөрсний дараа үйл ажиллагаанд оролцох хүсэлтэй суралцагчдад чин сэтгэлээсээ талархал илэрхийл. Их Эзэний үгийг эргэцүүлэх хичээл зүтгэлийг маань Тэрээр хэзээ, хэрхэн адислах нь Түүнээс хамаарна гэдгийг та тэдэнд сануулж болно. Сайн мэдээг тогтмол судлахдаа энэ чадварыг үргэлжлүүлэн дадлагажуулах боломжийг эрэлхийлэхэд тэднийг урь.

Зоригтой байж, Их Эзэнд итгэлтэй байх жишээнүүд

Хэрэв зоригтой, итгэлтэй байдлыг маань нэмэгдүүлж буй Их Эзэний жишээ суралцагчдад тустай гэж үзвэл та “Ганцаар зогсох зоригтой бай” (4:20) видеог үзүүлж болно. Энэ видеонд ерөнхийлөгч Монсон ганцаараа зогсож байгаагаа мэдэрсэн үедээ Их Эзэнд итгэх итгэлээ олсон түүхийг дүрслэн харуулсан болно.

4:20

“Таны агуу адал явдал: Амьдралын саад бэрхшээлийг даван туулах нь” видеоны 5:48-аас 8:19 хүртэлх цагийн кодтой хэсгийг Их Эзэн залуу эрэгтэйн амьдралын сорилт бэрхшээлүүдийг даван туулах зориг, итгэлийг хэрхэн нэмэгдүүлснийг харуулах зорилгоор ашиглаж болно.

9:44