Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иошуа 23–24: “Өнөөдөр өөрөө сонгог”

“Иошуа 23–24: ‘Өнөөдөр өөрөө сонгог,’” Хуучин Гэрээний семинарын багшийн гарын авлага (2026)

“Иошуа 23–24: ‘Өнөөдөр өөрөө сонгог,’” Хуучин Гэрээний семинарын багшийн гарын авлага

Иошуа 1–8; 23–24: 63-р хичээл

Иошуа 23–24

“Өнөөдөр өөрөө сонгог”

Youth sitting and listening to teacher at church meeting in Thailand

Амьдралынхаа эцэст Иошуа Их Эзэн гэж хэн болох, тэдний төлөө юу хийснийг израилчуудад сануулжээ. Иошуа тэднийг хуурамч бурхдын оронд Их Эзэнд үйлчлэхээр сонгохыг урьсан. Энэ хичээл нь аливаа бусад нөлөөлөлд авталгүйгээр Их Эзэнд үйлчлэхээр сонгоход суралцагчдад тусална.

Суралцагчийн бэлтгэл: Суралцагчдаас ангидаа жижиг чулуу авчрахыг хүс. Уг чулууг хичээлийн явцад гаргах төлөвлөгөөг тэдэнд эргэн сануулахад ашиглана.

Боломжит суралцах үйл ажиллагаа

Анхаарал сарниулах зүйлсийн нөлөө

Их Эзэнд үйлчлэх сонголтод хандуулсан өсвөр үеийнхний анхаарлыг сарниулах гол таван зүйлийг жагсаан бичихэд суралцагчдыг урих талаар бодож үз. Суралцагчид бие даан эсвэл бүлгээрээ ажиллах боломжтой. Бичсэн жагсаалтаа хуваалцахыг суралцагчдаас хүс.

Эдгээр анхаарал сарниулах зүйлийн тухайд Их Эзэнд үйлчлэхээс юу илүү сонирхолтой эсвэл илүү чухал санагдаж болох вэ?

Хэрэв бид болгоомжтой хандахгүй бол эдгээр анхаарал сарниулах зүйл нь Их Эзэнээс өөр бурхдыг шүтэн биширч, үйлчлэх орчин үеийн хувилбар болж болзошгүй гэдгийг та тайлбарлаж өгч болно.
Их Эзэнээс илүүтэй эдгээр нөлөөг сонгосоор байвал ямар урт хугацааны үр дүнд хүрэх вэ?

Дараах асуултыг тунгаан бодоход эсвэл судлах тэмдэглэлдээ хариултаа бичихэд суралцагчдыг урьж болно.
Та өдөр тутамдаа Их Эзэнд үйлчлэхийг эсвэл ямар нэгэн зүйлд юм уу хэн нэгэнд үйлчлэхийг хэрхэн сонгох вэ?
Хэрэв та эдгээр сонголтыг хийсээр байвал ямар урт хугацааны үр дүнд хүрэх вэ?

Их Эзэнд үйлчлэхийн тулд ямар ямар сонголт хийж болохыг танин мэдэхээр Сүнснээс тусламж эрэлхийлэхэд суралцагчдыг урь.

Бидний Бурхан Эзэн

Нэг суралцагч дараах догол мөрийг уншаад Иошуа 5–24-р бүлгийг нэгтгэн дүгнэж болно.

Израилчуудыг Иордан голоор хуурай газраар гатлуулан удирдсаны дараа (Иошуа 3–4-р бүлгийг үзнэ үү) канаанчуудтай хийсэн олон тулалдаанд нь Их Эзэн израилчуудыг адисалсан билээ. Израилчууд Бурханы өөрсдөд нь амласан нутгийг эзэмшилдээ авчээ (Иошуа 5–12-р бүлгийг үзнэ үү). Уг нутаг арван хоёр овгийн дунд хуваагдсан байв (Иошуа 13–22-р бүлгийг үзнэ үү). Иошуа амьдралынхаа эцсийн мөчүүдэд израилчуудад хандан эцсийн нэгэн захиасыг өгчээ ( Иошуа 23–24-р бүлгийг үзнэ үү).

Дараах үйл ажиллагаагаар та ангийн суралцагчдын хагасыг Иошуа 23:3–11, нөгөө хагасыг Иошуа 24:3–11-ийг уншихад урьж болно. Суралцагчид судраасаа олж мэдсэн зүйлээ тэмдэглэж болно.

Иошуа 23:3–11; 24:3–11-ийг уншаад, Их Эзэн Израилын төлөө юу хийсэн мөн юу хийх байсныг олж мэд.

Суралцагчдыг хуваалцахад урь. Та суралцагчдыг самбарт гарч ирэн хуваалцаж байх үед тэдний хариултыг самбарт бичиж эсвэл тэднээс олж мэдсэн зүйлээ самбарт бичихийг хүсэх зэргээр үүнийг хийж болно.

Дараа нь Их Эзэн тэдний амьдралд ямар нөлөө үзүүлж буйг хэрхэн ойлгосон талаараа тунгаан бодоход суралцагчдад туслах үүднээс дараах асуултыг тавь. Та Сүмийн түүх, ерөнхий чуулганаас, мөн өөрсдийн эсвэл тойргийн эсвэл гэр бүлийнхээ хэн нэгний амьдралаас эш татсан жишээнүүдийн талаар бодоход тэднийг урьж болно.

Их Эзэн одоо цагт биднийг адисалсан ямар ямар жишээ байдаг вэ?

Иошуа 24:15 бол төгс эзэмших сургаалын хэсэг юм. Төгс эзэмших сургаалын судрын хэсгийг амархан хайж олохын тулд зурж тэмдэглэхэд суралцагчдыг урьж болно.

Иошуа 24:14–15-ыг ойлгоход нь суралцагчдад туслах үүднээс та тэднийг Иошуагийн заасан зүйлийг өөрсдийн үгээр дахин бичихэд урьж болно. Дараа нь тэд эдгээр шүлгийг хамтрагчтайгаа эсвэл жижиг бүлгээр дахин бичиж болно.

Иошуа 24:14–15-ыг унш. Иошуагийн заасан зүйлийг өнөө цагт яг ижил зүйл зааж байгаа мэт дахин бич.

Иошуагийн зөвлөгөөг хэрхэн дахин бичих талаар хуваалцахад суралцагчдыг урь. Суралцагчид “Эргэн тойрондоо байгаа энэ бүх нөлөөг дагахаа больж, Их Эзэнийг дагахаар сонгогтун! Чи хүсэж байгаа зүйлээ сонгож болно, харин би Их Эзэнд үйлчилнэ” гэх зэргээр хуваалцаж болно.

Үнэний тухай тодорхой үгийг тодорхойлоход туслах үүднээс та суралцагчдад дараахтай төстэй асуултыг тавьж болно.

15-р шүлэгт цэдэглэгдсэн Иошуагийн сургаалыг та нар хэрхэн нэгтгэн дүгнэх вэ?

Суралцагчид 15-р шүлгийг нэгтгэн дүгнэхдээ Бид Их Эзэнд үйлчлэхээр сонгох эрхээ ашиглана гэх зэрэг үгсийг ашиглаж болно.

Дараах асуултыг тавихдаа хүснэгтэд жагсаасан хариултуудыг суралцагчдадаа харуулах талаар бодож үз.
Бид өнөөдөр ямар ямар арга замаар Их Эзэнд үйлчилж чадах вэ?
Их Эзэний талаар мэддэг зүйл тань Түүнд үйлчлэх сонголтод тань хэрхэн тусалж чадах вэ?

Их Эзэнд үйлчлэхээр сонгох

Израилчуудын юу хийхээр сонгосныг Иошуа 24:24–25-аас олж мэд.

Сурч мэдсэн зүйлээ өөрсдийн сонголттой холбоход туслах үүднээс дараах асуултад хариулж бичихийг суралцагчдаас хүсэх талаар бодож үз.

Судлах тэмдэглэлдээ дараах багц асуултын аль нэгд нь хариулж бич.

Хүнд хэцүү үед Их Эзэнд үйлчлэхэд тань тусалж чадах Түүний тухай юуг санахыг та хүсэж байна вэ? Ийм үед Их Эзэнийг санах нь танд хэрхэн туслах вэ?
Их Эзэнд үйлчлэх сонголт хийхийн тулд та юуг хийж эхлэх вэ эсвэл хийхээ болих вэ? Ингэснээр та ямар ямар адислалыг хүртэх вэ?

Та суралцагчдаас бичсэн зүйлээ өөрийн хүсэлтээр хуваалцахад урьж болно. Хэт хувийн шинжтэй зүйлээ хуваалцахгүй байхыг тэдэнд сануул. Түүнчлэн та Их Эзэний тухай гэрчлэлээ хуваалцаж, яагаад Түүнийг хайрладгаа, мөн өөр зүйлсийн оронд яагаад Түүнд үйлчлэх сонголт хийснээ тайлбарлаж өгч болно.

Израилчуудад Их Эзэнд үйлчлэх сонголтыг нь сануулахын тулд Иошуа юу хийснийг олж мэдэхээр Иошуа 24:26–27-г унш.

Суралцагчид хичээл дээр чулуу авчирсан бол одоо гаргаж болно. Эсвэл чулууны зураг зурж болно. Иошуа чулууг хаана тавьсан (царс модны доор) мөн яагаад тэнд тавьсан талаар ярилц (Их Эзэнд үйлчлэхээр хийсэн гэрээг нь Израилын хүүхдүүдэд сануулахын тулд). Их Эзэнд үйлчлэх төлөвлөгөөгөө санаж байхын тулд чулуугаа хаана тавихыг нь суралцагчдаас асуу. Байнга харагдаж байхаар нүдэнд ил газарт чулуугаа байрлуулахад тэднийг урь. Их Эзэнийг эсвэл “Би Их Эзэнд үйлчилнэ” гэхчлэн Их Эзэнд үйлчлэх төлөвлөгөөг нь тэдэнд сануулж байх ямар нэг зүйлийг чулуун дээрээ бичиж болно.

Та дараах үгсийг суралцагчидтай хуваалцаж болно. Их Эзэнд үйлчлэх сонголтын урт хугацааны үр дүнг гэрчил.

Арван хоёр төлөөлөгчийн чуулгын ахлагч Дэйл Г.Рэнланд Их Эзэнд үйлчлэх сонголтын урт хугацааны үр дүнгийн талаар ийн заасан.

Бид хэнд үйлчлэх вэ гэдгээ сонгох хэрэгтэй. Бидний мөнхийн аз жаргалын цар хүрээ амьд Бурханыг сонгохоос мөн Түүний ажилд Түүнтэй нэгдэхээс шалтгаалдаг. …

Эцэгийн төлөвлөгөөг дагахаар сонгох нь Түүний хаант улсын өв залгамжлагч болоход хүргэх цорын ганц зам юм. (“Өнөөдөр өөрсдөдөө сонго,” Ерөнхий чуулган, 2018 оны 10-р сар, 106–109)

Цээжил

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. “Хэнд нь үйлчлэх вэ гэдгээ өнөөдөр өөрөө сонгог” гэдэг нь Иошуа 24:15-р шүлгийн хувьд судрын түлхүүр үг хэллэг юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалжууд

Канаанчуудыг яагаад устгасан бэ?

Дэд хууль 7:1–2-р шүлэгт Их Эзэн израилчуудад хит, гиргаш, амори, канаан, периз, хиви, иебусчуудыг “бүрмөсөн устгахыг” зарлигласан байдаг (амлагдсан нутаг болох Канаанд амьдардаг байсан тул тэд бүгдийг канаанчууд гэж нэрлэдэг). Судруудад энэ зарлигийн цөөн хэдэн шалтгааныг дурддаг. Дэд хууль 9:4–5-р шүлэгт канаанчуудын гэм буруугаас болж Их Эзэн тэднийг нүднээс далд оруулсан хэмээн цэдэглэгдсэн (мөн Дэд хууль 20:16–18-р шүлгийг үзнэ үү). Нифай ах нартаа энэ хүмүүс “Бурханы үг бүрийг эсэргүүцэж, мөн тэдний алдас боловсорч гүйцээд байв; мөн Бурханы хилэн тэдний дээр үлэмж ихээр ирэв” (1 Нифай 17:35) хэмээн заасныг бид Мормоны Номоос уншдаг.

Канаанчуудын бузар муу үйлс нь ихэд халдвартай, хор хөнөөлтэй тул тэднийг тэр нутагт үлдэхийг зөвшөөрөх нь израильчуудыг сүнслэг байдлаар устахад хүргэхээр байв. Израилын түүх үүнийг үнэн гэдгийг нотолдог билээ. Канаанчуудыг “бүрмөсөн устгах” Их Эзэний зарлигийг дагаагүйн улмаас (Шүүгчид 1:21–36-г үзнэ үү) израилчууд цагийн аясад тэдний хуурамч сүсэг бишрэл, хилэнцэт зан үйлд автаж, эцэст нь сүнслэг сүйрэл, бие махбодын устгалд хүрсэн юм. (Хуучин Гэрээний суралцагчийн гарын авлага: Эхлэл–2 Самуел, 3 дахь хэв. [2003], 219-ийг үзнэ үү.)

Хэрэв би Их Эзэнийг сонгоогүй бол Түүнийг одоо сонгоход оройтсон уу?

Арван хоёр төлөөлөгчийн чуулгын ахлагч Дэйл Г.Рэнланд ийнхүү заасан.

Бид замаас гарчихсан байна гэдгээ олж мэдсэнийхээ дараа замаас холхон үлдэж болох юм эсвэл Есүс Христийн Цагаатгалын ачаар алхаагаа өөрчилж, зам дээрээ буцаж гарахыг сонгож болно. …

Бид замаасаа гарч хэр их удсан эсвэл хэр хол төөрсөн гэдгээс үл хамааран, өөрсдийгөө өөрчлөх шийдвэр гаргах тэр мөчөөс Бурхан бидэнд буцаж ирэхэд маань тусалдаг. Бурханы байр суурин дээрээс харахад, чин сэтгэлээсээ наманчилж, Христэд тууштайгаар урагшилж, зам дээрээ буцаж гарах нь хэзээ ч төөрөн гарч байгаагүй юм шиг байдаг. (“Өнөөдөр өөрсдөдөө сонго,” Ерөнхий чуулган, 2018 оны 10-р сар, 106–109)

Нэмэлт суралцах үйл ажиллагаанууд

Видео сонголт

Их Эзэнд үйлчлэхээр сонгосон орчин үеийн жишээг та “Бодгалийн чин сэтгэлийн хүсэл” (3:28) видеогоор үзүүлж болно. Та хичээлээ энэ видеогоор эхлүүлж, бидний өдөр тутамд хийдэг сонголтуудын талаар ярилцаж болно. Эсвэл та өсвөр үеийнхэн Их Эзэнд ямар арга замаар үйлчилж болохыг суралцагчдаас асуухдаа энэ видеог үзүүлж болно.

3:29

Есүс Христ бол хад

Та Иошуа 24:24–27-г ярилцахдаа Дуулал 18:2 мөн Хиламан 5:12-р шүлгүүдийг солбицсон эшлэл хийхэд эсвэл холбоход суралцагчдыг урьж болно. Яагаад хад нь Есүс Христийн хувьд сайн бэлгэдэл байж болох талаар эсвэл Тэр хэрхэн тэдний хувьд хад байсан талаар хуваалцахыг тэднээс хүс.

Иошуа 6 Дуулгавартай байснаас ирдэг адислалууд

Их Эзэнийг дуулгавартай дагаснаар ирэх адислалуудын талаар олж мэдэхийн тулд суралцагчид Иерихогийн тулалдааны түүхийг судалж болно. Тухайлбал: Мэс засалч багаж хэрэгслээ зохих ёсоор цэвэрлээгүй, тариачин талбайгаа зөв хагалаагүй гэхчлэн хэн нэгэн дүрэм журмыг дагаж мөрдөөгүйн улмаас юу тохиолдохыг эргэцүүлэн бодохыг суралцагчдаас хүсэх талаар бодож үз. Хүлээн авсан заавруудыг ягштал мөрдөхийн чухлыг эргэцүүлэн бодоход суралцагчдыг урь.

Дараа нь та Иошуа 6:1–5, 10-ыг уншихад суралцагчдыг урьж болно. Иерихогийн иргэдтэй тулалдахдаа Их Эзэний Израилд өгсөн заавруудыг тэмдэглэж авахыг тэднээс хүс. Тойр гэдэг үг нь “гороолох” гэсэн утгатайг анхаар. Хэрвээ эдгээр зааврыг хүлээн авч буй израилчуудын оронд байсан бол юу гэж бодох байсныг нь суралцагчдаас асуу.

Израилчууд юу гэж хариулсныг олж мэдэхийн тулд Иошуа 6:12–16, 20-ийг уншихад суралцагчдыг урь. Энэ тулаантай холбоотой гүн сэтгэгдэл төрүүлсэн зүйл болон энэ түүхээс олж мэдсэн үнэнүүдийг хуваалцахад суралцагчдыг урь. Суралцагчид бид Их Эзэнийг ягштал итгэл дүүрэн дуулгавартай дагаснаар Тэр биднийг адислах болно гэсэнтэй адил үнэнийг олж тодорхойлж болно. Дуулгавартай байдлынх нь төлөө Их Эзэн өөрсдийг нь болон бусдыг хэрхэн адисалдгийг ойлгож авсан талаар хуваалцахад суралцагчдыг урьж болно.

Иошуа 7 Дуулгаваргүй байснаас ирдэг үр дагаврууд

Их Эзэнд дуулгаваргүй байх нь ямар сөрөг үр дагавартайг ярилцахын тулд та суралцагчдад Аханын түүхийг судлахад тусалж болно. Иерихо хотыг ялсныхаа дараа өөрсдөдөө юу ч бүү хадгал хэмээн Их Эзэн израилчуудад зарлигласан гэдгийг тайлбарлаж өг (Иошуа 6:18–19-ийг үзнэ үү). Харамсалтай нь Ахан гэгч израил эр хотоос өөртөө өмсгөл, алт, мөнгө авчээ (Иошуа 7:1, 21-ийг үзнэ үү).

Аханын дуулгаваргүй байдал Израилын хүмүүст хэрхэн нөлөөлснийг олж мэдэхийн тулд Иошуа 7:1–7, 10–13-ыг уншихад суралцагчдыг урь. Тэгээд дараахтай адил үнэнийг олж тогтооход нь суралцагчдад тусал: Бид Их Эзэний зарлигуудыг дуулгавартай дагахгүй байх аваас өөрсдөдөө мөн бусдад сөрөг үр дагавруудыг авчирдаг. Дуулгаваргүй байдлын өчүүхэн үйлдлүүд нь цагийн аясад бидэнд мөн бидний эргэн тойронд байгаа хүмүүст хэрхэн нөлөөлдгийг эргэцүүлэн бодохыг суралцагчдаас хүс.