Эхлэл 25–27

Дараах мэдэгдлүүдийг залбирч тунгаан бод. Мэдэгдэл бүр танд хэр зэрэг хамааралтай болохыг тэмдэглэлдээ “гарцаагүй,” “ихэнхдээ,” “бага зэрэг,” “огтхон ч үгүй” гэсэн хариултуудыг ашиглан тэмдэглэ.

• Би мөнхийн адислалуудын төлөө дэлхийн хүслийг золиослоход бэлэн байна.

• Их Эзэн Өөрийн мөнхийн адислалуудыг одоо хүсэж байгаа зүйлээсээ илүү эрхэмлэн үзэхийг надаас яагаад хүсдэгийг би ойлгож байна.

• Тэнгэрлэг Эцэг, Есүс Христ хоёрыг дэлхийн зүйлсээс илүү чухалчлан үзэх үед ирдэг адислалуудыг би мэддэг.

Өнөөдөр судалж байхдаа та мөнхийн адислалуудын үнэ цэнийг олж харахад тань туслах Ариун Сүнсийг урь. Мөнхийн адислалуудыг хэрхэн дэлхийн хүслээс илүү нэн тэргүүнд тавих талаар удирдамж эрэлхийл.

Хуучин Гэрээний цаг үед хамгийн том хүү нь ихэвчлэн ууган хүүгийн эрхийг хүлээн авдаг байв. Ууган хүүгийн эрхийн өв залгамжлалд газар нутаг, эд хөрөнгийн хоёр дахин их хувийг багтаадаг байсан. Мөн үүнд эцгээ нас барсны дараа ээждээ болон гэр бүлийн бусад гишүүнд анхаарал халамж тавих илүү их үүрэг хариуцлага багтдаг байсан. Энэхүү материаллаг өв залгамжлалаас гадна эцэг нь хамгийн том хүүдээ санваарын эрх мэдэл олгохын тулд ууган хүүгийн эрхийн адислалыг өгдөг байв. Энэхүү адислал нь тухайн гэр бүл дэх хүүгийн байр суурийг багш, удирдагч болгон тогтоодог байсан.

Ребека, Исаак хоёр олон жилийн турш зөвт үр удмаар адислагдахын төлөө залбирчээ. Эцэст нь тэд Есав, Иаков хэмээх ихэр хөвгүүнтэй болж адислагдсан. Есав эхэлж төрсөн тул тэрээр ууган хүүгийн эрхтэй хүү болох байсан. Гэсэн хэдий ч Их Эзэн Иаковыг ууган хүүгийн эрхтэй хүү гэдгийг Ребекад илчилсэн юм (Эхлэл 25:22–23).

Эхлэл 25:27–34-ийг уншаад, Есав ууган хүүгийн эрхийн адислалаа эрхэмлэн үзээгүй гэдгээ ямар байдлаар харуулсныг олж мэд. (“Шөл буцалгах” гэдэг нь шөл гаргах эсвэл чанах гэсэн үг юм.)

• Та нар юу олж мэдсэн бэ?

Эхлэл 26:34–35-ыг уншаад, Есавын шийдвэр, түүний гэрлэлтийн сонголтын талаарх эцэг эхийнх нь сэтгэгдлийг олж мэд. (Хитүүд нь хуурамч бурхдыг шүтдэг канаанчууд байв.)

• Есавын шийдвэрт Ребека, Исаак хоёр яагаад энэлэн шаналсан бэ?

Иаков, Есав хоёрын түүхийг ойлгоход нь суралцагчдад туслахын тулд дараах догол мөрийг уншиж эсвэл нэгтгэн дүгнэж болно.

2:5

Нас өндөр болсон Исаак Есавын муу сонголтуудыг үл харгалзан, Есавыг дуудаж, түүнд ууган хүүгийн эрхийн адислалыг өгсөн. Есавыг ирэхээс өмнө Ребека Иаковыг ахынх нь дүрд хувиргажээ. Исаак Иаковыг Есав гэж бодоод, Иаковыг ууган хүүгийн эрхийн адислалаар адислав (Эхлэл 27:1–29-ийг үзнэ үү). “Есавын оронд Иаковыг адисалснаа Исаак мэдсэнийхээ дараа Бурханы таалал гүйцэлдлээ гээд Иаковыг ‘гарцаагүй ерөөгдөнө’ (Эхлэл 27:33) хэмээн батлан хэлсэн” (Ирээд, Намайг дага—Хувь хүн, гэр бүлүүдэд зориулав: Хуучин Гэрээ 2022, 39).

Эхлэл 27:34, 38-ыг уншаад, Исаак Иаковт ууган хүүгийн эрхийн адислал өгснийг мэдээд Есавын ямар хариу үйлдэл үзүүлснийг олж мэд.

• Танд юу нь онцгой санагдсан бэ?

• Үнэний мэдэгдэл болох энэ түүхээс бид юу сурч болох талаар та хэрхэн нэгтгэн дүгнэх вэ?

  Суралцагчдын үгийг ашиглан дараахтай төстэй үнэнийг олж тогтоо. Бурханы мөнхийн адислалаас илүүтэй ойр зуурын эсвэл дэлхийн хүслийг сонгох нь уй гашуу, харамсалд хүргэж болно.

  Дараах асуултад маш олон хариулт байж болно. Хариултаа хуваалцахад цөөн суралцагчийг урамшуулах нь өөр өөр санаа бодол, үзэл санаагаа чөлөөтэй хуваалцахад нь суралцагчдад тусална.

• Мөнхийн үнэ цэнтэй зүйлсийг нэн тэргүүнд тавих нь яагаад заримдаа бэрх байдаг вэ?

Арван хоёр төлөөлөгчийн чуулгын ахлагч Дэвид А.Бэднар ийн тайлбарласан.

Өдөр тутмын завгүй амьдрал дунд, өнөөгийн амьдарч буй дэлхийн үймээн самуунд бид таашаал, хөгжил дэвшил, алдар цол, нэр хүндийг чухалчилснаар мөнхийн ач холбогдолтой чухал зүйлүүдээс анхаарлаа сарниулж магадгүй. “Хорвоогийн юмст” болон “хүмүүсийн хүндлэлд” түр ч болов автах нь тогоотой шөлнөөс дутахааргүй биднийг сүнслэг ууган хүүгийн эрхээ алдахад хүргэж болзошгүй. …

Бид бүгд материаллаг болоод сүнслэг нэн тэргүүний зүйлсээ сэтгэлээсээ, залбиралтайгаар дүгнэж цэгнэснээр Тэнгэрлэг Эцэг, Есүс Христ хоёрын бидэнд өгөхийг хүсдэг элбэг дэлбэг адислалуудад саад болж буй зүйлсээ олж тогтоох хэрэгтэй. (“Сион оо, хүч чадлаар хувцаслагтун,” Лиахона, 2022 оны 11-р сар, 94)

1. Таны үе тэнгийн хэн нэгэн хүнийг “тогоотой шөлнөөс дутахааргүй сүнслэг ууган хүүгийн эрхээ алдахад” хүрч уруу татагдаж болзошгүй талаар жишээ зохио.

2. Эцэгийнхээ хүслийг нэн даруй шийдвэрлэх шаардлагатай эсвэл дэлхийн хүслээс эрхэмд үздэг байсан Аврагчийн жишээг бодож үз. (Жишээ нь: Матай 4:2–10-ыг эсвэл Лук 22:41–42-ыг үзнэ үү.)

3. Нэн даруй шийдвэрлэх шаардлагатай эсвэл дэлхийн хүслээс илүү Бурханы хүслийг чухалчлан үздэг хүний талаарх орчин үеийн жишээг бодож үз.

Санал бодлоо хуваалцахыг суралцагчдаас хүс. Суралцагчдыг санаа бодлоо хуваалцах үед та өнөөдрийн семинарт оролцох нь Бурханыг эхэнд тавихын нэгэн сайн жишээ гэдгийг онцолж болно. Нэгэн залуу далайн давлагаан дээр гулсахын оронд семинарт оролцохыг сонгожээ. Энэ сонголтынхоо ачаар түүний хүлээн авсан адислалуудыг олж мэдэхэд суралцагчдыг урамшуулан дэмж.

5:39

• Бурханы зүйлийг дэлхийн зүйлсээс дээгүүр тавьж сонгосныхоо төлөө бид одоо болон ирээдүйд ямар адислал хүлээн авч чадах вэ?

• Аврагч хэрхэн мөнхийн адислалуудыг нэн даруй шийдвэрлэх шаардлагатай хүслээс дээгүүр тавьсан бэ?

Нэн тэргүүнд тавьдаг зүйлсээ чухал биш рүү нь эрэмбэлж жагсаалт гарга.

Жагсаалтыг эргэн хараад, Ариун Сүнс танд ямар өөрчлөлт гаргахаар нөлөөлж буйг анзаар.

Энэ жагсаалтын доор энэ үйл ажиллагааг гүйцэтгэсний дараа төрсөн аливаа санаа бодлоо тэмдэглэ. Та дэлхийн зүйлсээс дээгүүр Бурханы зүйлийг тавьж чухалчлан үзэх дараагийн алхмыг тодорхой тодорхойлж чадах уу? Хэрэв тийм бол үүнийгээ байнга харж байх газарт бич.