Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иошуа 2–4: Есүс Христэд итгэх итгэлээ хөгжүүлэх нь

“Иошуа 2–4: Есүс Христэд итгэх итгэлээ хөгжүүлэх нь,” Хуучин Гэрээний семинарын багшийн гарын авлага (2026)

“Иошуа 2–4: Есүс Христэд итгэх итгэлээ хөгжүүлэх нь,” Хуучин Гэрээний семинарын багшийн гарын авлага

Иошуа 1–8; 23–24: 62-р хичээл

Иошуа 2–4

Есүс Христэд итгэх итгэлээ хөгжүүлэх нь

Израилчуудыг аглаг буйдаар аялсны дараа Их Эзэн тэднийг амлагдсан нутаг тийш удирдахыг Иошуад зарлиглав. Амлагдсан нутагт орохын тулд тэд Есүс Христэд итгэх итгэлээ хөгжүүлэх шаардлагатай байлаа. Израилын хүүхдүүд ба Рахаб гэдэг эмэгтэй Есүс Христэд итгэх итгэлээ харуулжээ. Энэ хичээл нь суралцагчдад Есүс Христэд итгэх итгэлээ хэрхэн хөгжүүлэхийг ойлгоход тусална.

Суралцагчийн бэлтгэл: Есүс Христэд итгэх итгэлтэй байх гэдэг нь ямар утга санаа илэрхийлдгийг ойлгоход туслах нэг судрыг хайж олоход суралцагчдыг урь. Олж мэдсэн зүйлээ ангидаа хуваалцахад бэлдэж ирэхэд тэднийг урь. Шаардлагатай бол суралцагчид Судруудын удирдамж хэсгээс “Итгэл” гэснийг харж болно.

Боломжит суралцах үйл ажиллагаа

Есүс Христэд итгэх итгэл

Нэг суралцагчийг сагсан бөмбөг, дуу дуулах гэх зэрэг хобби эсвэл сонирхдог зүйлсээ төлөөлсөн үг бодоход урих замаар хичээлээ эхлүүлэх талаар бодож үз. Хэлэх гэсэн үгээ үйл хөдлөлөөрөө дүрсэлж илэрхийлэхийг суралцагчдаас хүс. Ангийн гишүүд энэ үгийг таах болно.

Дараа нь самбарт итгэл гэж бичээд, Есүс Христэд итгэх итгэлийг дүрсэлж харуулахад суралцагчдыг урь. Тэд хичээлийн бэлтгэлийнхээ үеэр олж мэдсэн зүйлээ хуваалцаж болно. Тэнгэрлэг Эцэг биднийг аварч, мөн адислахын тулд Есүс Христэд итгэх итгэлээ хөгжүүлэхийг биднээс хүсдэг гэдгийг та онцолж болно (2 Нифай 26:13; Ифер 12:12, 18; Moронай 7:33-р шүлгийг үзнэ үү).

Ариун Сүнсний нэг үүрэг бол биднийг үнэн рүү удирдах явдал гэдгийг суралцагчдад сануул (Иохан 16:13-р шүлгийг үзнэ үү). Есүс Христэд итгэх итгэлийг сайтар ойлгоход туслах Ариун Сүнсийг урихад суралцагчдыг урамшуулан дэмж.

Есүс Христэд итгэх итгэлээ нэмэгдүүлэх нь одоо байгаа нөхцөл байдалд тань хэрхэн туслах вэ?

Арван хоёр төлөөлөгчийн чуулгын ахлагч Дэвид А.Бэднар Есүс Христэд итгэх итгэлийн талаар юу заасныг унш эсвэл “Итгэлээр суралцахыг эрэлхийл” видеог 3:15-аас 4:33 хүртэл цагийн кодоор үз. Уг видео ChurchofJesusChrist.org дээр бий.

33:36

Элч Паул итгэл бол “найддаг зүйлсийн маань бодит байдал, харагдахгүй зүйлсийн баталгаа мөн” хэмээн заасан (Еврей 11:1). Алма итгэл бол юмсын тухай төгс мэдлэгтэй гэсэн үг биш юм; харин бид итгэлтэй аваас бид “үнэн бөгөөд үл харагдах зүйлүүдэд найддаг” хэмээн тунхаглажээ (Алма 32:21). Үүнээс гадна бид Lectures on Faith номоос итгэл бол … “ухаалаг бие болгоны үйлдлийн зарчим” гэдгийг мэдэж авдаг.

Эдгээр сургаал нь (1) итгэл бол үнэн гэж найддаг зүйлсийн нотолгоо, (2) итгэл бол харагдахгүй зүйлсийн баталгаа, мөн (3) итгэл бол ухаалаг бие болгоны үйлдлийн зарчим гэсэн итгэлийн үндсэн гурван бүрэлдэхүүнийг онцолдог. Би Аврагчид итгэх итгэлийн эдгээр гурван бүрэлдэхүүнийг нэгэн зэрэг ирээдүйтэй нүүр тулж, өнгөрсөн рүү харж, одоо цагт үйлдэлд хөтөлдөг гэж тайлбарламаар байна. (“Seek Learning by Faith,” Ensign, 2007 оны 9-р сар, 61–62)

“Есүс Христэд итгэх итгэлээ хөгжүүлэх нь” гэсэн зураг нь ахлагч Бэднарын Есүс Христэд итгэх итгэлийн тодорхойлолтыг ойлгоход нь суралцагчдад тусална. Зургийг самбарт зур эсвэл хичээлийн туршид суралцагчдад лавлагаа болж харагдахаар байрлуул.

Бурхан өнгөрсөн хугацаанд танд Өөрт нь итгэхэд туслах юу хийсэн бэ?
Бурханы амласан адислалуудад найдах нь Түүнд итгэх итгэлээ хөгжүүлэхэд тань хэрхэн туслах вэ?
Есүс Христэд итгэх итгэлийн талаар заасан ахлагч Бэднарын сургаалыг та хэрхэн нэгтгэн дүгнэх вэ?

Бид ирээдүйтэй нүүр тулж, өнгөрсөн рүү харж, одоо цагт үйлдэхдээ Есүс Христэд итгэх итгэлээ үйлдэл болгодог гэсэн үнэнийг олж тогтооход нь суралцагчдад тусал.

Итгэлийн жишээ

Хэрэв суралцагчид Иерихогийн иргэдийн устгалын талаар асуувал та 63-р хичээл: “Иошуа 23–24”-ийн Нэмэлт эх сурвалжууд хэсэг дэх “Яагаад канаанчуудыг устгасан бэ?” гэсэн асуултыг асууж болно.

Хангалттай хугацааны дараа Есүс Христэд итгэх итгэлийн талаар юу сурч мэдсэнээ ангийнхантайгаа хуваалцахад суралцагчдыг урь. Суралцагчид ийн хуваалцах үедээ улаан утас, гутал эсвэл чулууг барьж болно. Дараах асуултууд тус болж болох юм.

Та Есүс Христэд итгэх итгэлээ хөгжүүлэх талаар юу сурч мэдсэн бэ? Таны сурч мэдсэн зүйл өнөөгийн өсвөр үеийнхэнд ямар тустай вэ?

Ирээдүйтэй нүүр тулж, одоо цагт үйлдэж, өнгөрсөн рүү харах замаар Есүс Христэд итгэх итгэлээ хэрхэн хөгжүүлснээ эсвэл ийн үйлдсэн танил нэгнийхээ талаар хуваалцахад суралцагчдыг урих талаар бодож үз. Та Есүс Христэд итгэх итгэлээ хөгжүүлсэн талаар өөрийн туршлагаас мөн хуваалцаж болно.

Нэмэлт эх сурвалжууд

Би Есүс Христэд итгэх итгэлээ хэрхэн хөгжүүлж чадах вэ?

Арван хоёр төлөөлөгчийн чуулгын ахлагч Дэвид А.Бэднар ийн заасан.

33:36

Бидний найддаг зүйлсийн бодит байдал болох итгэл нь ирээдүйг хардаг. …

Христэд итгэх итгэл нь гэтэлгэлд мөн өргөмжлөлийнхөө төлөө Христэд найдахтай салшгүй холбоотой. Баталгаа ба найдвар нь гэрэл бидэнтэй хамт цааш хөдөлнө гэдэгт найдан, гэрлийн зах хүртэл яваад, харанхуйд хэдэн алхам хийх боломжийг бидэнд олгодог. Баталгаа, найдвар хоёр хамтдаа одоо цагт үйлдэлд хөтөлдөг.

Харагдахгүй зүйлсийн баталгаа болох итгэл нь өнгөрсөн рүү харж, бидний Бурханд өгсөн найдварыг болон бидний хараагүй зүйлсэд найдах найдварыг баталгаажуулдаг. Бид баталгаа мөн найдвар тээн харанхуйд хэд алхаад, гэрэл үнэхээр хөдөлж, бидэнд шаардлагатай байгаа гэрэлтүүлгийг өгөхөд бид нотолгоо болон баталгааг хүлээн авдаг. Бидний итгэлийнхээ сорилтын дараа хүлээн авдаг гэрч (Ифер 12:6 шүлгийг үзнэ үү) нь бидний баталгааг томруулж, хүчирхэгжүүлж байдаг нотолгоо юм.

Баталгаа, үйлдэл, нотолгоо нь үргэлжилж буй үйл явцад нэг нэгэндээ нөлөөлдөг. Энэ мушгиа нь пүрштэй адил бөгөөд дээшээ эрчлэгдэх тусам тэлж, өргөсдөг. Итгэлийн эдгээр гурван хүчин зүйл болох баталгаа, үйлдэл, нотолгоо нь тусдаа, салангид бус, харин хоорондоо харилцан шүтэлцээтэй, тасралтгүй, дээшээ чиглэн эргэдэг. Мөн энэхүү байнгын үйл явцыг өдөөгч итгэл нь хөгжиж, хувьсаж, өөрчлөгдөж байдаг. Бид дахин эргэлдэж, тодорхой бус ирээдүй рүү тэмүүлэх үед баталгаа нь үйлдэл хийхэд хүргэж, баталгааг улам нэмэгдүүлдэг нотолгоог бий болгодог. Бидний итгэлтэй байдал шат шатаар, дүрэм дүрмээр, энд бяцхан мөн тэнд бяцханаар улам бүр баттай болдог. (“Seek Learning by Faith,” Ensign, 2007 оны 9-р сар, 62−63)

Би өнгөрсөн ба ирээдүйг харах замаар итгэлээ хэрхэн хөгжүүлэх вэ?

Арван хоёр төлөөлөгчийн чуулгын ахлагч Жэффри Р.Холланд ийн тайлбарласан.

Өнгөрсөн үеэс суралцаж болно. Харин түүгээр амьдрах ёсгүй. Бид үеэ өнгөрөөсөн зүйлсээр нь амьдрах гэж биш, харин сайн сайхан зүйлсээс нь суралцах гэж өнгөрсөн үеийг эргэж хардаг. Бид сурах хэрэгтэй юмаа сурч, үр дүнг нь биеэрээ үзсэн үед урагш харан, итгэл ямагт ирээдүй өөд чиглэдгийг санадаг билээ. Итгэл нь бидний амьдралд хүссэн үр дүнг авчрах адислалууд, үнэн болон үйл явдлуудтай үргэлж холбоотой байдаг. (“Амтат үр жимс нь ирээдүйд ирнэ,” Лиахона, 2010 оны 1-р сар, 24)

Есүс Христэд итгэх итгэлээ нэмэгдүүлэхийн тулд би юу хийж чадах вэ?

Ерөнхийлөгч Рассэлл М.Нэлсон ийн хуваалцсан.

Хэрэв танд илүү их итгэл байсан бол та яах байсан бэ? Бодоод үз дээ. Энэ талаар бич. Тэгээд илүү их итгэл шаардсан зүйлийг хийснээр илүү их итгэлтэй бол. …

Есүс Христэд итгэх итгэл бол бидний энэ амьдралд авч болох хамгийн агуу хүч юм. Итгэдэг тэдэнд бүх юм боломжтой.

Өсөн нэмэгдэж буй Түүнд итгэх итгэл тань уулсыг нүүлгэх болно. Дэлхийг чимдэг хад чулуун уулс биш, харин амьдралын тань зовлонгийн уулсыг нүүлгэх болно. Таны цэцэглэн хөгжих итгэл сорилтуудыг тань хэзээ ч харж байгаагүй өсөлт болон боломж болгох болно. (“Христ амилсан бөгөөд Түүнд итгэх итгэлээр уулсыг нүүлгэж чадна,” Ерөнхий чуулган 2021 оны 4-р сар, 104−107)

Тэргүүн зөвлөлийн ерөнхийлөгч Хэнри Б.Айринг ийн мэдэгдсэн.

Ах, эгч нар аа, Их Эзэний зарлигуудад дуулгавартай байхад итгэл шаардагддаг. Түүний өмнөөс бусдад үйлчлэхэд Есүс Христэд итгэх итгэл шаардагддаг. Сүнсний дуу хоолойг мэдрэхгүй байх магадлалтай юм уу бүр хэлэх зүйлсийн тань үнэнийг үгүйсгэх хүмүүст Түүний сайн мэдээг очиж заахын тулд итгэл шаардагддаг. Харин бид Христэд итгэх итгэлээ хөгжүүлж, амьд бошиглогчдыг нь дагавал итгэл дэлхий даяар нэмэгдэнэ. (“Асуух, үйлдэх итгэл,” Лиахона, 2021 оны 11-р сар, 74−76)

Нэмэлт суралцах үйл ажиллагаанууд

Иoшуа 3:5 “Өөрсдийгөө ариусгацгаа”

Өөрсдийгөө ариусгах нь Есүс Христэд итгэх итгэлээ хөгжүүлэхэд, мөн гайхамшгийг мэдрэхэд хэрхэн тусалдаг талаар судлах нь суралцагчдад тань тустай байж болно. Иошуа 3:5-ыг унш. Дараа нь та “Өөрсдийгөө ариусгацгаа” (4:37) видеог үзүүлж болно. Их Эзэн гайхамшгийг үйлдэхдээ залуу, зохистой Мелкизедек санваартныг хэрхэн ашигласныг олж мэдэхэд суралцагчдыг урь. Дараа нь өөрсдийгөө ариусгах гэдэг нь ямар утгатайг мөн ийн үйлдэх нь Их Эзэний гайхамшгуудыг мэдрэхэд маань биднийг хэрхэн чадваржуулдаг талаар ярилц. Шаардлагатай гэж үзвэл ариусгах гэдэг нь ариун эсвэл сүнслэг байдлын хувьд цэвэр ариун болгох гэсэн утгатай гэдгийг ойлгоход нь суралцагчдад тусал.

4:38

Иошуа 3:6 “Тэд гэрээний авдрыг дамнан өргөөд, ард олны түрүүнд явав”

Есүс Христэд итгэх итгэлээ хөгжүүлэхийн зэрэгцээ урагш тэмүүлэхэд нь дараах шүлгүүд суралцагчдад тусална. Иошуа 3:6–16-г уншаад, тахилчид гэрээний авдрын тусламжтайгаар юу хийснийг олж мэдэхэд суралцагчдыг урь.

Гэрээний авдар нь Есүс Христийг бэлгэддэг гэдгийг суралцагчдад сануул. Дараа нь Есүс Христийн талаар юу мэдэж авснаа эргэцүүлэн бодож, шүлгүүдийг дахин харахад суралцагчдыг урь. Есүс Христ бидний өмнө яваа гэдэгт итгэлтэй байх үедээ бид урагш тэмүүлж, гайхамшгийг хүлээх арга замуудын талаар ярилц. Иошуа 3-р бүлэг дэх эдгээр шүлгийг Исаиа 52:12 мөн Сургаал ба Гэрээ 84:88-р шүлэгтэй харьцуулан солбицсон эшлэл хийх талаар бодож үз.

Иошуа 4 Итгэлийн талаарх дурсамжууд

Итгэлтэй холбоотой өөрсдийн дурсамж эсвэл жишээг олж мэдэхэд нь суралцагчдад туслах талаар бодож үз. Иошуа 4-р бүлгийг судалсны дараа та гэр бүлээс нь эсвэл өөрсдийн улс орон дахь Хожмын үеийн гэгээнтнүүдийн үлдээсэн итгэлийн өвийн талаар бодоход суралцагчдыг урьж болно. Суралцагчид эцэг эх, эмээ өвөөтэйгөө (бүр хичээл дээр тэдэнтэйгээ холбоо барьж болно) эсвэл Гэр бүлийн модны аппликэйшн ашиглан гэр бүлийн дурсамжаа олж харж болно. Суралцагчид мөн сүнслэг туршлага олж авсан газрынхаа талаар эргэцүүлэн бодож болно.

Суралцагчид танай улс дахь чин үнэнч Хожмын үеийн гэгээнтнүүдийн түүхтэй танилцахыг хүсвэл ChurchofJesusChrist.org дээрх Global Histories үзэж болно.

Суралцагчдыг олж мэдсэн зүйлээ хуваалцахад урь.

Ифер 12:6 Итгэлийн сорилтын дараа гэрч ирдэг

Судалж байгаа зүйлээ Мормоны Номтой холбоход суралцагчдад туслах үүднээс Ифер 12:6-г уншихад урь. Гэрч яагаад ихэвчлэн итгэлийн сорилтын дараа ирдэг талаар ярилц. Рахабын амьдралд (Иошуа 2; Иошуа 6:25-ыг үзнэ үү) мөн Иордан голыг гаталж буй израилчуудад (Иошуа 3-ыг үзнэ үү) энэ үнэн хэрхэн тохиолдсоныг хуваалцахад суралцагчдыг урь. Итгэлийн сорилтын дараа гэрч хүлээн авсан туршлагаасаа хуваалцахыг суралцагчдаас хүс.